Lajme nga vendi
Ndryshime partiake në Maqedoninë e Veriut, por me udhëheqës të vjetër
Lidhja Socialdemokrate e Maqedonisë (LSDM) do ta ketë një udhëheqje të re, por me kryetarin e njëjtë: Venko Filipçe. Organizata e Brendshme Revolucionare Maqedonase – Partia Demokratike për Unitet Kombëtar Maqedonas (VMRO-DPMNE) dhe Bashkimi Demokratik për Integrim (BDI) do t’iu japin nga një mandat tjetër Hristijan Mickoskit dhe Ali Ahmetit, përkatësisht, ndërsa koalicioni shqiptar VLEN paralajmëroi shkrirjen në një parti të vetme.
Këto ndryshime pas disfatave në zgjedhjet e Maqedonisë së Veriut janë të kuptueshme për opozitën, vlerësojnë disa analistë. Por, a janë të mjaftueshme?
Nga freskime me anëtarë e deri te strategjitë e reja dhe bashkimet formale – këto janë disa nga ndryshimet që tashmë po ndodhin ose do të pasojnë në partitë më të mëdha në skenën politike pas zgjedhjeve lokale që u mbajtën në Maqedoninë e Veriut më 19 tetor dhe 2 nëntor.
Megjithatë, këto parti po i mbajnë udhëheqësit e vjetër, përfshirë disa që po ua vazhdojnë mandatet atyre.
Sipas disa analistëve, ndryshimet në kuadro në radhët e opozitës janë të pritshme dhe të kuptueshme.
Në LSDM, e gjithë udhëheqja e ngushtë – Komiteti Ekzekutiv, me propozim të liderit Venko Filipçe, dha dorëheqje më 2 dhjetor, ndërsa partia paralajmëroi “energji të re” pasi në zgjedhje fitoi vetëm gjashtë komuna dhe nuk e përmirësoi rezultatin e zgjedhjeve parlamentare të vitit të kaluar, kur mori 152.000 vota.
“Ajo që është më e rëndësishmja është të shihet se kush do t’i zëvendësojë, sepse tani duhet të jenë njerëz të njohur për publikun dhe që do të mund, para së gjithash, ta rikthejnë një pjesë të trupit votues. Pastaj, mund të flitet për rikthimin e besimit, i cili qartazi është në nivelin më të ulët në 30 vjetët e fundit”, thotë për Shërbimin e Ballkanit të Radios Evropa e Lirë (REL) Vladimir Bozhinovski nga Instituti për Hulumtime Politike.
Sekretari i përgjithshëm i deritanishëm, Aleksandar Sasho Dimitrievski, një nga ata që dhanë dorëheqje, thotë se e kanë bërë këtë, në radhë të parë, si akt moral para kryetarit Filipçe dhe para anëtarëve të Komitetit Qendror, për shkak të rezultateve të zgjedhjeve lokale.
“Ne përfundimisht u pajtuam që para mbledhjes së ardhshme të Komitetit Qendror t’ua lëmë anëtarëve të KK-së, përmes diskutimit, të vendosin për freskimin e kuadrove të partisë, si dhe se kush nga udhëheqja e tanishme duhet përfundimisht të vazhdojë në organet më të larta të LSDM-së. Si unë, ashtu edhe çdo koleg në Komitetin Ekzekutiv kemi qenë dhe do të mbetemi plotësisht të përkushtuar për ta ngritur sërish partinë”, thotë Dimitrievski për REL.
Ndërkohë, BDI-ja opozitare ka paralajmëruar Kongres për 20 dhjetor, por ende nuk duan të parashikojnë se çfarë do të ndodhë. Megjithatë, një gjë është e sigurt.
“Në Kongres padyshim se do të rizgjidhet Ali Ahmeti si kryetar i partisë, si dhe anëtarët e Këshillit të Përgjithshëm. Këto dy organe do të dalin nga Kongresi dhe më pas në Këshillin e Përgjithshëm do të zgjidhet Kryesia Qendrore”, thotë për REL zëdhënësi i BDI-së, Arbër Ademi.
A janë të mundshme reformat pa përgjegjësi nga udhëheqësi?
Disa analistë shtrojnë pyetjen nëse janë të mundshme reforma pa dhënë përgjegjësi udhëheqësi kryesor.
Sipas analistit dhe kryetarit të Institutit Ballkanik për Bashkëpunim Rajonal (BIRS), Xhelal Neziri, me përgjegjësinë e liderit “nisin ndryshimet e vërteta” në parti.
Ajo që po ndodh në LSDM dhe BDI, sipas tij, duket më shumë si “kontrollim i dëmit” pas rezultateve të dobëta zgjedhore, sesa reforma të mirëfillta.
Megjithatë, sa u përket socialdemokratëve, ai kujton se Filipçe e mori drejtimin para një viti kur partia ra nga pushteti, ose siç thotë ai kur “partia u çmontua dhe ai pati pak kohë ta konsolidonte”.
“Ai ka shanse ta ngrejë partinë vetëm nëse promovon njerëz që realisht besojnë në socialdemokracinë si koncept dhe ideologji, nëse arrin ta bashkojë të majtën e fragmentuar në vend dhe nëse lidh një koalicion ideologjik me BDI-në, qoftë ai zyrtar apo joformal. Pa këto tri kushte, Filipçe pa dashje do të vazhdojë të jetë garanci për fitoret e Hristijan Mickoskit, duke e mbajtur opozitën në agoni”, thotë Neziri për REL-in.
Dorëheqja e të gjithë Komitetit Ekzekutiv të LSDM-së nënkuptoi largimin e nënkryetares, nënkryetarëve, sekretarit të përgjithshëm dhe sekretarëve organizativë.
Pasuesit e tyre duhet të zgjidhen nga Komiteti Qendror, i cili ka rreth 130 anëtarë. Ky trup pritet të mblidhet deri në fund të dhjetorit dhe të zgjedhë nga 10 deri në 18 persona që do të jenë pjesë e Komitetit Ekzekutiv.
Ndërkohë, nënkryetari i partisë zgjidhet vetëm në Kongres. Ende nuk ka datë të caktuar për kongresin e LSDM-së. Vendimin për ta thirrur atë e merr Komiteti Qendror.
Ndryshe nga LSDM-ja, BDI-ja duhet të reformohet edhe konceptualisht me definimin e një matrice të qartë ideologjike që do të mobilizojë anëtarësinë, vlerëson analisti Neziri.
“Vitet e fundit kjo parti më shumë ngjante me një grup biznesi i përbërë nga politikanë-biznesmenë që ishin të gatshëm për gjithçka vetëm për të qenë pjesë e pushtetit ekzekutiv. Nëse ky koncept nuk ndryshon, BDI-ja nuk do të mund të funksionojë si parti opozitare, sepse të gjitha ato struktura të lidhura me interesa konkrete do të kalojnë drejt partive në pushtet”, thotë ai.
Mickoski shkon drejt mandatit të fundit në krye të VMRO-DPMNE-së
Ndërsa ndryshimet në opozitë janë të pritshme pas zgjedhjeve, për partinë në pushtet, VMRO-DPMNE, e cila fitoi 55 nga 81 komunat në vend, ndryshimet nuk janë të domosdoshme, theksojnë disa bashkëbisedues.
Bozhinovski thekson se kur dikush i fiton zgjedhjet që janë mbajtur para më pak se dy muajsh, vështirë se mund t’i ushtrohet trysni për ndonjë ndryshim.
“Nëse do të ketë apo jo ndryshime, mendoj se varet nga perceptimi i rezultatit – nëse të gjithë kanë dorëzuar atë që pritej apo jo”, thekson Bozhinovski.
VMRO-DPMNE-ja duhet të mbajë Kongresin në Kavadar më 6 dhjetor. Në të pritet rizgjedhja e Hristijan Mickoskit për mandatin e tretë si lider i partisë. Sipas statutit partiak, ky është maksimumi, dhe Mickoski në intervistën për emisionin “360 gradë” tha se nuk do të kërkojë ndryshime statutore, duke konfirmuar se ky do të jetë mandati i tij i fundit si kryetar.
“Në Kongres pritet rizgjedhja e kryetarit të partisë, miratimi i raportit për zgjedhjet e suksesshme dhe miratimi i strategjisë dhe parimeve programore për veprim në katër vjetët e ardhshme”, thotë për REL-in, deputeti dhe anëtari i Komitetit Ekzekutiv, Antonio Milloshoski.
Ndryshime të mundshme në disa pozita të nënkryetarëve, siç është spekuluar kohët e fundit, nuk priten nga Kongresi i së shtunës. Këto pozita, sipas statutit, nuk zgjidhen në Kongres, por caktohen nga Komiteti Qendror.
VLEN – parti e vetme deri në mes të janarit?
Një Kongres pritet së shpejti edhe në VLEN, partnerin qeverisës të VMRO-DPMNE-së.
VLEN funksionon si një koalicion i përbërë nga disa parti – Lëvizja Demokratike e Izet Mexhitit, BESA e Bilall Kasamit, Alternativa e drejtuar nga Zeqirija Ibrahimi, si dhe një pjesë e krahut të Aleancës për Shqiptarët.
Ata prej kohësh paralajmërojnë shkrirje në një parti të vetme, dhe, sipas paralajmërimeve, kjo pritet të ndodhë brenda një muaji e gjysmë.
“Ne po punojmë që deri në fund të dhjetorit ose deri në mes të janarit të kemi një Kongres në të cilin do të vendoset formimi i një partie të përbashkët nën emrin VLEN”, thotë Ibrahimi për REL.
Ende nuk është përcaktuar si do të funksionojnë si parti – me një ose dy liderë, apo ndryshe. Ata thonë se po punojnë që deri në Kongresin themelues të kenë një model që do të përfaqësojë “një zgjidhje elegante” ku të gjithë partnerët të jenë të barabartë.
VLEN në zgjedhjet lokale mori rreth 20.000 vota më pak për këshillat komunalë krahasuar me koalicionin e drejtuar nga BDI-ja, por fitoi në komunat më të mëdha me shumicë shqiptare. BDI-ja fitoi vetëm katër komuna, ndërsa VLEN fitoi 10, duke përfshirë Çairin e Shkupit, Tetovën dhe Strugën./evropaelire.org/
Lajme nga vendi
Bozhinovska: Të gjithë duan të ndërtojnë fotovoltaikë me këtë çmimi i energjisë tani është i ulët, madje edhe zero përcjell Zhurnal.mk .
Për vitin 2027 kanë mbërritur mbi 700 nisma për kapacitete të reja nga burime të ripërtëritshme të energjisë. Ministrja Bozhinovska thekson se tani rolin kyç do ta ketë MEPSO, e cila jep lejet për lidhje. A kemi kapacitet të mjaftueshëm?
Interesi për ndërtimin e centraleve me burime të ripërtëritshme nuk po ndalet. Për këtë vit, Ministria e Energjisë ka dhënë dritë jeshile për shumë projekte që do të sillnin kapacitet shtesë prej 4 gigavatësh, si dhe sisteme baterike me fuqi të instaluar prej 2 gigavatësh. Për vitin 2027 tashmë kanë mbërritur mbi 700 nisma të reja. Ministrja e Energjisë, Sanja Bozhinovska, thekson se tani rolin kryesor do ta ketë kompania shtetërore “Sistemi Elektrotransmetues i Maqedonisë” (MEPSO), e cila duhet të mundësojë lidhjen e kapaciteteve.
“Ata që tashmë janë përfshirë në planin e ndërtimit, MEPSO duhet të japë variantin për lidhje, investitori duhet të përgjigjet nëse varianti i përshtatet, nëse është dakord me çmimin. Pastaj, MEPSO duhet të japë miratimin për lidhje. Sigurisht, teknikisht është e mundur që ndonjë centralë të mos mund të lidhet dhe për këtë informon MEPSO”, tha Bozhinovska.
Ekspertët e energjisë shpesh kanë paralajmëruar se tranzicioni drejt burimeve të ripërtëritshme është më i shpejtë se ndërtimi i rrjetit të transmetimit. Ky nuk është problem vetëm tek ne – në maj gjysma e vendit mbeti pa energji për një orë, dhe nga MEPSO shpjeguan se problemi ishte rajonal “për shkak të tranzitit dhe konsumit të ulët të energjisë elektrike gjatë orëve të natës dhe fundjavave”.
Bozhinovska sqaroi se tani 58 për qind e kapaciteteve të instaluara janë nga burime të ripërtëritshme, çka është mbi kërkesën evropiane që ato të jenë 50 për qind. Ky trend po ul çmimin e energjisë elektrike kudo në botë, madje edhe tek ne.
“Kapacitete nga burime të ripërtëritshme po ndërtohen kudo. Tani çmimi i energjisë është i ulët, kemi edhe çmime zero”, theksoi ministrja.
Familjet nuk do të furnizohen plotësisht me “energji shtetërore”
Prodhimi më i madh i energjisë elektrike nga burime të ripërtëritshme mund të jetë zgjidhje shpëtimtare edhe për çmimin e energjisë nga viti i ardhshëm, pasi kemi marrë përsipër që nga janari 2027, centralet shtetërore të plotësojnë nevojat e familjeve për energji elektrike me 70 për qind, ndryshe nga tani kur ka mbulim 100 për qind. Energjia nga “Elektrostopanstvo” shtetëror tani ofrohet me tender tek EVN Home, por ajo zakonisht është më e ulët, duke mbrojtur popullatën. Bozhinovska pret që formula e re të mos nënkuptojë rritje të çmimit të energjisë për familjet, por që burimet e ripërtëritshme mund të sjellin edhe çmime më të ulëta.
Për shkak të rënies së çmimeve, Bozhinovska mendon se duhet të mendohet edhe për ndryshimin e sistemit me tarifat bllok.
“Vendimin e merr Komisioni Rregullator për Energjetikë. Por, nëse na pyesin, qëndrimi ynë është ‘pro’ për gjithçka që nënkupton çmim më të ulët për qytetarët. Blloqet u futën kur çmimi i energjisë ishte 700-800 euro për megavat-orë, ndërsa tani kemi çmime zero”, tha ministrja. përcjell Zhurnal.mk .
Lajme nga vendi
OSMAN KADRIU PËR TV KOHA – VENDIMI I GJYKATËS KUSHTETUESE NUK DUHET PRANUAR ME BRENGOSJE!
Vendimi i Gjykatës Kushtetuese u soll dje në fazën e dytë, meqenëse për iniciativën e shtruar para Gjykatës kishim edhe fazën e parë kur u shqyrtua arsyeshmëria e iniciativës edhe kur përsëri Gjykata solli para disa javësh Vendim për fillimin e procedurës për vlerësimin e ligjsmërisë dhe kushtetutshmërisë e Vendimit në fjalë.
Në këtë mënyrë për Tv Koha, ka sqaruar seancën e djeshme të Gjykatës Kushtetuese, Gjykatësi Osman Kadriu.
“Ne edhe atëherë, tre gjykatës – dy shqiptarë dhe një koleg i përkatësisë turke votuam “kundër” edhe për Vendimin e parë dmth për fillimin e procedurës, se nuk ka arsye me këto sqarime që ne i dhamë. Së pari me iniciativën u theksua se nuk është respektuar forma, procedura për miratimin e këtij vendimi dhe e dyta që ishte edhe vërrejtje e shumicës së kolegëve të Gjykatës Kushtetuese se disa emërime duhet të jenë në gjuhën maqedonase se ata nuk e kuptojnë atë përkthimin faktikisht fjalën burimore në gjuhën shqipe. Konkretisht fjala ishte për “Kongresin e Manastirit”, “Dëshmorët e Kombit”. Për këtë cështje dhamë arsyen se assesi që kjo vërrejtje të jetë e arsyeshme dhe nga ky aspekt të vlerësohet kushtetutshmëria. Theksuam se punohet për emra të përveçëm dhge se emrat e përveçëm sipas rregullave gramatikore të gjuhës shqipe nuk përkthehen” – tha për Tv Koha, Gjykatësi I Kushtetueses, Osman Kadriu.
Sa I përket mungesës në procedurë, Gjykatësi Osman Kadriu tha se bëhet fjalë për një vendim shumë të vjetër dhe me të vërtetë është jashtë cdo arsyeshmërie të ngrihet pas vitit 2007 kur është sjellë vendimi për emërimin e rrugëve, tash të vlerësohet kushtetutshmëria dhe ligjshmëria.
Shkaku kryesor, sipas tij, është se kinse në atë kohë dhe në atë procedurë nuk është kërkuar mendim nga Qeveria, meqenëse sipas një vendimi republikan që ka sjellë Qeveria është fakt se kërkohet mendimi I Qeverisë.
“Ne në shqyrtimin e kësaj lënde, që zgjati koxha kohë që kur u iniciua procedura deri ditën e djeshme nuk u vërtetua gjendja faktike rreth asaj mangësie për të cilën insistohet se është prezente. Së pari kërkuam edhe nga Këshilli Komunal nëse janë paraqitur në atë kohë me kërkesë dhe shkresë të vecantë në Qeverinë e RMV-së që ajo të prononcohet me mendimin e saj, qoftë pozitiv ose negativ. Prej Këshillit morëm përgjigje se bëhet fjalë për lëndë të vjetër dhe në dosjen e kësaj lënde nuk mund të gjendet një lloj shkrese e këtillë. Kërkuam poashtu nga Qeveria me kërkesë të vecantë të përgjigjet Qeveria se a ka pas vallë kërkesë dhe cili ka qenë mendimi I Qeverisë, pozitiv apo negativ. Edhe nga Qeveria nuk kemi përgjigje se si ka rrjedhë kjo procedurë. Dhe ne që e mbrojtëm vendimin në fjalë të mbetet në fuqi thamë se gjendja faktike nuk është e kompletuar dhe e drejtë dhe me të vërtetë është sanksion I rëndë që Gjykata të sjell vendim abrogues dhe të abrogon vendimin në fjalë. Por, ditën e djeshme, 3 Gjykatësit përsëri e arsyetuan cështjen se iniciativa nuk është e arsyeshme, duhet të hudhet dhe nuk duhet të preket cështja e vendimit. Me shumicë të votave, me 5 vota “për” u vendos që të abrogohet vendimi në fjalë” – tha për Tv Koha, Gjykatësi, Osdman Kadriu.
Gjykatësi i Kushtetueses, Osman Kadriu, për Tv Koha tha se vendimi në fjalë assesi nuk duhet të pranohet me brengosje. Ai ka komentuar pohimet se tani me vendimin abrogues, automatikisht do të vjen në shprehje Vendimi I Vjetër dhe do të hiqen tabelat. Ai kategorkisht thotë se kjo nuk do të ndodh!
Si jurist me përvojë dhe si Gjykatës i Kushtetueses ai për Tv Koha shpjegojë pasojat se cfarë mund të ndodh dhe si mund të zbatohet
“1.Me vendimin e Gjykatës Kushtetuese assesi nuk vjen në pyetje që me automatizëm të zbatohet vendimi I vjetër.
2.Me vendimin e Gjykatës Kushtetuese assesi në këtë moment nuk do të hiqen tabelat me emrat e tashëm
3.Vendimi I Gjykatës Kushtetuese ka atë domethënie dhe atë obligim për Këshillin Komunal që Këshilli Komunla pasi të shpallet Vendimi I Gjykatës Kushtetuese në Gazetën Zyrtare të shtetit dhe pasi të merr një ekzemplar të vendimit edhe vet Këshilli Komunal, Këshilli Komunal duhet ta nis procedurën për sjelljen e një vendimi të ri. Me sjelljen e një vendimi të rid he në atë procedurë rigorozisht duhet të respektohet forma për miratimin e këtij vendimi, ku është kusht I domosdoshëm që të prononcohet edhe Qeveria. Por si akt juridik duhet të sigurohet dhe t`i bashkangjitet dosjes së lëndës që ka të bëjë me miratimin e vendimit të ri” – tha për Tv Koha, Gjykatësi Osman Kadriu.
Lajme nga vendi
Nikolloski: Me trenin e shpejtë do të udhëtohet për 1 orë e 25 minuta nga Shkupi në Selanik dhe për 2 orë e gjysmë deri në Beograd
Zëvendëskryeministri dhe ministër i Transportit dhe Lidhjeve, Aleksandar Nikoloski, në samitin ministror për transport të organizuar nga Sekretariati i Komunitetit të Transportit, foli për planet dhe zhvillimin e infrastrukturës rrugore dhe hekurudhore të Korridorit 10 dhe Korridorit 8.
Nikoloski theksoi se samiti dërgon një mesazh të qartë për përkushtimin e përbashkët të vendeve nëpër të cilat kalon Korridori 10, duke nënvizuar se ndërtimi i tij do të kontribuojë që ai të bëhet korridori më i rëndësishëm ekonomik i transportit në Evropë.
Sipas tij, me realizimin e projekteve të planifikuara infrastrukturore do të reduktohet ndjeshëm koha e udhëtimit dhe transportit të mallrave në rajon.
“Shkup – Selanik do të udhëtohet për 1 orë e 25 minuta, Shkup – Beograd për dy orë e gjysmë, ndërsa treni i mallrave nga Athina do të arrijë në Vjenë për më pak se 24 orë. Nga Selaniku deri në Budapest transporti hekurudhor i mallrave do të zhvillohet për rreth 12 deri në 14 orë”, theksoi Nikoloski.
Ai vlerësoi se modernizimi i infrastrukturës së transportit përgjatë Korridorit 10 do të sjellë qarkullim më të shpejtë të njerëzve dhe mallrave, lidhje më të madhe ekonomike dhe mundësi të reja zhvillimi për vendet e rajonit. përcjell Zhurnal.mk .
Bozhinovska: Të gjithë duan të ndërtojnë fotovoltaikë me këtë çmimi i energjisë tani është i ulët, madje edhe zero përcjell Zhurnal.mk .
OSMAN KADRIU PËR TV KOHA – VENDIMI I GJYKATËS KUSHTETUESE NUK DUHET PRANUAR ME BRENGOSJE!
Nikolloski: Me trenin e shpejtë do të udhëtohet për 1 orë e 25 minuta nga Shkupi në Selanik dhe për 2 orë e gjysmë deri në Beograd
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Azizi zbulon dyfytyrësinë e Ali Ahmetit: Ja vazali që e mbronte Gruevskin
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
