Më 31.03.2026, në orën 01:50 në Gostivar, zyrtarë policorë nga Stacioni Policor i Gostivarit kanë privuar nga liria një 34-vjecar nga Gostivari, për shkak të dyshimit të bazuar për vepër penale “vrasje”. Paraprakisht në orën 01:30 në Stacionin Policor të Gostivarit, një person (mashkull) ka raportuar se dyshon për vrasjen e një anëtari të familjes së tij. Zyrtarët policorë menjëherë kanë dalë në vendngjarje dhe në shtëpi është gjetur i vdekur një 63-vjeçar nga Gostivari, me lëndime të dukshme dhe gjurmë dhune në pjesën e kokës, pas së cilës, për shkak të dyshimit se bëhet fjalë për vrasje, është privuar nga liria djali i tij. Sipas deklaratave fillestare të të dyshuarit, babai i tij kishte ndërruar jetë një ditë më parë rreth orës 14:50 pas një rëzimi në banjo, por rastin nuk e kishte denoncuar tek shërbimet kompetente. Është njoftuar Prokurori Publik dhe po ndërmerren masa për zbardhjen e ngjarjes, pas së cilës do të dorëzohet kallëzimi përkatës.

Dje, në orën 18:30 në Gostivar, zyrtarë policorë nga DPB Gostivar kanë privuar nga liria një 39-vjeçar nga Gostivari. Gjatë bastisjeve në shtëpinë e tij dhe ambientet ndihmëse në rr.”Balindol” si dhe në banesën e tij në rr. “Ilinden”, të kryera me urdhër gjyqësor, janë gjetur dhe sekuestruar 13 qese me lëndë të bardhë pluhur, peshore digjitale, rreth 150 copë municion të kalibrave të ndryshëm, një pistoletë sinjalizuese, patrona për pushkë gjuetie dhe një pushkë ajrore. Pas dokumentimit të plotë të rastit, ndaj tij do të ngrihen kallëzimet përkatëse sipas nenit 215 dhe nenit 396 të Kodit Penal.

Dje, në orën 11:25 në Tetovë, zyrtarë policorë nga SPB Tetovë kanë privuar nga liria një 22-vjeçar nga fshati Lisec i Tetovës. Ai kërkohej me fletarrest në bazë të urdhrit gjyqësor për vuajtje të dënimit me burg në kohëzgjatje prej një viti, për vepër penale të kryer sipas nenit 216 të Kodit Penal. Personi është dërguar në Institucionin Ndëshkues-Përmirësues Burgu I Tetovës për vuajtjen e dënimit.

……Dje, në orën 10:50, personi një 24-vjeçar nga fshati Bërvenicë, ka raportuar se rreth orës 10:40 në rrugën drejt fshatit Çegran, është sulmuar fizikisht nga një person i cili drejtonte një automjet me targa regjistrimi të Tetovës. Po ndërmerren masa për zbardhjen e rastit.

……Dje, në orën 12:55 në DPB Gostivar,një 28-vjeçar nga fshati Çajlë ka raportuar se, derisa po kryente detyra pune me makinë pune – ekskavator në Stacionin Hekurudhor në Gostivar, një person është sjellë në mënyrë agresive ndaj tij dhe ka tentuar ta sulmojë me një mjet të mprehtë. Po punohet për zbardhjen e rastit.

Advertisement

……Dje, në orën 22:15 në DPB Gostivar, një 43-vjeçar nga fshati Forinë, ka raportuar se është kërcënuar nga babë e bir, për shkak të një borxhi të pretenduar të djalit të tij. Sipas raportimit, ai është kërcënuar dhe sulmuar fizikisht, , pas së cilës në mënyrë të kundërligjshme i ka marrë automjetin “Audi A3” si garanci për borxhin e pretenduar. Po ndërmerren masa për dokumentimin e rastit.

……Në mesnatë në një fshat të Tetovës, zyrtarë policorë nga SPB Tetovë kanë privuar nga liria një 55-vjeçar duke vepruar sipas një denoncimi paraprak se ka sulmuar fizikisht dhe ka kërcënuar tri vajzat e tij dhe ish- bashkëshorten. Ai është ndaluar në stacionin policor dhe pas dokumentimit të rastit do të vijojë kallëzimi përkatës.

……Sot pas mesnate, një 30-vjeçar nga Tetova ka raportuar se është sulmuar fizikisht nga disa persona brenda dhe para një objekti hotelier në Tetovë. Personi është dërguar në Spitalin Klinik të Tetovës për ndihmë mjekësore, ndërsa pas zbardhjes së plotë të rastit do të dorëzohet parashtresa përkatëse.

Një arushë është vërejtur në një vendparkim më fshatin Rostushë duke shëtitur midis automjeteve. Qentë ishin shqetësuar dhe kishin nisur të lehin, pas cka ariu ishte tërhequr në pyje.

Nga videoja nëpër rrjetet sociale të xhiruar nga vendasit në Rostushë mund të shihet se bëhet fjalë për një arushë të madhe. Bëhet thirrje për kujdes veçanërisht në orët e mbrëmjes.

Kohëve të fundit janë shënuar raste të shpeshta të afrimit të arinjve nëpër vendbanime. Raste ka patur edhe në fshatrat e Malësisë së Tetovës por edhe fshatra tjera në Pollog.

Tv Koha ditë më parë njoftoi për zbritjen e arinjve në Stanet e Shipkovicës, ku nga pamjet shihej shkaktimi I dëmeve nëpër objektet dhe stanet. Padyshim se pas gjumit të gjatë dimëror, arinjtë në kërkim të ushqimit, nisin t`u afrohen vendbanimeve.

Ky fenomen thuhet se është si rezultat i burimeve të shterura të ushqimit në rajonet që konsiderohen si vendbanime natyrore të arinjve.

Advertisement

Kohë më parë Parku Kombëtar “Mali Sharr” kishte bërë thirrje për donacione në formën e misrit dhe mollëve, për shkak të rasteve të shpeshta ku arinjtë po u afrohen vendbanimeve në kërkim të ushqimit.

Probleme ishin evidentuar në Mavrovë ku qytetarët kishin alarmuar se arinjtë po u shkaktojnë dëme në blegtori e bletari.

Në vendin tonë i pranishëm është Ariu I murmë. Supozohet se janë rreth 300 sosh, por këto të dhëna duhet të merren me rezerva dhe të konfirmohen nga autoritetet.

Ariu i murmë mbrohet me ligj, kurse gjuetia e këtij lloji është rreptësisht I ndaluar.

Advertisement

Deputetja e BDI-së, Rina Ajdari tha se VMRO-DPMNE kur ka ardhur në pushtet ka ardhur me idenë për t’i bërë një revizion korridorit 8.
Ajo tha se ky projekt është shumë i rëndësishëm infrastrukturor për edhe për lidhjen e shqiptarëve.

“Përmes këtij korridori bëhet lidhja e Ballkanit Perëndimor me Bashkimin Evropian. Është ndoshta në historinë e vendit projekti më i madh dhe më i rëndësishëm edhe financiarisht më i kushtueshëm. Por edhe atëherë nëse ju kujtohet në komisionin për çështje ekonomike, revolta ka qenë e madhe ndaj këtij projekti pikërisht për këto arsye”, tha Ajdari.

Ajo tha se me këto qëndrime dhe ide, së po lidhen shqiptarët qëndrojnë anëtarët e VMRO-së, pavarësisht deklaratave eksponentëve të VLEN-it.

Ajdari tha se mjetet për korridorin 8 janë shkurtuar, ndërsa mandej kanë dalë edhe problemet për largimin e punëtorëve nga puna dhe ndryshimi i trasesë.

“Është absurde nëse është prioritet strategjik i një qeverie është e palogjikshme të mos ndash dhe të mos planifikosh ndarjen e mjeteve për realizimin e të projektit”, deklaroi Ajdari.

Advertisement

Ajdari i cilësoi edhe si skandaloze deklaratat e kryeministrit Mickoski se korridori 8 nuk do të dale në Qafë Thanë dhe Strugë, duke pyetur se nëse nuk del aty “ku do të dale atëherë”.

“Është e çuditshme se si aty kryetari i Strugës qëndroj i heshtur, këta edhe zë nuk kanë për t’i mbrojtur të drejtat e shqiptarëve”, shtoi më tej Ajdari.