Lajme nga vendi
Kronika e zezë – Tetovë dhe Gostivar, 03 Gusht
Dje në orën 13:45 në SPB Tetovë, dy vëllezër nga fshati Bërvenicë, kanë denoncuar se një 65-vjeçar nga fshati Bërvenicë, në pjesën e pasme të oborrit të tij ka djegur mbeturina, me ç’rast zjarri është përhapur drejt parcelës fqinje bujqësore me sipërfaqe prej rreth 2.400 m², pronë e denoncuesve, ndërsa ka përfshirë edhe muret e shtëpisë. Është kryer këqyrje në vendin e ngjarjes dhe po merren masa për zbardhjen e rrastit.
……Dje në orën 10:30 në DPB Gostivar është denoncuar se në rrugën rajonale Gostivar – fshati Gradec ka ndodhur një aksident trafiku mes një automjeti të udhëtarëve „Audi“ me targa të Gostivarit, i drejtuar nga një 52-vjeçar nga Gostivari, dhe një automjeti të udhëtarëve „Golf“ me targa gjermane, i drejtuar nga një 30-vjeçar nga fshati Dobridoll. Me këtë rast, lëndime të rënda trupore ka pësuar një udhëtar ndërsa një tjetër dhe një pasagjer kanë pësuar lëndime trupore, të konstatuara në Qendrën Urgjente në Gostivar. Këqyrjen në vendin e ngjarjes e ka kryer ekipi i DPB Gostivar.
……Dje në orën 15:10 në fshatin Bellovisht, zyrtarët policorë nga DPB Gostivar kanë privuar nga liria një 50-vjeçar nga i njëjti fshat, i cili është denoncuar nga një 37-vjeçar nga fshati Belovisht se rreth orës 14:30, së bashku e kanë kërcënuar dhe kanë tentuar ta sulmojnë. Ai është ndaluar në stacionin policor dhe pas dokumentimit të rastit ndaj tij do të vijojë parashtresa përkatëse.
……Dje në orën 15:00 në SPB Tetovë, një 48-vjeçar nga fshati Gajre, me qëndrim të përkohshëm në Gjermani, ka denoncuar se më 01.08.2026, përpara shtëpisë së tij familjare ka parkuar automjetin e tij të udhëtarëve „BMV“ me targa kombëtare gjermane, ndërsa më 03.08.2026 rreth orës 15:00 ka vërejtur se është dëmtuar nga një plumb qorr. Po merren masa për zbardhjen e rastit.
……Dje në orën 16:50,një 65-vjeçar nga fshati Banjicë e Poshtme ka denoncuar se rreth orës 15:30 në Gostivar, ai dhe djali i tij 20-vjeçar në dy raste janë sulmuar fizikisht nga i afërmi i tyre. Po merren masa për zbardhjen e rastit.
……Dje në orën 16:10 në rrugën „Ilinden“ në Tetovë, zyrtarët policorë kanë vërejtur dy të minoren të cilët po përlesheshin fizikisht. Pas identifikimit të kryer nga zyrtarët policorë të SPB Tetovë, është vërtetuar se bëhet fjalë për dy 14-vjeçarë, të strehuar në një Shtëpi përkujdesjeje në Shkup. Në prani të punonjësit social nga Qendra për Punë Sociale Shkup me ta është zhvilluar një bisedë zyrtare, pas së cilës i janë dorëzuar personit të autorizuar.
……Dje në orën 23:20 në Tetovë, zyrtarët policorë kanë arrestuar një 44-vjeçar nga Tetova, pas denoncimit të mëparshëm nga një 38-vjeçar nga Tetova se rreth orës 21:00 e ka sulmuar fizikisht. Pas dokumentimit të rastit ndaj tij do të vijojë parashtresa përkatëse.
……Pas mesnate në orën 02:30 në Tetovë, zyrtarët policorë kanë privuar nga liria një 24-vjeçar nga Shkupi, i cili është denoncuar nga nëna e tij 41-vjeçare se më 03.08.2026 rreth orës 23:30 në shtëpinë familjare në Tetovë e ka sulmuar fizikisht, duke përdorur edhe një send të forte. Ai është ndaluar në stacionin policor dhe pas dokumentimit të plotë të rastit do të vijojë parashtresa përkatëse.
…… Sot në mëngjes në orën 04:00 në SP Tetovë, një 19-vjeçar nga Tetova ka denoncuar se përpara hyrjes së ndërtesës ku jeton është zënë në pritë nga një person, i cili nëpërmjet kërcënimit me thikë i ka marrë para. Po merren masa për zbardhjen e rastit.
Lajme nga vendi
Zjarri në Tearcë dyshohet të jetë i qëllimshëm, Komuna dhe policia hetojnë rastin,autoritetet me apel për kujdes
Një sipërfaqe bukur e madhe e fushave të Tearcës dhe u përfshi nga zjarri. Intervenimi në kohë i zjarrëfikësve, autoriteteve dhe vetë qytetarëve bëri që zjarri të vihet nën kontroll dhe që të lokalizohet, e më vonë të shuhet tërësisht. Komandanti i Njësitit Territorial Kundër Zjarrit në Tetovë, Avni Ameti thotë se mbi 5 orë kanë bërë luftë me zjarrin deri sa e kanë shuar tërësisht. Sipas tij, më së shpeshti këto llojë zjaresh shkaktohen nga vetë faktori njeri, i cili u bëri apel që qytetarët të kenë kujdes të shtuar meqë në këtë periudhë të thatë, zjarri ndizet dhe përhapet shumë shpejtë.
AVNI AMETI – NJTKZ “Afërsisht 5 apo 6 orë kemi intervenuar në këtë terren këtu me gjitha kapacitetet që ka stacioni i Tearcës dhe i Tetovës, pra u përfshimë gjithë këtu. Po ashtu kemi pasur intervenime të tjera të shumëta dje në Tetovë në sipërfaqe të hapura, gjithsej rreth dhjetë zjarre ka pasur dje në Tetovë. Ka pasur për një muaj rreth 30 intervenime që i ka bërë vetëm nënstacioni i Tearcës, ndërsa stacioni i Tetovës dhe i Bogovinës kanë rritje enorme të zjarreve dhe dihet që faktori njeri është kryesori, apo hedhja edhe e qelqit vend e pa vend që shkaktojnë zjarre me këto përmasa”
Kreu i komunës së Tearcës Daut Memishi, ka paralajmëruar përgjegjësi ligjore për personat që me dashje apo nga pakujdesia shkaktojnë zjarre.
“Nuk kemi konstatuar ende, por vërejtjet e para edhe të zjarrfikësve pasi zjarri ishte përhapur në katër pika të ndryshme, nënkupton se ka qenë zjarrvënie me qëllim. Apeloj miqësisht qytetarëve që të kenë kujdes sepse kjo javë do jetë më e nxehta e vitit, dhe meqë ka zjarre edhe në vende tjera, mundojnë ekipet për intervenim nga ajri sepse dje kërkuam ndërhyrje edhe nga ajri, por falë zjarrfikësve edhe të Tetovës u arrit shpejtë të lokalizohet, por falënderoj edhe banorët që ndihmuan për katër deri pesë orë pra arritën ta lokalizojmë. Sot i kemi në terren ekipet që të vërtetohet sa hektar është djegur. Parandaluam që zjarri të kaplojë edhe komunën e Jegunocit”
Memishi thotë se ka pasur zjarrvënie të qëllimshme brenda muajit edhe nëpër disa fshatra të Komunës së Tearcës të cilat vepra po hetohen dhe autorët do përgjigjen para Ligjit. Ndryshe, intervenimi në 36 raste vetëm nga njësiti i Tearcës për brenda një muaji, sipas Memishit dëmton shumë buxhetin e Komunës së Tearcës, andaj ka apeluar banorët që të bëjnë kujdes sidomos gjatë punimeve apo zjarreve që ndezin në fusha për të pastruar tokat./Tv Koha/
Lajme nga vendi
Ethet e nilit perëndimor, Cana: 10 të diagnostifikuar, 7 të dyshuar dhe të hospitalizuar
Në Klinikën Universitare për Sëmundje Infektive në Shkup aktualisht po trajtohen 17 pacientë me ethet e Nilit Perëndimor. Prej tyre, 10 janë të diagnostikuar me këtë virus, ndërsa 7 të tjerë ende nuk janë të konfirmuar, por kanë simptoma klinike që përputhen me ethet e Nilit Perëndimor.
Drejtori i Klinikës Infektive Fadil Cana për TVM2 tha se të shtatë pacientëve do t’u përsëriten analizat e nevojshme dhe se ata do të vazhdojnë të qëndrojnë nën mbikëqyrje mjekësore në klinikë derisa gjendja e tyre shëndetësore përmirësohet.
“Aktualisht në Klinikën për Sëmundje Infektive janë të hospitalizuar 10 pacientë, te të cilët është konfirmuar në mënyrë laboratorike prania e etheve të Nilit Perëndimor. Ndërkohë, janë të hospitalizuar edhe 7 pacientë të tjerë, për të cilët ekziston dyshimi se mund të jenë të infektuar, bazuar në gjendjen e tyre klinike. Tek këta pacientë po kryhen analiza dhe metoda të tjera diagnostikuese laboratorike, rezultatet e të cilave priten në ditët në vijim. Deri atëherë, ata do të vazhdojnë të trajtohen në Klinikën për Sëmundje Infektive.” – tha Drejtori i Klinikës Infektive-Shkup, Fadil Cana.
Prej tyre, tre pacientë janë në gjendje më të rëndë shëndetësore dhe ndodhen në ventilim mekanik, ndërsa të gjithë të tjerët janë në gjendje stabile, sqaroi më tej Cana. Të gjithë pacientët e hospitalizuar janë nga Shkupi.
“Periudha e inkubacionit të sëmundjes zgjat deri në 14 ditë dhe askush nuk mund të parashikojë se si do të zhvillohet ajo te një organizëm i caktuar. Ajo që dihet deri më tani është se më të rrezikuarit janë personat e grupmoshave më të vjetra. Të gjithë pacientët e hospitalizuar janë mbi 60 vjeç dhe kanë edhe sëmundje të tjera shoqëruese.” – u shpreh Drejtori i Klinikës Infektive-Shkup, Fadil Cana.
Ndërkohë, ethet e Nilit Perëndimor kanë vënë në alarm institucionet shëndetësore dhe autoritetet lokale, të cilat kanë intensifikuar masat për luftimin e mushkonjave, bartëset kryesore të virusit.
Në disa komuna, përfshirë edhe Shkupin, po zhvillohet spërkatja nga ajri dhe toka, si pjesë e një përgjigjeje të koordinuar institucionale.
Qyteti i Shkupit këtë javë do ta realizojë spërkatjen e 11-të kundër mushkonjave në të gjithë territorin e kryeqytetit, në kuadër të masave parandaluese, ndërsa deri në fund të sezonit janë planifikuar gjithsej rreth 20 spërkatje të tilla. (Rexhep Qamili, TVM2)
Komisioni Rregullator i Energjetikës, i Shërbimeve të Ujit dhe i Shërbimeve të Menaxhimit me Mbeturina Komunale i Republikës së Maqedonisë së Veriut (KRRE) solli vendimin, me të cilin bëhet ulja e çmimeve të shitjes me pakicë të derivateve të naftës mesatarisht 1,24 % në raport me vendimin e datës 27.7.2026, thuhet në njoftimin e KRRE-së.
Në vendimin e sotshëm është zbatuar shuma e ulur e akcizës prej 2,00 den/l te benzina EUROSUPER BS-95 dheEUROSUPER BS-98 dhe shuma e ulur e akcizës prej 4,00 den/l tek EURODIZELI (D-Е V).
Çmimet e shitjes me pakicë të benzinës EUROSUPER BS-95 dhe EUROSUPER BS-98 ulen për 2.00 den/litër.Çmimi i shitjes me pakicë i EURODIZELIT (D-Е V) rritet për 1,00 den/litër.
Çmimi i shitjes me pakicë i Vajit Ekstra të Lehtë për Amvisëri (ЕL-1) rritet për 0,50 den/litër. Çmimi i shitjes me pakicë i Мazutit М-1 SU ulet për 1,680 denarë/kg
Nga data 5.8.2026, nga ora 00:01, çmimet maksimale të derivateve të naftës do të jenë:
EUROSUPER BS – 95 do të shitet për 91,00 (denarë/litër)
EUROSUPER BS – 98 do të shitet për 93,00 (denarë/litër)
EURODIZEL BS (D-E V) do të shitet për 99,50 (denarë/litër)
Vaj për Djegie Ekstra i Lehtë 1 (EL-1) do të shitet për 98,50 (denarë/litër)
Mazut М-1 SU do të shitet për 46,419 (denarë/kilogram).
Zjarri në Tearcë dyshohet të jetë i qëllimshëm, Komuna dhe policia hetojnë rastin,autoritetet me apel për kujdes
Ethet e nilit perëndimor, Cana: 10 të diagnostifikuar, 7 të dyshuar dhe të hospitalizuar
Vazhdojnë hetimet për varrezat masive në Kosovë, në pritje të procesit të identifikimit
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Azizi zbulon dyfytyrësinë e Ali Ahmetit: Ja vazali që e mbronte Gruevskin
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
