Dje, rreth orës 17:00, zyrtarë policorë nga Sektori për tregti të paligjshme me drogë dhe armë pranë SPB Tetovë, në bazë të një urdhri gjyqësor, kanë kryer bastisje në shtëpinë dhe ambientet ndihmëse të një 29-vjeçari në lagjen Drenovec të Tetovës. Gjatë bastisjes është gjetur dhe sekuestruar një peshore digjitale me mbetje kokaine. Personi është privuar nga liria dhe është mbajtur në stacionin policor për procedurë të mëtejshme.

……Sot , në periudhën nga ora 00:10 deri në 01:05 pas mesnate, zyrtarë policorë nga SPB Tetovë kanë kryer një kontroll aksion në një objekt hotelier në fshatin Zubovcë, komuna e Vrapçishtit, pronë e një 20 -vjeçari nga fshati Dobërdoll. Gjatë kontrollit, për shkak të keqpërdorimit të qëndrimit turistik, janë shoqëruar tri gra, dy nga Republika e Serbisë, si dhe një nga Republika e Shqipërisë. Ato janë ndaluar në Stacionin Policor të Gostivarit për procedurë të mëtejshme.

……Dje, në ora 15:30, në Stacionin Policor të Gostivarit, një grua 51-vjeçare nga Gostivari ka raportuar se rreth orës 12:00, në bulevardin “Goce Dellçev”, është shqetësuar nga një qytetar nga Gostivari. Sipas denoncimit, derisa ajo po drejtonte automjetin “Volksëagen Tiguan”i denoncuari me një automjet “Ford” ka lëvizur me shpejtësi të madhe, ka frenuar vrullshëm, ka hapur derën e automjetit të saj dhe e ka ofenduar. Më pas, sipas raportimit, ai ka vazhduar ta ndjekë me automjet. Po ndërmerren masa për zbardhjen e rastit.

……Dje, në Stacionin Policor të Çairit, një 36- vjeçar nga Tetova ka denoncuar se është mashtruar nga një person. Sipas denoncimit, në periudhën prej 17.04. deri më 22.04.2026, denoncuesi i ka dorëzuar automjetin e tij “Seat Leon” personit , bazuar në një marrëveshje gojore për shitblerje në vlerë prej 12.000 eurosh. I denoncuari nuk është paraqitur në takimet e rëna dakord për pagesë dhe ka ndaluar së përgjigjuri në thirrjet telefonike. Denoncuesi më vonë e ka vërejtur automjetin e tij te një person i tretë, i cili ka deklaruar se e ka blerë mjetin për shumën prej 7.000 eurosh. Po ndërmerren masa për gjetjen e autorit.

……Dje, rreth orës 23:00, në rrugën “18 Nëntori” në Gostivar, zyrtarët policorë kanë privuar nga liria një 22-vjeçar nga Gostivari, pasi i njëjti është sjellë në mënyrë agresive ndaj policëve derisa ata po kryenin detyrën zyrtare. Ai është shoqëruar në Stacionin Policor të Gostivarit dhe ndaj tij do të ngrihet padi përkatëse.

Advertisement

Për nder të Ditës Botërore të Librit dhe të Drejtave të Autorit, Biblioteka e Tetovës, çdo vit organizon manifestimin tradicional e cila ka edhe kompeticionin me karakter garues për krijimet artistike të poetëve garues.

Biblioteka e Tetovës është bartës I projektit kurse tradicionalisht këtij aktiviteti I bashkangjitet, sikurse çdo vit, edhe Këndi Amerikan.

BINAS PAJAZITI – Drejtor i Bibliotekës

“Ideja është që Biblioteka të jetë një urë lidhëse midis të gjithë artistëve të rinj, dashamirëve të librit dhe për nder të kësaj feste ne e bëjmë këtë aktivitet për të senzibilizuar dhe për të nxitur ndjenjën e dashurisë ndaj librit dhe leximit sepse të lexuarit është një vlerë e shtuar në shoqërinë tonë dhe vetëm kështu mund të ecim përpara”

Librat kanë qenë dhe vazhdojnë të jenë thelbësore për arsimin, tha në fjalën e tij, Zv/Ministri për Kulturë, Sedat Sulejmani, i cili u zotua për më shumë investime në projekte që targetojnë të rinjtë dhe dijen.

Advertisement

SEDAT SULEJMANI – Zv/Ministër për Kulturë

“Si Ministri e Kulturës ne besojmë fuqishëm se investimi më I madh që mund të bëjmë është tek rinia, mendja, tek imagjinata dhe zëri I saj. Pikërisht këtu fillon edhe e ardhmja e kulturës sonë, në bankat shkollore, në libra, në poezi dhe në ide të reja.

Drejtori i Bibliotekës së Tetovës ka edhe një mesazh për nxënësit dhe të rinjtë.

BINAS PAJAZITI – Drejtor i Bibliotekës

Në kuadër të kësaj dite u bë edhe shpallja e rezultateve të “Konkursit Letrar për poezi” me çka përmbyllet një nga aktivitetet më të rëndësishme letrare, me pjesëmarrjen e nxënësve nga shumë shkolla fillore të Tetovës dhe rrethinës./Tv Koha/

Advertisement

Grupi parlamentar i LSDM-së ka dorëzuar Propozim-ligj për ndryshimin e Ligjit për Qeverinë, me të cilin parashihet ndalimi i shtetësisë së dyfishtë për ministrat, zëvendëskryeministrat dhe gjithë përbërjen e Qeverisë, me zbatim të menjëhershëm.

Nga partia deklarojnë se me këtë propozim vendoset parimi i barazisë, gjegjësisht që rregullat e njëjta të vlejë për të gjithë funksionarët e zgjedhur dhe të emëruar, pa përjashtim.

LSDM-ja njëkohësisht kritikon ndryshimet e paralajmëruara të Ligjit për deputetët nga ana e VMRO-DPMNE-së, duke vlerësuar se ato nuk parashohin hyrje të menjëhershme në fuqi, por të vlejnë nga përbërja e ardhshme parlamentare.

„Është e dukshme se qëllimi është të mbrohen deputetët dhe ministrat aktualë të cilët kanë edhe shtetësi të tjera. Kjo është e pandershme dhe në kundërshtim me parimet e përgjegjësisë“, thonë nga LSDM.

Nga atje paralajmërojnë se, përveç ndryshimeve të propozuara të Ligjit për Qeverinë, do të dorëzojnë edhe amendamente në propozimin për Ligjin për deputetët, me qëllim që ndalimi i shtetësisë së dyfishtë të vlejë menjëherë edhe për deputetët.

Advertisement

„Shtetësi të dyfishtë nuk do të ketë as deputet, as funksionar i zgjedhur dhe i emëruar“, porositin nga LSDM.