Ndeshja e parë gjysmëfinale e Ligës së Kampioneve mes PSG dhe Bajern Mynih në “Parc des Princes” në Paris, ka dhuruar një shfaqje spektakolare  të rrallë për futbolldashësit, në një ndeshje të pabesueshme që u mbyll me rezultatin  5-4.

 Me plot 9 gola të shënuar në total, kjo sfidë regjistrohet zyrtarisht si ndeshja gjysmëfinale me më shumë gola në historinë e formatit modern të Ligës së Kampionëve që nga viti 1992.

Deri më sot, asnjë gjysmëfinale e këtij kompeticioni nuk kishte prodhuar një festival të tillë ofensivë, duke lënë pas ndeshje si fitorja 5-2 e Liverpulit ndaj Romës në vitin 2018, fitorja e Ajaksit 5-2 ndaj Bajernit në vitin 1995, apo suksesi 4-3 i Mançester Siti-t kundër Real Madridit në vitin 2022.

 Për të gjetur një sasi kaq të madhe golash në këtë fazë, duhet të kthehemi 66 vite pas në epokën e vjetër të Ligës së Kampioneve, atëherë kur gjermanët e Eintracht Frankfurt mposhtnin skocezët e Renxhers me shifrat 6-3 në vitin e largët 1960.

 Kjo  përballje në historinë e Ligës së Kampionëve zë një vend nderi mes ndeshjeve më “të çmendura”.

Advertisement

 Kur analizojmë fazën me eliminim direkt, aty ku tensioni është maksimal dhe skuadrat janë gjigante, kjo betejë e “Parc des Princes” rreshtohet mes më të mëdhave, duke qëndruar shumë afër rekordit absolut nokaut që mbahet nga vetë Bayern Munih, me atë fitore historike dhe poshtëruese 8-2 kundër Barcelonës në çerekfinalen e vitit 2020.

Shënimi i nëntë golave mes dy pretendentëve kryesorë për titullin, duke përfshirë pesë gola vetëm në pjesën e parë, thyen çdo lloj logjike dhe rregulli të pashkruar të futbollit të këtij dekade.

 Është ky lloj i rrallë i kaosit total ofensiv dhe dëshirës për të luajtur hapur nga të dyja anët, që e bën këtë takim të fund-prillit një material klasik që do të citohet për dekada me radhë.

 Në këtë përballje çdo gjë mbetet e hapur, kurse na pret edhe ndeshja e kthimit më 6 maj në Munih.

Advertisement

Komisioni  i disiplinës në kuadër të FFM-së pas incidentit në ndeshjen e xhiros së 28-të mes Bashkimit dhe Struga Trim Lum, ka pezulluar terrenin në Kumanovë. Ndeshjen e radhës kundër Vardarit ekipi Bashkimi do ta  zhvillon në stadiumin e Gostivarit 

Incidenti  që ndodhi në ndeshjen e javës së  28-të në Kumanovë mes Bashkimit dhe Struga Trim Lum, për  skuadrën vendase ndodhi që të jetë fatale, pasi organet e  FFM-së, kanë pezulluar stadiumin e Bashkimit për katër ndeshje si vendas.

Kjo do të thotë se Bashkimi dy ndeshjet si vendas deri në fund të këtij kampionati  dhe dy të  tjera në kampionatin e ardhshëm duhet  t`i zhvillojë jashtë Kumanovës.

Pikërisht në javën e 30-të Bashkimi, është nikoqire e  Vardarit.

Kryetari i Bashkimit, Burak Hyda, në një prononcim për Tv Koha, lidhur me ndeshjet që do t`i zhvillojnë si nikoqir jashtë Kumanovës, thotë se preferojnë Gostivarin.

Advertisement

“Ndeshjen me Vardarin dhe ndeshjet që do t`i kemi pas dënimit që morëm, katër ndeshje jashtë fushës, 90% do t`i luajmë në Gostivar. Sipas gjitha gjasave, vendimi u mor pak si shpejt, por s’kemi çka të bëjmë. Ne ishim mllefosur  me rezultatin, ishim nervoz, kishim pak  muhabet mes kryesisë së dy palëve. Po s’kemi çka të bëjmë, tani po e paguajmë  shtrenjtë’’ deklaroi Burak Hyda

Duke u ndalur për raportet mes KF Bashkimi dhe organeve  të FFM-së  Burak Hyda thotë se ato janë të mira, duke pranuar dënimin e shqiptuar nga FFM-ja për incidentin në Kumanovë.

 ‘’Me organet e Federatës i kemi punët mirë, por s’kemi çfarë të bëjmë se ishte faji te na. A duheshe me e bë këtë gjest, nuk u deshtë me bë se e kishim një ndeshje me Vardarin,  që  vendos  për neve me mbet  në ligë që ti iknim balotazhit‘’ tha Hyda.

Klubi i futbollit  Bashkimi  pas javës së 29-të pozicionohet në vendin e gjashtë me 40 pikë dhe pothuajse e ka të sigurt mbijetesën, por katër sfidat e fundit kundër Vardarit, Arsimit, Makedonija  Gj.P  dhe Pelisterit i luan jashtë Kumanovës.

Advertisement

FIFA ka arritur një marrëveshje për një ndryshim të madh që prek të gjitha 48 kombëtaret pjesëmarrëse në Botërorin 2026, pak para fillimit të turneut.

 Vetëm 45 ditë para fillimit të Kampionatit Botëror 2026, FIFA ka njoftuar një rritje të konsiderueshme të fondeve për 48 kombëtaret pjesëmarrëse.

Ky vendim vjen pas shqetësimeve të shumta të shfaqura nga federatat kombëtare lidhur me kostot e larta të udhëtimit, logjistikës dhe barrës së rëndë tatimore në SHBA, ku shumë shtete rrezikonin të humbnin para pavarësisht progresit në turne. Sipas planeve të reja, fondi rekord prej 727 milionë dollarësh do të rritet edhe më tej, duke garantuar përfitime më të mëdha për të gjithë pjesëmarrësit.

Në deklaratën zyrtare të lëshuar nga shtëpia e futbollit botëror thuhet:

“FIFA mund të konfirmojë se është në diskutime me shoqatat në mbarë botën për të rritur të ardhurat e disponueshme. Kjo përfshin një rritje të propozuar të kontributeve financiare për të gjitha ekipet e kualifikuara për Kupën e Botës FIFA 2026.”

Advertisement

Organizata theksoi se ky turne do të jetë historik për nga ndikimi financiar:

“Kupa e Botës 2026 do të jetë novatore në aspektin e kontributit financiar për komunitetin global të futbollit,” duke shtuar se detajet përfundimtare do të zyrtarizohen pas mbledhjes së Këshillit të FIFA-s në Vankouver.