Lajme nga vendi
Me 20 milionë euro do të rindërtohet Salla Universale në Shkup! Do të ketë 1,200 ulëse, për përdorim do të lëshohet në vitin 2028
Salla e re Universale do ta ruajë formën ekzistuese me qëllim respektimin e kujtesës kolektive, do të ketë një kapacitet prej 1.200 ulëse, ndërsa do të pajiset me akustikë të re hapësinore dhe sisteme bashkëkohore tekniko-teknologjike, theksoi ministri i Kulturës dhe Turizmit, Zoran Lutkov, pas prezantimit të sotëm të zgjidhjes pamore të këtij objekti kult për shkupjanët.
“Sot, publikut të Maqedonisë së Veriut iu prezantua zgjidhja vizuale për Sallën e re Universale – një strukturë moderne dhe funksionale që do të rikthejë rëndësinë e këtij lokacioni kult dhe do t’i japë energji të re skenës kulturore në Shkup. Projekti, i cili u mor përsipër nga Qyteti i Shkupit, është ruajtur në pjesën e zgjidhjes konceptuale arkitekturore. Ndryshimet u bënë në pjesën e elementeve konstruktive, në përputhje me udhëzimet nga studimet shtesë të kërkuara nga Ministria e Kulturës dhe Turizmit, ndërsa ishin të domosdoshme pas djegies së objektit”, tha ministri Lutkov.
Me këtë rast, ai informoi se është përpunuar një akustikë e re hapësinore, e cila përfshin sisteme tekniko-teknologjike – HVAC, teknikë dhe mekanikë skenike, ndriçim LED, si dhe instalime audio-video dhe elektrike.
Ai theksoi se pret që në fillim të tetorit të përfundojnë edhe procedurat për përzgjedhjen e realizuesit dhe mbikëqyrësit, me ç’rast, siç u shpreh, do të krijohen kushtet për fillimin e ndërtimit të Sallës Universale sipas sistemit “çelës në dorë”. Është planifikuar që ndërtimi pritet të përfundojë deri në fund të vitit 2027.
“Me ç’rast, në vitin 2028 do të jemi të gatshëm të fillojmë me realizimin e programit për projektin “Shkupi – Kryeqyteti Evropian i Kulturës 2028”. Investimi sipas llogaritjes do të kushtojë 20 milionë euro. Kjo nuk është vetëm një ndërtesë – kjo është një investim në kulturën, identitetin dhe të ardhmen e Shkupit. Salla Universale do të bëhet një simbol modern i shkëmbimit kulturor, kreativitetit dhe bashkësisë, e qasshme për të gjithë qytetarët”, theksoi Lutkov pas brifingut të sotëm me gazetarët.
Për rindërtimin dhe adaptimin e objektit që është simbol i qytetit dhe i dedikuar për ngjarje të ndryshme, foli projektuesi Bujar Muça. Ndër të tjera, ai sqaroi se është ruajtur koncepti i sallës së spektatorëve – dispozita e blloqeve, hyrjeve dhe daljeve.
“Është zvogëluar numri i radhëve për të rritur komoditetin e publikut dhe për të përmbushur parametrat e sigurisë në rast evakuimi dhe mbrojtje nga zjarri. Janë paraparë rreth 1.200 ulëse, në vend të 1.500 sa kishte më parë salla”, shtoi ai.
Me këtë rast, ai njoftoi edhe një lajm të mirë për regjisorët, duke theksuar se në Sallën Universale do të mbahen premiera, ndërsa me akustikën e përmirësuar, objekti nuk do t’i pengojë banorët përreth.
Në pyetjen e gazetarëve, ministri Lutkov deklaroi se pas përfundimit të projektit, Salla Universale do të kthehet nën kompetenca të Qytetit të Shkupit.
Nisma e Degës së Bashkimit Demokratik për Integrim në Çair për krijimin e një “SPAK-u” lokal kundër korrupsionit ka nxitur reagime nga Koalicioni VLEN.
Nga VLEN-i thonë se iniciativa duhet të shoqërohet me veprime konkrete dhe jo të mbetet vetëm deklarative, duke e cilësuar si përpjekje propagandistike.
Sipas tyre, nëse synohet vërtet transparencë dhe përgjegjësi, hetimet duhet të nisin nga vetë drejtuesit e BDI-së, për të dëshmuar se bëhet fjalë për proces serioz dhe të paanshëm ndaj të gjithë zyrtarëve, pa përjashtim.
“BDI në Çair shpall me bujë formimin e një “SPAK-u” lokal, sikur të kishte zbuluar “Amerikën”. Por, pyetja që lind menjëherë është: a do ta kapë ky SPAK edhe kryesinë e vet? Apo është vetëm një teatër i radhës për të mashtruar qytetarët? VLEN-i e përshëndet këtë “SPAK” të BDI-së dhe i sugjeron që, nëse vërtet është për veprim dhe jo për spektakël, të fillojë hetimet pikërisht nga këta emra. Punën e parë që duhet ta bëjë është të vendosë komunikim me SPAK-un e Shqipërisë dhe të kërkojë ekstradimin e Artan Grubit.”, – thanë nga Koalicioni VLEN.
Ditë më parë, Dega e Bashkimit Demokratik për Integrim në Çair themeloi një “SPAK” lokal si mekanizëm kundër korrupsionit. Sipas njoftimit, kjo strukturë do të monitorojë ndërtimet pa leje dhe punën e organeve komunale për shkelje urbanistike.
BDI u bëri thirrje qytetarëve të denoncojnë çdo keqpërdorim të pushtetit. (Armend Murseli, TVM2)
Lajme nga vendi
Dega e BDI-së në Çair ka themeluar një strukturë kundër korrupsionit me emrin “SPAK”
Duke huazuar emrin e Prokurorisë së Posaçme të Shqipërisë që ndjek krimin dhe korrupsionin e nivelit të lartë, dega e BDI-së në Çair ka themeluar një Sekretariat, akronimi i të cilit është i njëjtë me atë të Prokurorisë – SPAK.
“SPAK do të funksionojë si mekanizëm profesional monitorimi, i përbërë nga ekspertë vullnetarë – juristë, ekonomistë, urbanistë dhe profesionistë të fushave përkatëse – të cilët do të analizojnë çdo indikacion për korrupsion dhe keqpërdorim të fondeve publike”, deklaroi Enard Bakiu, BDI – Çair.
I menjëhershëm ka qenë reagimi i koalicionit VLEN të cilët kërkojnë që SPAKU i BDI-së të kërkojë nga SPAKU i Shqipërisë ta ekstradojë Artan Grubin, funksionarin e BDI-së i cili pasi u fut në listë të Zezë u arratis nga shteti, ndërsa dyshimet janë se fshihet në Shqipëri. Plotësisht kërkojnë të hetohen dhe figura tjera të BDI-së.
“Korrupsioni nuk është thjesht ndërtim pa leje apo tender komunal. Ai ka fytyra të njohura: Faton Ahmeti, për dyshimet e keqpërdorimit të fondeve në FSSH, Arbër Ademi, si ministër i Arsimit me lëndë të hapura për abuzime, Bujar Osmani, për rastin famëkeq “Pacienti”, dhe shumë të tjerë që sot ulen në kryesinë e BDI-së si të paprekshëm”, thonë nga VLEN.
SPAKU i BDI-së, është ironizuar edhe për faktin që në periudhën e kaluar ishte në shënjestër të kritikave pasi dy funksionarët e saj Artan Grubi dhe Ramiz Merko u futën në Listë të Zezë për korrupsion, ndërsa u dorëzuan padi edhe kundër një sërë funksionarëve, duke përfshirë Blerim Bexhetin, Fatmir Deharin, Ramiz Merkon, Bujar Dardhishtën, Kreshnik Bekteshin, Bekim Maksutin, Ejup Rustemin e të tjerë. Mekanizmi SPAK, mbase duket si ide e huazuar nga LSDM, e cila e promovoi Qendrën Hulumtuese për Korrupsion dhe Krim të Organizuar me akronimin MICKO, një shkurtesë që përdoret në komunikimin jokonvencional dhe ironizues për Mickoskin. /Alsat.mk
Këshilli I Etikës në media të Maqedonisë, një ditë pas ceremonisë mortore të viktimave të zjarrit tragjik në diskotekën e Koçanit, ka pranuar 140 ankesa lidhur me mënyrën e raportimit të mediave – ka njoftuar Drejtorja Ekzekutive, Biljana Georgievska.
Ajo ka shtuar se të gjitha vërrejtjet kanë ardhë nga e-maile të hapura për një përdorim nga numra telefonike që nuk ekzistojnë.
“Çdo minutë vinte nga një ankesë që për ne ishte një situatë jo e zakonshme që I gjasonte një sulmi të orkestruar digjital, jo vetëm ndaj KEMM-it, por edhe ndaj mediave, vecanërisht për përmbajtjet dhe mënyrës së raportimit për ceremoninë e varrimit. Ata kryesisht hynë në pakon e ankesave pa bazë, për shkak se kishin të bëjnë me mediat e huaja, nga rajoni, por edhe televizione nga India” – thotë Georgievska.
Në vitin 2025 në KEMM knë mbërritur shumë ankesa që lidhen me tragjedinë në Koçanë. Janë shqyrtuar 96 mha 244 ankesat.
Më së shpeshti është shkelur nëni 1 I Kodit të Gazetarëve – mungesa e burimeve dhe mungesa e palës së dytë të storjes.
Nga KEMM thonë se mediat online paraqiten si shkelësit më të mëdhenj të standardeve për informim etik.
SHOKON RAMA: PROKURORËT E HAGËS KËRCËNUAN PRESIDENTEN E KOSOVËS
VLEN: BDI t’i kërkojë SPAK-ut të Shqipërisë ekstradimin e Grubit
Dega e BDI-së në Çair ka themeluar një strukturë kundër korrupsionit me emrin “SPAK”
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
