Sport

CHAMPIONS: BARCELONA DHE LIVERPOOL ME FITORE TË RËNDËSISHME

Published

9 months ago

January 22, 2026

Pesë fitore të ekipeve vendase, një barazim dhe tre fitore të ekipeve mysafire me gjithsejtë 29 gola të shënuar është epilogu i nëntë ndeshjeve të raundit të shtatë të fazës së ligës në UEFA Liga e Kampionëve . Një xhiro para përfundimit të kësaj faze janë vetëm katër skuadra që kanë të sigurt kualifikimin në 1/8 e finales

Barcelona përjetoi një mbrëmje të çmendur në Pragë pavarësisht temperaturave shumë të ulëta të motit me përmbysje arriti të mund ekipin vendas Slavia e Pragës me rezultatin 4-2. Vendasit e nisën mirë me golin e Kusej që në minutën e 10-të, por Barcelona reagoi dhe arriti të përmbysë rezultatin duke marrë kryesimin në 2-1 me dy golat e Fermin Lopez që shënoi në minutat 34 dhe 42. Por një autogol i pabesueshëm i Levandovskit në minutën e 44 bëri që Slavia të barazojë në 2-2. Në pjesën e dytë Barcelona me golat e Dani Olmon dhe Levandovskin siguroi fitore 4-2 e cila tani me 13 pikë është në vendin e 9 të klasifikimit

Bajerni i Munihut ka regjistruar fitore të sigurt 2-0 kundër Union Saint-Gilloise të cilin e mundi 2-0 dhe shkon në 18 pikë duke u ngjitur në vendin e dytë të renditjes. Autor të dy golave ishte Harry Kane .

Liverpuli më lehtë se sa pritej mundi në transfertë ekipin Olimpik Marsej me rezultatin 3-0. Fitore në raundin e shtatë shënuan edhe Çellsi , Juventusi , Nju Casl , Qarabag , Atletiko Bilbao , ndërsa ndeshja e vetme që përfundoi me barazim ishte dueli Galatasaray – Atletico Madrid .

Pas kompletimit të shtatë xhirove në fazën e ligës kryeson Arsenal me 21 pikë para Bajernit që ka 18, Reali dhe Liverpulli kanë nga 15 dhe Totemham me 14 pikë

Rezltatet e raundit të shtatë

Atalanta – Atletiko Bilbao 2- 3

Bayern – Royale Union SG 2-0

Chelsea – Pafos 1 – 0

Juventus – Benfica 2 – 0

Marseille –Liverpool 0-3

Njucastle – PSV 3 – 0

Slavia Prag – Barcelona 2 – 4

Galatasaray – Atletico Madrid 1-1

Qarabag – Eintracht Frankfurt 3-2

SHABAN SINANI – TV KOHA

Sport

LIGA E KATERT: KF BESA RRUGËTON FUQISHËM – KATËR FITORE RADHAZI

Published

10 hours ago

October 27, 2026

TetovaExpres

Java e katërt në Ligën e katërt rajoni i gjashtë karakterizohet me tre fitore të vendasve, një barazim dhe një fitore e e mysafirëve dhe me 24 gola të shënuar. KF Besa vazhdon startin perfekt me katër fitore në po aq ndeshje.

Sezoni vjeshtor në Ligën e Katërt – Rajoni i Gjashtë, ka vazhduar me ndeshjet e xhiros së katërt.

Në pesë ndeshje e zhvilluara vendasit kanë regjistruar tre fitore një ndeshje ka përfunduar me barazim, ndërsa në një ndeshje ka fituara skuadra mysafire ku janë shënuar 24 gola.

Besa e Çellopekut vazhdon rrugëtimin e fitoreve, kësaj radhe në transfertë në stadiumin e Zhelinës mundi ekipin e Treboshit me rezultat të thellë 0-5.

Për Besën kjo ishte fitorja e katërt nga po aq ndeshje të zhvilluara në sezonin vjeshtor.

Ndeshja e vetme që ka përfunduar me barazim 1-1 është takimi Nerashti – Dardania.

Në tre ndeshjet tjera fitore kanë regjistruar ekipet vendase dhe atë Flamurtari – Rinia 6-3, Renova – Genç Kalemler Sport 4-2 dhe Pallatica – Piroku 2-0.

Tabelën e kryeson Besa me 12 pikë.

SHABAN SINANI – TV KOHA

Sport

FUTBOLL I FEMRAVE: LUBOTENI VAZHDON TË MBAN PRIMATIN NË RENDITJE

Published

10 hours ago

October 27, 2026

TetovaExpres

Një fitore e vendasve dhe katër tw atyre mysafire është epilogu i javës së 10-të në Ligën e Parë të futbollit për femra. Luboteni kryeson me 25 pikë.

Java e 10-të e sezonit vjeshtor në Ligën e Parë të futbollit për femra ka prodhuar një fitore për vendaset dhe katër fitore për mysafiret dhe 16 gola të shënuar.

Lideri në renditjen e tabelës Luboteni i Tetovës kthehet me fitore 2-1 dhe tre pikë nga transferua me Kamenica Kamenicë duke vazhduar të mbanë pozitën e parë.

Fitore të thellë 0-7 në transfertë ka regjistruar Skopje 2014 ndaj Koçanit .

Tiverija Brera ka shënuar fitore minimale 0-2, por shumë të rëndësishme ndaj Pelisterit Pro 2026, ndërsa Vardari 2023 ka mposhtur 0-1 ekipin Istatov 2015 Skopje .

Pas kompletimit të ndeshjeve të xhiros së 10-të, tabelën e kryeson Luboteni me 26 pikë para Skopjes 2014 me 23 dhe Tiverija Brera me 22 pikë.

SHABAN SINANI – TV KOHA

Sport

HARI KEJN FITUES I TOPIT TË ARTË – URON EDHE KF SHKËNDIJA!

Published

10 hours ago

October 27, 2026

TetovaExpres

Hari Kejn është fitues i Topit të Artë të revistës „France Football“ për vitin 2026! Sulmuesi i Bajernit të Mynihut mori më së shumti vota në konkurrencë me Lamin Jamalin, Kilijan Mbapenë, Majkëll Olisen, Hviça Kvaratshelian dhe yjet e tjerë të futbollit botëror, duke fituar çmimin më prestigjioz individual në futbollin botëror.

Heri Kejn anglezi 33-vjeçar shkroi histori, duke u bërë futbollisti i parë anglez pas Majkëll Ouenit, në vitin 2001, që fiton këtë çmim. Ceremonia solemne e edicionit të 70-të të ndarjes së Topit të Artë u mbajt në sallën „Palladium“ në Londër, ku u mblodhën emrat më të mëdhenj të futbollit botëror.

Pas këtij vlerësimi historik qëndron një nga sezonet më të mira të karrierës së sulmuesit anglez. Kejn shënoi gjithsej 73 gola në 65 ndeshje gjatë sezonit 2025/26, për Bajernin e Mynihut dhe përfaqësuesen e Anglisë.

Në konkurrencën e femrave, Topi i Artë për vitin 2026 i takoi futbollistes spanjolle Aleksia Puteljas.

Lamin Jamal fitoi çmimin „Kopa“ për futbollistin më të mirë të ri, në konkurrencë me Pau Kubarsin, Uoren Zair-Emery, Lenart Karl dhe Jan Diomande.

Çmimin ia dorëzoi fituesi i mëparshëm i Topit të Artë, Andrij Shevçenko. Pas pranimit të trofeut, Jamali u shpreh me modestinë se bashkëlojtari i tij te Barcelona dhe përfaqësuesja e Spanjës, Pau Kubarsi, e meritonte më shumë këtë vlerësim.

Në konkurrencën e femrave, çmimi i takoi Viktoria Lopezit nga Barcelona.

Për herë të parë u ndanë edhe çmimet për trajnerët më të mirë në konkurrencën e meshkujve dhe femrave, të emërtuara në nder të legjendës Johan Cruyff.

Në konkurrencën e femrave, çmimin e fitoi trajneri i Barcelonës, Pere Romeu.

Te meshkujt, çmimi i takoi përzgjedhësit të Spanjës, Luis de la Fuente, i cili e udhëhoqi përfaqësuesen drejt titullit botëror.

Çmimi „Lev Yashin“, që i ndahet portierit më të mirë të sezonit, në konkurrencën e femrave i takoi Kata Kolit nga Barcelona.

Në konkurrencën e meshkujve, fitues ishte Unai Simon, portieri i Atletik Bilbaos dhe i përfaqësueses së Spanjës.

Bukajo Saka nga Arsenali fitoi çmimin „Sokrates“, i cili ndahet për kontribut të veçantë humanitar dhe aktivitete jashtë fushave të futbollit.

Barcelona u shpall klubi më i mirë i vitit në konkurrencën e femrave, kurse PSG në atë të meshkujve.

Heri Kejn përjetoi atë që ëndërron çdo fëmijë. Teksa po merr urime nga të gjitha anët, vlen të veçohet edhe mesazhi i Shkëndijës së Tetovës, e cila në të kaluarën e kishte Harrin si kundërshtar.

„Krenarë që rrugët tona u kryqëzuan me fituesin e Topit të Artë! Urime, Hari Kejn!“, thuhet në urimin e Shkëndijës.