Sport
FUTBOLL I FEMRAVE: KFF LUBOTENI 7 NDESHJE 7 FITORE
Në javën e shtatë të sezonit vjeshtor ekipi tetovar i vajzave Luboteni ka regjistruar fitoren e radhës duke kryesuar me 21 pikë maksimale.
Në Ligën e parë të futbollit për vajza në fundjavë janë zhvilluar katër ndeshje të xhiros së 7 të sezonit vjeshtor , ndërsa ndeshja e fundit e javës së shtatë luhet nesër në Strugë mes AS United – KFF Reçica.
Kampioni në fuqi ekipi i Lubotenit edhe në javën e shtatë ka regjistruar fitoren e sigurt 4-0 kundër ekipit Tiveria Brera . Autore të golave për ekipin e Lubotenit ishin Hava Mustafa 2 gola dhe Maryan Ohadiwe e Melanija Grozdanova nga 1 gol. Ndeshja Vardari 2023 – Skopje 2014 ka përfunduar me fitoren e thellë të mysafireve 0-7, ekipi Istatov 2016 Skopje ka fituar 3-0 ekipin Top Gol, ndërsa Kamenica Sasa ka demoluar Koçnin duke e mundur me rezultatin 8-0. Tabelën e kryeson Luboteni me 21 pikë para ekipit Skopje 2014 që ka 18 pikë dhe AS United me 13 [pikë me një ndeshje më pakë.
Në xhiron e tetë që do të zhvillohet më 5 tetor takohen : Luboteni – AS Unitedi, , KFF Reçica – KFF Vardari dhe Skopje 2014 – Istatov 2015 Skopje.
Vardari pësoi humbje 2:3 nga Riga FC në ndeshjen e parë të raundit të dytë kualifikues të Ligës së Konferencës, duke bërë një hap prapa në garën për kualifikim në raundin e tretë.
Ndeshja u zhvillua në Arenën Kombëtare “Todor Proeski”, pikërisht në ditën kur Vardari festoi 79-vjetorin e themelimit. Edhe ky përvjetor nuk mjaftoi që të tërheq tifozë në stadium, pasi vetëm rreth 2.000 prej tyre ishin të pranishëm në këtë ndeshje evropiane.
Pas ndeshjes, trajneri i Vardarit, Kristian Fabijani, mori përgjegjësinë për humbjen.
Nga ana e Riga FC, trajneri Adrian Gula theksoi se asgjë nuk është vendosur ende dhe se përballja mbetet plotësisht e hapur para ndeshjes së kthimit në Letoni.
Fitorja e Rigës ndaj Vardarit në u la në hije nga një incident që ndodhi pas ndeshjes në zhveshtoren e ekipit mysafir.
Edhe pse skuadra letoneze e festoi me entuziazëm fitoren në Shkup sipas informacioneve, festa u shndërrua në sjellje të papërshtatshme. Futbollistët e Riga FC shkaktuan dëme materiale në zhveshtore, duke thyer dy shtretër për masazh dhe duke dëmtuar edhe disa dollapë për pajisjet sportive.
Ndeshja e kthimit mes Rigës dhe Vardarit do të zhvillohet të martën e ardhshme, ku kampioni maqedonas do të përpiqet të përmbysë disavantazhin prej një goli dhe të sigurojë kualifikimin në raundin e ardhshëm të Ligës së Konferencës.
Shaban Sinani – TV Koha
Shkëndija sonte në Lubjanë kundër NK Bravo zhvillon ndeshjen e parë të raundit të dytë kualifikues në UEFA Konferencë Ligë.
Ekipi mbrëmë ka mbajtur seancën zyrtare stërvitore, ndërsa në press-konferencën zyrtare trajneri Pollozhani dhe futbollisti Endrit Krasniqi u shfaqën optimist për epilog pozitiv në këtë ndeshje.
“Patjetër që na pret një ndeshje jashtëzakonisht e rëndësishme, sepse unë e kam potencuar edhe tek konferencat e tjera që Kupat e Europës kanë një specifikë që sa më shumë raunde të kalosh, vështirësitë aq më shumë shtohen. Çfarë do të thotë, duhet të jemi të gatshëm 100% nga i pari deri tek i fundit për një performancë ose për një pjesë të parë 90 minutëshe që na pret këtu në Slloveni. Sepse është me patjetër që të kemi një performancë të mirë si nga aspekti teknik ashtu edhe nga aspekti taktik, pasi na duhet pastaj për vazhdimësinë, sepse janë ndeshje të forta. Patjetër që duhet një qasje serioze. Mendoj që nga i pari deri tek i fundit duhet të japim maksimumin, sepse ndeshjet e tilla janë specifike, duke marrë parasysh edhe vështirësinë që ta jep kundërshtari.” deklaroi trajneri Pollozhani
“Mendoj që në Europë nuk besoj që ka ekip të dobët dhe që luan në këtë nivel, kështu që ekipi ka punuar shumë mirë dhe besoj që është e gatshme. Shpresojmë që të kemi fatin dhe të arrijmë atë që dëshirojmë, kalimin tutje.” tha futbollisti Krasniqi
Përballja e parë e raundit të dytë eliminator në UEFA Konferencë Liga ndërmjet Bravos dhe Shkëndijës luhet sonte në Lubjanë, me fillim në orën 20:45, kurse drejtësinë do ta ndajnë treshja e referëve nga Finlanda.
Ekipi i Shkëndijës nesër në Lubjanë zhvillon ndeshjen e parë të xhiros së dytë në UEFA Konferencë Liga. Kundërshtar i “kuqezinjve” është skuadra sllovene NK Bravo. Ndeshja fillon në në ora 20:45.
Shkëndija nga dita e djeshme ka udhëtuar në Slloveni , ku mbrëmë ka zhvilluar një seancë të lehtë stërvitore, ndërkaq sonte në stadiumin Stozhice ku nesër do të zhvillohet ndeshja, do ta realizojë seancën zyrtare stërvitore.
Me ekipin e Shkëndijës në Lubjanë kanë udhëtuar edhe dy prurjet më të reja Marko Gjorgjievski dhe Jovan Manev të cilët presin miratimin e organeve të UEFA-s dhe janë në pikëpyetje nëse do të aktivizohen në këtë ndeshje.
Futbollisti Aleksandar Trumçi, në prag të ndeshjes, thotë se kanë kundërshtarë serioz andaj edhe qasja në terren duhet të jetë serioze.
‘’Mendoj që atmosfera është shumë e mirë. Kemi një atmosferë pozitive në ekip pasi e kemi kaluar raundin e parë . Por ne nuk do të merremi më me të kaluarën, shohim përpara. Ne kemi ardhur në Slloveni jemi akomudu më herët dhe kemi studiuar ekipin . Ekipi është shumë serioz dhe ne duhet ta marrim shumë seriozisht , të bëjmë maksimumin’’ deklaroi Trumçi
Për të përkrahur Shkëndinë, në Slloveni kanë udhëtuar edhe një numër i konsiderueshëm i tifo grupit “Ballistët” nga të cilët priteT të jenë dinjitoz ashtu siç i ka hije një tifo grupi me përvojë të madhe.
Ndeshja NK Bravo – Shkëndija zhvillohet nesër mbrëma me fillim në ora 20:45.
DOGANA: KONFISKOHET STOLI ARI NË VLERË PREJ 1.3 MILIONË DENARËSH
FC RIGA E LETONISË PRISHI FESTËN E DITËLINDJES SË VARDARIT
VLEN: Ku u avulluan 7 milionë euro ndihmë nga Zvicra? A po del uji i Gostivarit si kanalizimi i Zajazit?!
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Azizi zbulon dyfytyrësinë e Ali Ahmetit: Ja vazali që e mbronte Gruevskin
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
