Sport
BARAZIM I PAFAT I SHKËNDIJËS LËSHOJNË FITOREN NË SEKONDAT E FUNDIT
Shkëndija mbrëmë zhvilloi një ndeshje të bukur dhe dominuese në duelin e tretë të fazës kryesore në UEFA Konferencë Liga, ishte në epërsi deri në minutën e 100-të kur skuadra e Jagiellonias barazoi rezultatin në 1-1. Takimi radhës i ekipit kuqezi është kundër Dritës së Gjilani në Prishtinë më 27 nëntor.
Kampioni i Maqedonisë së Veriut klubi i futbollit Shkëndija n ndeshjen e tret të fazës së ligës në UEFA Konferencë Liga barazoi 1-1 me skuadrën Jagiellonija të Polonisë edhe pse deri në sekondat e fundit ishte në epërsi me golin që e realizoi Liridon Latifi në minutën e 49-të. Dhe kur të gjithë pritnin fishkëllimën e fundit të arbitrit hungarez, në minutën e 100-të ndodhi zhgënjimi për tifozët të cilët krijuan atmosferë impozante, pasi një goditje precize të Lozanos nga distanca përfundoi në portën e Shkëndijës për epilogun përfundimtar 1-1. Duhet të theksojmë se skuadra tetovare në këtë përballje u paraqitë me shumë energji dhe vendosmëri, duke krijuar disa mundësi të mira në pjesën e parë. Megjithatë, një moment shqetësues ndodhi para pushimit, kur Arbin Zejnullai u përplas dhe humbi ndjenjat pas një goditjeje në fytyrë. Falë ndërhyrjes së shpejtë të ekipit mjekësor, situata u stabilizua, por ai u detyrua të largohej nga loja, duke u zëvendësuar me Krasniqin. Atmosfera që e krijuan tifozët vendas ishte impozante, por ra në sy sjellja e një grupi tifozësh nga Polonia të cilët provokonin me thirrjet ‘’Kosova është Serbi’’. Pas përfundimit të ndeshjes në konferencën zyrtare me mediumet, trajneri Jeton Beqiri tha se ishin të pafat pasi barazimi ndodhi në sekondat e fundit.
‘’Mendoj se në sekondat e fundit të ndeshjes ishim të pafat dhe një devijim që ndryshoj kahjen e topit dhe pastaj portieri nuk mund të reagonte. Besoj dhe mendoj që gjithmonë duhet të bëjmë më mirë diçka , veçanërisht kur kundërshtari ishte me një lojtar më pak në fushë. Por pas lodhjes edhe koncentrimi bie më edhe normalisht ndodhin gabimet të tilla’’ deklaroi trajneri Jeton Beqiri
Për golin e pranuar në sekondat e fundit trajneri Beqiri tha se në ato momente lojtarët kanë qenë keq të vendosur
‘’Patejër, si realizuam në ndeshjen e fundit , tani edhe u dënuam. Unë besoj se nuk ishte çështje gëzimi , ata ishin të motivuar për të marrë fitore, por besoj që duhej të bënin diçka më mirë në minutat e fundit dhe sa e shoh videon pas ndeshjes, kemi pasur disa pozicione që kemi qenë keq të vendosur dhe ajo na dënoi në fakt’’ tha trajneri Beqiri.
Ndeshjen e radhës Shkëndija do ta zhvillon kundër ekipit Drita të Gjilanit në Prishtinë. Kujtojmë se mbrëmë skuadra e Dritës në Kardifë mundi ekipin Shellburn 0-1.
Skuadra e Vardarit me fitoren e sotme nda Makedonija Gj.P shpallet kampion vjeshte për sezonin 2025/2026, ndërsa Struga Trim Lum vetëm me një pikë më pak mbetet e dyta
Pas dy ndeshjeve të javës së 16-të të sezonit vjeshtor, të zhvilluara sot në Kavadar mes Tikveshit dhe Struga Trim Lum dhe në Gjorçe Petrov mes Makedonija Gj.P – Vardari, lideri në renditjen e tabelës zyrtarisht është kampion vjeshtor me 42 pikë para Struaga Trim Lum që ka 41 pikë
Në stadiumin e Gjorçe Petrovit ku u zhvillua ndeshja e fundit e sezonit vjeshtor Vardari mundi skuadrën vendase 2-1, Të parët në epërsi kaluan vendasit në minutën e 53 me golin e Riaskos, por kjo ishte e tëra që mund të bëjnë vendasit pasi Vardari gjithçka përmbysi për vetëm tre minuta me dy golat që realizoi Azer Omeragiq në minutën e 62 dhe 66-të. Vardari sezonin vjeshtor e përfundon me 13 fitore e 3 barazime me 42 pikë të grumbulluara
Fitore të rëndësishme sot shënoi edhe Struga Trim Lum në transfertë me ekipin e Tikveshit në Kavadar me një gol të bukur që e realizoi Memetriza Hamza në pjesën e parë . Me këtë fitore Struga Trim Lum pjesën vjeshtore të kampionatit e përfundoi me 13 fitore, 2 barazime dhe 1 disfatë me gol averazhin më të mirë 42-11dhe me 41 pikë të grumbulluar.
Ndeshjet tjera të javës së 16-të zhvillohen sipas orarit të paracaktuar
Derbi i javës së 16-të të sezonit vjeshtor luhet nesër në Kumanovë mes Bashkimit dhe Shkëndijës. Të dielën takohen Rabotniçki – Sileksi dhe Shkupi – AP Brera, ndërsa sezoni vjeshtor mbyllet të hënën me ndeshjen Arsimi – Pelisteri. Të gjitha ndeshjet fillojnë në ora 13:00
Pas plotë 17 viteve nesër në stadiumin e Bashkimit në Kumanovë sërish në një ndeshje kampionate të Ligës së parë do të përballen Bashkimi vendas dhe kampioni në fuqi klubi i futbollit Shkëndija. Për tifozët vendas dhe jo vetëm ky duel i dy skuadrave që gjenden e në ,pjesën e epërme në renditjen e tabelës ka zgjuar interesim të madh ndaj edhe pritet që në tribunat e stadiumit të pranishëm të jenë numër i madh i tifozëve. Skuadra vendase në këtë ndeshje do të zbres pas dy disfatave të njëpasnjëshme në Kavadar nga Tikveshi 3-0 dhe ndeshja e javës së 15-të kundër Struga Trim Lum 6-0 . Bashkimi me 6 fitore, 4 barazime dhe 5 disfata aktualisht mbanë pozitën e pestë në tabelë me 22 pikë. Nga ana tjetër ekipi i Shkëndijës të hënën kundër Rabotniçkit regjistroi fitoren e 10 sezonale dhe me 3 barazime e 2 humbje mbanë pozitën e tretë me 33 pikë minimale kundër Rabotniçkit në Tetovë. Futbollisti Klisman Cake para seancës së fundit stërvitore para ndeshjes së nesërme kundër bashkit në Kumabnovës u shprehë optimist se ekipi i tij do të japë më të mirën e mundshme
‘’ besoj se skuadra do jetë gati. Është ndeshja e fundit për ne në këtë gjysmë sezon për kampionatin pasi dihet që kemi edhe dy loja të Evropës. Por besoj se skuadra do të jetë gati do shkojmë në Kumanovë ku na pret një ndeshje e vështirë , por do shkojmë ta mbyllim si duhet dhe me nderë këtë gjysmë stinor’’ deklaroi futbollisti i Shkëndijës Klisman Cake
Shkëndija për të mbajtur hapin për të mbrojtur titullin kampion nga Kumanova duhet të kthehet me pikë të plota. Cake thotë se jemi janë më të uritur se në ndeshjet tjera që nga Kumanova të kthehen me rezultat pozitiv.
‘’Patjetër që po, për momentin e shohë skuadrën e shohë më të uritur se ndeshje e tjera. Duam të mbyllim me sukses këtë gjysmë sezon dhe duam të vazhdojmë garën për titull ‘’ tha futbollisti Cake
Ndeshja Bashkimi – Shkëndija luhet nesër në stadiumin e Bashkimit në Kumanovë me fillim në ora 13:00. Ndërkohë që të dielën po në orën 13:00, takohen Rabotniçki – Sileksi dhe Shkupi – AP Brera , ndërsa java e 16-të mbyllet të hënën me ndeshjen që do të zhvillohet në Gostivar mes Arsimit dhe Pelisterit që ështe edhe ndeshja e fundit e sezonit vjeshtor në Ligën e parë.
Nëntë ndeshjet e zhvilluara sot në kampionatin amerikan të basketbollit prodhuan katër fitore për ekipet vendase dhe pesë për ato mysafire. Oklahoma kryeson Perëndimin me 22 fitore e vetën një humbje, ndërsa Detroit kryeson Lindjen me 17 fitore e 5 disfata
Kampionati amerikan i basketbollit NBA ka vazhduar edhe sot me 9-të ndeshje të zhvilluara sipas orarit të paracaktuar ku vendasit shijuan fitoren vetëm në katër duele ndërsa ekipet mysafire ishin më të mirë në pesë ndeshjet tjera
Skuadra e Denver iu rikthye fitoreve meqë sot arritën të mundin në transfertë skuadrën Indiana me rezultatin bindës 135-120. Lojtari më efikas në këtë përballje ishte Jamal Murray realizoi 52 pikë duke realizuar edhe 10 trepikësh, ndërsa Nikolla Jokiq në këtë ndeshje ka realizuar vetëm 24 pikë, 8 kërcime dhe 13 asiste Dallas ka shënuar fitore në përballjen me Miamin me rezultatin 118-108. Lojtari më efikas në këtë përballje ishte debutuesi Cuper Fleg i cili realizoi 22 pikë dhe gjashtë kërcime.
Los Anxhelos Clippers me fitoren e sotme kundër Atlantas i dhanë fund serisë së humbjeve . Clippers sot shënuan fitore në transfertë me rezultatin 115-92 kundër Atlantas. Harden ishte më efikas me 27 pikë dhe 9 asiste, ndërsa Leonard shënoi 21 pikë për ekipin fitues. Fitore në cilësinë e vendasit kanë regjistruar edhe Nju Jork, Hjustoni dhe Milvoki, ndërsa në transfertë kanë fituar Portland, San Antonio dhe Bruklin,
Tabelën në Konferencën Perëndim e kryeson Oklahoma me 21 fitore e 1 humbje, ndërsa në Lindje kryeson Detroit me 17 fitore e 5 disfata.
Rezultatet:
Cleveland – Portland 110-122,
Indiana – Denver 120-135,
Orlando – San Antonio 112-114,
Atlanta – LA Clippers 92-115,
Nju York – Charlotte 119-104,
Chicago – Brooklyn 103-113,
Houston – Sacramento 121-95,
Milwaukee – Detroit 113-109,
Dallas – Miami 118-108.\
SHABAN SINANI – TV KOHA
Qytetarët çojnë “Safe City” në Kushtetuese
LIGA E PARË: VARDARI KAMPION VJESHTOR
Strasburgu e obligon Maqedoninë: Brenda 3 muajve duhet të paguajë borxhet e ndërmarrjeve publike
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
Shkup, panairi i patundshmërive të Dubait! Citi Casa rikthehet në hapësirat e COWORK21 më 31 maj dhe 1 qershor
-
Lajme nga vendi1 month agoBilall Kasami : Mega projekti që po bëhet realitet investim prej 70 milionë denarëve Tetova po transformohet
-
Lajme nga vendi4 weeks agoUniversiteti i Tetovës shpreh ngushëllime për vdekjen e studentes Daorsa Spahija
-
Lajme nga vendi2 months agoFatmir Limani: Diaspora do të jetë pjesë integrale e projektit tim politik