Lajme nga vendi
SULEJMANI: 20 PUNËSIME NË ANSAMBLIN E TETOVËS, PESË NË ATË TË SHKUPIT!
Ansambli i Tetovës ka qenë temë diskutimi gjatë një takimi në Qeveri me Zv/Kryeministrin e Parë, Bekim Sali dhe Ministrin e Kulturës, Zoran Ljutkov, tha për Tv Koha, Zv/Ministri i Kulturës, Sedat Sulejmani, duke përgënjeshtruar, sic tha, zërat që kanë qarkulluar në opinion lidhur me fatin e këtij Ansambli.
Zv/Ministri i Kulturës, Sedat Sulejmani, u shpreh i prerë se nuk do të mbyllet asnjë institucion shqiptar.
Por, jo vetëm kaq! Në vazhdë e sipër janë aktivitetet që 20 persona të punësohen në Ansamblin e Tetovës.
SEDAT SULEJMANI – Zv/Ministër i Kulturës
“Nuk ka të bëj asgjë me realitetin ajo që bisedohet në opinion dhe derisa VLEN do jetë në Qeveri nuk do të mbyllet asnjë institucion shqiptar. Biseduam edhe për punësimet dhe jemi duke kompletuar dokumentacioni me çka së shpejti do të dërgojmë kërkesën deri tek Ministria e Financave dhe shpresojmë që diku deri në 20 persona do të punësohen në ansambël”, deklaroi Sedat Sulejmani, Zëvendësministër i Kulturës.
Zv/Ministri Sulejmani ndau edhe një informacion tjetër. Sipas tij, bëhen edhe pesë punësime në Ansamblin e Këngëve dhe Valleve Popullore Shqiptare në Maqedoninë e Veriut.
SEDAT SULEJMANI – Zv/Ministër i Kulturës
“E morëm edhe një lajm të mirë. Na erdhën edhe ato pëlqime që ishin në pritje. Do të thotë do të kemi edhe 5 punësime shtesë në Ansamblin e Këngëve dhe Valleve Shqiptare. Prej këtu japim lajmin e bukur, shpresoj se së shpejti do të formohet Komisioni dhe do të kemi edhe 5 punësime shtesë”
Pas këtyre njoftimeve, përmes komunikatës ka reaguar koalicioni VLEN.
Sipas tyre, Kultura është në duar të sigurta, ansamblet po ruhen dhe forcohen, duke konfirmuar nisjen e procedurës për punësimin e 20 personave në Ansamblin e Tetovës dhe 5 punësime shtesë në Ansamblin e Këngëve dhe Valleve në Shkup.
“VLEN mbetet e vendosur që të garantojë jo vetëm mbrojtjen, por edhe zhvillimin e mëtejshëm të institucioneve kulturore shqiptare, përmes mbështetjes konkrete për artistët, krijuesit dhe trashëgiminë tonë kulturore. Po dëshmojmë sërish se kultura shqiptare nuk mbrohet me fjalë, por me vendime, me përgjegjësi institucionale dhe vizion të qartë politik” – thuhet në komunikatën e koalicionit VLEN.
Lajme nga vendi
SHOK TEMPERATURASH NË MAQEDONI: Pas të ftohtit të pazakontë dhe borës, këtë javë deri në 38°C
Pas valës së pazakontë të të ftohtit që solli reshje bore në Malin Sharr dhe në Pelister të premten, më 24 korrik, si dhe pas mëngjesit të sotëm jashtëzakonisht të freskët për muajin korrik, Maqedoninë e pret një tjetër ndryshim i fortë i motit.
Meteorologu Sllavço Poposki njofton se nga fillimi i javës vendi do të përfshihet nga një masë shumë më e ngrohtë ajrore që vjen nga jugu, përkatësisht nga Afrika.
“Që nga e hëna dhe gjatë ditëve në vijim, temperaturat do të shënojnë rritje të shpejtë. Në pjesën më të madhe të Maqedonisë ato do të kalojnë 30 deri në 35 gradë Celsius, ndërsa në rajonin e Povardarisë dhe në pjesën juglindore të vendit do të arrijnë deri në 38 gradë Celsius”, thekson Poposki.
Sipas tij, vetëm gjatë ditës së hënë, më 27 korrik, priten dukuri lokale të paqëndrueshme të motit, të shoqëruara me reshje të rrëmbyeshme shiu, bubullima dhe erë të përforcuar.
Nga e marta, më 28 korrik, moti do të stabilizohet plotësisht dhe do të mbizotërojë mot me diell, i qëndrueshëm dhe me vranësira të pakta lokale.
Poposki paralajmëron se këto ndryshime të menjëhershme dhe të mëdha të temperaturave mund të kenë ndikim negativ, veçanërisht te personat e ndjeshëm ndaj ndryshimeve të motit.
Çmimet e shitjes me pakicë të benzinave EUROSUPER BS-95 dhe EUROSUPER BS-98 rriten për 3,00 denarë për litër.
Çmimi i shitjes me pakicë i EURODIZELIT (D-Е V) rritet për 4,50 denarë për litër.
Çmimi i shitjes me pakicë i Vajit Ekstra të Lehtë për Amvisëri (ЕL-1) rritet për 5,00 denarë për litër.
Çmimi i shitjes me pakicë i Мazutit М-1 SU rritet për 2,726 denarë për kilogram.
Nga data 28.7.2026, nga ora 00:01, çmimet maksimale të derivateve të naftës do të jenë:
Benzinë motori EUROSUPER BS – 95 93,00 (denarë/litër)
Benzinë motori EUROSUPER BS – 98 95,00 (denarë/litër)
Naftë motori EURODIZEL BS (D-E V) 98,50 (denarë/litër)
Vaj për Djegie Ekstra i Lehtë 1 (EL-1) 98,00 (denarë/litër)
Mazut М-1 SU 48,099 (denarë/kilogram)
Nën qiellin e hapur të Banjës së Tetovës, qytetarët patën mundësinë të ndjekin shfaqjen e filmit “Krejt e Thirrin Rexhën”, në kuadër të manifestimit Vera Tetovare, Tetova n’Festë.
Një mbrëmje e bukur kinematografike, e mbushur me emocione, humor dhe atmosferë të veçantë, që bëri bashkë qytetarë të të gjitha moshave.
Tv Koha takoi edhe Artistin e ri nga Tetova, Ledion Mulaku, i cili hapat e parë në aktrim i ka bërë që në moshë të hershme, duke qenë pjesë e disa projekteve filmike dhe serialeve të rëndësishme në rajon, duke përfshirë filmat “Dashuria s’mjafton” dhe “Shkëmbimi”, serialin ndërkombëtar Sunrise, si dhe projektin e fundit “Krejt e thirrin Rexhen”, ku ai interpreton një nga rolet protagoniste dhe është vlerësuar me çmimin Best Young Actor.
Suksesi i tij është një shembull frymëzues për të rinjtë e Tetovës dhe një dëshmi e potencialit të madh që ka rinia jonë.
Vera tetovare riktheu në Tetovë filmin “Krejt e Thirrin Rexhën” me një mbrëmje të veçantë kushtuar artit dhe kinematografisë shqiptare.
Ambienti I hapur në Banjë të Tetovës u bë arenë e gërshetimit të brezave dhe interesimit të jashtëzakonshëm të publikut tetovar.
U shijua së bashku një film I jashtëzakonshëm në një atmosferë të bukur verore, ku sipas organizatorëve, “Tetova N`Festë” vazhdon të sjellë kulturë, art dhe argëtim në çdo cep të qytetit.
/Tv Koha/
Franca në alarm, zjarret i afrohen Bordeaux, Macron mbledh qeverinë në takim krize
SHOK TEMPERATURASH NË MAQEDONI: Pas të ftohtit të pazakontë dhe borës, këtë javë deri në 38°C
Sërish shtrenjtohen karburantet nga mesnata
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Azizi zbulon dyfytyrësinë e Ali Ahmetit: Ja vazali që e mbronte Gruevskin
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
