Të dashur studentë shqiptarë në Maqedoninë e Veriut,

Në emër të Rrënjet Shqiptare (Albanian Roots), ju shprehim mbështetjen tonë më të fortë dhe solidaritetin e plotë për qëndrimin tuaj dinjitoz në mbrojtje të të drejtave tuaja themelore.

Me krenari kemi ndjekur protestën tuaj paqësore, ku studentët shqiptarë u bashkuan për të ngritur zërin për të drejtën legjitime të përdorimit të gjuhës shqipe në arsim dhe në institucionet publike. Kjo nuk është thjesht një kërkesë—është një e drejtë themelore njerëzore dhe demokratike.

E drejta për të mësuar, për t’u vlerësuar dhe për të jetuar në gjuhën amtare është e patjetërsueshme. Guximi juaj për t’u përballur me padrejtësinë dhe për të kërkuar barazi është një dëshmi e fuqishme se rinia shqiptare mbetet mbrojtësja më e fortë e identitetit, dinjitetit dhe të ardhmes sonë kombëtare.

Si një organizatë e përkushtuar në ruajtjen e trashëgimisë, kulturës dhe identitetit shqiptar kudo në botë, ne qëndrojmë fuqishëm përkrah jush. Zëri juaj dëgjohet përtej kufijve—ai jehon në të gjitha komunitetet shqiptare, përfshirë këtu në Shtetet e Bashkuara të Amerikës.

Advertisement

Ju përgëzojmë për unitetin, vendosmërinë dhe qëndrueshmërinë tuaj. Historia ka treguar se kur rinia shqiptare ngrihet me qëllim dhe dinjitet, ndryshimi është i pashmangshëm.

U bëjmë thirrje institucioneve të Maqedonisë së Veriut që të respektojnë plotësisht të drejtat e studentëve shqiptarë dhe të zbatojnë pa vonesë ligjin për përdorimin e gjuhës shqipe. Barazia para ligjit duhet të jetë reale dhe e barabartë për të gjithë.

Qëndroni të fortë, të bashkuar dhe vazhdoni rrugën tuaj me të njëjtin dinjitet dhe vendosmëri që ka frymëzuar gjithë kombin shqiptar.

Me respekt dhe solidaritet,

Rrënjet Shqiptare – Albanian Roots

Advertisement

Kryeministri Hristijan Mickoski, duke komentuar protestën e djeshme të studentëve, tha se ata po punojnë në gjetjen e zgjidhjes për provimin e jurisprudencës, që i njëjti të jetë në përputhje me kushtetutën dhe me standardet ndërkombëtare.
Mickoski, shkruan SHENJA, tha se në protestën e djeshme ishin të pranishëm një numri i madh i funksionarëve të lartë dhe aktivistëve opozitar, gjë për të cilën kanë informuar edhe NATO-në dhe BE-në.
“Kërkesat janë një, por kushtetuta dhe standardet ndërkombëtare janë tjetër dhe duhet ashtu të sillemi nëse me të vërtetë duam të sillemi si evropian atëherë duhet të respektojmë edhe kushteton edhe standardet ndërkombëtare. Është fakt se ligji e cili është sjellë, ligji për zbatimin e gjuhëve është kontestuar para gjykatës kushtetuese pikërisht në pjesën e gjyqësorit, fakt është se kemi mendim negativ nga Komisioni i Venecias kur bëhet fjalë për dygjuhësinë në gjyqësor sepse së pari nuk kemi resurse të mëdha për ta implementuar dhe e dyta nuk garantohet sundimi i së drejtës dhe për këtë shkak ata fuqishëm na rekomandojnë që të kthehemi në ligjin e vitit 2008-2009. Njëkohësisht është fakt se studentët të cilët mësojnë fakultetin juridik në gjuhën amtare në këtë rast në gjuhën shqipe kanë të drejtë ta bëjnë këtë dhe janë pjesë e sistemit arsimor në RMV, kështu që ne kemi formuar komisioni i cili është përbrë nga ekspertë juridik dhe ai komision punon në gjendjen e zgjidhjes e cila do të jetë në përputhje me kushtetutën dhe standardet ndërkombëtare, po ashtu është fakt se dje pamë një numër të madh i aktivistëve dhe funksionar të lartë të cilët ishin në protestës dhe i dhanë konotacion politik. Për këtë i kemi informuar aleatët në NATO por edhe të BE-së për tentim të opozitës në një mënyrë që të bëjnë destabilizim dhe kjo nuk gjet në miratim nga përfaqësues të lartë të bashkësisë ndërkombëtare”, deklaroi Mickosk

Më datë 06.04.2026, në orën 07:00, në SPB Tetovë, nga Spitali i Përgjithshëm i Gostivarit është denoncuar se tek ata është sjellë me gjendje të përkeqësuar shëndetësore R.M. (29) nga Manastiri, e cila pas pak kohësh ka ndërruar jetë. Mjeku ka konstatuar vdekjen, ndërsa me urdhër të prokurorit publik trupi i të ndjerës është dorëzuar në Mjekësinë Ligjore për obduksion.

……Më datë 06.04.2026, në orën 09:50, në SPB Tetovë, një 39-vjeçar nga Tetova ka denoncuar se është mashtruar nga Z.J. nga Gostivari për shumën prej 2.230 eurove. Sipas denoncimit, gjatë muajit shkurt të vitit 2026, përmes një ndërmjetësi, ka kontaktuar me të denoncuarin për zhdoganimin e një motoçiklete nga Zvicra. Siç është denoncuar, pasi janë takuar në Tetovë dhe ia ka dhënë paratë, Z.J. nuk e ka përmbushur marrëveshjen dhe nuk ia ka kthyer paratë, me ç’rast ka dyshuar se është mashtruar. Pas dokumentimit të plotë të rastit, do të vijojë kallëzimi përkatës.

……Më datë 06.04.2026, në orën 15:10, në SPB Tetovë, një 33-vjeçar nga Tetova ka denoncuar se është mashtruar nga S.GJ. nga Ohri, e punësuar në një firmë private për konsulencë. Sipas denoncimit, në fund të vitit 2024 ka kontaktuar me të denoncuarën për ndërmjetësim për marrjen e një vize gjermane pune, me ç’rast më 01.11.2024 në xhirollogarinë e firmës ka paguar 24.520 denarë. Siç është denoncuar, edhe pse i ishte premtuar se viza do të jetë gati brenda tre muajve, deri në ditën e denoncimit puna nuk ishte kryer. Po ndërmerren masa për zbardhjen e rastit.

……Më datë 06.04.2026, në orën 12:30, në SPB Tetovë, M.A. (36) nga Tetova ka denoncuar se në një objekt hotelerik në Tetovë është sulmuar fizikisht nga F.F. (40) nga fshati Zherovjan. Po ndërmerren masa për zbardhjen dhe dokumentimin e rastit.

……Më datë 06.04.2026, në orën 16:10, në udhëkryqin e rrugës “Marshall Tito” dhe rrugës “Jane Sandanski” në Tetovë, zyrtarët policorë nga SPB Tetovë kanë privuar nga liria S.M. (27) dhe D.R. (42), të dy nga Tetova, sepse kanë prishur rendin dhe qetësinë publike me një përleshje fizike. Ata janë shoqëruar në stacionin policor dhe pas zbardhjes së plotë të rastit do të vijojë parashtresa përkatëse.

Advertisement

……Më datë 06.04.2026, zyrtarët policorë nga DPB Gostivar, në bashkëveprim me inspektorët e ndërtimit nga Komuna e Gostivarit, kanë kryer inspektim në fshatin Forinë të Gostivarit, për shkak të ekzistimit të dyshimit për vepra penale “uzurpim i tokës shtetërore” dhe “ndërtim pa leje”. Gjatë kontrollit është konstatuar se në vendin e quajtur “Rudina” ka filluar ndërtimi i një objekti pa dokumentacionin përkatës në tokë në pronësi shtetërore, ndërsa investitor është SH.S. (39) nga fshati Forinë. Në vendngjarje janë gjetur kontraktuesi B.R. (40) dhe disa punëtorë, me ç’rast dy shtetas të Republikës së Shqipërisë, E.O. (33) dhe D.O. (49), janë ndaluar për shkak të keqpërdorimit të qëndrimit turistik në shtet dhe janë mbajtur në Stacionin Policor të Gostivarit për procedurë të mëtejshme. Përkohësisht janë konfiskuar edhe makineritë ndërtimore të gjetura në terren.

……Më datë 06.04.2026, në orën 11:30, në Stacionin Policor të Gruçinit, A.J. (48) nga fshati Pallaticë e Tetovës, ka denoncuar se në afërsi të shkollës fillore në fshat, djali i tij i mitur është sulmuar fizikisht nga disa të mitur, me ç’rast ka pësuar lëndime të konstatuara në Spitalin Klinik të Tetovës. Po ndërmerren masa për zbardhjen e rastit.

……     Më datë 06.04.2026, në orën 20:00, në fshatin Pirok të Tetovës, zyrtarët policorë nga Stacioni Policor i Kamjanit kanë privuar nga liria personat J.K. (33), J.A. (36) dhe J.N. (20), të gjithë nga fshati Rakovec i Tetovës, duke vepruar sipas denoncimit paraprak nga M.R. (53) nga fshati Rakovec, se në orën 17:45, derisa po lëvizte me bashkëshorten e tij me automjetin e tij drejt Tetovës, i kanë bllokuar rrugën, pas së cilës me mjet të fortë dhe metalik i kanë dëmtuar automjetin. Pas dokumentimit të plotë të rastit do të vijojë kallëzimi përkatës.

……Më datë 06.04.2026, në orën 21:50, zyrtarët policorë nga DPB Gostivar kanë privuar nga liria F.I. (36) nga fshati Vrutok i Gostivarit. Ai dyshohet se ka kryer vepër penale “vjedhje e rëndë” në një xhami në fshatin Mirditë. Personi është ndaluar në stacionin policor dhe pas dokumentimit të plotë të rastit, ndaj tij do të vijojë kallëzimi përkatës.

……Më datë 07.04.2026, në orën 01:30, në rrugën rajonale Tetovë-Jazhincë, në fshatin Tearcë, zyrtarët policorë nga Stacioni Policor i Tearcës kanë privuar nga liria A.M. (20) nga fshati Nerasht i Tetovës. Gjatë kontrollit në trafik, zyrtarët policorë kanë ndaluar një automjet pasagjerësh “Opel Corsa” me targa të Tetovës, të cilin ai po e drejtonte, ku është konstatuar se mjetin po e drejtonte me leje qarkullimi të skaduar. Automjeti është konfiskuar dhe pas dokumentimit të plotë të rastit ndaj tij do të vijojë kallëzimi përkatës.

Advertisement