Sport
LIGA E TRETË: EFIKASITET I LARTË NË JAVËN E 10-të, DRITA KRYESON TABELËN!
Gjatë fundjavës janë zhvilluara ndeshjet e javës së 10-të të sezonit vjeshtor në Ligën e Tretë – Rajoni i Gjashtë. Skuadrat vendase dolën fituese në pesë përballje, ndërsa një ndeshje ka përfunduar me barazim ku janë shënuar plotë 31 gola.
Lideri në renditjen e tabelës, Drita e Bogovinës, ka regjistruar fitoren e tetë sezonale, kësaj radhe mundi Gradecin 2-0 . Autor të golave ishin Berat Hismani dhe Arsim Ramadani.
Në një ndeshje mjaft interesante, Reçica mundi Xhepçishtin 3-2. Lojtari i kësaj ndeshje ishte autori i dy golave Mubarek Shasivari, ndërsa një gol regjistroi Emran Matoshi. .
Jehona e Përshevcës e udhëhequr nga futbollisti Izair Emini i cila ka regjistruar 4 gola, ka mundur Korabin e Dibrës 5-3.
Ndeshja mes dy skuadrave të qytetit Cetinska – Luboteni përfundoi me fitoren e vendasve 6-1.
Fitore të sigurt ka regjistruar edhe Liria e Zhelinës 5-2 kundër Vardarit të Bërvenicës.
Ndeshja e vetme që ka përfunduar me barazim 1-1 është Skënderbeu – Gostivari.
Pas kompletimit të javës së 10-të tabelën e kryeson Drita me 25 pikë e ndjekur nga Dobroshti me 22 , Gostivari me 18 dhe Liria me 15 pikë.
SHABAN SINANI – TV KOHA
Një sukses i jashtëzakonshëm për Isa Elmazin, Klubin e Karatesë FATI – Tetovë dhe reprezentacionin e Maqedonisë së Veriut!
Në Kampionatin e 26-të Ballkanik për kadetë, juniorë dhe U21, i cili u zhvillua nga 6 deri më 8 nëntor 2026 në Stamboll të Turqisë, me pjesëmarrjen e 1.137 garuesve nga 13 shtete, reprezentacioni i Maqedonisë së Veriut u rendit në vendin e katërt në klasifikimin e përgjithshëm.
Pjesë e këtij suksesi ishte edhe garuesi ynë, Isa Elmazi, përfaqësues i reprezentacionit të Maqedonisë së Veriut në kategorinë Junior -76 kg, i cili u shpërblye me dy medalje: një medalje të argjendtë në konkurrencën individuale dhe një medalje të artë në konkurrencën ekipore!
KONKURRENCA INDIVIDUALE – JUNIOR -76 KG
Isa Elmazi zhvilloi pesë meçe, duke regjistruar katër fitore radhazi dhe duke u kualifikuar në finalen e madhe, ku pas një beteje të ngushtë u mposht me rezultat minimal nga garuesi i Bosnjë-Hercegovinës.
Rezultatet e meçeve:
* Isa Elmazi 🇲🇰 – Davud Erdag 8:0
* Isa Elmazi 🇲🇰 – Geçaj Nemanja 1:0
* Isa Elmazi 🇲🇰 – Dolloman Mihail 3:1
* Isa Elmazi 🇲🇰 – Dabić Miloš 1-0
* Finale: Isa Elmazi – Kalinkov Andrej 0:1
Rezultati i tij dëshmon formën e shkëlqyer, përgatitjen dhe karakterin garues që e karakterizojnë Isën.
KONKURRENCA EKIPORE – JUNIORË
Suksesi u kompletua edhe në konkurrencën ekipore, në disiplinën e luftërave (kumite), ku reprezentacioni i Maqedonisë së Veriut u shpall KAMPION BALLKANIK!
Rruga drejt titullit:
Rrethi i parë: Maqedonia e Veriut – Serbia 3:1
* Rrethi i dytë: Maqedonia e Veriut – Mali i Zi 3:1
* Finalja: Maqedonia e Veriut – Bosnjë-Hercegovina Fitore dhe titulli kampion ballkanik!
Isa Elmazi ishte pjesë e ekipit që arriti këtë sukses të madh, duke kontribuar në triumfin e reprezentacionit tonë.
SFIDA E RADHËS – KAMPIONATI SHTETËROR
Me përfundimin e suksesshëm të Kampionatit Ballkanik, fokusi ynë tashmë kalon te Kampionati Shtetëror për kadetë, juniorë dhe U21, i cili do të mbahet më 28 nëntor në Shkup.
Kjo garë ka rëndësi të veçantë, pasi është kualifikuese për Kampionatin Evropian të radhës, i cili do të zhvillohet në Armeni në shkurt të vitit 2027. Pritet një konkurrencë e fortë dhe një sfidë serioze për të gjithë garuesit.
Në fund, shpreh mirënjohjen dhe falënderimin tim për të gjithë trajnerët dhe seleksionuesit e reprezentacionit, të cilët me përkushtim, profesionalizëm dhe përgjegjësi kontribuuan në përgatitjen dhe përkrahjen e sportistëve tanë gjatë këtij kampionati.
Urime Isa Elmazi për dy medaljet dhe këtë paraqitje dinjitoze! Urime të gjithë anëtarëve të reprezentacionit dhe Federatës së Karatesë së Maqedonisë së Veriut për suksesin e arritur!
Vazhdojmë me përkushtim, punë dhe ambicie drejt sfidave të ardhshme!
Trajner i Klubit te karatese Fati Tetove dhe dretor reprezentacioni Arlind Huseini
Me dy ndeshjet e zhvilluara dje në kuadër të javës së 13-të në Kumanovë dhe Gostivar, u kompletua java e 13-të e sezonit vjeshtor ku tanimë lider në renditjen e tabelës është Struga Trim Lum ndërkaq vendet e fundit i mbajnë Bashkimi, Arsimi dhe Skopje.
Bashkimi i Kumanovës në përballjen me Bregallnicën ishte shumë pranë fitores pasi ishte në epërsi me golin e Favzi në minutën e 27-të, por në minutën e 74-të skuadra mysafire barazoi shifrat në 1-1 me autor Natanie Masko. Me pikën e fituar Bashkimi ngjitet në pozitën e 8-të, ndërsa Bregallnica me 14 pikë mbetet në pozitën e 7-të.
Në ndeshjen tjetër të zhvilluar dje në Gostivar, Arsimi iÇegranit pësoi humbje 0-2 nga Shkëndija e Haraçinës me çka përfundimisht duket se ka hyrë në krizë të thellë rezultatesh.
Haraçinasit në pjesën e dytë me golat e Dashmir Elezit në minutën e 47 dhe Besir Demirit në minutën e 86-të nga penaltia me plotë meritë fituan tre pikët. Pas kësaj disfate Arsimi me 10 pikë zbetë në pozitën e 9-të, ndërsa Shkëndija e Haraçinës me 18 pikë ngjitet në pozitën e pestë.
Me kompletimin e xhiros së 13-të, tabelën e kryeson Struga Trim Lum me 29 pikë e ndjekur na Shkëndija me 27, Tikveshi dhe Vardari kanë nga 24 pikë.
Java e 10-të e sezonit vjeshtor në Ligën e dytë vazhdon të shtunën me tre përballje dhe të dielën me katër duele. Stadiumi I Kamjanit të dielën në ora 13:30 është nikoqire e derbit të Pollogut Kamjani – Teteksi.
Të shtunën dhe të dielën në gjitha terrenet e ekipeve të Ligës së Dytë, në program janë ndeshjet e javës së 10-të të sezonit vjeshtor.
Kjo javë karakterizohet me disa ndeshje mjaftë interesante që drejtpërdrejtë do të ndikojnë në renditjen në tabelën e klasifikimit.
Të shtunën,në program janë tre ndeshje; Euromilk – Kozhufi, AP Brera – Novaci dhe Shkupi – Ohri.
Të dielën në stadiumin e Kamjanit për herë të parw si anëtare të Ligës së dytë të Maqedonisë së Veriut do të zhvillohet një ndeshje derbi mes KF Kamjani dhe KF Teteksi.
Aktualisht dy skuadrat gjenden në mesin e tabelës me Kamjanin që mbanë pozitën e pestë me 14 pikë, ndërsa Teteksi në vendin e gjashtë me 13 pikë. Interesimi për të ndjekur këtë ndeshje është i madh andaj publiku ekipin e tyre duhet të përkrahë në mënyrë dinjitoze.
Të dielën zhvillohen edhe ndeshjet Pelisteri – Detonit PLaçkovica , Rabotniçki – Bellasica dhe Makedonija Gj.P – Osogova
Të gjitha ndeshjet e xhiros së 10-të në Ligën e dytë të futbollit vendor fillojnë në ora 13-30.
Nga 1 dhjetori, kushte më të rrepta për kredi: Bankat ulin limitet e borxhit
LIGA E TRETË: EFIKASITET I LARTË NË JAVËN E 10-të, DRITA KRYESON TABELËN!
SHKRETËTIRË MEDIATIKE NË RMV – 49 KOMUNA PA MEDIA LOKALE!
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Azizi zbulon dyfytyrësinë e Ali Ahmetit: Ja vazali që e mbronte Gruevskin
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
-
Lajme nga rajoni2 months agoFilloi në Hagë seanca për deklaratat përfundimtare ndaj Thaçit dhe të tjerëve
-
Lajme nga rajoni2 months agoKa ndërruar jetë Flora Brovina, një nga figurat e njohura të jetës politike dhe shoqërore në Kosovë
-
Lajme nga rajoni2 months agoThaçi e Krasniqi dënohen me nga 25 vjet burgim, Veseli 18 e Selimi 13