VLEN sot ka akuzuar BDI-në se po tenton ta paraqesin mandatin e Osmanit si Kryesues i OSBE-së si një triumf diplomatik, ndërsa, sipas tyre, situata është krejt ndryshe.

“Gjatë presidencës së tij në OSBE, Bujar Osmani shpesh mbajti qëndrim që u përputhej me interesat e Beogradit, duke qenë të dëmshme për Kosovën, partnerin tonë më të afërt dhe më të rëndësishëm në rajon. Në vend që të mbronte parimet e drejtësisë dhe vetëvendosjes, ai ndoqi linjën e diplomacisë serbe, duke shmangur të mbajë një qëndrim të qartë kundër politikave agresive të Serbisë ndaj Kosovës.

Mbi identitetin e “de-eskalimit”, Osmani sugjeroi zgjidhje që minuan sovranitetin e Kosovës: mohuan vullnetin demokratik të qytetarëve dhe mundësuan krijimin e strukturave paralele që janë në kundërshtim me rendin kushtetues të vendit.
Pikat më shqetësuese nga veprimi i Bujar Osmanit ndaj Kosovës janë: Kërkoi dorëheqjen e kryetarëve të komunave të zgjedhur në mënyrë legjitime, duke cenuar procesin demokratik vetëm sepse rezultatet nuk i leverdisnin Serbisë.

Kushtëzoi që Kosova të tërhiqej nga forcat e saj të sigurisë në territorin e vet, ndërsa për Serbinë kërkonte vetëm “ulje simbolike të gatishmërisë luftarake”, duke cënuar parimin e barazisë dhe veprimit sovran.
Përplasja e rolit të OSBE-së si ndërmjetës për proceset zgjedhore, sikur Kosova nuk ishte një shtet i pavarur e funksional me institucione dhe mekanizma zgjedhorë të vetë.

Deri sa Kosova kërkonte mbështetje për pranimin në organizata ndërkombëtare dhe për parandalimin e veprimeve destabilizuese të Serbisë në veri të vendit, OSBE-ja nën drejtimin e Osmanit shpesh heshti ose dërgoi mesazhe tepër të zbutura, interpretuar nga Beogradi si dritë jeshile për të vazhduar provokimet”, thonë nga VLEN.

Advertisement

Nga VLEN shtojnë se kjo është një shembull i nënshtrimit diplomatik, ku interesi personal dhe partiak i BDI-së erdhi përpara Kosovës, shqiptarëve dhe stabilitetit rajonal.

Kryeministri Hristijan Mickoski sot deklaroi se përfaqësues nga Ministria e Drejtësisë do të zhvillojnë një takim me ekspertë juridikë, të cilët pretendojnë se pjesëmarrja e kandidatëve të pavarur në zgjedhje nuk mund të rregullohet me udhëzim të Komisionit Shtetëror Zgjedhor (KSHZ).

Pas takimit, siç paralajmëroi kryeministri, do të ndërmerren hapa përkatës, të cilët do të jenë në përputhje me ligjet.

“Ministria e Drejtësisë do të ketë një takim me një pjesë të këtyre ekspertëve, po presim të shohim mendimin e tyre dhe pastaj të ndërmarrim një hap të tillë, përndryshe do të veprohet sigurisht sipas ligjit. Nuk do të veprohet jashtë ligjit”, tha Mickoski gjatë vizitës në Klinikën Universitare të Urologjisë.

Dje, Mickoski deklaroi se shfuqizimi i udhëzimit të KSHZ-së nga viti 2024 për procedurën e mbledhjes së nënshkrimeve nuk e cenon procesin zgjedhor për zgjedhjet lokale. Ai theksoi se KSHZ ka detyrim ligjor të sjellë një udhëzim të ri, dhe se si do të jetë ai, varet nga vetë Komisioni.

Kryetari aktual i komunës së Bogovinës, Besnik Emshiu, përmes një statusi në facebook, ka konfirmuar kandidaturën e tij për mandatin e dytë për kryetar të komunës së Bogovinës.

Postimi i plotë i kandidatit për kryetar komune të Bogovinës nga Besëlidhja AKI, Besnik Emshiu:

Të dashur bashkëqytetar, të nderuara struktura të Degës së BDI-së në Bogovinë, të respektuar anëtarë të Kryesisë Qendrore të Bashkimit Demokratik për Integrim,

I nderuar kryetar z. Ali Ahmeti,
I nderuar sekretar i përgjithshëm z. Faton Ahmeti,
Të nderuar bashkëpunëtorë, aktivistë dhe miq të dashur,

Sot, me një ndjenjë të thellë mirënjohjeje dhe përulësie, ju drejtohem të gjithëve nga zemra për të shprehur falënderimin tim më të sinqertë për përkrahjen dhe besimin që më dhatë duke më propozuar dhe mbështetur si kandidat për mandatin e dytë për kryetar të komunës së Bogovinës.

Advertisement

Ky vendim, për mua nuk është thjesht një mbështetje politike apo formale për punën që kemi bërë deri më sot, por është një obligim moral dhe kombëtar, një përgjegjësi e madhe ndaj qytetarëve tanë dhe ndaj misionit të përbashkët për të zhvilluar komunën e Bogovinës dhe për ta bërë atë shembull të suksesit.

Një falënderim të veçantë e kam për liderin tonë vizionar, kryetarin Ali Ahmeti, i cili me urtësinë, përvojën dhe largpamësinë e tij ka qenë dhe mbetet udhërrëfyes jo vetëm për mua personalisht, por për gjithë ne që kemi vendosur të shërbejmë me përkushtim ndaj komunitetit dhe kombit.

Në këto katër vite të para të mandatit tim, kemi punuar shumë – kemi përballuar sfida jo të vogla, por mbi të gjitha kemi ndërtuar themelin e një komune më moderne, më të zhvilluar dhe më të denjë për qytetarët e saj. Ne kemi dëshmuar se kur ka vullnet, transparencë dhe bashkëpunim, mund të arrihen rezultate konkrete dhe të prekshme.

Por ende ka shumë punë për të bërë. Dhe është pikërisht kjo mbështetje që më jepni sot që më motivon të vazhdojmë edhe më fuqishëm në rrugën e përparimit dhe zhvillimit. Mandati i dytë nuk do të jetë vetëm vazhdim i punës sonë – do të jetë një fazë e re me objektiva më të mëdha, me projekte më ambicioze dhe me angazhim edhe më të madh për çdo lagje, çdo fshat dhe çdo familje në komunën tonë.

Sot, më shumë se kurrë, kemi nevojë për unitet, urtësi dhe vizion të qartë. Dhe me përkrahjen tuaj, me ndihmën e strukturave tona dhe me besimin e qytetarëve të komunës së Bogovinës, jam i bindur se do ta bëjmë ndryshimin edhe më të madh – për një komunë ku të rinjtë shohin të ardhme, ku fermerët kanë përkrahje, ku shkollat dhe rrugët janë moderne, dhe ku çdo qytetar ndihet i përfaqësuar dhe i respektuar.

Advertisement

Ju falënderoj të gjithëve edhe një herë për mbështetjen, për besimin dhe për përkushtimin që tregoni.

Së bashku do të vazhdojmë – jo vetëm për një mandat të dytë, por për një komun më të mirë për të gjithë!

Me respekt dhe përkushtim të plotë,
Besnik Emshiu
Kandidat për kryetar të Komunës së Bogovinës