Lajme nga vendi
Inflacioni në Maqedoni bie në 3.4 për qind, ushqimet u liruan në qershor
Inflacioni në Maqedoninë e Veriut vazhdon të ulet dhe mbetet nën nivelin e shumicës së vendeve të rajonit, tregojnë të dhënat më të fundit të Entit Shtetëror të Statistikës. Në qershor të vitit 2026, krahasuar me muajin maj, kostoja e jetesës është ulur me 0.5 për qind, ndërsa çmimet me pakicë kanë shënuar rënie prej 0.8 për qind.
Ulja më e madhe mujore është regjistruar te transporti, ku kostot janë më të ulëta për 1.6 për qind, si dhe te ushqimet dhe pijet joalkoolike, ku çmimet janë ulur për 1.1 për qind. Nga ana tjetër, rritje e çmimeve është shënuar në kategoritë e rekreacionit, restoranteve dhe disa sektorëve të tjerë.
Në nivel vjetor, inflacioni në qershor arriti në 3.4 për qind, ndërsa çmimet me pakicë janë 3.6 për qind më të larta krahasuar me të njëjtin muaj të vitit të kaluar.
Ushqimet po shtrenjtohen me ritëm më të ngadaltë
Analiza e të dhënave statistikore tregon se rritja e çmimeve të produkteve bazë vazhdon të ngadalësohet. Inflacioni te ushqimet dhe pijet joalkoolike është 2.5 për qind, ndërsa te veshjet dhe këpucët arrin 2.1 për qind.
Ndikimin më të madh në rritjen vjetore të çmimeve e kanë pijet alkoolike, duhani dhe produktet e ngjashme, ku çmimet janë rritur me 9.3 për qind, si dhe transporti, me një rritje prej 6.2 për qind.
Analistët ekonomikë theksojnë se ngadalësimi i inflacionit nuk do të thotë se çmimet kanë ndaluar së rrituri, por se ato po rriten me një ritëm dukshëm më të ngadaltë krahasuar me vitet e kaluara.
Maqedonia e Veriut nën shumicën e vendeve të rajonit
Sipas të dhënave të disponueshme, Maqedonia e Veriut ka inflacion më të ulët se shumica e vendeve fqinje.
Inflacioni në qershor:
Maqedonia e Veriut – 3.4%
Greqia – 3.9%
Sllovenia – 3.6%
Kroacia – 4.5%
Bullgaria – 5.6%
Turqia – 32.11%
Në vendet e tjera të rajonit, sipas të dhënave të fundit:
Kosova – 6.8%
Bosnja dhe Hercegovina – 5.6%
Mali i Zi – 3.6%
Serbia – 3.5%
Shqipëria – 3%
Për krahasim, në qershor të vitit 2022, gjatë krizës globale energjetike, inflacioni në Maqedoninë e Veriut kishte arritur në 14.5 për qind. Treguesit më të fundit sinjalizojnë një stabilizim gradual të çmimeve dhe ulje të presionit mbi buxhetet familjare pas një periudhe me goditje të forta inflacioniste.
Kryetari i Komunës së Tetovës, Bilall Kasami I shoqëruar nga Ministri I Transportit dhe Lidhjeve, Aleksandar Nikolovski dhe Zv/Ministrja Kaltrina Zekolli në Tetovë promovuan përfundimin e punimeve në Rrugën e Shtipit, një investim i Ministrisë së Transportit me ko-financim të Komunës së Tetovës.
Ministri I Transportit, Aleksandar Nikolovski, u shpreh se në Tetovë po vërrehet një bum investimesh, për të cilët përgëzoi Kryetarin Kasami duke u zotuar se Ministria që drejton ai do të jetë në shërbim të projekteve që lehtësojnë lëvizjen e qytetarëve.
Sipas zyrtarëve të Ministrisë së Transportit në Tetovë po realizohen 29 projekte të përbashkëta.
KALTRINA ZEKOLLI – Bëhet fjalë për një rrugë me 680 metra, me gjerësi mesatarisht 5.5 metra kurse sipërfaqja totale e asfaltuar është rreth 4.000 metra katrorë.
Kuvendi ka miratuar ndryshime në Ligjin për Lizingun Financiar, të cilat prekin kushtet për themelimin dhe funksionimin e kompanive të lizingut, menaxhimin korporativ, mbikëqyrjen, transparencën dhe mbrojtjen e përdoruesve. Me ndryshimet përcaktohen elementet e detyrueshme që duhet të përmbajë çdo kontratë e lizingut financiar, përfshirë të gjitha tarifat dhe kompensimet që lidhen me kontratën. Gjithashtu, parashihet mundësia që kontratat të lidhen edhe në formë elektronike, në përputhje me legjislacionin për dokumentet elektronike, identifikimin elektronik, mbrojtjen e të dhënave personale dhe parandalimin e pastrimit të parave.
Rregullat e reja sjellin kontrata më të qarta, mundësi për shlyerjen e parakohshme pa kosto shtesë, kontroll më të madh mbi punën e kompanive të lizingut dhe standarde më të larta për mbrojtjen e shfrytëzuesve.
“Me qëllim të rritjes së transparencës dhe mbrojtjes së shfrytëzuesve, me ndryshimet specifikohen elementët e detyrueshëm që duhet të përmbajë çdo kontratë lizingu financiar, duke përfshirë të gjitha kompensimet që lidhen me lizingun. Përveç kësaj, mundësohet që kontratat e lizingut financiar të lidhen edhe në formë elektronike, nëse kushtet plotësohen në përputhje me dispozitat për dokumentet elektronike, identifikimin elektronik dhe shërbimet konfidenciale, si dhe dispozitat për parandalimin e pastrimit të parave, mbrojtjen e të dhënave personale dhe dispozitat e tjera përkatëse”, thonë nga Ministria e Financave.
Me këto ndryshime vendoset mundësia që shfrytëzuesi i lizingut financiar të shlyejë detyrimet e mbetura plotësisht ose pjesërisht në çdo kohë në përputhje me planin e amortizimit, pa kosto shtesë. Kjo gjithashtu siguron të drejtën për të ulur kostot e përgjithshme për periudhën e mbetur të kontratës.
“Përveç kësaj, përforcohet mbrojtja e shfrytëzuesve duke specifikuar se ofruesi i lizingut financiar nuk mund ta shfrytëzojë lëndën e lizingut financiar si kolateral pa pëlqimin paraprak me shkrim të shfrytëzuesit. Pëlqimi duhet të jepet te noteri, në dokument të veçantë – deklaratë, veçmas nga kontrata e lizingut financiar, me kushtet e përgjithshme, me përcaktimin e qartë të pasojave juridike të pëlqimit të tillë. Ofruesit e lizingut financiar do të jenë të detyruar të publikojnë raportet financiare vjetore, së bashku me raportin dhe mendimin e revizorit të autorizuar, në faqet e tyre të internetit. Në këtë mënyrë, individët dhe personat juridikë si shfrytëzues të lizingut do të kenë mundësinë të kenë pasqyrë më të qartë mbi punën e kompanive të lizingut para se të krijojnë marrëdhënie afariste”, thonë nga Ministria.
Me ndryshimet, thonë më tej nga kjo Ministri, përforcohet edhe mbikëqyrja përmes avancimit të dispozitave kundërvajtëse, si dhe stabiliteti financiar i ofruesve të lizingut financiar duke rritur vlerën minimale të principalit bazë nga 6.000.000 në 30.000.000 denarë.
“Me qëllim të përforcimit të integritetit të subjekteve që kryejnë lizing financiar, me ndryshimet zbatohen gjithashtu rekomandimet e Komitetit MONEYVAL pranë Këshillit të Evropës në fushën e parandalimit të pastrimit të parave dhe financimit të terrorizmit. Me to vendosen kritere për përshtatshmërinë dhe reputacionin që duhet t’i përmbushin themeluesit dhe anëtarët e organeve drejtuese të ofruesve të lizingut financiar”, thuhet në njoftimin e Ministrisë.
Ndryshimet e miratuara nga Kuvendi janë një nga tetë hapat që Ministria e Financave po zbaton në kuadër të Agjendës reformuese.
Lajme nga vendi
14-vjeçarja nga Kavadari ndërron jetë pasi ra nga një luhatëse në parkun e Gostivarit
SPB Tetovë njofton se ka humbur jetën një 14-vjeçare nga Kavadari, e cila ka rënë nga luahtësja në parkun e Gostivarit.
Nga atje thonë se trupi është dorëzuar për autopsi.
SPB Tetovë njofton se ka humbur jetën një 14-vjeçare nga Kavadari, e cila ka rënë nga luahtësja në parkun e Gostivarit.
Nga atje thonë se trupi është dorëzuar për autopsi.
Sipas raportimit, e mitura ka rënë nga luhatësja në parkun e Gostivarit, pas së cilës është transportuar në Qendrën Mjekësore Gostivar, ku në ora 20:55 mjekukujdestar ka konstatuar vdekjen.
Është njoftuar prokurori publik, me urdhër të të cilit trupi është dorëzuar për autopsi“, thonë nga SPB Tetovë.
TETOVË: PËRUROHET RRUGA E “SHTIPIT”
Rregulla të reja në lizingun financiar në Maqedoninë e Veriut
14-vjeçarja nga Kavadari ndërron jetë pasi ra nga një luhatëse në parkun e Gostivarit
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Azizi zbulon dyfytyrësinë e Ali Ahmetit: Ja vazali që e mbronte Gruevskin
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
