Dje në ora 10:30 në f. Siriçinë të Tetovës, punonjësit e policisë nga Stacioni Policor Jegunoc kanë privuar nga liria një 22-vjeçar nga Shkupi. Gjatë një kontrolli në trafik, punonjësit e policisë kanë ndaluar një automjet pasagjerësh “Fiat” me targa të Shkupit, të cilin ai e drejtonte, dhe gjatë kontrolleve të kryera është konstatuar se e ka drejtuar automjetin pavarësisht se ka një ndalesë aktive për drejtim automjeti. Pas dokumentimit të plotë të rastit, ndaj tij do të bëhet parashtresë përkatëse.

…….Dje në ora 16:35 në SPB Tetovë, nga Rreparti Intern pranë Spitalit Klinik të Tetovës është raportuar se tek ata është sjellë një 37-vjeçar nga Tetova pa shenja jete. Mjeku ka konstatuar vdekjen pa shenja të dukshme dhune, është kryer këqyrja në vendngjarje, kurse me urdhër të prokurorit publik, trupi i të ndjerit është dorëzuar në Mjekësi Ligjore për obduksion.

……Dje në ora 17:35 në DPB Gostivar, punonjësit e policisë nga SPB Gostivar kanë privuar nga liria një 35-vjeçar nga Gostivari, duke vepruar sipas një denoncimi të mëparshëm nga babai i tij 70-vjeçar se rreth orës 16:30 në shtëpinë e familjes, pas një debati paraprak, i ka sulmuar fizikisht atë dhe bashkëshorten, gjegjësisht nënën  e tij. Pas dokumentimit të plotë të ngjarjes, ndaj tij do të vijojë kallëzim përkatës.

……Dje në ora 19:50 në SPB Tetovënjë 45-vjeçar nga Tetova ka denoncuar se rreth orës 16:45 në parkun afër “Xhamisë së Larme”, djali i tij shtatëvjeçar është kafshuar nga një qen në pronësi të një personi. Pas dokumentimit të rastit do të vijojë parashtresë përkatëse.

……Dje në ora 23:20 në një fshat të Tetovës, punonjësit e policisë nga SPB Tetovë kanë privuar nga liria një 24 vjeçar nga fshati, duke vepruar sipas një denoncimi të mëparshëm nga nëna e tij 49-vjeçare se e ka sulmuar fizikisht në shtëpinë e familjes pas një debati paraprak. Ai është ndaluar në stacionin policor dhe pas dokumentimit të rastit ndaj tij do të vijojë parashtresë përkatëse.

Advertisement

…….Sot në mëngjes në ora 05:20 në DPB Gostivar, një 43-vjeçar nga f. Gradec i Gostivarit, ka denoncuar se rreth orës 04:00 në një banesë në Gostivar, pas një debati paraprak, është sulmuar fizikisht nga një person. Po ndërmerren masa për zbardhjen e rastit.

Nga 1 dhjetori hyjnë në fuqi masat e reja të Bankës Popullore, të cilat kufizojnë mundësinë e qytetarëve për të marrë kredi më të larta dhe shkurtojnë afatet e kthimit të disa kredive.

Detyrimet mujore për kredi nuk do të mund të kalojnë 45% të të ardhurave për kreditë në denarë, ndërsa për kreditë me komponentë valutore kufiri ulet në 40%.
Afati maksimal për kredi për blerjen e banesës së dytë shkurtohet nga 30 në 25 vjet, ndërsa për kreditë konsumatore hipotekare nga 20 në 15 vjet.

Për blerësit e banesës së parë mbetet mundësia e kredisë deri në 30 vjet, me pjesëmarrje minimale prej 10%.

Masat vijnë pas rritjes së kredive për qytetarët me 12,2% gjatë gjysmës së parë të vitit 2026.

Nga 1 dhjetori hyjnë në fuqi kriteret e reja për marrjen e pushimit mjekësor në Maqedoninë e Veriut. Mjekët amë do të mund të japin pushim deri në pesë ditë pa kritere shtesë diagnostikuese, ndërsa për vazhdimin e tij do të kërkohen analiza shtesë ose kontrolle specialistike, varësisht nga sëmundja.

Fondi për Sigurim Shëndetësor sqaron se kjo nuk nënkupton se pacientët duhet patjetër të kthehen në punë pas ditës së pestë. E drejta për pushim mjekësor nuk hiqet.

Mjekët amë do të vazhdojnë të kenë të drejtë të miratojnë pushim mjekësor deri në 15 ditë, ndërsa për periudha më të gjata vendos komisioni mjekësor. Në rastet kur gjendja shëndetësore e kërkon, do të mund të lëshohet udhëzim prioritar për kontroll më të shpejtë specialistik.

Për pushimet mjekësore që zgjasin mbi 60 ditë, si rregull, do të kërkohet mendim konsiliar nga tre specialistë. Për disa sëmundje të rënda parashikohen përjashtime, ndërsa pacientët kronikë do të mund të përdorin edhe rezultatet e mëparshme diagnostikuese, nëse janë të përshtatshme.

Mjekët kanë kërkuar sqarime shtesë për zbatimin e rregullores, veçanërisht në rastet kur pacientët nuk mund të sigurojnë me kohë termin te specialisti.

Advertisement

Fondi ka paralajmëruar punëtori për mjekët amë më 19 dhe 20 nëntor, ndërsa më 20 nëntor do të organizohet edhe debat publik për kriteret e reja./4NEWS.mk