Sport
LIGA E KOMBEVE: PARAQITJE ZHGËNJYESE E KOSOVËS NË IRLANDË
Përfaqësuesja e Kosovës ka pësuar një humbje të thellë 3-0 ndaj Irlandës në Dublin në kuadër të raundit të gjashtë dhe të fundit në Grupin B3 të UEFA Liga e Kombeve.
Kosova ka pësuar një humbje 3-0 në Dublin përballë Irlandës në ndeshjen e fundit të Grupit B3 të Ligës së Kombeve.
“Dardanët” u goditën që në minutën e 26-të ndërsa Hajrizi u ndëshkua me karton të kuq pasi ndali topin me dorë në vijën e portës, duke shkaktuar penallti të kthyer në gol nga Troy Parrott.
Aro Muriq shkaktoi një tjetër penallti në pjesën e dytë dhe Parrott dyfishoi shifrat nga pika e bardhë në minutën e 50-të.
Ndërkohë, në minutën e 75-të, Moylan kompletoi fitoren 3-0.
Kosova, me 6 pikë të grumbulluara në 6 ndeshje, pozicionohet në vendin e tretë në grup, do të luajë në Ligën B dhe në sezonin e ardhshëm të Ligës së Kombeve.
Austria është renditur e para me 12 pikë, ndjekur nga Irlanda me 8 pikë. Izraeli mban vendin e fundit me 4 pikë.
Sport
EURO 2028: RMV-ja NË VAZON E TRETË – MATJAZH KEK SELEKSIONUESI I RI?!
Me përfundimin e fazës së grupeve të Ligës së Kombeve, zyrtarizohet përbërja e të gjitha vazove para tërheqjes së shortit për grupet kualifikuese për plasma në Kampionatin Evropian në vitin 2028.
Përfaqësuesja e Maqedonisë së Veriut tërheqjen e shortit do ta presë nga vazoja e tretë. Maqedonia e Veriut nuk do të mund të përballet me Ukrainën, Poloninë, Izraelin, Gjeorgjinë, Malin e Zi, Shqipërinë, Sllovakinë, Islandën, Skocinë dhe Kosovën.
Më 6 Dhjetor në Belfast do të tërhiqet shorti i kualifikimeve për EURO 2028 për 12 grupet.
Gjashtë grupe do të kenë me nga 5 kombëtare dhe gjashtë të tjera me nga katër.
Fituesit e 12 grupeve dhe 8 më të mirët që do të pozicionohen në vendin e dytë do të sigurojnë kualifikim të drejtpërdrejtë në Kampionatin Evropian.
Katër kombëtare të tjera do të shkojnë në balotazh, që do të jetë tepër specifik dhe do të varet nga suksesi në kualifikimet të katër nikoqirëve të EURO 2028 – Anglisë, Irlandës, Uelsit dhe Skocisë.
Kualifikimet nisin në Mars 2027 dhe do të zhvillohen deri në Nëntor, kurse Maqedonia e Veriut rrugëtimin e saj drejt EURO 2028, do ta nis nga Qershori, për shkak se në Mars do të zhvillojë ndeshjet e balotazhit për mbijetesë në Divizionin B të Ligës së Kombeve.
Ndërkohë, trajneri me përvojë slloven, Matjazh Kek, përmendet si kandidat i mundshëm për ta zëvendësuar Goce Sedloskin në postin e përzgjedhësit të reprezentacionit të Maqedonisë. Disa portale sllovene sonte shkruajnë se ekziston mundësia që Kek të emërohet përzgjedhës i ri i Maqedonisë.
Spekulimet për një shkarkim të mundshëm të Sedloskit nga posti i përzgjedhësit vijnë pas rezultateve të dobëta të Maqedonisë në Ligën e Kombeve.
Kek aktualisht është trajner i skuadrës kroate të Rijekës. Nën drejtimin e tij, Sllovenia siguroi pjesëmarrjen në Kampionatin Botëror të vitit 2010, ndërsa ishte pjesë edhe e Kampionatit Evropian para dy vitesh.
Maqedonia e përfundon vitin 2026 pa asnjë fitore.
Në 10 ndeshje të zhvilluara, përfaqësuesja regjistroi tetë humbje dhe dy barazime, me një bilanc dëshpërues golash: vetëm një gol të shënuar dhe plot 23 të pranuar.
Sport
MUAMET DAUTI – KAMPIONI I BOTËS NË KIKBOKS PRITET SI HERO NË SHKOLLË!
Nxënësit dhe drejtuesit e Shkollës Fillore ‘’Goce Dellçev” në Tetovë sot në mënyrë madhështore pritën nxënësin Muamet Dautin i cili në Kampionatin Botëror në Kikboks fitoi vendin e parë në kategorinë -60 kg për junior, në botërorin që u mbajt në Madrid të Spanjës.
Garuesi tetovar i sporteve të arteve marciale nxënësi i Shkollës Fillore “Goce Dellçev” të Tetovë, Muamet Dauti, ka shkruar një faqe të rëndësishme në historinë e sportit, duke u shpallur KAMPION BOTE NË KICKBOXING, në kampionatin ndërkombëtar të ISKA-s, të zhvilluar në Madrid të Spanjës ku kanë marrë pjesë mbi 1.500 garues nga 57 vende të botës .
Maqedonia e Veriut ka marrë pjesë me 20 garues, ndërsa nxënësi tetovar Muamet Dauti ka dalë kampion bote në kategorinë -60 kilogram për junior.
MUAMET DAUTI – Fitues i medaljes së artë
“Shumë mirë ndihem . Mora vendin e parë. Falënderoj profin tim dhe familjen”
Të emocionuar dhe krenarë u shprehën edhe trajneri Naim Samiu dhe arsimtari i edukatës fizike, Hekuran Xheladini.
NAIM SAMIU – Trajner
‘’Ishte një kampionat botërorë, ku përafërsisht morën pjesë mbi 1500 garues nga 57 shtete nga e gjithë bota., Na si klub morëm pjesë me 15 nxënës, po ashtu kishte edhe nxënës nga Kërçova nga klubi Uskana, Ne si shtet morëm pjesë me 20 garues dhe arritëm 2 vende të para , 2 të dyta dhe 3 të treta. Vendin e parë për junior e fitoi Muamet Dauti në kategorinë -60 kg’’.
HEKURAN XHELADINI – Arsimtar
‘’Unë si arsimtar i Edukatës fizike ndihem shumë krenar për Muametin. Bile kur e pamë nëpërmjet mediumeve se nxënësi i shkollës tonë Muameti është shpallur kampion në Kik Boks . Është një meritë shumë e madhe një angazhim i madh i tij , i prindërve të tij, trajnerit të tij Naimit. Shpresojmë që në të ardhmen ta shohim në rangjet më të larta botërore dhe të ketë majet e sukseseve’’
Për këtë sukses të madh të Muamet Dautit, Drejtoria e Shkollës Fillore ‘’Goce Dellçev’’, organizoi pritje madhështore për nxënësin e tyre në sallën e sportit ku krahas nxënësve të pranishëm ishin edhe stafi drejtues i shkollës.
BETI NIKLEVSKA – Drejtore SH.F ‘’Goce Dellçev’’
‘’Jam e lumtur dhe krenare që në shkollën tonë kemi Kampion Botërorë në boks, Gjithësesi se krenohemi me atë. Jo vetëm familja re tij por edhe si shkollë jemi krenar . Për të arritur këtë sukses do të thotë shumë. Para se gjithash duhet sakrificë, disiplinë, motivim E gjithë kjo ekziston tek kampioni ynë botërorë Muamet Dauti’’.
SERMIJETE IDRIZI – Ndihmës Drejtore
‘’ Sot kemi një arsye të veçantë për të qenë krenar., për shkak se sot flasim për një sukses jashtëzakonisht të madh, i cili sukses e radhiti në vendin e parë në nivel botërorë nxënësin e shkollës tonë në Boks. Shkolla nuk është një vend ku jepet vetëm njohuri , Këtu në shkollë zbulohen dhe zhvillohen talente të ndryshme. Dhe mbi të gjitha jemi krenar për shkak se ky çmim nuk e bënë të nderuar vetëm Muametin dhe familjen e tij por edhe neve si shkollë dhe mbarë komunitetin tonë për shkak se është një e arritur Historike’’
Ashti si Muamet Dauti edhe shumë talentë tjerë në sporte të ndryshme duhet të përkrahen, pasi me sukseset e tyre na bëjnë krenar të gjithëve./ TV KOHA /



Sport
LIGA E TRETË-RAJONI I 6-të: DRITA E BOGOVINËS S`KA TË NDALUR!
Dy fitore të ekipeve vendase dhe tre të atyre mysafire me gjithësejt 22 gola të shënuar është epilogu I pesë ndeshjeve të xhiros së 11-të në Ligën e tretë Rajoni 6-të. Ndeshja Dobroshti – Jehona është anuluar pë datën 18 nëntor.
Lideri në renditjen e tabelës Drita e Bogovinës fuqishëm rrugëton drejt realizimit të projektit për kualifikim në një rang më lartë.
Drita të dielën në transfertë mundi 0-2 ekipin e Xhepçishtit. Autor i dy golave për ekipin mysafirë ishte kapiteni Brendim Rushiti.
Fitore të rëndësishme në transfertë ka regjistruar Reçica 2-1 kundër Korabit në Dibër, ndërsa Liria e Zhelinës me rezultat të thellë 6-3 ka mundur Gradecin.
Dy përballjet tjera të kësaj jave kanë përfunduar me fitore të vendasve .
Gostivari mundi 1-0 ekipin e Cetinskës, ndërsa Vardari i Bërvenicës mundi 4-2 Skënderbeun.
Ndeshja Dobroshti – Jehona është anuluar për më 18 nëntor.
Tabelën e kryeson Drita me 28 pikë, para Dobroshtit që ka 22 pikë dhe një ndeshje më pak dhe Gostivari në pozitën e tretë me 21 pikë.
Rezultatet;
Xhepçishti – Drita 0-2
Gostivari – Cetinska 1-0
Vardari – Skënderbeu 4-2
Gradeci – Lirija 3-6
Korabi – Reçica 1-2

