Lajme nga vendi
Mickoski: Seriozisht përgatitemi për zgjedhjet lokale, opozita do të duhet të ristrukturohet
Kryeministri Hristijan Mickoski dhe lider i VMRO-DPMNE-së sot deklaroi se seriozisht po përgatiten për zgjedhjet e ardhshme lokale me qëllim që të arrijnë, siç tha, rezultate historike që të vazhdojë agjenda reformuese që ka filluar.
“Si parti politike dhe si koalicion, po i qasemi kësaj fushate shumë qartë dhe fuqishëm në këtë fushatë sepse duam të arrijmë rezultater historike, të vazhdojë periudha e reformave, e gjithë asaj që sot po ndërtohet në Maqedoni dhe prandaj them se edhe krahas asaj që shifrat thonë se Konjakovski është fitues që në rrethin e parë dhe se fitorja e VMRO-DPMNE-së dhe koalicionit do të jetë e bindshme, ne deri në momentin e fundit do të bëjmë përpjekje të sigurojmë më shumë vota, të bindim më shumë qytetarë të dalin në këto zgjedhje sepse vetëm në atë mënyrë mund ta konfirmojmë agjendën reformuese të Qeverisë”, tha Mickoski gjatë vizitës në KME Manastir.
Sipas tij, zgjedhjet e ardhshme lokale janë humbur nga opozita dhe ajo duhet të ristrukturohet dhe të bëhet një opozitë konstruktive.
“Zgjedhjet lokale janë të humbura për ta dhe do të ketë një proces ristrukturimi, një katarsis të brendshëm që unë ua rekomandoj atyre në mënyrë që të heqin qafe disa, do të thoja, kohë të vjetra dhe të jenë në gjendje të jenë një opozitë konstruktive dhe të punojnë së bashku për interesat e qytetarëve”, tha Mickoski në një deklaratë për mediat të dhënë sot gjatë një vizite në KME Manastir.
Ai njoftoi se më 3 shtator Komiteti ekzekutiv i partisë do të mbajë seancë në të cilën do të shpallen kandidaturat e kandidatëve tjerë për zgjedhjet lokale që do të mbahen në tetor.
Presidentja Gordana Siljanovska Davkova dekretoi Kodin Penal. Thotë se ka vërejtje, por sipas saj është më i mirë se Kodi paraprak Penal. Siljanovska thotë se ndryshimet i pranon vetëm si tranzicion, pra deri në miratimin e Kodit tërësisht të ri në qershor.
“Unë e kam nënshkruar ligjin ja do të them përse. Kam menduar, por kam edhe unë vërejtje për disa zgjidhje por më së voni pres që ky tranzicion të tejkalohet në qershor, siç më kanë shpjeguar, sepse unë kërkova sqarime të detajuara. Do ta toleroj këtë vetëm në prag të pritjes së Kodit të ri Penal, për të cilin punohet gjatë kohë dhe sipas meje do të jetë kyç edhe për reformat në gjyqësor”, tha Gordana Siljanovska Davkova, Presidente.
Siljanovska tha se e mbështet plotësisht edhe ligjin për kundërvajtje në trafik, respektivisht sistemin “Safe City”. Ajo thotë se iniciativat që e vënë në pikëpyetje kushtetutshmërinë e sistemit janë të pabaza.
“Unë jam juriste dhe teza se sistemi ka të bëjë vetëm me disa qytete është tezë laike nuk është tezë e bazuar juridikisht sepse në Kumanovë, Shkup dhe Tetovë nuk drejtojnë automjetet vetëm banorët e atyre qyteteve por ka shoferë nga i gjithë shteti. Unë nuk shoh këtu diskriminim. Diskriminimi është i mundshëm vetëm nëse bëhet fjalë për dallime në baza gjinore, mbi baza të çfarëdolloj përkatësie”, u shpreh Gordana Siljanovska Davkova, Presidente.
“Safe City” do të hyjë në fuqi të plotë më 1 shkurt, kur dhe do të nis zbatimi i gjobave ndaj shkeljeve të detektuara nga sistemi i kamerave. Gazetare: Ajnur Bafqari
Bashkimi Evropian ka publikuar një strategji të re për viza e cila për herë të parë parashikon zgjidhje sistematike për shoferët profesionistë jashtë Zonës Shengen, nëpërmjet vendosjes se regjimit të posacëm të vizave dhe për qëndrimet e vazhdueshme por të shkurta në Zonën Shengen.
Në dokumentin strategjik të KE-së, theksohet se regjimi i tanishëm i qëndrimit, i cili lejon 90 ditë në afat prej 180 ditëve, shkakton probleme serioze për sektorët që varen nga lëvizshmëria përtej kufitare, Mes tyre, posacërisht është theksuar sektori i transportit që është i një rëndësie shumë të madhe për vendet e BE-së.
Komisioni vëren se rregullat aktuale kërkojnë marrjen e një vize afatgjate ose leje qëndrimi për çdo qëndrim më të gjatë se 90 ditë, por se një sistem i tillë nuk është i përshtatshëm për profesione që kërkojnë lëvizje të shpeshta dhe afatshkurtra ndërmjet vendeve anëtare, pa synim për vendosje të përhershme në Bashkimin Evropian.
Në këtë kontekst, për herë të parë përmenden në mënyrë eksplicite shoferët e kamionëve nga vendet e treta si kategori profesionale për të cilën mund të vendosen rregulla të reja për qëndrime të zgjatura afatshkurtra, së bashku me artistët në turne, sportistët dhe profesionistët e angazhuar në projekte ndërkufitare.
Komisioni Evropian vlerëson se zgjidhjet e reja për viza mund të kontribuojnë në fleksibilitet më të madh të tregut të punës, stabilitet të zinxhirëve të furnizimit dhe funksionim më të mirë të tregut të brendshëm të BE-së, duke ruajtur njëkohësisht kontrollin mbi flukset migratore.
Hapat e mëtejshëm dhe modelet konkrete të vizave të reja do të jenë objekt i negociatave me vendet anëtare në periudhën e ardhshme.
“Safe City”/ Presidentja dekretoi Kodin Penal
Lajm i mirë për transportuesit, BE do të vendosë viza speciale për shoferët
SABALENKA DHE RYBAKINA NË FINALE TË AUSTRALIAN OPEN 2026
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
