Lajme nga vendi
Tirana mikpret kryetarët e bashkive dhe komunave shqiptare në rajon
Me rastin e festave të Nëntorit, Tirana bëri bashkë në Pallatin e Bigadave kryetarët e bashkive dhe komunave shqiptare në rajon.
Në fjalën përshëndetëse, kryetari i bashkisë së Tiranës Erion Veliaj u shpreh se Unioni filloi pak vite më parë si një ide modeste dhe tashmë është kthyer në një organizatë të jashtëzakonshme që synon të heqë barrierat.
“Ne nuk komplomentojmë Shqipërinë e madhe, nuk bëjmë teori konspiracioni. Ne nuk fantazojmë gjëra që sot në rendin e ri botëror ndoshta mund të jenë të parealizueshme, po që ne të funksionojmë për të mirën e qytetarëve tanë, si mund të pastrojmë më mirë qytetet, si mund të funksionojë më mirë mobiliteti, si mund të jenë këshillat bashkiak më të zhndërvjellët, si mund të kemi më shumë të rinj përfaqësues, si mund të jemi më shumë nikoqir me ato buxhetet tona modeste, këtë nuk na e ndalon askush. Ndaj dhe unë sot jam shumë krenar për të gjithë anëtarët e Unionit tonë dhe më vjen mirë që të them që prej këtij unioni jemi bërë më të mirë, jemi bërë më të aftë, jemi bërë më transparent, jemi bërë më të zhdërvjellët dhe kemi mësuar një pafundësi nga njëri-tjetri dhe kjo na ka bërë qeverisës, shërbëtorë dhe drejtues lokal shumë herë më të mirë se sa kur nuk ishim me njëri tjetrin”, tha Veliaj.
Kreu i Bashkisë nënvizoi se ky vit e gjen Tiranën si kryeqyteti Europian i Rinisë, ndërsa një vit më pas do të jetë Qyteti Europian i Sportit.
“Më vjen mirë që ne e mbyllim këtë vit kur Tirana është “Kryeqyteti Europian i Rinisë”. Dhe fillojmë një vit ku Tirana do të jetë “Qyteti Europian i Sportit”. Edhe ajo që thoshte Ismail Qemali, pavarësisht ku ne gjendemi dhe pavarësisht se në cilat territore jetojmë, Europën e kemi “në rrënjët e zemrës sonë”. Ndaj dhe më vjen mirë që Tirana sot është kryeqyteti i shumë aktiviteteve Europiane”, theksoi ai.
Veliaj shprehu besimin se dhe Samiti i 6 dhjetorit që do të mbahet në Tiranë, do të jetë një histori suksesi.
“Më vjen mirë që në datën 6 Dhjetor një takim historik i të gjithë vendeve të Bashkimit Europian, i të gjithë qeverive të Bashkimit Europian, 27 vendet anëtare plus 6 ato të rajonit tonë në Tiranë në 6 Dhjetor do të kenë Samitin e Bashkimit Europian me vendet e Ballkanit Perëndimorë. Dhe do të hyjë në histori si hera e parë ku gjithë Europa, në vendin që ndoshta ishte historia më e vështirë për të mbijetuar, do të jetë një histori suksesi dhe me shumë shpresë anëtari i ri i Bashkimit Europian” deklaroi Veliaj.
Kryebashkiaku Veliaj vlerësoi të gjithë atyre që shërbejnë në detyra të ndryshme në mënyrë që kombi të përparojë.
Zv.kryeministri në Maqedoninë e Veriut Artan Grubi përgëzoi kryebashkiakun Veliaj për transformimet që ka pësuar Tirana duke u bërë dhe pikë lidhëse me qytetarët nga të gjitha trevat shqipfolëse.
“Nëntori na bën bashkë të gjithëve, më shumë se festat e nëntorit na bën bashkë Tirana e Erionit. Secili qytetar i Shkupit më shumë njeh projekte të Erionit se sa të bashkisë së Shkupit, njohin pazarin, bulevardin, Toptanin, të gjithë projektet dhe besoni, ky është bashkimi, më i madh edhe më i madh se i nëntorit”, tha Grubi.
Kryebashkiaku Përparim Rama përgëzoi bashkinë e Tiranës për iniciativën e ndërmarrë për Unionin e bashkive shqiptare.
“Më shumë më shtohet kënaqësia kur shoh se takimet po vijojnë me arritje të reja, të ndërkomunikimit mes të gjithë komunave shqiptare. Jemi mbledhur këtë herë në vigjilje të një date të shënuar e që është po e nëntorit të para 110 viteve. Ajo që u paralajmërua në takimin tonë të mëparshëm e që po prezantohet tashmë këtu është se tashmë është jetësuar platforma e komunikimit në kohë reale, Albanac, e para platformë rajonale që do na shërbejë si logo nën të cilën do mblidhemi në kohë reale për të shfaqur idetë, projektet dhe aktivitetet inovatore, për t’i rijetësuar ato e për të sjellë një perspektivë të re rinore në transformimin e shoqërisë shqiptare”, nënvizoi Rama.
Në këtë ceremoni, u dha medalja e mirënjohjes nga Kryetari i Komunës së Prishtinës Përparim Rama për Prof. Dr. Kaliopi Naska dhe nga Kryetari i UBSHR-së Erion Veliaj për ish-Presidenten e Kosovës, Atifete Jahjaga.
Lajme nga vendi
Murtezani: Eurointegrimet nuk janë vetëm qëllim deklarativ, dërgojmë porosi drejt Brukselit se jemi të gatshëm me kapacitet, vullnet dhe vizion
Ministri për Çështje Europiane, Orhan Murtezani në një dalje për media, duke folur për punën 1 vjeçare të Qeverisë, theksoi se Maqedonia e Veriut i ka përfunduar të gjitha procedurat ligjore para vendeve të rajonit. Ai tha se përmes realizimit të reformave në fushën e sundimit të ligjit dhe përforcimin e shtetit ligjorë, Evropën do ta sjellim në vendin tonë.
“Një vit më parë filluam me synim të qartë: t’i japim shtytje të re agjendës evropiane të vendit tonë. Sot, pas 12 muajve punë të përkushtueshme, jemi të gatshëm jo vetëm për llogaridhënie, por për rezultate të cilat hapin perspektiva reale. Atë që paraprakisht e theksova në konferencën tematike për shtyp për 100 ditët e para, sot po e mbindërtojmë – me politika të implementuara, fonde të aktivizuara, hapa konkretë institucionalë dhe rritje të vizibilitetit të eurointegrimit tonë”.
“Në këtë drejtim, do të dëshiroja të rikujtoj edhe fjalët e kryeministrit Mickoski në hapjen e këtij cikli llogaridhënës: se Qeveria nuk premton mrekullira, por punë të ndershme, të përgjegjshme dhe të qëndrueshme. Ky është edhe parimi mbi të cilin bazohet puna jonë në Ministrinë për Çështje Evropiane. Gjatë këtyre dymbëdhjetë muajve, kemi realizuar mjaftë hapa të rëndësishme”, tha Murtezani.
Komisioni Rregullator për Energjetikës (KRRE) solli vendim, me të cilin bëhet ulja e çmimeve të shitjes me pakicë të derivateve të naftës, mesatarisht për 2,30 % në raport me vendimin e datës 27.06.2025.
Nga data 01.07.2025 nga ora 00:01 çmimet maksimale të derivateve të naftës do të jenë:
EUROSUPER BS – 95 75,50 (denarë/litër)
EUROSUPER BS – 98 77,50 (denarë/litër)
EURODIZEL BS (D-Е V) 69,50 (denarë/litër)
Vaj për djegie Ekstra i Lehtë 1 (EL -1) 69,50 (denarë/litër)
Mazut М-1 SU 39,583 (denarë/kilogram)
Çmimet e shitjes me pakicë të benzinës EUROSUPER BS – 95 dhe EUROSUPER BS – 98 ulen për 2,00 den/litër.
Çmimi i shitjes me pakicë të EURODIZEL (D-E-V) ulet për 1,00 den/litër.
Çmimi i shitjes me pakicë të Vajit Ekstra të Lehtë për amvisëri (EL-1) ulet për 2,50 den/litër.
Çmimi i shitjes me pakicë të Mazut М-1 SU ulet për 0,605 den/kg dhe tani do të jetë 39,583 den/kg.
Theksojmë se këto janë çmimet maksimale të derivateve të naftës që nga ora 00:01 e datës 01.07.2025.
Liderët e Ballkanit Perëndimor dhe përfaqësuesit e Bashkimit Evropian do të diskutojnë mbi zbatimin e Planit të Rritjes për rajonin në samitin dyditor që mbahet më 30 qershor dhe 1 korrik në Shkup. Në mesin e folësve kryesorë do të jenë kryeministri në detyrë i Kosovës, Albin Kurti, dhe presidenti i Serbisë, Aleksandar Vuçiq.
Mbrëmjen e 30 qershorit, kryeministri i Maqedonisë së Veriut, Hristijan Mickoski, do të presë një darkë formale për liderët e rajonit dhe zyrtarët evropianë në “Winery Kamnik”. Në të njëjtin ambient, ministrat për çështje evropiane dhe partnerët zbatues do të zhvillojnë një darkë paralelisht.
Në 1 korrik, pjesa kryesore e samitit do të zhvillohet në “Hilton Double Tree Hotel” në Shkup, ku do të vlerësohet Plani i Rritjes, do të diskutohen propozimet për iniciativa të reja dhe do të theksohet bashkëpunimi ekonomik përmes Tregut të Përbashkët Rajonal. Programi përfshin dy panele diskutimi dhe do të përmbyllet me konferencë për media dhe drekë zyrtare.
Në takim do të jenë edhe kryeministri i Shqipërisë, Edi Rama, kryeministri i Malit të Zi, Milojko Spajic, kryetarja e Këshillit të Ministrave të Bosnjë e Hercegovinës, Borjana Krishto, si dhe përfaqësues të BE-së, BERZH-it, Bankës Botërore dhe organizatave rajonale.
Agjenda:
30 Qershor 2025
Ora 19:30 – Darka e Liderëve e organizuar nga Kryeministri Hristijan Mickoski
Vendi: “Winery Kamnik”, Shkup
Të ftuar: Liderët e rajonit, Komisioneri për Zgjerim dhe Drejtori i Përgjithshëm për Zgjerim dhe Fqinjësi Lindore
Formati: 1+0
Ora 19:30 – Darka për Ministrat e Çështjeve Evropiane dhe partnerët zbatues
Vendi: Po ashtu “Winery Kamnik”
Të ftuar:
Ministrat për Çështje Evropiane (1+1)
Komisioni Evropian – Drejtori për Ballkanin Perëndimor (1+1)
Shërbimi i Jashtëm Evropian – Kreu për Evropën Juglindore (1+1)
Drejtorët e organizatave rajonale dhe partnerëve zbatues (1+0)
Ambasadorët (të BE-së, SHBA-së, Mbretërisë së Bashkuar)
Për delegacionet e tjera, darka do të shërbehet në “Hilton Double Tree Hotel”, Shkup
1 Korrik 2025
Ora 09:30 – 14:00, Vendi: Hilton Double Tree Hotel, Shkup
Pjesëmarrës: Liderët e Ballkanit Perëndimor, Ministrat për Çështje Evropiane, Komisioni Evropian, Shërbimi i Jashtëm Evropian, organizatat rajonale dhe bankat zbatuese (EIB, BERZH, BB, etj.)
09:30 – 10:00
Mirëseardhje dhe deklarata për media
10:00 – 10:20
Fjalët hyrëse:
Kryeministri Hristijan Mickoski
Komisionerja për Zgjerim Marta Kos
10:20 – 12:00 | Paneli I: “Plani i Rritjes – Vlerësimi, puna e ardhshme dhe komunikimi”
Moderator: Kryeministri Mickoski
Temat:
Rishikimi i Planit të Rritjes në të gjitha shtyllat
Diskutim për iniciativat e reja në kuadër të Shtyllës 1 (turizmi, mbrojtja e konsumatorit, autostrada e tregut të përbashkët)
Folësit:
Liderët e Ballkanit Perëndimor (Rama, Kurti, Vuciq, Spajic, Krishto – në rend alfabetik) Komisionerja Kos
12:00 – 12:15
Foto familjare – Liderët dhe Komisionerja Marta Kos
12:15 – 12:45
Konferencë për media – Kryeministri Mickoski & Komisionerja Kos
(12:15 – 14:00 rezervuar për takime bilaterale)
12:45 – 14:00 | Paneli II: “Zgjerimi i Shtyllave të Planit të Rritjes”
Moderator: Ministri për Çështje Evropiane Orhan Murtezani
Temat:
Zbatimi i agjendave të reformave
Tregu i përbashkët rajonal
Folësit:
Drejtori i Përgjithshëm për Zgjerim Gert Jan Koopman
Përfaqësues të Shërbimit të Jashtëm Evropian
Ministrat për Çështje Evropiane të Ballkanit Perëndimor
Drejtues të CEFTA, Këshilli Rajonal për Bashkëpunim, BERZH, BB, etj.
14:00 – Foto familjare për Ministrat dhe partnerët zbatues
14:10 – Drekë
Murtezani: Eurointegrimet nuk janë vetëm qëllim deklarativ, dërgojmë porosi drejt Brukselit se jemi të gatshëm me kapacitet, vullnet dhe vizion
Nga mesnata ulen çmimet e derivateve të naftës
Kurti dhe Vuçiq përballë në samitin rajonal për Planin e Rritjes në Shkup
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
Shkup, panairi i patundshmërive të Dubait! Citi Casa rikthehet në hapësirat e COWORK21 më 31 maj dhe 1 qershor
-
Lajme nga vendi3 years ago
Zyra e Avokatit të Popullit në Tetovë sot do të jetë e hapur
-
Lajme nga vendi3 years ago
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
-
Lajme nga vendi2 years ago
Kovaçevski paralajmëroi drejtor të ri të Drejtorisë për Zbatimin e Sanksioneve