Rektori i Universitetit të Tetovës, Prof. Dr. Jusuf Zejneli, së bashku me Kryetarin e Senatit, Prof. Dr. Kenan Ferati, Prof. Dr. Bashkim Ziberin dhe Doc. Dr. Agron Iljazin, morën pjesë në Konferencën Ndërkombëtare NanoBalkan 2025, e cila u zhvillua në Tiranë të Republikës së Shqipërisë.

Në ceremoninë solemne e morën fjalën personalitete të shquara nga politika, shkenca dhe diplomacia, ndër të cilët: Kryeministri i Republikës së Shqipërisë, z. Edi Rama, Akad. Arben Merkoçi, (ICREA, ICN2 Spanjë), koordinator dhe kryetar i Konferencës, z. Gabriel Cremades Ventura, Ambasador i Spanjës në Shqipëri, Diella, Ministre e Shtetit për Inteligjencën Artificiale e Republikës së Shqipërisë, Akad. Anila Hoda ,Sekretare Shkencore e Akademisë së Shkencave të Shqipërisë dhe znj. Mirela Kumbaro, Ministre e Arsimit e Republikës së Shqipërisë.

Konferenca ka për synim të evidentojë arritjet më të rëndësishme në nivel botëror në nanoshkencë dhe nanoteknologji, si dhe të krijojë mundësi për zhvillimin e politikave shkencore, nxitjen e bashkëpunimeve ndërkombëtare dhe forcimin e rrjeteve kërkimore. Pjesëmarrja e figurave të shquara botërore, përfshirë nobelistë dhe studiues të njohur, hap horizonte të reja për integrimin e vendeve tona në zhvillimet më të fundit të shkencës bashkëkohore.

“Çdonjëri, i cili në çfarëdo lloj mënyre dhe në çfarëdo lloj forme ka lidhje me rastin në Koçan duhet të nxirre para faqes së drejtësisë”, theksoi sot kryeministri Hristian Mickoski pas mbikëqyrjes së realizuar të aktiviteteve ndërtimore në rrugën “8 Shtatori” në Gradsko.

I pyetur për koment për storjen e re të IRL-së, në të cilën thuhet se ka përfshirje të inspektorëve tatimorë në rastin Koçan, ndërsa nuk ishin përfshirë me aktakuzën, ai theksoi se rastin e udhëheq prokuroria, gjegjësisht prokurori shtetëror publike Ljupço Kocevski.
“E keni parë edhe ju në periudhën e kaluar, rreth 12 prokurorë punuan në këtë rast. Nëse pyetja është nëse jam i kënaqur me punën e Prokurorisë, përgjigjja ime do të jetë se nuk jam i kënaqur. Pikërisht kjo ishte arsyeja pse e mbështetëm shkarkimin e Kocevskit në parlament, ndërsa pse LSDM dhe BDI nuk e mbështetën shkarkimin e Kocevskit është një pyetje tjetër”, deklaroi Mickoski.

Me fluturimin e parë që u nis sot në orën 06:25 nga Shkupi drejt Shtutgartit, kompania “Wizz Air” ka hapur një linjë dhe destinacion të ri nga kryeqyteti i Maqedonisë drejt Gjermanisë, njofton TAV Maqedonia.

Kompania do të operojë fluturime nga Shkupi për në Shtutgart 3 herë në javë, çdo të hënë, të mërkurë dhe të premte. Gjatë orarit veror të fluturimeve në Aeroportin Ndërkombëtar të Shkupit, deri më 24 tetor, orari i nisjes është:

E hënë dhe e premte: 06:25 nga Shkupi, me mbërritje në Shtutgart në 11:10 sipas orës lokale.
E mërkurë: nisja në 06:30 nga Shkupi, me mbërritje në 11:10 sipas orës lokale.
Gjatë sezonit dimëror, fluturimet do të jenë gjithashtu të hënave, të mërkurave dhe të premteve, me të njëjtat orare nisjeje dhe mbërritjeje, respektivisht 06:30 dhe 11:30 sipas orës lokale.

Me shtimin e Shtutgartit në hartën e destinacioneve nga Aeroporti i Shkupit, “Wizz Air” ka tashmë 9 linja drejt 9 qyteteve në Gjermani: Shtutgart, Berlin, Dortmund, Baden-Baden, Friedrichshafen, Hamburg, Frankfurt-Hahn, Mynih-Memingen dhe Nuremberg.

Kjo linjë është pjesë e marrëveshjes së kompanisë me Qeverinë.

Advertisement