Lajme nga vendi
PROVIMI I JURISPRUDENCËS NË SHQIP, MICKOSKI U JEP FUND POLEMIKAVE
Studentët shqiptarë do e mbajnë në gjuhën shqipe provimin e jurispodencës, thotë nënkryetari i Lëvizjes Besa, Blerim Sejdiu. Ai thekson se pajtohet plotësisht me deklarimet e Kryeministrit Hritjan Mickoski, që studentët që duan t’i testojnë njohuritë e tyre juridike në gjuhën shqipe, mund ta bëjnë të njëjtën me një kërkesë të thjeshtë. Sejdiu thotë se kërkesa është e vonuar pasi që e njëjta është dashur të bëhet më herët.
Blerim Sejdiu – Nënkryetar i Lëvizjes Besa shton se më herë nuk ka pasur vullnet politik për të bërë një gjë të tillë, ndërsa me ardhjen e VLEN në Qeveri po bëhet realitet edhe kjo kërkesë e studentëve shqiptarë.
Ditë më parë, zv/kryeministri Bekim Sali tha se ligji ka një problem dhe se duhet të korigjohet dhe qartësohet.
Bekim Sali – Zv/kryeministër Por vetëm dy ditë më vonë, të shtunën që lam pas, i pyetur për kërkesën e studentëve shqiptar që provimi i jurispodencës të mbahet edhe në gjuhën shqipe, Kryeministri i vendit Hristjan Mickoskit tha se ligji është i qartë dhe preciz.
Hristjan Mickoski – Kryeministër“Ligji për gjuhët është i qartë, nëse dikush kërkon që të testohet në gjuhën shqipe, duhet që t’i mundësohet”
Aleanca për Shqipëtarët e Ziadin Selës sot kërkoi që ministri i Drejtësisë Igor Fillkov të jep dorëheqje. Thonë që provimi i jurisprodencës për studentët e fakulteteve të juridikut të mbahet në gjuhën shqipe.
“Kryeministri Hristian Mickoski sot konfirmoi dy fakte të pamohueshme e të cilat shumë vartës të tij tentonin t’i mohojnë ose manipulojnë. Juristët e rinj shqiptarë kanë të drejtë që provimin e jurispodencës ta mbajnë në gjuhën shqipe, ndërsa për refuzimin e deritanishëm dhe shkeljen e kësaj të drejtë, ministri i drejtësisë duhet të shkarkohet pasi ka shkelur edhe ligjet edhe vetë Kushtetutën si aktin më të lartë juridik në vend. Fakti i dytë që ne e kemi mbrojtur vazhdimisht duke besuar në përkushtimin tonë dhe në drejtësi, është se me ndryshimet e vitit 2018 të Ligjit për përdorimin e gjuhëve, që ishte kusht i ASH për Qeveri asokohe, gjuha shqipe është gjuhë zyrtare në gjithë vendin dhe në nivel qëndror”, thuhet në reagimin e ASH-së.
Edhe ministrja për Evropën dhe Punët e Jashtme e Shqipërisë, Elisa Spiropali përmes një postimi në Fejsbuk, ka përgëzuar studentët shqiptarë në Maqedoninë e Veriut në kërkesën e tyre për dhënie të provimit të jurisprodencës në gjuhën shqipe.
“Përgëzojmë studentët shqiptarë të Maqedonisë së Veriut për angazhimin qytetar dhe mënyrën demokratike me të cilën kanë artikuluar kërkesën e tyre për përdorimin e gjuhës shqipe në përputhje me të drejtat e garantuara nga Kushtetuta dhe legjislacioni në fuqi. Vlerësojmë gjithashtu gatishmërinë e institucioneve të Maqedonisë së Veriut, veçanërisht kryeministrit Mickoski dhe zëvendëskryeministrit Sali, për ta trajtuar këtë çështje me seriozitet dhe në përputhje me Kushtetutën dhe kuadrin ligjor të vendit”, shkruan Spiropali.
Shqetësimet e studentëve shqiptarë i bëri alarmante fillimisht Ambasadori Denion Meidani i cili tha se kërkesat e tyre i ka adresuar në instancat relevante. Ai madje filloi edhe fushatë me moton “Fol shqip o taj”.
I gjithë ky debat filloi kur 385 studentë shqiptarë nga tre fakultete të juridikut në Maqedoninë e Veriut përmes një peticioni kërkuan nga institucionet që provimi i jurisprudencës të jepet edhe në gjuhën shqipe, në gjuhën në të cilën i kryejnë studimet, pasi siç thonë, u takon me ligj. Peticioni u dorëzuar te Ministra e Drejtësisë, Agjencinë për Zbatimin e Gjuhëve, Inspektorati për Përdorimin e Gjuhëve, kryetari i Kuvendit dhe zëvendëskryeministri i parë.
Lajme nga vendi
Ministri për Çështje Evropiane dhe Zëvendëskryeministri i Parë, Bekim Sali, sot zhvilloi një takim me Ambasadoren e Republikës së Kroacisë, Nives Tiganj
Në takim u shkëmbyen mendime për zhvillimet aktuale në procesin e integrimit evropian të Republikës së Maqedonisë së Veriut, si dhe për prioritetet që lidhen me Agjendën e Reformave dhe obligimet nga agjenda evropiane. Ministri Sali theksoi përkushtimin e Qeverisë për zbatimin e përshpejtuar të reformave dhe ofrimin e rezultateve konkrete, me fokus të veçantë në sundimin e ligjit dhe përmirësimin e shfrytëzimit të fondeve evropiane.
Bashkëbiseduesit diskutuan edhe për rëndësinë e mbështetjes së vazhdueshme nga shtetet anëtare të Bashkimit Evropian për procesin e zgjerimit, si dhe për nevojën e ruajtjes së momentit pozitiv të integrimit evropian në rajon.
Ministri Sali shprehu mirënjohje për mbështetjen e deritanishme dhe theksoi se Ministria për Çështje Evropiane do të vazhdojë me koordinim të përforcuar dhe fokus në prioritetet reformuese, në drejtim të përparimit të procesit të anëtarësimit.
Lajme nga vendi
Bekim Sali dhe ambasadorja Kawahara: Mbështetja japoneze kyçe për reformat dhe zhvillimin e Maqedonisë së Veriut
Ministri për Çështje Evropiane dhe Zëvendëskryeministri i Parë, Bekim Sali, zhvilloi takim me Ambasadoren e Japonisë, Setsuko Kawahara.
Në takim u theksua bashkëpunimi zhvillimor në vijim ndërmjet Maqedonisë së Veriut dhe Japonisë, si dhe mbështetja e vazhdueshme e Japonisë për prioritetet reformuese dhe zhvillimin socio-ekonomik të vendit. Ministri Sali theksoi përkushtimin e Qeverisë për ofrimin e rezultateve konkrete në kuadër të Agjendës së Reformave, me fokus të veçantë në forcimin e kapaciteteve institucionale dhe përmirësimin e cilësisë së shërbimeve publike.
Bashkëbiseduesit diskutuan për zbatimin e projekteve aktuale të bashkëpunimit teknik, përfshirë iniciativat në fushën e zvogëlimit të rrezikut nga fatkeqësitë, transportin urban, mbështetjen e ndërmarrjeve të vogla dhe të mesme dhe zhvillimin e turizmit. U shkëmbyen mendime edhe për projektet e reja që lidhen me zbutjen e ndryshimeve klimatike në bujqësi dhe forcimin e kapaciteteve për reagim emergjent mjekësor dhe gatishmëri ndaj krizave.
Ministri Sali shprehu mirënjohje për mbështetjen afatgjatë të Japonisë përmes ndihmës zyrtare zhvillimore, përfshirë grantet për projekte të vogla, të cilat kanë përfitime të drejtpërdrejta për komunitetet lokale në fushat e arsimit, shëndetësisë, mbrojtjes së mjedisit dhe shërbimeve publike.
Ai theksoi se Ministria për Çështje Evropiane do të vazhdojë bashkëpunimin e ngushtë me Ambasadën e Japonisë dhe JICA, me qëllim koordinimin efikas të ndihmës zhvillimore dhe harmonizimin e saj me prioritetet reformuese dhe objektivat e procesit të integrimit evropian.
Lajme nga vendi
Zëvendësministri Iseni dhe ambasadori francez De Rigoler në hapjen e trajnimit mbi luftën kundër shfrytëzimit dhe trafikimit të qenieve njerëzore
Zëvendësministri i Punëve të Brendshme, Astrit Iseni, sot, në Qendrën e Trajnimit – Idrizovë, hapi trajnimin mbi luftën kundër shfrytëzimit dhe trafikimit të qenieve njerëzore, në të cilin marrin pjesë 12 nëpunës policorë dhe prokurorë publikë. Trajnimi do të realizohet në periudhën nga 9 deri më 12 shkurt, informuar nga Ministria e Punëve të Brendshme.
Në fjalimin e tij, Iseni theksoi se trafikimi i qenieve njerëzore dhe shfrytëzimi janë disa nga format më serioze të krimit të organizuar, të cilat shkelin rëndë të drejtat e njeriut dhe dinjitetin e viktimave, duke theksuar se nevojitet një qasje e integruar dhe e koordinuar institucionale për parandalimin, zbulimin dhe sanksionimin efektiv të tyre.
Ai theksoi se trajnimi synon të ofrojë njohuri praktike dhe mjete për njohjen e treguesve të këtyre krimeve, veprimin e saktë në rastet e dyshimit dhe mbrojtjen dhe mbështetjen në kohë të viktimave, si dhe promovimin e bashkëpunimit ndërmjet policisë, gjykatave dhe prokurorëve.
Në këtë ngjarje morën pjesë edhe ambasadori i Republikës së Francës në Shkup, Kristof De Rigoler, si dhe drejtoresha e Akademisë së Gjykatësve dhe Prokurorëve Publikë, Irina Strezoski.
Iseni shprehu mirënjohjen e tij ndaj Ambasadës së Francës për mbështetjen dhe bashkëpunimin e saj të gjatë në forcimin e kapaciteteve të nëpunësve policorë.
“M’u desh të gënjeja se isha mjek që ta shpëtoja fëmijën”- Kamerieri grek rrëfen momentet dramatike të rrezikimit të mbytjes së 2-vjeçares shqiptare
Ministri për Çështje Evropiane dhe Zëvendëskryeministri i Parë, Bekim Sali, sot zhvilloi një takim me Ambasadoren e Republikës së Kroacisë, Nives Tiganj
Bekim Sali dhe ambasadorja Kawahara: Mbështetja japoneze kyçe për reformat dhe zhvillimin e Maqedonisë së Veriut
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
