Kandidati për kryetar të komunës së Çairit nga radhët e VLEN, Izet Mexhiti, prezantoi master planin për Çairin të përgatitur nga arkitekti Bajram Vardar. Programi është ndarë në shtatë pika mes të cilave çështja e parkingjeve, komunikacioni dhe monumentet historike dhe kulturore. Masterplani do të jetë pikë rrëfim për përpilimin e planit gjeneral urbanistik në qytetin e Shkupit për zonën e Çairit. Për lehtësimin e komunikacionit Mexhiti paralajmëron dy bulevarde të reja, bulevardi Kroacia dhe Mali i Zi por edhe lidhje përmes malit të Gazibabës deri në Autokomandë.

“Bulevardi “Kroacia” i cili është vazhdimësi i “Bosnja e Hercegovinës”, e lidhë pra pjesën e Butelit me Gazibabën, pra del në Autokomandë. Ndërsa bulevardi Mali i Zi është vazhdimësi e bulevardit “Sllovenia”, që e lidhë pra Butelin me Karposhin dhe Gjorçe Petrovin. Aty ka diku një kilometër, realizimi i saj mund të bëhet ose brenda fakultetit të shkencave natyrore ose jashtë, menjëherë përreth fakultetit të shkencave natyrore, ka një rrugë që mund të del në autokomandë dhe ajo mund dukshëm ta lehtëson komunikacionin”, tha Izet Mexhiti – Kandidat i VLEN për kryetar të Çairit.

Kandidati i pavarur për kryetar të komunës së Gostivarit, Visar Ademi, e vendosi fokusin te arsimi, të rinjtë dhe fuqizimi i tyre.

Ademi nënvizoi se nëse e merr besimin e banorëve të kësaj komune, do të bëjë të gjitha përpjekjet fillimisht për një arsim cilësor dhe më pas për mbajtjen e të rinjve brenda Gostivarit, pasi siç tha, ikja e tyre është kosto e madhe ekonomike dhe sociale për banorët e kësaj komune.

“Kjo është e njëjta skenë, siç e kam thënë shpesh në vokabularin tonë sportiv, ti e rrit një fëmijë, e zhvillon ja zhvillon talentin dhe në momentin kur duhet të futet te ekipi i parë të jep gola, ai ikën te një ekip tjetër dhe largohet nga klubi mëmë dhe të gjithë talentin e tij e vendos në shërbim të një ekipi që është jashtë Gostivarit, domethënë është kosto e madhe sociale e madhe për ne. Ne duhet t’i mbajmë fëmijët tanë këtu, sepse ato e bëjnë jetën tonë shoqërore, kulturore, arsimore, më të mirë, prandaj çdo humbje e këtyre fëmijëve është kosto ekonomike-sociale për ne”, tha Visar Ademi, kandidat i pavarur për Gostivarin.

LSDM mbajti tubime në Berovë dhe Dellçevë. Kandidati i kësaj partie për kryetar të Dellçevës, Dejan Glinxharski, para të pranishmëve theksoi se ka plan të qartë për zhvillimin e qytetit. Programi i tij bazohet në tre fusha më me prioritet sikurse infrastruktura, kualitet më të mirë për jetë dhe mundësi të reja për të rinjtë. Premton park të ri për rekreacion, rreth rrotullime të reja dhe disa projekte të tjera. Dellçeva nuk është vetëm ndërtesa por është kulturë, traditë dhe e ardhme, tha Glinxharski.

“Shtëpi të re për të moshuarit, pleqëri të sigurt sepse prindërit tanë dhe qytetarët më të vjetër meritojnë kujdes me dinjitet dh shtëpi të ngrohtë. Do të ndërtojmë dhe shesh qendror, pasqyra e Dellçevës, zemër të re urbane të qytetit, vende për mbledhje, ngjarje kulturore dhe krenari për të gjithë ne. Do të ndërtojmë garazh në kate sepse qytetit tonë i duhet rend, infrastrukturë moderne të komunikacionit dhe më tepër vende parkimi. Filluam me ndërtimin dhe rregullimin e shtratit të lumit “Bregallnica” në gjatësi prej 620metra nga kisha në qendër të qytetit deri te pishina e qytetit”, deklaroi Dejan Glinxharski – Kandidat i LSDM-së për kryetar të Dellçevës.