Lajme nga vendi
Stabilizim te patundshmëritë, por çmimet janë për 20% më të larta
Në tregun e patundshmërive në vitin e ri, sipas komunitetit të biznesit, mund të presim stabilizim.
Megjithatë, për çdo rast, stabilizimi i çmimeve të patundshmërive, sipas Odës ekonomike të Maqedonisë së Veriut nënkupton stabilizim të nivelit aktual më të lartë, me ç’rast çmimi do t’i përfshijë harxhimet për realizim, fitimin e kompanive dhe fuqinë financiare, respektivisht gatishmërinë e blerësve.
Analizat që i përgatisin dhe analizat në vendet e Ballkanit Perëndimor, tregojnë se çdokund çmimet e banesave janë rritur, e posaçërisht kjo është shprehur në kryeqytete dhe në vende më të banuara. Stabilizimi mund të pritet në një nivel më të lartë, i cili sipas vlerësimeve tona, do të thoshte çmim për një metër katror, i cili është të paktën 20 për qind (gjithsesi varet edhe nga vendi i patundshmërisë) më i lartë se çmimi para krizës, thonë për MIA-n nga Oda ekonomike.
Kyçe për çmimet për të cilat do të ofrohen patundshmëritë gjatë periudhës së ardhshme, siç saktësojnë, do të jenë rrethanat në nivel global dhe kombëtar, varësisht nga ajo se sa do të zgjat konflikti ushtarak, i cili shprehet në tregun e materialeve ndërtimore, si dhe zgjidhja e të gjitha problemeve dhe çështjeve, për të cilat sektori ndërtimor bën me dije që nga fillimi i krizës.
Nga Oda ndërtimore pranë Odës ekonomike të Maqedonisë Veriperëndimore, megjithatë, thonë se harxhimet për ndërtim do të shtrenjtohen edhe gjatë periudhës së ardhshme, e me këtë edhe banesat.
“Rritja e çmimeve në një pjesë të madhe të produkteve ndërtimore nuk ndalet. Fuqia e kualifikuar puntore në mënyrë të vazhdueshme zvogëlohet, bankat janë më të rezervuara në përkrahjen e projekteve, ndërsa e rrisin edhe interesin. Kjo do të thotë se ende do të rriten harxhimet në tërë këtë proces të ndërtimit, e kjo do të thotë se do të ketë edhe shtrenjtim të produkteve ndërtimore, respektivisht banesave”, thonë nga Oda.
Prej aty apelojnë që gjatë periudhës së ardhshme të hapen sa më shumë investime të reja me kushte më të mira për kreditim dhe sa më pak pengesa administrative për investuesit.
Sipas të dhënave të Bankës popullore, çmimet e patundshmërive në tremujorin e tretë të vitit të kaluar, në shtet janë rritur për 21,2 për qind, në krahasim me tremujorin e njëjtë të vitit paraprak. Në periudhën korrik-shtator të vitit të kaluar, krahasuar me tre muajt paraprake, rritja e çmimeve të patundshmërive ka qenë 4,7 për qind, në tremujorin e dytë të vitit të kaluar çmimet e banesave kanë shënuar rritje prej 16,5 për qind në nivel vjetor, respektivisht 6,8 për qind në nivel tremujor, ndërsa në tremujorin e parë poashtu ka pasur rritje në nivel vjetor prej 12,4 për qind, respektivisht prej 2,9 për qind në nivel tremujor.
Në evidencën e Bankës popullore, në nëntor janë regjistruar kredi banesore në vlerë prej 75,021 milion denarë, që është rritje prej 12,9 për qind në nivel vjetor, respektivisht 1,1 për qind në nivel mujor.
Në bazë të regjistrit të çmimeve dhe qirave në tremujorin e tretë të vitit të kaluar, janë regjistruar 7.922 transaksione, prej të cilave 6.098 shitje të patundshmërive dhe 1.824 marrje me qira të pronës së patundshme.
Vlera e 6.098 shitblerjeve të regjistruara në tremujorin e tretë është 1.929 milionë euro. Shënohet rritje edhe në shitblerjet dhe vlerën e tyre në krahasim me tremujorin e dytë, kur janë regjistruar 5.713 (234 milionë euro). Por krahasuar me tremujorin e tretë të vitit paraprak shitblerjet janë zvogëluar për 1.179, kur janë evidentuar 7.277, ndërsa zvogëlim në këtë periudhë ka edhe te marrjet me qira, për 130. Marrjet me qira në nivel tremujor të vitit të kaluar shënojnë rënie për rreth 1.000, prej 1.935 në tremujorin e dytë në 1.824 në tremujorin e tretë. Në atë periudhë më së shumti janë marrë me qira parcela shtetërore, 693, pas çka vijojnë banesat, 595, shtëpitë, 288, toka bujqësore, 141…
Rënie tek marrjet me qira është evidentuar edhe sipas të dhënave për gjysmën e parë të vitit të kaluar në krahasim me periudhën e njëjtë të vitit paraprak dhe është 4 për qind.
Në periudhën janar-qershor të vitit të kaluar, në bazën e Regjistrit të çmimeve dhe marrjes me qira, janë vendosur 15.660 transaksione, prej të cilave 11.632 shitje të patundshmërive dhe 4.028 marrje me qira të pronës së patundshme. Në gjysmën e parë të vitit të kaluar, janë regjistruar 3.878 ngarkesa ndaj patundshmërive me vlerë të përgjithshme prej 776.505.001 euro dhe 4.668.919.709 denarë. Në kryeqytet janë regjistruar 1.504 hipoteka me vlerë 184.281.346 euro dhe 2.286.254.446 denarë.
Tetova këto ditë po përballet me temperaturat e larta të vapës afrikane. Termometri i afrohet 40 gradëve Celsius, ndërsa qyteti duket sikur ngadalëson ritmin dhe kërkon hije, freski dhe pak ajër.
Tetova në këto temperatura është një qytet që vazhdon të jetojë, por me një ritëm tjetër. Një tabelë e Drejtorisë për Punë Hidrometelereologjike tregon se në orën 14.00 në Tetovë janë matur 34.1 gradë Celsius. Por, në qytet vapa afrikane dhe netët tropikale tashmë janë bërë përditshmëri.
Rrugët në orët më të nxehta janë më të zbrazëta. Qytetarët shmangin daljet gjatë mesditës dhe, kur është e domosdoshme të dalin, kërkojnë rrugët me hije, freskojnë veten me ujë dhe përpiqen të kryejnë punët sa më shpejt.
Edhe tregtarët dhe punëtorët që janë të detyruar të qëndrojnë jashtë duhet ta përshtatin ritmin e punës. Uji, pushimet e shpeshta dhe shmangia e diellit bëhen domosdoshmëri.
Vapa ndryshon edhe zakonet. Takimet shtyhen për pasdite, aktivitetet sportive zhvendosen në orët e vona, ndërsa shumë familje preferojnë të qëndrojnë në ambiente të mbyllura gjatë pjesës më të nxehtë të ditës.
Daljet gjatë orëve të nxehta shtyhen për më vonë, pazaret dhe obligimet kryhen herët në mëngjes, ndërsa shëtitjet në qytet bëhen kryesisht në mbrëmje. Për shumë tetovarë, vera nuk është më vetëm një stinë pushimi, por një periudhë ku dita duhet planifikuar sipas temperaturës.
Në 40 gradë, qyteti nuk ndalet, në pritje të shiut, thjesht mëson të marrë frymë më ngadalë./Tv Koha/
Drejtoria e Gjimnazit „Kirili Pejçinoviq“ – Tetovë reagon ashpër ndaj informacioneve të publikuara lidhur me funksionimin e shkollës.
Drejtoria e Gjimnazit të Tetovës i ka përgënjeshtruar pohimet e një komunikate të partisë “Levica” ku ata pretendojnë se po nënçmohet gjuha maqedonase dhe se klasat janë të stërmbushura me nxënës.
Nga Drejtoria thonë se do ta kuptonin këtë gjuhë të “Levicës” nëse vendi ishte në fushatë zgjedhore, por duke prezantuar fakte përgënjeshtrojnë pohimet e partisë në fjalë.
Dje, faqja e internetit e shkollës u hakua në të tri gjuhët – maqedonisht, shqip dhe anglisht. Ekipi i IT-së së shkollës punoi intensivisht për zgjidhjen e problemit dhe arriti ta rikthejë funksionimin e saj. Faqja e internetit tashmë është në funksion dhe në të janë publikuar listat e nxënësve të pranuar në afatin e regjistrimit të qershorit.
Shpërndarja e nxënësve në paralele bëhet në përputhje me konkursin për regjistrimin e nxënësve në Gjimnaz, të publikuar nga Ministria e Arsimit dhe Shkencës, numrin e nxënësve të regjistruar dhe kapacitetet hapësinore të dy objekteve ku nxënësit e ndjekin mësimin në turnin e paradites.
Po ashtu, si tërësisht të pavërteta I kanë hedhur poshtë pretendimet se 50 nxënës do ta ndjekin mësimin në një klasë.
Drejtoria e shkollës është e përkushtuar për krijimin e shërbimeve dhe kushteve më të mira dhe më cilësore për zhvillimin e pandërprerë dhe të vazhdueshëm të procesit arsimor.
Sipas tyre, pikërisht informacione të tilla të paverifikuara, të pabazuara dhe të pasakta krijojnë kaos në arsim./Tv Koha/
Lajme nga vendi
BDI: Me dy vjet vonesë dhe 30 milionë euro më shtrenjtë, VLEN vazhdon projektin e BDI-së Shkup- Bllacë
Pas dy vitesh humbje kohe, VLEN sot po e paraqet si sukses vazhdimin e autostradës Shkup- Bllacë, projekt i përfunduar më 2 maj 2023 dhe i tenderuar po atë vit nga qeveria e kaluar, me një vlerë prej rreth 183 milionë eurosh.
Dy vjet më parë, VLEN dhe partnerët e tyre politikë e sulmonin projektin si “tepër të shtrenjtë” dhe “të papërshtatshëm”. Sot, pa ndryshuar as trasenë dhe as projektin, duke e vonuar pa asnjë nevojë për mbi dy vite, të njëjtën autostradë prej rreth 10 kilometrash do ta ndërtojnë për rreth 210 milionë euro, apo afërsisht 21 milionë euro për kilometër.
Pra, projekti që e kritikuan nuk është ndryshuar as për 0,1 për qind. Traseja është e njëjtë, projekti është i njëjtë, autostrada është e njëjtë.
Të vetmet gjëra që kanë ndryshuar janë dy vite vonesë dhe rreth 30 milionë euro më shumë nga paratë e qytetarëve.
VLEN duhet t’i përgjigjet opinionit: pse u bllokua për dy vjet një projekt i gatshëm dhe pse sot i njëjti projekt kushton rreth 30 milionë euro më shumë? Ku përfundojnë këto para dhe cili është arsyetimi për këtë shtrenjtim?
Shqiptarët humbën dy vite për një autostradë jetike, ndërsa qytetarët do të paguajnë dhjetëra milionë euro më shumë. Dy vite vonesë, 30 milionë euro më shtrenjtë dhe asnjë ndryshim në projekt, kjo është fatura e paaftësisë dhe keqmenaxhimit të VLEN-it.
TETOVA NË VAPËN AFRIKANE – SI FRYMON QYTETI NË 40 GRADË?
DREJTORIA E GJIMNAZIT PËRGËNJESHTRON “LEVICËN”
BDI: Me dy vjet vonesë dhe 30 milionë euro më shtrenjtë, VLEN vazhdon projektin e BDI-së Shkup- Bllacë
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Azizi zbulon dyfytyrësinë e Ali Ahmetit: Ja vazali që e mbronte Gruevskin
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
