Lajme nga vendi
SHKARKOHET KRYESIA E BESËS – VLEN NIS TË FORMËSOHET!
Kuvendi Qendror i Lëvizjes Besa me shumicë votash miratoi vendimin për shkarkimin e Kryesisë Qendrore të Lëvizjes Besa, në vazhdën e procesit të filluar për bashkimin e VLEN-it në një subjekt të vetëm.
Kuvendi i Lëvizjes vlerësoi se duhet të hapet rruga për strukturimin e VLEN-it dhe e solli këtë vendim bazuar në moratoriumin e aktiviteteve partiake nga subjektet që përbëjnë VLEN-in.
Me këtë rast, Kuvendi autorizoi kryetarin Bilall Kasami të vijojë bisedimet për të ardhmen e VLEN-it, duke i dhënë mbështetje bashkimit në një subjekt të vetëm, me një zgjidhje që respekton parimin e drejtësisë dhe dëgjon zërin dhe vullnetin e votuesit të VLEN-it dhe gjithë shqiptarëve.
Por, Kasami tha se pjesa më e madhe e partive që përbëjnë koalicionin nuk janë të strukturuara me këtë ide që t`I japin hapësirë VLEN-it.
“Aleanca me në krye Arben Fetain nuk ka organe partiake, poashtu edhe LD-ja, poashtu edhe faktorë tjerë sic është Bekim Qoku si përfaqësues I VV-së që e dijmë se edhe ata e kanë patur idenë për themelimin e një subjekti politik”
Në mbledhjen e Kuvendit u diskutua gjithashtu puna e funksionarëve të Lëvizjes Besa në Qeveri. Kuvendarët e përkrahën konstatimin e kryetarit Kasami se Besa ka kapacitet për shumë më shumë punë sesa është bërë deri tani.
Kasami u shpreh i prerë se derisa bëhet fjalë për qeveri politike, BESA vendos se cili Ministër do ta përfaqësojë në Qeveri.
Në këtë mënyrë ai ka komentuar deklaratat e Kryeministrit Mickoski lidhur me punën e Fatmir Limanit në Qeveri.
Derisa bëhet fjalë për qeveri politike, pjesëmarrëse në qeveri janë partitë politike dhe derisa ne do të jemi pjesë e asaj qeverie do të kemi të drejtë të propozojmë përfaqësuesit tanë në Qeveri”
Në mbledhjen e Kuvendit Qendror të Lëvizjes Besa mbërriti edhe Ministri, Fatmir Limani. Para nisjes së mbledhjes ai kërkoi nga Kuvendarët, sic tha, maturi dhe kthjelltësi.
“Veprime që u takojnë nivelit të politikanëve që janë të matur, nuk guxojnë të prishin strukturën e VLEN-it sepse rikthehemi në kohën pas dhe krijojmë hapësirë për strutura tjera të kyçen në qeveri”
Kreu I Lëvizjes Besa, Bilall Kasami, ka komentuar edhe zhvillimet e fundit me provimin e jurisprudencës në shqip, duke potencuar se puna e Ministrit të Drejtësisë, Igor Filkov, lë shumë për të dëshiruar.
“As Ministri në fjalë e as dikush tjetër nuk duhet që pozitën e tij, suksesin apo dështimin, ta kushtëzojë me tema ndëretnike dhe nëse edhe më tutje do të ketë kësi tentime ne si Besa dhe si VLEN do të japim qëndrimin tonë. Lidhur me cështjen në fjalë, Qeveria ka kapacitet që këtë ta zgjidh. Ministri besoj e ka kompetencën e plotë që shumë shpejt ta zgjidh këtë cështje, por po shihet që nuk ka vullnet prandaj si pjesë e qeverisë këtë do ta zgjidhim me ligj”
Kasami nuk ka përjashtuar mundësinë që ai të jetë lider I VLEN-it. Ai tha se është I gatshëm, por vetëm nëse bashkërisht me partitë tjera konstatohet se mund të marr këtë pjesë të obligimit.
Lajme nga vendi
Fetai: Marrëveshja për tregti recirpoke me SHBA-të dëshmon qeverisjen e përgjegjshme të orientuar drejt rezultateve
Zëvendëskryeministri për Qeverisje të Mirë, Fetai, ka njoftuar se është shënuar hap i rëndësishëm në forcimin e bashkëpunimit ekonomik ndërmjet vendit dhe Shteteve të Bashkuara të Amerikës.
Sipas tij, dakordimi i deklaratës së përbashkët dhe kornizës për Marrëveshjen për tregti reciproke, të drejtë dhe të balancuar përbën dëshmi konkrete të qeverisjes së përgjegjshme, transparente dhe të orientuar drejt rezultateve.
“Ai theksoi se ky zhvillim hap më shumë mundësi për bizneset vendore, siguron qasje më të madhe në tregun amerikan dhe sjell përfitime të prekshme për shtetin.
Kjo nënkupton më shumë mundësi për bizneset tona, qasje më të madhe në tregun amerikan dhe përfitime konkrete për shtetin. Si Zëvendëskryeministër për Qeverisje të Mirë, mbetem i përkushtuar që proceset ti udhëheqim me integritet, koordinim institucional dhe fokus të qartë në interesin publik”, përfundon ai.
Marrëveshja me SHBA-në është përshëndetur edhe nga koalicioni VLEN. Sipas tyre, Orientimi është i qartë dhe i palëkundur: krah për krah me Shtetet e Bashkuara të Amerikës, për një ekonomi moderne, të hapur dhe konkurruese, për një shtet të fortë dhe të besueshëm në skenën ndërkombëtare.
Marrëveshja e arritur ndërmjet SHBA-së dhe Maqedonisë së Veriut për tregti reciproke dhe bashkëpunim energjetik është një hap historik që forcon partneritetin tonë strategjik dhe hap horizonte të reja për zhvillimin ekonomik – thonë nga koalicioni VLEN.
Sipas tyre, eliminimi i tarifave doganore për mallrat amerikane në tregun tonë është një sinjal i fuqishëm për hapje, konkurrencë dhe integrim më të thellë në tregjet globale.
Ky është vizioni i qeverisë së udhëhequr nga VLEN: një ekonomi e hapur që krijon kushte për rritje të qëndrueshme, përmirësim të standardeve dhe nxitje të investimeve të huaja. Me këtë marrëveshje, ne jo vetëm që fuqizojmë klimën e biznesit dhe rrisim konkurrueshmërinë e ekonomisë, por edhe krijojmë perspektivë më të madhe për punësim dhe zhvillim.
Kjo marrëveshje, sipas VLEN, është një sinjal i qartë për thellimin e partneritetit strategjik dhe një konfirmim i mbështetjes së fortë që Maqedonia e Veriut gëzon nga SHBA.
Marrëveshja, sipas VLEN, trason rrugën drejt një marrëveshjeje gjithëpërfshirëse që do të sigurojë tarifa jo më të larta se 15%, ndërsa për disa produkte dhe industri deri në 0%, duke hapur mundësi të reja për eksport, investime dhe rritje ekonomike.
Me SHBA-në si partner të besueshëm, Maqedonia e Veriut po ndërton një të ardhme më të sigurt, më të fortë dhe më të begatë – thuhet në komunikatën e koalicionit VLEN.
Sot mbushen 7 vjet nga aksidenti tragjik i autobusit të “Durmo Turs” në Llaskarcë të Shkupit, në të cilin humbën jetën 16 persona dhe 38 persona u lënduan. Pas katër vjet e gjysmë gjykim, 6 persona fillimisht u dënuan me gjithsej 39 vjet burg, ndërsa në vitin 2025 dy prej tyre iu shtua dënimi edhe për disa vite nga Gjykata e Apelit. Fajtor kryesor, sipas aktgjykimit ishte shoferi i autobusit, i cili mori dhe dënimin më të lartë me 14 vjet burg, ndërkaq pronari i kompanisë transportuese u dënua me 4 vjet burg, që më vonë Apeli ia rriti në 10. Ndërkohë, në këtë përvjetor rezulton i arratisur, Remzi Miftari, i cili në vend që ta vuante dënimin me burg prej 10 vitesh për tragjedinë, u largua nga shteti duke e shtyrë vuajtjen e dënimit me arsyetimin se do t’i nënshtrohej një operacioni.
Së fundmi, mbikëqyrja e jashtëzakonshme në Gjykatë konstatoi një sërë lëshimesh nga gjykatësi për ekzekutimin e sanksioneve, anëtarët e Këshillit Penal në Gjykatën e Gostivarit, lëshime në shërbimin postar të stacionit policor në Gostivar, si dhe shtyrje mjekësore të kontestuara, lidhur me arratisjen e Remzi Miftarit.
Vitin e kaluar Gjykata e Apelit në Shkup, pas ankesës së Prokurorit Publik Darko Jakimovski, ia rriti dënimin me burg pronarit të kompanisë “Durmo Tours”, të pandehurit Durmish Beluli, nga katër në dhjetë vjet. Gjithashtu edhe përgjegjësit për transportin, Remzi Miftari, nga gjashtë në dhjetë vjet. Gjykata e Apelit në Shkup i hodhi poshtë si të pabazuara ankesat e disa prej të akuzuarve në rastin “Llaskarca”,
Ndërkohë, akuzuari i tretë, Igor Gjeorgjievski – udhëheqës i Stacionit të Kontrollit Teknik “AMZ Gostivar”, u dënua me 5 vite burg.
I akuzuari i katërt, Goran Dukovski – kontrollor teknik në “AMZ Gostivar”, u dënua poashtu me 5 vite burg.
I akuzuari i pestë, Jane Babavorvski – kontrollor teknik në “AMZ Gostivar”, gjithashtu u dënua me 5 vite burg.
I akuzuari i gjashtë, Manoil Trifunovski – shoferi i autobusit të aksidentuar, u dënua me më së shumti vite burg. Ai do të jetë i privuar nga liria për 14 vite.
Në fjalët përfundimtare prokurori i lëndës Darko Jakimovski theksoi se të gjithë të gjashtë të akuzuarit për aksidentin e “Llaskarcës” janë fajtorë, por secili e mohon dhe ia hedh fajin njëri tjetrit. Familjarët e viktimave dhe të lënduarit mbështetën akuzën e Prokurorisë dhe kërkuan që të dënohen të gjithë të akuzuarit. Nga ana tjetër, asnjëri prej të akuzuarve nuk e pranoi fajin, gjegjësisht të gjithë kërkuan që të lirohen nga akuza.
Ndryshe autobusi i aksidentuar i “Durmo Turs”, ishte i linjës së rregullt Shkup-Gostivar, ndërkaq kompania transportuese vazhdon ende të bartë udhëtarë.
Pas dy raundeve takimesh në Abu Dhabi, ja kur priten të mbahen bisedimet e ardhshme SHBA-Rusi-Ukrainë
Fetai: Marrëveshja për tregti recirpoke me SHBA-të dëshmon qeverisjen e përgjegjshme të orientuar drejt rezultateve
VUÇIQ: ALEANCA KROACI-SHQIPËRI-KOSOVË KËRCËNIM PËR SERBINË!
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
