Sport
SHKËNDIJA E FITOI 5-1 MIQËSOREN KUNDËR BASHKIMIT
Shkëndija dhe Bashkimi në stadiumin e qytetit në zhvilluan ndeshje miqësore në Tetovë, për të kompensuar pauzën dy javore. Kuqezinjtë fituan 5:1 në duelin që u luajt 4 pjesë nga 30 minuta. Super derbi Shkëndija – Vardari më 27 tetor.
Pushimi i kampionatit për shkak të ndeshjeve kualifikuese për Botërorin e futbollit 2026 si dhe shtyrjes së xhiros së 10-të për një javë, si pasojë e zgjedhjeve lokale në vend, dy skuadrat e elitës së futbollit Shkëndija e Tetovës dhe Bashkimi i Kumanovës e shfrytëzuan për të zhvilluar një ndeshje miqësore që të ruaujnë formën garuese .
Qëllimi i të dy trajnerëve ishte mbajtja e ritmit garues dhe ofrimi i minutazhit për të gjithë futbollistët. Për këtë arsye, palët u dakorduan që ndeshja të zhvillohet në katër pjesë nga 30 minuta, me ndryshim të plotë të formacioneve pas çdo 60 minutash.
Ndeshja nisi me dominim të Shkëndijës, që krijoi disa raste të pastra. Ndërsa autor të golave ishin Kërstevski, Ibraimi nga penaltia, Liçina autogol, Jakupi dhe Spahiu, ndërsa golin e nderit për kuamnovarët e realizoi Hebib .Kujtojmë se në xhiron e 10-të Shkëndija në Tetovë takohet me Vardarin,ndeshja është caktuar të zhvillohet më 27 tetor, dita e hënë me fillim në ora 14:30
“Një rrugëtim i gjatë, plot sakrifica… Jetën për liri, zemrën për Kosovë!
Është koha juaj. Bashkë, të pathyeshëm, forca Dardanë!”
Federata e Futbollit të Kosovës, nëpër rrjetet sociale, ka publikuar një video motivuese, me pamje ku shihet, sakrifica për liri, e kaluara e futbollit të Kosovës nga balta e stadiumeve të atëhershme e deri tek shkëlqimi nën dritat e reflektorëve nëpër stadiumet më të njohura të Evropës.
Kombëtarja e Kosovës sonte luan ndeshjen jetike ndaj Sllovakisë, e vlefshme për play-offin e Kupës së Botës 2026, kurse e gjithë Kosova me padurim pret këtë ndeshje dhe gati të gjithë shpresojnë për epilog pozitiv.
Motivimi nuk mungon as edhe tek futbollistët.
“E dijmë rëndësinë e ndeshjes, e di sa e rëndësishëm jam për kombëtaren, për shumë bashkëlojtarët e mi. Do të japim maksimumin, jo për të shënuar gol, por për të fituar lojën. Pa marrë parasysh se cfarë mendoj” deklaroi kapiteni Kosovës Vedat Muriqi
Në Kosovë tifozët tashmë kanë filluar të mobilizohen. Nëpër rrjete sociale bëhet thirrje për mbështetje të organizuar.
Besa-Besë së bashku brohorasim në Sheshin “Zahir Pajaziti” me 26 mars nga ora 20:45.
Kosova është shumë afër një momenti historik, kualifikimit të parë në Kampionatin Botëror 2026 – është kjo thirrja që drejtohet për yë ndjekur së bashku ndeshjen Sllovaki – Kosovë në sheshin “Zahir Pajazaiti” në Prishtinë, përmes ekranit gjigant.
Kombëtarja shqiptare është vetëm dy hapa larg kualifikimit në Botëror. Pengesa e parë do të jetë Polonia.
Kombëtarja shqiptare ka mbyllur përgatitjet për ndeshjen e nesërme ndaj Polonisë, e vlefshme për fazën play off të Botërorit 2026 që do të luhet në orën 20:45 në Varshavë.
Kuqezinjtë e drejtuar nga trajneri Silvinjo zhvilluan një seancë të plotë stërvitore, ndërsa Departamenti i Komunikimit në FSHF bën me dije se të gjithë lojtarët janë gati për sfidën ndaj Polonisë.
“Unë besoj se ekipi do të jetë gati, pasi është një rast i madh dhe besoj se nuk ka shumë lidhje eksperienca në këto ndeshje, por është dëshira, vullneti dhe djersa, çdo gjë që lë në fushë, ndaj besoj se ai që është më i aftë do të fitojë”. ka deklaruar kapiteni Berat Gjimshiti
Përfaqësuesja e Maqedonisë së Veriut në futboll është gati për një nga sfidat më të mëdha në historinë e saj të fundit.
Në konferencën zyrtare për shtyp para ndeshjes së balotazhit me Danimarkën, kapiteni Enis Bardhi dërgoi një mesazh se janë të gatshëm të shfrytëzojnë pikat e tyre të forta në këtë duel vendimtar.
Bardhi, i cili do ta udhëheqë Maqedoninë në mungesë të disa emrave kyç, theksoi se atmosfera në ekipin kombëtar është në nivelin më të lartë dhe se lojtarët e rinj tashmë janë integruar plotësisht në sistem.
Mediat daneze tashmë kanë filluar t’ia atribuojnë plotësisht rolin e favoritit përfaqësueses së tyre, por pikërisht kjo është një motivim shtesë për kapitenin dhe bashkëlojtarët e tij.
Maqedonia hyn në këtë përballje me motiv të qartë, ndërsa Bardhi pritet të jetë një nga figurat kyçe që do të kontrollojë ritmin e lojës kundër danezëve agresivë.
Ndeshja zhvillohet sonte ne fillim ora 20:45.
Shaban Sinani – TV Koha
Tetovë, një pjesë e qytetit pa ujë për shkak të një defekti në rrjet
Kapetanoviq: Diplomat pa aftësi nuk mjaftojnë, nevojiten universitete më fleksibile dhe të lidhura me tregun
Hakerët iranianë sulmojnë Postën Shqiptare, Demo: Shërbimi vijon normalisht
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
Shkup, panairi i patundshmërive të Dubait! Citi Casa rikthehet në hapësirat e COWORK21 më 31 maj dhe 1 qershor
-
Lajme nga vendi2 months agoRrjeti i madh i dyqaneve për produkte të shtëpisë Comodita Home po rritet akoma më tepër, tash me dyqanin më të madh në Re Mall, Tetovë
-
Sport2 months agoOLIMPIADA DIMËRORE ‘’MILANO CORTINA 2026’’ FILLON MË 6 SHKURT
-
Lajme nga vendi2 months agoVLEN: Me Fetain në krye, nis goditja reale ndaj pasurisë së paligjshme