Kryetari në ardhje i Komunës së Çairit, Izet Mexhiti, ka vlerësuar se Ali Ahmeti, lideri i BDI-së, është humbësi më i madh i zgjedhjeve lokale në Maqedoninë e Veriut të mbajtura më 19 tetor.

Në emisionin “Këndi i Debatit” në Tëvë1, Mexhiti ka theksuar se Ahmeti, i cili qeveriste në 90% të komunave, ka përfunduar me vetëm një komunë të fituar, Likovën.

“Qëllimisht apo jo, Ahmeti dhe BDI-ja kanë fokusuar rëndësinë kryesore te Tetova dhe posaçërisht te Çairi, ndërsa komunat e tjera i kanë konsideruar më pak të rëndësishme. Ne e pranuam këtë sfidë dhe sot Çairi u mbyll në raundin e parë. Tetova ka një epërsi mbi 4 mijë vota, kështu që është çështje e kryer. Gjithashtu, ne vetëm në raundin e parë kemi fituar 5-6 komuna. Kam deklaruar edhe më parë se humbësi më i madh i këtyre zgjedhjeve është Ali Ahmeti, i cili qeveris në 90% të komunave, dhe në mbrëmjen kur të numërohen votat, BDI-ja do të ketë fituar vetëm një apo dy komuna rurale, pra BDI ka fituar vetëm në Likovë”, ka deklaruar ai.

Sipas Mexhitit, shqiptarët në Maqedoninë e Veriut kanë vendosur t’i japin shansin një gjenerate të re për qeverisje, si në nivel qendror, ashtu edhe në atë lokal.

“Shqiptarët në Maqedoni kanë vendosur të japin mundësinë për një gjeneratë të re për qeverisje, për hir të konkurrencës dhe demokratizimit të skenës politike. Pas tre apo katër viteve që kanë mbetur, çdo qytetar shqiptar në Maqedoni do të ketë mundësinë të bëjë krahasimin ndërmjet këtij dhe tjetrit tabori, duke i vlerësuar në bazë të punës dhe programeve. Deri më tani kjo mundësi nuk ka ekzistuar, pasi ka pasur një lloj monopoli politik ose skena ka qenë shumë e shpërndarë”, është shprehur Mexhiti.

Advertisement

Prokuroria e Prilepit ka kërkuar paraburgim për gjashtë persona dhe masa kujdesi për 15 të tjerë të arrestuar në lidhje me rastin e Spitalit të Përgjithshëm të Prilepit.

“Prokuroria Themelore Publike e Prilepit ka dorëzuar në Gjykatën Themelore të Prilepit propozime për paraburgimin e gjashtë personave, për 15 masa kujdesi dhe për gjashtë deri në shtatë persona juridikë nga Prilepi, Manastiri dhe Shkupi, si dhe propozim për ndalesë nga pjesëmarrja në procedurat e prokurimeve publike,” tha Jasmina Shishkovska, kryetare e Gjykatës Themelore në Prilep.

Personat e arrestuar pritet të dorëzohen gjatë ditës në Gjykatën e Prilepit. Më shumë se 10 persona u arrestuan mbrëmë dhe sot nga policia e Prilepit gjatë një aksioni të Drejtorisë së Policisë Financiare, e cila ndërmori bastisje në disa lokacione në kuadër të hetimeve për keqpërdorime financiare në spital.

Sipas Prokurorisë, që nga prilli i këtij viti zhvillohet një procedurë parahetimore për shkak të dyshimeve për veprën penale “keqpërdorim i pozitës dhe autoritetit zyrtar” lidhur me operacionet financiare të spitalit. Drejtori aktual i Spitalit të Përgjithshëm të Prilepit, Borka Taleski, ka deklaruar vitin e kaluar se pas marrjes së detyrës ka vërejtur parregullsi financiare dhe se institucionit i është trashëguar një borxh prej rreth 193 milionë denarësh.

Në Klinikën e Fëmijëve në Kozle ka një rritje të ndjeshme të numrit të kontrolleve dhe vizitave mjekësore nga prindërit që kërkojnë ndihmë për fëmijët e tyre, sidomos në periudhën e fundit kur janë shtuar rastet me simptoma gripale dhe infeksione të rrugëve të frymëmarrjes. Sipas mjekëve të kësaj klinike, gjatë fundjavave fluksi i pacientëve është edhe më i madh, duke arritur deri në 150 vizita ambulatore brenda 24 orëve. Ata shtojnë se aktualisht po dominojnë infeksionet, të cilat po qarkullojnë me intensitet të lartë mes fëmijëve dhe shpeshherë shoqërohen me temperaturë të lartë, kollë, rrjedhje hundësh dhe lodhje të përgjithshme.

“Për momentin kemi fluks të rritur të pacientëve, e pritshme për këtë periudhë. Numri i fëmijëve që kryejnë kontrolle ambulatore në klinikën tonë rritet. Diku për fundjavë numri arrin mbi 100 pacientë për 20 orë…Për momentin infeksionet virusal mbizotërojnë, edhe pse para nesh është sezoni i gripit”, deklalroi Elena Ginovskaq, mjeke.

Ndërkaq, aktualisht mbi 80 për qind e kapaciteteve të klinikës janë të mbushura me pacientë të shtruar, kryesisht fëmijë që po trajtohen për komplikime të shkaktuara nga infeksionet.

“Kapacitetet në lidhje me kontrollet ambulatore janë të kënaqshme, megjithatë edhe për fëmijët e shtruar në spital kemi numër të mjaftueshëm, për momentin diku 80-90 për qind janë të mbushur, pra janë të shutruar diku 60 fëmijë, që d.m.th ende ka kapacitete të lira që mund të pranojmë fëmijë që kërkojnë trajtim në spital”, tha Elena Ginovska, mjeke.

Mjekët apelojnë që gjatë kësaj periudhe prindërit të jenë të kujdesshëm ndaj shenjave të para të sëmundjeve tek fëmijët, të shmangin vetë-mjekimin dhe në rast të simptomave më të rënda të drejtohen në kohë në institucionet shëndetësore për trajtim adekuat. /Alsat.mk

Advertisement