Lajme nga vendi
ARBEN FETAI MUNGON NË PUNË DHE SEANCAT QEVERITARE?!
Zëvendëskryeministri për qeverisje të mirë, Arben Fetai, tashmë prej një muaji nuk merr pjesë në mbledhjet e Qeverisë dhe askush nuk e di nëse, deri në riformatimin e Qeverisë të paralajmëruar për fund të majit ose fillim të qershorit, do të jetë pjesë e Qeverisë.
Informacionin se Zv/Kryeministri për Qeverisje të Mirë, Arben Fetai nuk shkon në punë e bëri publik ministri i Shëndetësisë, Azir Aliu, bashkëpartiak i tij nga VLEN.
Nga Qeveria thonë se si trup kolektiv funksionojnë pa pengesa dhe me kapacitet të plotë, por as nuk e kanë konfirmuar dhe as nuk e kanë mohuar faktin që Fetai nuk merr pjesë në mbledhjet qeveritare.
Ministri Aliu, në një intervistë për “360 shkallë”, tha se në periudhën e fundit nuk ka komunikuar me Fetain, pasi ai nuk po merr pjesë në mbledhjet e Qeverisë, por sqaroi se mungesa e tij nuk lidhet me probleme shëndetësore.
Disa njoftime bëjnë të ditur se Fetai për një periudhë të caktuar ka qëndruar në Belgjikë pranë familjes së tij. Sipas burimeve të tjera, ai ka qenë në Belgjikë dhe më pas është parë në Shkup, por megjithatë nuk po shkon në punë.
Konfirmim se Fetai nuk po merr pjesë në punë erdhi edhe nga komunikata e VLEN-it, se me partnerin qeveritar VMRO-DPMNE kanë arritur marrëveshje të plotë për versionin final të pakos së ligjeve për reforma në arsimin e lartë.
Në fotografitë e publikuara nga VLEN, Fetai nuk shihet, ndërsa në takimin me kryeministrin Mickoski dhe ministren e Arsimit Vesna Janevska, janë Zv/Kryeministri I Parë, Bekim Sali, si dhe kryetarët e komunave të Tetovës dhe Çairit dhe njëkohësisht kryetarët e ardhshëm të VLEN-it, Bilall Kasami dhe Izet Mexhiti.
Zëvendëskryeministri Fetai dhe ministri i Shëndetësisë Aliu u ndanë nga krahu i Aleancës për Shqiptarët i udhëhequr nga Arben Taravari, kur ky i fundit në maj të vitit 2025 u largua nga Qeveria.
Lajme nga vendi
SHOK TEMPERATURASH NË MAQEDONI: Pas të ftohtit të pazakontë dhe borës, këtë javë deri në 38°C
Pas valës së pazakontë të të ftohtit që solli reshje bore në Malin Sharr dhe në Pelister të premten, më 24 korrik, si dhe pas mëngjesit të sotëm jashtëzakonisht të freskët për muajin korrik, Maqedoninë e pret një tjetër ndryshim i fortë i motit.
Meteorologu Sllavço Poposki njofton se nga fillimi i javës vendi do të përfshihet nga një masë shumë më e ngrohtë ajrore që vjen nga jugu, përkatësisht nga Afrika.
“Që nga e hëna dhe gjatë ditëve në vijim, temperaturat do të shënojnë rritje të shpejtë. Në pjesën më të madhe të Maqedonisë ato do të kalojnë 30 deri në 35 gradë Celsius, ndërsa në rajonin e Povardarisë dhe në pjesën juglindore të vendit do të arrijnë deri në 38 gradë Celsius”, thekson Poposki.
Sipas tij, vetëm gjatë ditës së hënë, më 27 korrik, priten dukuri lokale të paqëndrueshme të motit, të shoqëruara me reshje të rrëmbyeshme shiu, bubullima dhe erë të përforcuar.
Nga e marta, më 28 korrik, moti do të stabilizohet plotësisht dhe do të mbizotërojë mot me diell, i qëndrueshëm dhe me vranësira të pakta lokale.
Poposki paralajmëron se këto ndryshime të menjëhershme dhe të mëdha të temperaturave mund të kenë ndikim negativ, veçanërisht te personat e ndjeshëm ndaj ndryshimeve të motit.
Çmimet e shitjes me pakicë të benzinave EUROSUPER BS-95 dhe EUROSUPER BS-98 rriten për 3,00 denarë për litër.
Çmimi i shitjes me pakicë i EURODIZELIT (D-Е V) rritet për 4,50 denarë për litër.
Çmimi i shitjes me pakicë i Vajit Ekstra të Lehtë për Amvisëri (ЕL-1) rritet për 5,00 denarë për litër.
Çmimi i shitjes me pakicë i Мazutit М-1 SU rritet për 2,726 denarë për kilogram.
Nga data 28.7.2026, nga ora 00:01, çmimet maksimale të derivateve të naftës do të jenë:
Benzinë motori EUROSUPER BS – 95 93,00 (denarë/litër)
Benzinë motori EUROSUPER BS – 98 95,00 (denarë/litër)
Naftë motori EURODIZEL BS (D-E V) 98,50 (denarë/litër)
Vaj për Djegie Ekstra i Lehtë 1 (EL-1) 98,00 (denarë/litër)
Mazut М-1 SU 48,099 (denarë/kilogram)
Nën qiellin e hapur të Banjës së Tetovës, qytetarët patën mundësinë të ndjekin shfaqjen e filmit “Krejt e Thirrin Rexhën”, në kuadër të manifestimit Vera Tetovare, Tetova n’Festë.
Një mbrëmje e bukur kinematografike, e mbushur me emocione, humor dhe atmosferë të veçantë, që bëri bashkë qytetarë të të gjitha moshave.
Tv Koha takoi edhe Artistin e ri nga Tetova, Ledion Mulaku, i cili hapat e parë në aktrim i ka bërë që në moshë të hershme, duke qenë pjesë e disa projekteve filmike dhe serialeve të rëndësishme në rajon, duke përfshirë filmat “Dashuria s’mjafton” dhe “Shkëmbimi”, serialin ndërkombëtar Sunrise, si dhe projektin e fundit “Krejt e thirrin Rexhen”, ku ai interpreton një nga rolet protagoniste dhe është vlerësuar me çmimin Best Young Actor.
Suksesi i tij është një shembull frymëzues për të rinjtë e Tetovës dhe një dëshmi e potencialit të madh që ka rinia jonë.
Vera tetovare riktheu në Tetovë filmin “Krejt e Thirrin Rexhën” me një mbrëmje të veçantë kushtuar artit dhe kinematografisë shqiptare.
Ambienti I hapur në Banjë të Tetovës u bë arenë e gërshetimit të brezave dhe interesimit të jashtëzakonshëm të publikut tetovar.
U shijua së bashku një film I jashtëzakonshëm në një atmosferë të bukur verore, ku sipas organizatorëve, “Tetova N`Festë” vazhdon të sjellë kulturë, art dhe argëtim në çdo cep të qytetit.
/Tv Koha/
Franca në alarm, zjarret i afrohen Bordeaux, Macron mbledh qeverinë në takim krize
SHOK TEMPERATURASH NË MAQEDONI: Pas të ftohtit të pazakontë dhe borës, këtë javë deri në 38°C
Sërish shtrenjtohen karburantet nga mesnata
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Azizi zbulon dyfytyrësinë e Ali Ahmetit: Ja vazali që e mbronte Gruevskin
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
