Grevë dy orëshe në shenjë proteste ndaj sjelljeve të disa nxënësve ka mbajtur stafi i shkollës “Pavarësia” në Prishtinë, një ditë pasi Policia e arrestoi një mësimdhënës të kësaj shkolle për dhunë ndaj një nxënësi.

Sipas kolektivit të mësimdhënësve, në videon e publikuar është vetëm pjesa e fundit e ngjarjes dhe se ajo nuk e reflekton realitetin.

Përfaqësuesi nga shoqata sindikale e shkollës, Ardit Ukaj tha se dhuna nuk ka vend në shkolla e ku ka kërkuar mbrojtje për mësimdhënësit.

“Dua të theksojmë qartë se ne si shoqatë sindikale jemi kundër çdo lloj të dhunës, qoftë fizike apo verbale. Nuk ka vend në shkollë, dhe nuk mund të arsyetohet nga askush. Kjo grevë nuk organizohet për të justifikuar dhunën dhe as për të mbrojtur atë. Përkundrazi është një reagim kundër dhunës që po cenojnë sigurinë dhe dinjitetin e mësimdhënësit në procesin edukativo-arsimor. Qëllimi ynë është të mbrojmë një ambient të sigurt dhe profesional ku mësimi zhvillohet normalisht dhe ku autoriteti i mësimdhënësit nuk vihet në pikëpyetje përmes fyerjeve, ofendimeve, sharjeve dhe nënçmimit. Kërkojmë qasje serioze dhe të koordinuar institucionale kundër këtij fenomeni sepse sistemi aktual ligjor dhe mekanizmat ekzistues disiplinor nuk po ofrojnë zgjidhje efektive në rastet kur nxënësi fyen apo sulmon mësimdhënësin fizikisht. Kjo situatë krijojnë ndjenjë pasigurie dhe mungesë mbrojtje për stafin arsimor. ky nuk është problem i izoluar vetëm në shkollën tonë, por fenomen që po shqetëson dhe shkollat e tjera. Prandaj, kërkojmë masa konkrete, të qarta dhe të zbatueshme për mbrojtjen e mësimdhënësve dhe garantimit e rendit në institucione arsimore”, ka thënë ai, raporton Ekonomia Online.

Ka shtuar se stafi nuk po kërkon ndërrimin e shkollës për nxënësin, por të merren masat e duhura nga personat kompetentë dhe rasti të trajtohet në mënyrë të duhur.

Advertisement

Ymer Ymeri nga Sindikata e Bashkuar e Arsimit ka kërkuar nga organet e drejtësisë shqyrtim urgjent të rastit. Ka kërkuar që të merren masa edhe ndaj prindërve që përdorin dhunë në shkollë dhe që mësimdhënësi të lirohet. Sipas tij, raste të tilla ndodhin në shumë shkolla.

“Ka ndodhë që përveç dhunës psiqike që po ushtrohen ndaj punëtorëve të arsimit, ndaj mësimdhënësve, nga ana e nxënësve, e shpesh edhe nga ana e prindërve, ka raste edhe kur janë sulmuar fizikisht, sikurse që kemi pa rastin e djeshëm. Na vjen shumë keq që ka ndodhë kjo zënkë, por, e keqja ma e madhe e kësaj është që ngjarja nuk është paraqitë në mënyrën e duhur krejt si është, po është marrë një pjesë nga fundi i ngjarjes pothuajse, edhe ajo është emituar në media”, ka thënë ai.

Pas protestës dhe grevës dyorëshe, mësimi në këtë shkollë do t’i kthehet normalitetit.

Përfaqësuesi i shkollës “Ismail Qemali”, Naim Bytyqi, ka thënë se kolektivi i kësaj shkolle ka vendosur ta mbështesë protestën në orën e parë mësimore, pas diskutimeve të brendshme mes stafit. Ai ka theksuar se mësimdhënësit i shohin prindërit si bashkëpunëtorë kryesorë dhe se situata të tilla nuk duhet të zgjidhen me përshkallëzim konfliktesh.

E njëri nga arsimtarët aty ka treguar se kolegu i tij është sulmuar në pauzë, e duke thënë se nxënësi ishte organizuar vet i 10-ti për ta sulmuar mësimdhënësin.

Advertisement

Kamerieri i një lokali pranë shatërvanit në Kalithea të Greqisë, ku një vajzë pak më shumë se 2 vjeçare me origjinë shqiptare rrezikoi mbytjen, rrëfeu se si arriti ta shpëtonte vogëlushen nga vdekja duke e rikthyer në jetë nëpërmjet ndihmës së shpejtë CPR që i bëri.

Madje ai tregoi se iu desh që të gënjente të pranishmit, përfshi edhe të afërmit e fëmijës, se ishte një mjek dhe do duhej të ndërhynte, me qëllim që ta shpëtonte (shatërvani në foto kryesore, vendi ku ndodhi ngjarja).

Dhe pas CPR-së që i bëri vogëlushes, ajo arriti të nxirrte ujin që kishte pirë dhe më pas t’i dorëzohej mjekëve dhe policisë greke.

“Sekondat dramatike gjatë të cilave vajza 2.5-vjeçare u gjet pa puls në krahët e tij përshkruhen nga burri që i dha ndihmën e parë fëmijës sapo e nxorën nga shatërvani në sheshin e Qipros, në Kallithea. Ai është një punëtor në një restorant pranë sheshit, i cili, sapo dëgjoi britmat, doli jashtë dhe shkoi në vendngjarje për të ndihmuar siç e njeh ai, CPR-në”, shkruan “Protothema”.

Siç thotë ai, në mes të panikut që mbizotëronte, iu desh të thoshte se ishte mjek në mënyrë që ta linin t’i jepte ndihmën e parë fëmijës.

Advertisement

“Pashë disa njerëz që vraponin në panik dhe mbanin një foshnjë në krahë. Në fillim mendova se kishte ndodhur diçka e lumtur dhe thjesht pashë një fëmijë që po rrëzohej dhe e kuptova që gjërat ishin të çuditshme. Nuk kishte qetësi, kishte trazira, frikë, ankth dhe e kuptova se po e dëmtonin fëmijën. Nuk kishte ndihmë të shpejtë, siç duhet të ishte”, tha ai (foto poshtë).

Dhe më tej vijon:

“U përpoqa t’i jepja frymëmarrje, u përpoqa t’i jepja CPR, u përpoqa t’i jepja ndihmën e parë dhe në fillim nuk më lanë. I gënjyen se isha mjeke, ‘lëre’ dhe fillova t’i bëja CPR. I dhashë frymëmarrje, vazhdova t’i bëja CPR, në një moment fëmija filloi të vjellë. Ai e nxori lëngun nga hunda, e ktheva fëmijën në anë, pashë që po fillonte t’i dilte lëng nga hunda. E vura veshin pranë gojës dhe hundës së tij për të dëgjuar nëse kishte ajër, nëse kishte oksigjen, për të provuar të merrja pulsin. Dhe në atë moment pashë personin pranë meje, nuk e di nëse ishte i afërm, dhe e morën fëmijën, e tundën dhe e ulën përsëri”.

Ai ka ndërhyrë që fëmija të shkonte në spital dhe jo të merrej nga të afërmit.

“Dhe u thashë atyre ‘lëreni fëmijën tek unë, mos e lëvizni’. Dhe në atë moment mbërriti policia, e pa, e ktheu në anë. I dhanë një, dy, e morën në krahë dhe ia mbathën”, thotë i riu, duke vënë në dukje se fëmija u dërgua shpejt në Spitalin e Fëmijëve ndërsa makina e patrullës po kalonte rastësisht.

Advertisement

Aktualisht policia greke njofton se ka ndaluar babanë 25-vjeçar, me origjinë shqiptare dhe po heton nënën 23-vjeçare për pakujdesi dhe për faktin se gënjyen për moshën e fëmijës, që duhet ta kishin nën kujdes të veçantë.

Nis faza përfundimtare e procesit më të madh gjyqësor në Dhomat e Specializuara të Kosovës në Hagë. Prokuroria, ekipi mbrojtës dhe të pandehurit për herë të fundit i drejtohen trupit gjykues me parashtrimet e tyre në këtë proces.

Hashim Thaçi, Kadri Veseli, Jakup Krasniqi dhe Rexhep Selimi, po përballen me akuza të ngritura nga Zyra e Prokurorit të Specializuar, të cilat ata i kanë cilësuar si të pabazuara. Edhe mbrojtja i ka hedhur poshtë këto akuza dhe ka argumentuar se UÇK-ja nuk kishte strukturë të organizuar komanduese.
Prokuroria e Hagës kërkon 45 vjet burg për secilin nga ish-krerët e UÇK-së

https://youtu.be/XBlmgUGzc5U

Në fjalën e sj në seancën përmbyllëse kryeprokurorja Kimberly West tha se Gjykata Speciale ka treguar sukses të madh përgjatë viteve të fundit.

“Drejtësia është rutinë e zakonshme brenda këtyre mureve. Ne jemi bërë një gjykatë e suksesshme brenda një periudhe relativisht të shkurtër”, deklaroi West.

Advertisement

Sipas saj dëninet mund të shkojnë deri në 45 vjet burigm

“Nuk kërkojmë dënim për të gjithë shtabin, por për persona individ”, tha ajo

Sot nis faza përfundimtare e procesit më të madh gjyqësor në Dhomat e Specializuara të Kosovës në Hagë.

Prokuroria, ekipi mbrojtës dhe të pandehurit do të kenë mundësinë që për herë të fundit t’i drejtohen trupit gjykues me parashtrimet e tyre në këtë proces.

Hashim Thaçi, Kadri Veseli, Jakup Krasniqi dhe Rexhep Selimi, po përballen me akuza të ngritura nga Zyra e Prokurorit të Specializuar, të cilat ata i kanë cilësuar si të pabazuara. Edhe mbrojtja i ka hedhur poshtë këto akuza dhe ka argumentuar se UÇK-ja nuk kishte strukturë të organizuar komanduese.

Advertisement

Avokati i akredituar nga Gjykata Speciale në Hagë, Artan Çerkini tregon se çfarë mund të dëgjohet në Speciale nga data 9 deri më 18 shkurt.

Ish-eprorët e Ushtrisë Çlirimtare të Kosovës, Hashim Thaçi, Kadri Veseli, Jakup Krasniqi e Rexhep Selimi ndodhen në paraburgim në Hagë prej nëntorit të vitit 2020.

Gjykimi ndaj tyre ka nisur më 3 prill 2023 – gati tri vjet pas konfirmimit të aktakuzës prej kur ish-krerët e UÇK-së mbahen në qendrën e paraburgimit në Hagë.

Ky vit pritet të jetë vendimtar për katërshen e UÇK-së, të cilët ndodhën në paraburgim në Hagë tash e pesë vjet.

Dhomat e Specializuara janë pjesë e sistemit gjyqësor të Kosovës por veprojnë me personel ndërkombëtar në Hagë të Holandës.

Advertisement

Bashkimi Evropian është financuesi kryesor i Gjykatës Speciale e cila u themelua në vitin 2015 nga Kuvendi i Kosovës, pas kërkesës së bashkësisë ndërkombëtare.