Sport
LOJËRAT OLIMPIKE: LËNDOHET RËNDË LINDSEY VONN
Skiatorja amerikane Lindsey Vonn pësoi një rënie tronditëse në disiplinën e zbritës në pistën Olympia delle Tofane në Lojërat Olimpike Dimërore Milano-Cortina 2026. Pas ndihmës së menjëhershme mjekësore në shpat, Vonn u ngrit në rrëshqitëse dhe u transportua me helikopter.
Ëndrra olimpike e 41 vjeçares Lindsey Vonn u shndërrua në një makth dramatik në Cortina, pasi legjenda amerikane e skive pësoi një aksident të rëndë gjatë finales së zbritjes për femra.
41-vjeçarja humbi kontrollin vetëm 13 sekonda pas nisjes, u përplas dhunshëm në pistë dhe mbeti e shtrirë në dëborë duke bërtitur nga dhimbjet, përpara se të largohej me helikopter drejt spitalit.
Vonn kishte hyrë në garë pavarësisht se ishte rikthyer nga një dëmtim serioz në gju vetëm nëntë ditë më parë, një vendim që shumë e kishin cilësuar të rrezikshëm.
Ajo goditi portën e tretë me shpatull, u rrotullua në ajër dhe ra keq mbi gjurin e majtë – i njëjti që ishte dëmtuar rëndë më herët. Pamjet prekëse dhe britmat e saj tronditën jo vetëm për publikun në pistë, por edhe miliona shikues në mbarë botën raporton Daily Mail.
Dy herë kampionia olimpike Tina Maze reagoi pas garës, duke theksuar se rreziku ishte i parashikueshëm. “Ajo rrezikoi shumë. Kur nuk je plotësisht e shëndetshme, pasojat janë edhe më të rënda. Është e tmerrshme për të gjithë,” u shpreh Maze, ndërsa edhe komentatorja e BBC-së, Chemmy Alcott, nuk i fshehu emocionet pas incidentit.
Në javë e tretë të pjesë së dytë të kampionatit, ekipet favorite vazhdojnë me suksese. Fitore ka regjistruar edhe skuadrat tetovare Shkëndija dhe Liria, ndërsa ka humbë Universiteti i Tetovës
Kampionati në Ligën e Pare të volejbollit në kategorinë e meshkujve ka vazhduar edhe këtë fundjavë me ndeshjet e xhiros së tretë në fazën e play off-it dhe të play out. Në fazën e play off-it janë zhvilluara vetëm dy ndeshje.
Në Veles, Boreci ka shënuar fitore 3-0 kundër ekipit Universiteti i Tetovës, ndërsa kampioni në fuqi klubi i volejbollit Strumica befasisht ka shënuar vetëm fitore të ngushtë kundër ekipit të Sushevës 3-2 në sete.
Ndeshja mes Rabotniçkit dhe UGD Shtipi është anuluar.
Në fazën e play off-it tabelën vazhdon të kryeson i vetmuar UGD Shtipi 37 para Borecit që ka 35 pikë. Universiteti i Tetovës është e gjashta me 20 pikë
Në fazën e play out, dy skuadrat tetovare Shkëndija e Tetovës dhe Liria e Zherovjani kanë regjistruar fitore të sigurta. Shkëndija në Tetovë ka fituara ndeshjen kundër Janta Volej 3-0 në sete.
Për ekipin kuqezi ishte kjo fitorja e tretë radhazi në pjesën e dytë të kampionatit dhe me 23 pikë mbanë pozitën e shtatë në renditje.
Fitore të sigurt dhe atë në transfertë kundër Makedonija Xhio në Strumicë me rezultatin 3-1 në sete duke vazhduar të mbaj pozitën e tetë në renditjen e tabelës.
Katër fitore të vendasve dhe po aq fitore të ekipeve mysafire është epilogu i tetë ndeshjeve të zhvilluara sot në kampionatin amerikan të basketbollit NBA
Los Angeles Lakers mund Filadelfian në Kaliforni në një ndeshje të vendosur në fund. Vendasit humbën shërbimet e Luka Donçiç në periodën e dytë për shkak të një problemi në këmbën e majtë. Lojtari më efikas në këtë ndeshje ishte Austin Reaves që realizoi 35 pikë më vetëm 25 minuta. Ndërsa te skuadra mysafire më efikas ishte Joel Embiid me 35 pikë
Fitore me peshë të madhe në transfertë ka regjistruar skuadra e Golden State Warriors 97-101në përballjen me Finiks. Lojtari më efikas te Wariors ishte Spencer me 20 pikë, 6 kërcime dhe 4 asiste , ndërsa te vendasit më efikas ishte Bruks me 24 pikë të shënuara.
Fitore në cilësinë e vendasit kanë shënuar edhe Orlando, Atlanta dhe Toronto, ndërsa në cilësinë e mysafirit fitore kanë shënuar edhe Charlotte, San Antonio dhe Uashingtoni[,
Tabelën në Konferencën e Perëndimit e kryeson Oklahoma me 40 fitore e 12 disfata e ndjekur nga San Antonio që ka 35 fitore e 16 humbje.
DETROIT –WASHINGTON 117-126
ORLANDO -BROOKLYN 118-98
ATLANTA -UTAH JAZZ 121-119
TORONTO -CHICAGO 123-107
HOUSTON –CHARLOTTE 99-109
DALLAS – SAN ANTONIO 123-135
PHOENIX –GOLDEN STATE 97-101
LAKERS-PHILADELPHIA 119-115
Sonte me fillim në ora 20.00 në stadiumin San Siro të Milanos do të mbahet ceremonia hapëse e Lojërave Olimpike Dimërore ‘’Milano Cortina 2026’’ku do të marrin pjesë mbi 2900 sportist nga 92 vende të Botës
Sonte me një ceremoni spektakolare do të nis edicioni i 25-të jubilar Lojërat Olimpike Dimërore Milano-Cortina 2026. Hapja solemne do të filloj me parakalimin e afro 3.000 sportistëve nga 92 vende të botës .
Ndryshe nga edicionet e mëparshme inauguruese, ku delegacionet dhe mbajtësit e flamujve hynin në një vend të vetëm të ndarë në grupe, ky edicion do të shohë pjesën më të madhe të sportistëve që do të marshojnë edhe nëpër vendet ku edhe do të garojnë
Ceremonie kryesore e Lojërave Olimpike Dimërore Milano Cortina 2026 do të mbahet sonte me fillim në ora 20.00 në Stadiumin Olimpik San Siro të Milanos, si dhe në vendet olimpike të Livignos, Predazzos dhe Cortinës. Në përputhje me protokollin olimpik, parada fillon me Greqinë dhe përfundon me Italinë, vendin pritës, duke ndjekur rendin alfabetik të delegacioneve në italisht.
Fetai: Qeveria e vendosur të godasë rrënjët e krimit, jo vetëm majat e tij
LOJËRAT OLIMPIKE: LËNDOHET RËNDË LINDSEY VONN
VOLEJBOLL: FITOJNË SHKËNDIJA DHE LIRIA, HUMB UNIVERSITETI TETOVËS
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
