Sonte  me fillim në ora  20:00 në Shkup zhvillohet ndeshja e  kthyese  e raundit të  tretë kualifikues në UEFA Konferencë Liga mes Shkëndijës dhe  Hibernianit. Ndeshja e parë në Edinburg ka  përfunduar  2-1 për skocezët.  Në  tribunat e stadiumit pritet  të  jenë në përkrahje të ekipit kuqezi numër i madh i tifozëve

 Shkëndija  e Tetovës sonte me ndeshjen  kthyese  kundër Hibernianit  zhvillon ndeshjen  jubilare  të 75-të në garat evropiane  që  dëshmon  se  është  skuadra  më e suksesshme  e futbollit në Maqedoninë e Veriut, duke kaluar Vardarin që ka 74 paraqitje në skenën evropiane, por në këtë shifër llogariten edhe ndeshjet në kohën e ish-Jugosllavisë.   

 Kujtojmë  se  skuadra kuqezi  rrugëtimin e garave  evropiane e  ka  filluara  nga  viti  2011  kur  përherë  të  parë  fitoi  titullin  Kampion i  Maqedonisë, ndërsa  ndeshjen e parë evropiane  e  ka  zhvilluar kundër Partizanit  në  Beograd .

 Shkëndija në 74 ndeshjet evropiane ka 27 fitore ndërsa suksesin historik e arriti në  sezonin 2025/2026  me  kualifikimin  në fazën e grupeve të UEFA Konferenc Liga.

 Shkëndija  mbrëmë  ka  zhvilluar  seancën e fundit para ndeshjes së sontme  dhe  sipas raporteve të stafit teknik, në ekip kthehen portieri Astrit Amzai dhe futbollisti Bojan Dimovski, ndërsa shkaku i dëmtimeve akoma  nuk është i gatshëm  portieri  Babouccar Gaye.

Advertisement

 Duke parë rëndësisë e  kësaj ndeshje, tifo grupi  ‘’Ballistët’’  pritet që me  përkrahje  dinjitoze të shënojnë  ndeshjen jubilare të 75-të në garat evropiane.

 Ndeshja  Shkëndija – Hibernian luhet sonte  në Shkup me  fillim në ora  20:00, ndërsa  drejtësi  do të ndaj  arbitri nga  Kazakistani Bulat Sariev.

Klubi i futbollit Bashkimi   do të drejtohet  nga  trajneri i  ri  Shaban Sulejmani, ndërsa Vardari  nga  ndihmës trajneri Matija Mirkov.  Bashkimi në  xhiron e tretë  është mysafire e Arsimit, ndërsa Vardari mysafire e Struga Trim Lum,

 Vetëm dy  xhiro  të zhvilluara   në  sezonin  ri   të Ligës  së  parë , ndërsa janë  shkarkuar  dy  trajner të cilët nuk kanë arritur të realizojnë objektivat  e klubeve  që  kanë  drejtuar.

Klubi i futbollit Bashkimi me marrëveshje të dy anshme janë ndarë me trajnerin  Gajur Rexhepi vetëm pas dy ndeshjeve  të zhvilluara  ku pësoi dy  humbje  të thella kundër  Sileksit  me rezultat 6 me 0  dhe ndaj Tikveshit  5-0  edhe.  Bashkimi me përgatitje nisi vetëm  disa ditë  para fillimit të kampionatit  dhe  me  futbollist  nga  shkolla e futbollit.  Po drejtuesit e klubit  përkundër  faktit  se  janë  në  krizë të  thellë  nuk dorëzohen . Para  disa ditëve  angazhuan 10-të  përforcime  të  reja  mirëpo  edhe këto përforcime  nuk sollën fryte  pasi ekipi pësoi disfatës  me rezultat 5 me 0 nga  Tikveshi. Pasardhës  i Gajur Rexhepit në bankinën e Bashkimit  është Shaban Sulejmani, i cili më parë ka punuar te Liria e Prizrenit, Besa, Gostivar dhe gjithshtu në të kaluarën ishte pjesë e stafit trajnues të Rabotniçkit.  Shaban Sulejman  do të debuton  me  ekipin në ndeshjen hapëse të  xhiros së tretë  që zhvillohet të premten kundër  Arsimit  në Gostivar

 Kampioni i Maqedonisë së Veriut  ekipi i Vardarit  pas eliminimit nga  garat  europiane  dhe  sidomos pas  disfatës kundër  Shkëndijës   ka  larguar   trajnerin argjentinas  Fabiani , ndërsa  në vend  të tij në ndeshjen e radhës kundër Struga  Triim  Lum  që  do të  zhvillohet  të dielën në Strugë ekipin do ta drejtoj  ndihmësi Matija  Mirkov . Kujtojmë se në  xhiron  e  tretë  të Ligës së parë të  futbollit vendor   takohen: të premten Arsimi – Bashkimi, të shtunën: Tikveshi – Shkëndija e Haraçinës dhe Sileksi – Skopje, ndërsa  të  dielën  takohen  Struhga Trim Lum – Vardari  dhe Shkëndija – Bredallnica. Të  gjitha  ndeshjet e  javëlës së tretë  fillojnë  në  ora 16:30   pos ndeshjes  Shkëndija – Bregallnica  që luhet  në  qendrën stervitore të  FFM-së  dhe fillon në ora 19:00.