Sport
TENIS: ARINA SABALENKA E NIS VITIN 2026 ME STIL
Liderja e renditjes botërore, Arina Sabalenka, ka shënuar një fitore bindëse ndaj spanjolles Kristina Buksa në raundin e dytë të turneut të Brizbejn.
Ndeshja, e cila zgjati saktësisht 49 minuta, përfundoi me rezultatin pastër 2-0 në sete (6-0 dhe 6-1) për bjellorusen.
Sabalenka tregoi një formë të jashtëzakonshme, duke fituar 11 geme radhazi. Megjithëse dukej se kundërshtarja nuk do të fitonte asnjë pikë, spanjollja Buksa arriti të fitonte gemin e 12-të të ndeshjes, duke u regjistruar më në fund në tabelën e rezultateve nën duartrokitjet e publikut.
Në raundin tjetër, Sabalenka do të përballet me tenisten rumune, Sorana Kirstea.
Boksieri nga Rottweili, Ardian Krasniqi, ka mbrojtur me sukses titullin e kampionit WBO Intercontinental në peshën gjysmë të rëndë, duke mposhtur argjentinasin Gaspar Fernandez me nokaut, të shtunën mbrëma. Kjo ishte fitorja e 12-të radhazi në po aq ndeshje profesionale për Krasniqin, i cili vazhdon të mbetet i pamposhtur.
Mbrëmja e boksit “Showdown for Legacy III”, e zhvilluar në Scharrena të Shtutgartit, u ndoq nga rreth 2.500 spektatorë në një sallë të mbushur plot. Përveç tifozëve të shumtë nga Rottweili, në mesin e të pranishmëve ishin edhe figura të njohura sportive, përfshirë ish-boksierin profesionist Luan Krasniqi dhe trajnerin e njohur të futbollit Felix Magath.
Krasniqi dominoi duelin kryesor të mbrëmjes dhe e përfundoi ndeshjen para kohe, duke konfirmuar formën e shkëlqyer dhe ambiciet e tij në skenën ndërkombëtare të boksit. Pas ndeshjes, ai u shpreh i emocionuar nga atmosfera dhe mbështetja e publikut.
“E dija se mbaja përgjegjësi të madhe – për titullin, për veten dhe për ekipin tim. Publiku e shndërroi sallën në një arenë të vërtetë. Jam krenar që arrita ta përfundoj ndeshjen para kohe”, deklaroi Krasniqi.
Nga ana e tij, drejtori i PrimeTime Promotion, Klaus Müller, e cilësoi mbrëmjen si një sukses të madh organizativ dhe sportiv, duke theksuar se kompania ka potencial të madh për të ndërtuar projekte të rëndësishme në boksin profesional.
Fitore të tjera të rëndësishme në mbrëmje
Një tjetër moment kulmor ishte triumfi i Granit Stein nga Ingolstadti, i cili fitoi titullin WBC Middle East në peshën super të mesme, pas një përballjeje të fortë kundër Sarhad Nouzad nga Esseni, e ndërprerë në raundin e tetë.
Arian Ejupi nga Villingen-Schwenningen fitoi Titullin Ndërkombëtar Gjerman (BDB) në peshën super të mesme, duke e mbyllur ndeshjen shumë shpejt kundër Aleksandar Ivanoviçit nga Bosnja dhe Hercegovina.
Po ashtu, Alex Alselo nga Karlsruhe mbrojti me sukses titullin WBO World Youth, duke fituar me nokaut në raundin e tretë ndaj Dorde Krsmanoviçit, ndërsa Michael Rigas nga Mynihu shënoi fitore bindëse me nokaut ndaj Artur Andrejev nga Estonia.
Mbrëmja në Shtutgart konfirmoi nivelin e lartë sportiv dhe interesin në rritje për boksin profesionist, ndërsa Ardian Krasniqi vazhdon rrugëtimin e tij drejt majave të këtij sporti./gazetamax.mk/
Kupa e kombeve të Afrikës në futboll vazhdon sipas parashikimeve të organizatorëve . Kualifikim në çerekfinale kanë siguruar Nigeria pas fitores kundër Mozambikut, dhe Egjipti pas fitores ndaj Beninit
Kombëtarja e Nigerisë ka siguruar një kualifikim bindës në çerekfinalet e Kupës së Afrikës, pas fitores së thellë 4-0 ndaj Mozambikut. “Shqiponjat” dominuan ndeshjen nga fillimi në fund, duke konfirmuar formën e tyre të shkëlqyer në këtë turne.
Nigeria e nisi fuqishëm takimin, teksa Victor Osimhen gjeti rrjetën që në minutën e dytë, por goli u anulua nga VAR-i për pozicion jashtë loje. Epërsia u sigurua në minutën e 20-të, kur Ademola Lookman përfitoi nga asistimi i Adams dhe realizoi nga afërsia me një goditje të fortë. Vetëm pesë minuta më pas, Osimhen dyfishoi shifrat, duke shënuar lehtësisht brenda zonës .
Në fillimin e pjesës së dytë, dy golashënuesit bashkëpunuan sërish, me Lookman që asistoi për Osimhen, i cili shënoi golin e tretë në portën e zbrazur . Fitorja u ‘vulos’ në minutën e 75-të, kur Akor Adams përfitoi nga një tjetër asist i Lookman për të vendosur rezultatin përfundimtar 4-0. Në çerekfinale Nigeria pret fituesin e çiftit Algjeri – Republika Demokratike e Kongos.
Nga ana tjetër, edhe kombëtarja e Egjiptit ka prerë biletën për në çerekfinale, pas një fitoreje dramatike 3-1 ndaj Beninit, në një sfidë që u vendos vetëm pas 120 minutash lojë. Egjiptianët e nisën ndeshjen më mirë, duke krijuar raste të rrezikshme me Omar Marmoush, por pa arritur të konkretizojnë.
Zhbllokimi i rezultatit erdhi në minutën e 69-të, kur Maruan Attia realizoi një supergol pas asistimit të Hany. Megjithatë, Benini barazoi në minutën e 83-të me Jodel Dossou, duke e çuar ndeshjen në shtesë. Heroi i Egjiptit u bë Yasser Ibrahim, i cili shënoi me kokë pas harkimit të Attias, ndërsa në minutat e fundit Muamed Salah vulosi fitoren me një gol spektakolar nga distanca
Shkëndija nga dita e djeshme ka ndezur motorët për tu përgatitur për pjesën pranverore ku e presin sfida të mëdha në tre fronte kampionatin vendor, Kupën dhe play off-in në Konferencë Liga. Faza kryesore e përgatitjeve zhvillohet në Antalia ga data 17 janar deri më 1 shkurte
Kampioni aktual i Maqedonisë së Veriut në futboll, skuadra e Shkëndijës që pas vetes la një vit me shumë suksese si në garat vendor dhe sidomos në ato ndërkombëtare, nga dita e djeshme zyrtarisht filloi fazën përgatitore për pjesën pranverore, ku kuqezinjtë do të garojnë në tre fronte, kampionatin vendor, Kupën dhe për herë të parë në histori edhe në garat evropiane, pas kualifikimit në play-off të UEFA Liga e Konferencës. Sipas projektit të stafit teknik që drejtohet nga trajneri Jeton Beqiri ditët janë të dedikuara për ekzaminimet mjekësore, përpara se ekipi të kalojë në ritmin e plotë të punës me dy seanca stërvitore në ditë. Trajner i Jeton Beqiri për TV Koha tha se ekipi fazën e parë do ta zhvillon në Tetovë , ndërsa nga 17 janari do zhvendoset në Antalia
“Fillojmë dal nga dal me fazën përgatitore për shkak se këtë vit kampionati do të filloj akoma më herët, kurse skuadra jonë normalisht për shkak të ndeshjeve të play off-it në Konferencë Ligë , ndeshjen e parë kampionate do të ketë një apo dytë para për shkak të angazhimeve eutropiane. Insistimi jonë si staf ishte që të fillojmë në kohë dhe këto ditët e para të punojmë këtu në Tetovë dhe të përfundojmë me ndeshjen kontrolluese kundër ekipit Brera dhe pastaj nga data 17 janar do të zhvendosemi në Antalia ku do të kemi edhe katër ndeshje kontrolluese dhe fazën kryesore të përgatitjeve’’ deklaroi trajneri Jeton Beqiri
‘’Për momentin futbollistët të cilët janë nën kontratë me Shkëndijën normalisht se janë këtu. Është specifike se situata vetëm me Reshat Ramadanin të cilit i ka përfunduar kontrata e huazimit dhe normalisht klubet do të bisedojnë për vazhdimin sepse dëshira jonë është që Reshati të mbetet pjesë e jona. Ne jemi në situatë që nuk kemi qenë asnjëherë më parë te Shkëndija për shkak se për futbollistët tonë ka shumë interesime nga skuadrat e huaja që mund të ndodhë që ndonjëri edhe shitet. Pastaj ka edhe futbollist të cilët do afrohen ‘’ tha trajner beqiri
Sa i përket situatës me Klisman Caken i cili ka oferta mjaftë tërheqëse trajneri Beqiri tha se i takon kryesisë të vendose
‘’Normalisht është merkato edhe i takon kryesisë klubit normalisht në bashkëpunim me ne të vendoset se cilat futbollist do të largohen . Pastaj ekzistojnë edhe marrëveshjet të cilat janë bërë. Por unë jam shumë i sigurt dhe jam i mendimit se edhe me ndonjë largim apo edhe me afrime të cilat do bëhen unë kam besim se Shkëndija do jetë një skuadër e fortë në pranverë për shkak se gjithmonë jam i mendimit se duhet të bazohemi te grupi e jo tek individët ‘’ tha Beqiri
Kujtojmë se Shkëndija deri ditën e sotme ka prezantuar vetëm Drilon Islamin si përforcim edhe pse me të madhe po flitet se ekipit do ti bashkëngjitet edhe futbollisti i AP Brerës, Fahd Nxenge, por nuk përjashtohen edhe prurje tjera. Faza kryesore e e përgatitjeve nga 17 janari deri më 1 shkurt do të zhvillohet në Antalia ku edhe do të zhvillohen katër ndeshje kontrolluese . Pjesa pranverore e kampionatit është caktuar të fillon më 10 dhe 11 shkurt, ndërsa në ndeshjen e parë Shkëndija në Tetovë do të mirëpret Struga Trim & Lum
SHABAN SINANI – TV KOHA
Përmbyten banesat dhe bizneset në Rrogozhinë, banorët për TCH: Është shkatërruar çdo gjë, dëmi është kolosal
Abuzimi seksual dhe shantazhi ndaj të miturës – Zgjerohet hetimi, mbi 15 persona të dyshuar, u zhvatën me mijëra euro!
Maduro çoi me aeroplan 127 ton ar në Zvicër, çfarë ndodhi pastaj?
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
Shkup, panairi i patundshmërive të Dubait! Citi Casa rikthehet në hapësirat e COWORK21 më 31 maj dhe 1 qershor
-
Lajme nga vendi1 month agoNdryshime partiake në Maqedoninë e Veriut, por me udhëheqës të vjetër
-
Lajme nga rajoni2 months agoFilm ndërkombëtar për Reçakun dhe luftën në Kosovë, pjesë e kastit edhe legjenda e kinemasë Robert De Niro
-
Sport2 months agoSHQIPËRIA SIGUROI NJË VEND NË PLAY OFF PËR BOTËRORIN 2026