Lajme nga vendi
Shqiptarët kanë humbur besimin te VMRO
Sondazhi i Nëntorit 2025: Shqiptarët perceptojnë VMRO-DPMNE-në si pengesë për integrimin dhe përfaqësimin e tyre.
Një sondazh i realizuar në nëntor 2025 nga Gani Bobi ka nxjerrë në pah perceptimet e komunitetit shqiptar mbi VMRO-DPMNE-në dhe rolin e saj në politikën e Maqedonisë së Veriut, por mbi të gjitha me optikën e shqiptarëve për forcën qeverisëse në vendin fqinj.
Rezultatet e këtij sondazhi të shtjelluar tregojnë një shqetësim të thellë për qëndrimet e kësaj partie ndaj shqiptarëve dhe perspektivës evropiane të vendit.
Pjesa më e madhe e të anketuarve e perceptojnë VMRO-në si një parti me qëndrime paternaliste ose nacionaliste, ndërsa vetëm një pjesë e vogël e sheh si bashkëpunuese dhe të moderuar
Shumica e shqiptarëve nuk besojnë se VMRO është e interesuar për integrimin real evropian dhe e perceptojnë këtë parti si një aktor që përjashton shqiptarët nga vendimmarrja shtetërore.
Kursi politik i VMRO-së, i orientuar drejt Serbisë dhe i kushtëzuar nga çështje të jashtme, shihet ndër të tjera si i dëmshëm për perspektivën euro-atlantike të Maqedonisë së Veriut.
Sondazhi nxjerr gjithashtu në pah se shumica e shqiptarëve e cilësojnë rrugën evropiane të vendit si të domosdoshme, por vetëm nëse garantohen të drejtat e tyre, ndërsa mbështetja për Marrëveshjen me Bullgarinë është e kushtëzuar me respektimin e identitetit shqiptar.
Përfshirja e pakicës bullgare në Kushtetutë shihet me kujdes: shumica nuk e kundërshtojnë nëse kjo nuk cenon të drejtat e tyre, por një pjesë tjetër shpreh pasiguri ose mungesë informacioni. Vetëm një pjesë e vogël e shqiptarëve e perceptojnë Maqedoninë si një shtet multietnik me të drejta të garantuara, ndërsa pjesa më e madhe e sheh shtetin si dominues maqedonas ose me multietnicitet të pabarabartë.
Sondazhi tregon gjithashtu se shqiptarët janë të vetëdijshëm për rëndësinë e përfshirjes së pakicës bullgare në Kushtetutë si një kusht për anëtarësim në BE dhe nuk e shohin këtë si një kërcënim për të drejtat e tyre. Përkundrazi, ata e shohin bllokimin e këtij procesi nga VMRO si një lojë politike që synon destabilizimin e brendshëm dhe përjashtimin e komunitetit shqiptar nga vendimmarrja shtetërore
Në përgjithësi, sondazhi reflekton një mosbesim të lartë ndaj VMRO-së, duke e perceptuar si pengesë për integrimin evropian dhe si aktor që minon pozitat e shqiptarëve në Maqedoninë e Veriut.
Interesant është ndërkaq fakti se ndër politikanët shqiptarë, figura e Menduh Thaçit është ajo, e cila shihet si më e përgatitur për t’u përballur me Hristijan Mickockin dhe VMRO-në, veçanërisht në Tetovë.
“Edhe pse prej një periudhe jashtë vëmendjes për vendimmarrje, Menduh Thaçi doli befasishëm në pyetjen për kush mund të përballet realisht me Mickoskin dhe VMRO-në, si një nga më të besueshmit”, reflekton sondazhi.
Ndërsa, një frikë e madhe e shqiptarëve ka të bëjë edhe me ndarjen etnike që mund t’i vijë vendit nëse VMRO do të vijojë të ketë këtë dominancë në sferën politike të RMV-së.
Analiza e Pyetjeve
Si e vlerësoni sjelljen e VMRO-DPMNE në këto zgjedhje?
Përgjigjet janë ndarë në katër kategori: paternaliste ndaj shqiptarëve, nacionaliste por e qartë, e moderuar dhe bashkëpunuese, dhe nuk kam ndjekur fushatën. Pjesa më e madhe e respondentëve e perceptojnë VMRO-në si një subjekt që mbart qëndrime paternaliste ose nacionaliste, ndërkohë që një pjesë e vogël e konsideron bashkëpunuese.
A duhet të jetë urgjente rruga evropiane e Maqedonisë?
Shumica e shqiptarëve mendojnë se po, por vetëm nëse garantohen të drejtat e shqiptarëve. Kjo tregon një qëndrim të matur pro-evropian të kushtëzuar me përfaqësimin e drejtë.
A mendoni se Marrëveshja me Bullgarinë duhet të mbështetet?
Mbështetja për marrëveshjen është gjithashtu e kushtëzuar me mbrojtjen e identitetit shqiptar. Rreth gjysma e të anketuarve janë skeptikë nëse marrëveshja nuk respekton këtë identitet.
A e konsideroni Maqedoninë e Veriut një shtet…
Vetëm një pjesë e vogël e shqiptarëve e perceptojnë Maqedoninë e Veriut si një shtet multietnik me të drejta të garantuara. Pjesa më e madhe e sheh shtetin si dominues maqedonas ose me multietnicitet të pabarabartë.
A mendoni se VMRO është e interesuar për integrimin e Maqedonisë së Veriut në BE?
Shumica janë skeptikë ose nuk kanë informacion. Kjo tregon mungesë besimi në angazhimin real të VMRO-së për integrimin evropian.
A mendoni se VMRO po e kthen Maqedoninë e Veriut drejt një aleance me Serbinë?
Një pjesë e madhe e shqiptarëve e percepton këtë si një rrezik real. Kjo frikë thellon ndarjen mes komuniteteve dhe shpjegon arsyet e dyshimit ndaj VMRO-së.
A mendoni se BE është garantuese më e mirë për të drejtat e shqiptarëve në Maqedoni.
Megjithëse shumë shqiptarë besojnë te BE, një pjesë e mirë ka dyshime nëse BE-ja do të jetë garantuese më e mirë se mekanizmat e brendshëm kushtetues.
A e përkrahni përfshirjen e pakicës bullgare në Kushtetutë?
Një pjesë e madhe e shqiptarëve nuk e kundërshton këtë nëse kjo nuk dëmton të drejtat e tyre. Por gjithashtu ka shumë pasiguri dhe mungesë informacioni për pasojat e këtij përfshirjeje.
Pyetja e fundit e sondazhit ngre një çështje kyçe: përfshirja e pakicës bullgare në Kushtetutë.
Qëndrimet janë të ndara, por shumica kërkon që një veprim i tillë të bëhet vetëm nëse garantohen të drejtat e shqiptarëve. Një pjesë tjetër e refuzon këtë përfshirje, ndërsa të tjerë shfaqin pasiguri ose mungesë informacioni për temën.
Kjo reflekton një frikë të qartë që përfaqësimi i një pakice tjetër mund të instrumentalizohet për të minuar pozitat e shqiptarëve, sidomos nëse nuk ka garanci të balancës dhe reciprocitetit politik e kushtetues.
Aneks: VMRO-DPMNE dhe Shqiptarët – Perceptime nga Sondazhi i Nëntorit 2025
Nga sondazhi i realizuar në nëntor 2025, rezulton se një pjesë dërrmuese e shqiptarëve e perceptojnë VMRO-DPMNE-në si një parti që mban qëndrim armiqësor ndaj interesave shqiptare në Maqedoninë e Veriut.
Pyetjet që lidhen me orientimin e kësaj partie drejt Serbisë, refuzimin e rrugës evropiane dhe mosgatishmërinë për përfshirjen e pakicës bullgare në Kushtetutë, janë tregues të qartë të këtij perceptimi.
Qëndrimi i VMRO-së për të bllokuar rrugën drejt Bashkimit Evropian, duke e kushtëzuar me çështje që nuk kanë lidhje direkte me zhvillimin e vendit, është parë nga shumica e shqiptarëve si veprim i dëmshëm për perspektivën euro-atlantike të Maqedonisë së Veriut.
Për më tepër, afërsia politike me qeverinë e Serbisë shihet si një devijim nga konsensusi historik i vendit për të qenë pjesë e strukturave perëndimore. Nga sondazhi mësohet se shqiptarët, në përqindje shumë të lartë, e refuzojnë këtë kurs të VMRO-së.
Kjo parti perceptohet si pengesë për integrimin dhe si një aktor që, në mënyrë të qëllimshme, përjashton shqiptarët nga vendimmarrja shtetërore. Sondazhi gjithashtu tregon se shqiptarët janë të vetëdijshëm për rëndësinë që ka përfshirja e pakicës bullgare në Kushtetutë, si një kusht për anëtarësim në BE, dhe nuk e shohin këtë si çështje që cenon të drejtat e tyre.
Përkundrazi, ata e shohin bllokimin e këtij procesi nga VMRO si një lojë politike që synon destabilizimin e brendshëm.
Drejtori i deritanishëm i Postës së Tetovës, Muhamed Zilbeari, ka dhënë dorheqje dhe se prej sot nuk do të jetë në krye të këtij institucioni. Në një postim në rrjetet sociale, ai është shprehur për përpjekjet në dhënien e maksimumut për krijimin e kushteve më të mira për punëtorët dhe përmirësimin e cilësisë së shërbimeve në dobi të shfrytëzuesve të postës.
“Falënderoj të gjithë ata që më mundësuan të dëshmoj se si duhet udhëhequr një institucion pa ndikime anësore, qofshin ato politike apo të natyrave të tjera, pavarësisht bllokadës së plotë nga qendra dhe indiferencës së skajshme të politikës ndaj zhbllokimit të saj.Falënderoj punonjësit që, përveç punës së tyre profesionale, me angazhimin vullnetar kontribuuan që Posta e Tetovës të duket ndryshe e më mirë. Falënderoj ata punonjës që, pavarësisht problemeve me vonesat e pagave, kontribuuan sado pak në përmirësimin e kushteve të punës, përmes donacioneve të tyre. Një falënderim i veçantë shkon për donatorët e shumtë, të cilët, duke vërejtur se në Postën e Tetovës po punohej realisht, ndihmuan me materialet e nevojshme për punë. Duke u nisur nga fakti se askush nuk është i pagabueshëm, të gjithë atyre që padashur mund t’u kem shkaktuar ndonjë padrejtësi, ju kërkoj falje”, thuhet në dorëheqjen e drejtorit të Postës së Tetovës Muhamed Zilbeari. (koha.mk)
Zëvendësministrja e Transportit, Kaltrina Zekolli në Click Plus në TV21, bëri të ditur se për rrugën Tetovë – Prizren janë ndarë 2 milionë euro.
Zekolli theksoi se kjo rrugë është me rëndësi të madhe nga aspekti ekonomik por edhe në aspektin e turizmit.
“Rruga Tetovë – Prizren është shumë i rëndësishëm nga aspekti ekonomik. Kemi bërë shumë takime, Kosova është më përpara me hapa, në fillim të mandatit tim kemi hasur në një memorandum bashkëpunimi mes dy qeverive, por që nuk kishte lëvizur asnjë hap përbrenda memorandumit. Kemi arritur ta kalojmë fazën e detyrës projektuese. Për këtë projekt 2 milionë euro janë të ndara në buxhetin e Ndërmarrjes Publike “Rrugët Shtetërore” për hapjen e tenderit për projektin kryesorë”, deklaroi Kaltrina Zekolli – zëvendësministre e Transportit.
Zekolli poashtu përmendi edhe projektin tjetër infrastrukturor, Korridorin 8.
Ajo tha se Korridori 8 duhet të përfundojë në vitin 2029.
Mes tjerash Zekolli tha se projekti i kalon 1 miliard euro, duke shtuar se 600 milionë euro janë shfrytëzuar në pjesën Kërçovë-Ohër.
Shpejtësia më e lartë e regjistruar nga sistemi “Qytet i Sigurt” është 231 kilometra në orë, me të cilën një makinë po “fluturonte” në unazën e Shkupit, zbuloi në Top Tema në TV Telma Maja Arsovska-Manov, drejtoreshë e Sektorit të Çështjeve të Trafikut në Ministrinë e Brendshme, dhe Vladimir Velkovski, këshilltar shtetëror në kabinetin e ministrit Toshkovski. Shkelja u regjistrua më 1 dhjetor, ditën e parë pas fillimit të periudhës së provës së sistemit, transmeton Portalb.mk.
Arsovska-Manov dha disa detaje në lidhje me njoftimet se automjetet e parkuara në mënyrë të paligjshme do të identifikohen dhe sanksionohen në kuadër të sistemit “Qytet i Sigurt”.
Kjo, tha ajo, do të bëhet nga automjetet e policisë që do të jenë të pajisura me pajisje për të zbuluar këtë lloj shkeljeje. Pajisjet, tha ajo, janë instaluar aktualisht në një automjet.
“Do të funksionojë në një mënyrë që një polic do të drejtojë automjetin dhe tjetri do të përdorë pajisjet”, tha ajo.
Atë ditë, siç raportoi Ministria e Brendshme, u regjistruan mbi 65,000 shkelje në 12 orë, dhe një total prej 110,000 shkeljesh në 24 orë. Të nesërmen, numri u përgjysmua në 50,652 shkelje. Megjithatë, siç raportoi Ministria e Brendshme, tendenca e shumicës së shkeljeve të rregullave të trafikut që lidhen me shpejtësinë ka mbetur, 48,861, ndërsa 1,366 ishin për kalim të semaforit të kuq dhe 425 për automjete të paregjistruara. Në ditën e dytë, u mat një tjetër shpejtësi rekord prej 209 kilometrash në orë.
Sipas Ministrisë së Brendshme, më shumë shkelje të shpejtësisë u regjistruan në dalje nga Shkupi për në Tetovë, 4,300, dhe në Bulevardin Nikolla Karev, i njohur më mirë si Rruga e Plastikave, 3,000 shkelje.
Nga ana tjetër, në tre ditët e para të fillimit të Qytetit të Sigurt, një numër i madh paralajmërimesh u lëshuan edhe për qytetarët që po drejtonin me 51 ose 52 kilometra në orë, gjë që shkaktoi debate të shumta në mediat sociale. Qytetarët ndajnë përvoja dhe praktika nga vende të tjera që kanë një prag tolerance në të cilin drejtimi i disa kilometrave mbi shpejtësinë maksimale të lejuar nuk ndëshkohet. Vërejtjet i referohen gjithashtu shpërqendrimit të shoferëve që shikojnë më shumë shpejtësimatësin sesa trafikun, por edhe mungesës së sinjaleve të trafikut në shumë vende ku ka kamera.
Ministri Pançe Toshkovski pranoi dobësitë e sistemit dhe tha se disa nga paralajmërimet nuk arritën te shoferët e duhur dhe njoftoi se periudha e testimit mund të zgjatet. Megjithatë, ai theksoi se nuk do të ketë përjashtime për askënd, përfshirë automjetet zyrtare dhe qytetarët e huaj të cilët nuk do të pengohen të largohen, por nuk do të lejohen të hyjnë nëse nuk paguajnë gjobën e tyre.
“Një autoambulancë nuk do të sanksionohet nëse lëviz më shpejt se shpejtësia e përcaktuar sipas kushteve që janë parashikuar. E njëjta gjë vlen edhe për automjetet e tjera të shërbimit, siç janë automjetet e Ministrisë së Punëve të Brendshme dhe Ushtrisë, por të gjitha të tjerat i nënshtrohen sanksioneve, pavarësisht nëse kanë targë të kuqe. Zyrtarët që drejtojnë automjete zyrtare me shoqërim policor kanë të drejtë të ngasin ndonjëherë më shpejt se shpejtësia e lejuar, por nëse një ministër drejton dhe kryen një shkelje, ai do të ndëshkohet. Deri më tani, të paktën tre shoferë që aktualisht drejtonin ministra dhe nuk i përmbaheshin rregullave të përcaktuara janë ndëshkuar”, tha Toshkovski.
Kamerat “Qytet i Sigurt” të instaluara në udhëkryqet e Shkupit do të regjistrojnë automatikisht shkeljet e trafikut duke filluar nga sot, 1 dhjetor. Ministria e Brendshme po lançon sistemin “Qytet i Sigurt, Shtet i Sigurt”. Periudha provuese do të zgjasë deri në Vitin e Ri, ndërsa gjobat e para duhet të mbërrijnë më 1 janar.
Nëse kamerat do t’i sjellin shoferët në vete, do të shihet në javët e para të sistemit, i cili do të fillojë të regjistrojë dhe paralajmërojë nga nesër, dhe duke filluar nga viti i ri, do të ndëshkojë edhe ata.
Synimi është që deri në vitin 2030 të zvogëlohet dhe të përgjysmohet numri i aksidenteve në trafik.
Zbatimi i projektit “Qyteti i sigurt”, i cili në fazën e parë, përveç në Shkup, do të zbatohet edhe në Tetovë dhe Kumanovë.
Dorëhiqet drejtori i Postës së Tetovës, Muhamed Zilbeari
Zekolli: Për rrugën Tetovë-Prizren kemi ndarë 2 milionë euro
Edhe veturat e parkuara “keq”, do të gjobiten nga sistemi “Qytet i Sigurt”
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
Shkup, panairi i patundshmërive të Dubait! Citi Casa rikthehet në hapësirat e COWORK21 më 31 maj dhe 1 qershor
-
Lajme nga vendi1 month agoBilall Kasami : Mega projekti që po bëhet realitet investim prej 70 milionë denarëve Tetova po transformohet
-
Lajme nga vendi4 weeks agoUniversiteti i Tetovës shpreh ngushëllime për vdekjen e studentes Daorsa Spahija
-
Lajme nga vendi2 months agoFatmir Limani: Diaspora do të jetë pjesë integrale e projektit tim politik