Bllokimi dhe devijimi i Korridorit 8 u bë me urdhër të Vuçiqit, e konfirmon vetë ministri i Sërbisë

Urdhërin për ndërprerjen e punimeve në Korridorin 8, si dhe planet për bllokimin e plotë të këtjj projekti dhe devijimin e të njëjtit e ka dhënë Presidenti i Sërbisë, Aleksandër Vuçiç, ndërsa e ka realizuar Qeveria e Hristian Mickoskit, që në 6 muajt e parë të ardhjes në pushtet – thuhet në reagimin e ASH-së së Ziadin Selës.

Sipas Selës, këtë e ka konfirmuar personalisht Ministri i Transportit dhe Infrastrukturës së Sërbisë, Goran Vesiq, duke shpërndarë një deklaratë zyrtate të transmetuar nga Agjencia Bullgare e lajmeve, BGNES, në tetor të vitit 2024.

Sela thotë se për këtë skenar kanë alarmuar që nga 10 mars, por, sipas tyre, posedojnë informacione të sigurta se pas Strugës, do të izolohet edhe rajoni i Pollogut dhe Kërçovës dhe prioritet do t’i jepet ndërtimit të një autostrade Manastir-Ohër me çka Korridori 8 devijohet dhe lidhet me Korridorin 10, ndërsa Sërbia bëhet përfundimisht epiqendër dhe bllokon lidhjen e vendit tonë me Perëndimin.

Ju bëjmë thirje partive të koalicionit VLEN që të mos heshtin dhe relativizojnë planet e Vuçiçit kundër shqiptarëve, të mos defokusojnë me akuza të politikës ditore, por urgjentisht të bllokojnë këto projekte ogurzeza të Botës sërbe ose të paktën të distancohen nga kjo Qeveri! – thuhet në reagimin e partisë së Selës.

Advertisement

Korridori 8 do të kalojë nga Struga – u shpreh mbrëmë i prerë kreu i Lëvizjes Besa, Bilall Kasami, gjatë një interviste për Alsat. Duhet të bëjmë distinkcion të qartë në mes zgjidhjes teknike, dhe projektit si interes strategjik I vendit që lidh disa vende të NATO-së dhe BE-së, është shprehur Kasami, duke potencuar se Korridori 8 është ndër korridoret më të rëndësishme të vendeve pan-evropiane, pjesë e të cilit do të jetë edhe Maqedonia e Veriut.

“Është çështje të cilën na e ka lënë si problem qeveria paraprake. Se Korridori 8 nuk do të kalojë kah Struga nuk e ka thënë as kryeministri. Ky korridor lidh shqiptarët e Maqedonisë me ata të Shqipërisë, por përskaj kësaj ky është projekt I rëndësishëm edhe për Maqedoninë e Veriut. Sa është I rëndësishëm për shqiptarët dhe Shqipërinë, aq I rëndësishëm është edhe për Maqedoninë”, tha mes tjerash Kasami.

Ndërkohë, Ministri për Transport dhe Lidhje, Aleksandar Nikolovski, deklaroi se nuk mund të rrezikohet përjashtimi nga UNESCO për shkak të lëshimeve të bëra në projeksionet gjatë kohës së qeverisë së mëparshme.

Krahas për Korridorin 8, ka patur edhe 7 rekomandime tjera nga UNESCO për Maqedoninë. Bëhet fjalë për shkelje të evidentuara në rajonin e Ohrit me ndërtime të egra e të jashtëligjshme në zonat e mbrojtura.

Advertisement

Bashkësia Fetare Islame, përmes një Thirrje Publike, njofton nisjen e aksionit për mbledhjen e materialeve arkivore mbi pritjen e refugjatëve nga Kosova gjatë periudhës 1998–1999. Kjo histori nuk duhet të mbetet vetëm kujtim, ajo duhet të dokumentohet, të ruhet dhe të transmetohet si dëshmi e gjallë për brezat që vijnë – thonë nga Bashkësia Fetare Islame.

Me udhëzim dhe obligim të kreut të BFI-së, Shaqir ef. Fetai, Arkivi i Bashkësisë Fetare Islame në RMV ka nisur procesin e mbledhjes së dokumenteve historike që dëshmojnë kontributin e jashtëzakonshëm të xhamive, hoxhallarëve dhe këshillave të xhamijave në pritjen dhe përkujdesjen ndaj vëllezërve tanë nga Kosova gjatë luftës së viteve 1998–1999.

Në atë periudhë të rëndë dhe vendimtare, shqiptarët e Maqedonisë dhanë një shembull të rrallë solidariteti, duke u bërë strehë, mbështetje dhe shpresë për qindra mijëra njerëz – thuhet në thirrjen publike.

BFI fton të gjithë hoxhallarët dhe këshillat e xhamijave të asaj kohe, që të dorëzojnë në Arkivin e BFI-së çdo dokument, fotografi, evidencë apo dëshmi gojore që posedojnë nga ajo kohë.

Gjithashtu, sic thuhet, u bëhet thirrje të gjithë patriotëve nga Maqedonia, Bashkësive lokale, të cilët në çfarëdo forme kanë kontribuar dhe posedojnë materiale të kësaj natyre, që t’i dorëzojnë ato për këtë proces të rëndësishëm historik.

Advertisement

Në thirrjen publike potencohet se të gjitha materialet do të mblidhen dhe evidentohen, analizohen dhe sistemohen profesionalisht, digjitalizohen dhe ruhen në Arkivin qendror të BFI-së dhe më pas do të jenë të qasshme edhe për vetë dorëzuesit.

Dokumentet e mbledhura do ti dorëzohen edhe Institutit për krimet e luftës në Republikën e Kosovës në emër të shqiptarëve të Maqedonisë thuhet në thirrjen publike të Bashkësisë Fetare Islame të Maqedonisë së Veriut.

Më 31.03.2026, në orën 01:50 në Gostivar, zyrtarë policorë nga Stacioni Policor i Gostivarit kanë privuar nga liria një 34-vjecar nga Gostivari, për shkak të dyshimit të bazuar për vepër penale “vrasje”. Paraprakisht në orën 01:30 në Stacionin Policor të Gostivarit, një person (mashkull) ka raportuar se dyshon për vrasjen e një anëtari të familjes së tij. Zyrtarët policorë menjëherë kanë dalë në vendngjarje dhe në shtëpi është gjetur i vdekur një 63-vjeçar nga Gostivari, me lëndime të dukshme dhe gjurmë dhune në pjesën e kokës, pas së cilës, për shkak të dyshimit se bëhet fjalë për vrasje, është privuar nga liria djali i tij. Sipas deklaratave fillestare të të dyshuarit, babai i tij kishte ndërruar jetë një ditë më parë rreth orës 14:50 pas një rëzimi në banjo, por rastin nuk e kishte denoncuar tek shërbimet kompetente. Është njoftuar Prokurori Publik dhe po ndërmerren masa për zbardhjen e ngjarjes, pas së cilës do të dorëzohet kallëzimi përkatës.

Dje, në orën 18:30 në Gostivar, zyrtarë policorë nga DPB Gostivar kanë privuar nga liria një 39-vjeçar nga Gostivari. Gjatë bastisjeve në shtëpinë e tij dhe ambientet ndihmëse në rr.”Balindol” si dhe në banesën e tij në rr. “Ilinden”, të kryera me urdhër gjyqësor, janë gjetur dhe sekuestruar 13 qese me lëndë të bardhë pluhur, peshore digjitale, rreth 150 copë municion të kalibrave të ndryshëm, një pistoletë sinjalizuese, patrona për pushkë gjuetie dhe një pushkë ajrore. Pas dokumentimit të plotë të rastit, ndaj tij do të ngrihen kallëzimet përkatëse sipas nenit 215 dhe nenit 396 të Kodit Penal.

Dje, në orën 11:25 në Tetovë, zyrtarë policorë nga SPB Tetovë kanë privuar nga liria një 22-vjeçar nga fshati Lisec i Tetovës. Ai kërkohej me fletarrest në bazë të urdhrit gjyqësor për vuajtje të dënimit me burg në kohëzgjatje prej një viti, për vepër penale të kryer sipas nenit 216 të Kodit Penal. Personi është dërguar në Institucionin Ndëshkues-Përmirësues Burgu I Tetovës për vuajtjen e dënimit.

……Dje, në orën 10:50, personi një 24-vjeçar nga fshati Bërvenicë, ka raportuar se rreth orës 10:40 në rrugën drejt fshatit Çegran, është sulmuar fizikisht nga një person i cili drejtonte një automjet me targa regjistrimi të Tetovës. Po ndërmerren masa për zbardhjen e rastit.

……Dje, në orën 12:55 në DPB Gostivar,një 28-vjeçar nga fshati Çajlë ka raportuar se, derisa po kryente detyra pune me makinë pune – ekskavator në Stacionin Hekurudhor në Gostivar, një person është sjellë në mënyrë agresive ndaj tij dhe ka tentuar ta sulmojë me një mjet të mprehtë. Po punohet për zbardhjen e rastit.

Advertisement

……Dje, në orën 22:15 në DPB Gostivar, një 43-vjeçar nga fshati Forinë, ka raportuar se është kërcënuar nga babë e bir, për shkak të një borxhi të pretenduar të djalit të tij. Sipas raportimit, ai është kërcënuar dhe sulmuar fizikisht, , pas së cilës në mënyrë të kundërligjshme i ka marrë automjetin “Audi A3” si garanci për borxhin e pretenduar. Po ndërmerren masa për dokumentimin e rastit.

……Në mesnatë në një fshat të Tetovës, zyrtarë policorë nga SPB Tetovë kanë privuar nga liria një 55-vjeçar duke vepruar sipas një denoncimi paraprak se ka sulmuar fizikisht dhe ka kërcënuar tri vajzat e tij dhe ish- bashkëshorten. Ai është ndaluar në stacionin policor dhe pas dokumentimit të rastit do të vijojë kallëzimi përkatës.

……Sot pas mesnate, një 30-vjeçar nga Tetova ka raportuar se është sulmuar fizikisht nga disa persona brenda dhe para një objekti hotelier në Tetovë. Personi është dërguar në Spitalin Klinik të Tetovës për ndihmë mjekësore, ndërsa pas zbardhjes së plotë të rastit do të dorëzohet parashtresa përkatëse.