Sport
MESSI – YAMAL: NGA NJË FOTOGRAFI E HARRUAR TE FINALJA E KUPËS SË BOTËS
Lionel Mesi dhe Lamine Jamal do ta ndajnë fushën në finalen e Kupës së Botës, por historia e tyre ka nisur shumë kohë përpara se të bëheshin rivalë. Gati dy dekada më parë, argjentinasi 20-vjeçar mbante në krahë spanjollin pesëmuajsh, pa e ditur se një ditë do të luante pikërisht kundër tij për titullin e kampionit të botës.
Fotografia, e realizuar në vitin 2007 gjatë një aksioni humanitar të Barcelonës, UNICEF-it dhe gazetës katalanase Diario Sport, për një kohë të gjatë mbeti e harruar.
Në atë kohë, Mesi ishte vetëm 20 vjeç dhe konsiderohej një nga talentet më të mëdhenj të futbollit botëror. Gjatë fotosesionit për një kalendar humanitar, ai pozoi me Lamin Jamalin pesëmuajsh, duke e mbajtur në një vaskë të vogël, ndërsa familja e reprezentuesit të ardhshëm spanjoll pati mundësinë të merrte pjesë në aksion pasi u përzgjodh me short.
Gjithçka ndryshoi gjatë Kampionatit Evropian 2024, kur babai i Jamalit publikoi fotografitë në rrjetet sociale me mbishkrimin: “Fillimi i dy legjendave.”
Fotografitë u përhapën shpejt në mbarë botën, pasi ndërkohë Jamali ishte shndërruar në një nga futbollistët e rinj më të mirë në botë.
Dy vjet më vonë, kjo histori mori një vazhdim që pak kush mund ta kishte imagjinuar.
Argjentina dhe Spanja siguruan kualifikimin në finalen e Kupës së Botës 2026, ndaj Lionel Mesi dhe Lamine Jamal do të përballen për herë të parë në një ndeshje zyrtare – dhe atë në luftë për titullin e kampionit të botës.
Nëntëmbëdhjetë vjet më vonë, të dy do të luftojnë për titullin e kampionit të botës, ndërsa fotografia që për shumë vite kishte mbetur e harruar është shndërruar në simbol të ndërrimit të brezave dhe të lidhjes së pazakontë mes dy epokave të futbollit botëror.
Andrea Antonelli doli fitues i garës Çmimi i Madh të Belgjikës, para Monegasku që doli i dyti dhe Max Verstappen në pozitën e tret. Antonelli tani kryeson me 204 pikë , 45 më shumë se Lewis Hamilton dhe 50 më shumë se shoku i tij i skuadrës, George Russell
Piloti italian Andrea Kimi Antonelli është fitues në Çmimin e Madh të Belgjikës në Formula 1, që ishte gara e dhjetë sezonale. Një sukses i merituar i pilotit të Mercedes, që tashmë shkëputet me 45 pikë nga vendi i dytë në renditjen e përgjithshme
Në garën ku kryesuan katër pilotë të ndryshëm, 19 vjeçari italian arriti të marrë kreun 10-të xhiro nga fundi , duke e mbrojtur atë nga sulmet e CharlesLecrelc me Ferarin. Në vendin e dytë doli Monegasku, ndërsa në podium u ngrit edhe Max Verstappen me Red Bull në një garë të mirë për holandezin , që la pas Luis Hamiltonin me ferrarin që doli i katërti
Humbës më i madh i kësaj gare është Gerge Russell me Mercedes, që pati një kontakt me Hamilton në start dhe u tërhoqë.
Kështu Antonelli shkon në kuotën e 204 pikëve,45 më shumë se Lewis Hamilton dhe 50 më shumë se shoku i tij i skuadrës, George Russell. Gara e radhës do të jetë pas një jave në Hungari.
Pas 39 ditësh plot emocione, surpriza dhe netësh futbolli, mbrëmë me ndeshjen finale mes Spanjës dhe Argjentinës në mënyrë spektakolare u mbyll edicioni i 23-të Botërori i futbollit që kësaj radhe u mbajt në SHBA, Kanada dhe Meksikë. Fituese e Kupës së Botës doli Spanja e cila në finale pas 120 minuta lojë mundi Argjentinën 1-0. Trofeun ekipit kampion Spanjës, ia dorëzuan presidenti i FIFA-s Giani Infantino së bashku me presidentin e SHBA-s Donald Tramp dhe dhe Mbretit të Spanjës, Felipe VI.
Spanja është kampionia e re e botës. Kombëtarja e drejtuar nga Luis de la Fuente mposhti 1-0 Argjentinën pas kohës shtesë në finalen e madhe të Kupës së Botës 2026, duke ngritur për herë të dytë në histori trofeun më të rëndësishëm të futbollit.
Heroi i finales ishte Ferran Torres, me golin e shënuar minutën e 106-të.
Me këtë sukses, Spanja fiton Kupën e dytë të Botës në historinë e saj, pas triumfit të vitit 2010.
Kupa e Botës 2026 ishte edicioni i parë me 48 kombëtare dhe turneu më i madh i zhvilluar ndonjëherë nga FIFA, me 104 ndeshje të luajtura në SHBA, Kanada dhe Meksikë me 311 gola të shënuar dhe 15 kartonë të kuq, ndërsa ndeshjet nga tribunat e stadiumeve i kanë ndjekur 6,810,966 spektatorë.
Pas përfundimit të finales, ceremonia e ndarjes së medaljeve dhe dorëzimit të Kupës së Botës u zhvillua në praninë e presidentit të FIFA-s, Gianni Infantino, presidentit të Shteteve të Bashkuara, Donald Trump, dhe Mbretit të Spanjës, Felipe VI.
Virale është bërë pamja ku gjatë ceremonisë së finales, Messi shihet me lot në sy, sipas të gjitha gjasave duke përmbyllur një epokë të ndritshme në kampionatet botërore në fanellën e Argjentinës.
Rodri u shpall Lojtari më i mirë i turneut, pasi ishte figura kryesore e Spanjës gjatë gjithë kampionatit, Cubarsi merr çmimin e talentit më të ri, ndërsa golashënuesi më i mirë i këtij Botërori u shpall Kilian Mbappe me 10 gola të shënuar.
Kujtojmë vendi i tretë i takoi Anglisë e cila në ndeshjen spektakolare dhe më të bukurën në këtë kampionat mundi Francën 6-4.
Për shumë gjëra ky Kampionat ishte ndryshe. Kjo u dëshmua edhe me shoun muzikor pas përfundimit të pjesës së parë të finales, ku FIFA e vendosi sipas shembullit të sporteve profesionale amerikane. Për këtë shkak pauza zgjati 27 minuta, 12 më shumë se sa që lejohet me rregullat e FIFA-s.
Para fillimit të ndeshjes u prezantuan Robi Vilijams, Nikol Sherzinger, Laura Pauzini dhe Post Meloun dhe një fjalim inspirativ mbajti edhe Tom Kruzi, kurse në pauza u paraqitën edhe Madona, Shakira, Xhastin Biber dhe BTS.
Edicioni i 24-të Kupa e Botës në vitin 2030 do të mbahet në Spanjë, Portugali dhe Maroko
Federata Botërore e futbollit FIFA krahas Kupës për ekipin fitues kësaj radhe ka vendos që futbollistët ekipit kampion të shpërblehen me nga një unazë, praktikë e njëjtë sikurse në NBA ku kampionët e sezonit marrin unazën dhe trofeun siguruar. Ndërkohë që FIFA ka caktuar arbitrin sllovenin Slavko Vinçiq që të drejtoj finalen mes Argjentinës dhe Spanjës
FIFA sjell traditën e NBA-së, fituesit e Botërorit 2026 do të marrin nga një unazë.
Kampioni i Evropës, Spanja do të luajë me kampionin e Amerikës Jugore dhe Botës, Argjentinën në një ndeshje që sheh përballjen e shumëpritur mes dy 10-shave të Barcelonës, Lamine Yamal dhe Lionel Messi.
Më tutje FIFA ka vendosur që të bëjë diçka ndryshe edhe këtë botëror sikurse të kaluarin.
Në Katar, Messit i ishte dhënë një veshje tradicionale nga ai vend dhe tashmë fituesit e këtij edicioni do të shpërblehen me nga një unazë, praktikë e njëjtë sikurse në NBA ku kampionët e sezonit marrin unazën dhe trofeun.
Kjo do të jetë një koleksion me edicion të kufizuar prej 2,026 unazash, me 30 të rezervuara për fituesit dhe 1,996 në dispozicion të tifozëve në të gjithë botën.
Kujtojmë se finalja e madhe Spanjë-Argjentinë, do të luhet në “MetLife Stadium” të dielën në orën 21:00 ndërsa Slavko Vinqiq është emëruar nga FIFA për të drejtuar finalen e Kupës së Botës 2026 ndërmjet Spanjës dhe Argjentinës, e cila do të zhvillohet më 19 korrik në stadiumin “Nju Jork Nju Xhersy”.
Me këtë emërim, 46-vjeçari nga Maribori bëhet arbitri i parë slloven që gjykon një finale të Kupës së Botës dhe i 23-ti në histori që merr këtë përgjegjësi.
Ndeshja për vendin e tretë mes Francës dhe Anglisë do të zhvillohetnesër me fillim në ora 23:00
Limani: Personat përgjegjës në Ndërmarrjen Publike pezullohen deri në zbardhjen e rastit
Gjendja me ujin në Gostivar/Arrestohet drejtoresha e Ndërmarrjes Komunale, Artana Asllani dhe dy bashkëpunëtorë
FORMULA 1: ANTONELLI FITUES I ÇMIMIT I MADH TË BELGJIKËS
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Azizi zbulon dyfytyrësinë e Ali Ahmetit: Ja vazali që e mbronte Gruevskin
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
