Lajme nga vendi
Bislimoski do të udhëheq me Bordin e rregullatorëve të Komunitetit energjetik në Athinë
Ndryshimet e çmimeve të bursës të energjisë elektrike nga 400 euro në 1,60 euro për megavat orë do të jetë një nga temat boshte të diskutimit sot dhe nesër të rregullatorëve nga Komuniteti energjetik në Athinë, ku me Bordin e rregullatorëve do të drejtojë Marko Bislimoski, kryetar i Komisionit Rregullator Energjetik dhe kryetar i Bordit të rregullatorëve, njofton korrespondentja e MIA-s në Athinë.
Në prag të takimit, Bislimoski ka thënë se me që po afrohet fundi i sezonit të ngrohjes për qytetarët, për rregullatorët ekziston vetëm fillimi i sezonit të ri të ngrohjes dhe për këtë arsye “do të diskutojmë që në mënyrë strategjike të pozicionohemi për skenarët e mundshëm që na presin në prag të dimrit të ardhshëm”.
“Kriza energjetike dëshmoi se përgjigja më e mirë është përgjigje e koordinuar e Evropës dhe rritja maksimale e pavarësisë energjetike të çdo vendi. Jemi dëshmitarë se po riaktivzohen termocentralet, por agjenda për energji të gjelbër duhet të vazhdojë dhe reformat dhe investimet duhet të kenë vazhdimësi dhe realizim 100 për qind. Do të pozicionohemi në mënyrë strategjike pa mëdyshje, sepse furnizimi i besueshëm, stabil dhe i pandërprerë i energjisë elektrike dhe ngrohjes është prioritet për të gjithë rregullatorët nga Komuniteti energjetik”, tha Bislimoski i cili është në mandatin e tij të dytë dhe udhëheq si kryetar i Bordit të Rregullatorëve të Komunitetit energjetik.
Në dhjetor të vitit 2019, kryetari i Komisionit Rregullator Energjetik (KRrE) u zgjodh unanimisht kryetar i Bordit të rregullatorëve të Komunitetit energjetik në mbledhjen e atëhershme të rregullt, ndërsa në nëntor të vitit 2021 mori mandatin e dytë dyvjeçar.
Takimet e komunitetit energjetik tradicionalisht mbahen në Athinë, ku përveç Maqedonisë së Veriut, vende anëtare janë edhe Serbia, Kosova, Mali i Zi, Bosnje e Hercegovina, Moldavia, Gjeorgjia, Ukraina dhe Shqipëria.
Takimi i mëparshëm në Athinë u zhvillua në fund të dhjetorit të vitit të kaluar.
Ministria e Punëve të Brendshme i njofton qytetarët se, sipas informacioneve të pranuara nga organet kompetente të Republikës së Greqisë, më 27.07.2026 (e hënë) është paralajmëruar grevë e punonjësve të doganave në pikat kufitare greke Evzoni (Bogorodicë), Dojrani (Dojran) dhe Niki (Mexhitli).
“Gjatë periudhës nga ora 05:00 deri në 09:00 sipas kohës së Maqedonisë (06:00–10:00 sipas kohës së Greqisë), në këto pika kufitare, automjetet e udhëtarëve do të lejohen të kalojnë çdo 10 minuta, ndërsa qarkullimi i automjeteve të transportit të mallrave do të jetë plotësisht i ndërprerë, si për hyrje ashtu edhe për dalje nga Republika e Greqisë”.
“Ministria e Punëve të Brendshme do të ndërmarrë të gjitha masat e nevojshme dhe do të angazhojë të gjitha kapacitetet njerëzore dhe teknike për menaxhimin e situatës”, – thonë nga MPB.
Sipas të dhënave nga institucionet publike shëndetësore në Gostivar, gjatë ditës së djeshme (23.07.2026) janë regjistruar gjithsej 197 pacientë të rinj, përkatësisht persona që për herë të parë kanë kërkuar ndihmë mjekësore, çka tregon një ulje krahasuar me një ditë më parë.
Në Spitalin e Përgjithshëm “Dr. Ferid Murad” në Gostivar janë regjistruar gjithsej 117 vizita të reja, prej të cilave 82 në repartin e sëmundjeve infektive (pa shtrime të reja në spital dhe me tre pacientë të liruar), 40 në repartin e pediatrisë dhe 7 vizita në Qendrën e Urgjencës.
Në Shtëpinë e Shëndetit në Gostivar janë regjistruar 80 vizita të reja në shërbimin kujdestar, si dhe 13 thirrje në Shërbimin e Ndihmës së Shpejtë.
Lajme nga vendi
Hetime për kredinë hungareze 1 miliardë € që mori Maqedonia e Veriut, urdhëron Magyar
Qeveria në Hungari, e udhëhequr nga Péter Magyar, do të hetojë nëse ka pasur keqpërdorim të mundshëm të fondeve shtetërore në lidhje me kredinë prej një miliard eurosh që “Eximbanka” shtetërore ia dha Maqedonisë së Veriut.
Kështu njoftoi dje Magyar, i cili, siç raportuan mediat vendase, ndau se kredia e marrë nga Maqedonia e Veriut është një nga katër rastet e lidhura me “Eximbank”-un, për të cilat sot Ministria e Ekonomisë dhe Energjetikës ka dorëzuar ankesa, shkruan Fokus.
„Ministria e Ekonomisë dhe Energjetikës dorëzoi katër ankesa të enjten për mashtrim të dyshuar në vlerë totale prej një mijë miliardë forintash, në katër raste të ndryshme. Të gjitha kanë të bëjnë me aktivitetet e ‘Eximbank’-ut“ – tha Magyar.
Ai theksoi se kredia u dha në kushte shumë të favorshme me një normë interesi prej 3,25 për qind.
Kredia, tha ai, do t’i kushtojë buxhetit hungarez 90 miliardë forinta (rreth 248 milionë euro) për shkak të diferencave të interesit.
„Kjo paraqet një barrë prej 90 miliardë forintash (rreth 248 milionë euro) për buxhetin hungarez, ndërsa shteti hungarez mori përsipër garanci 100 për qind për kredinë nën udhëheqjen e qeverisë së Orbanit“, tha Magyar.
Sipas tij, norma e interesit me të cilën “Eximbanka” shtetërore i dha kredinë Maqedonisë është shumë më e favorshme se normat e interesit me të cilat kompanitë hungareze dhe qytetarët e vendit marrin hua.(INA)
MPB, të hënën në mëngjes grevë e doganierëve grekë në pikat kufitare
Spanja shpall emergjencën kombëtare për shkak të zjarreve masive, mbi 10 mijë persona evakuohen
Ulet numri i rasteve të qytetarëve që kërkojnë ndihmë mjekësore në Gostivar
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Azizi zbulon dyfytyrësinë e Ali Ahmetit: Ja vazali që e mbronte Gruevskin
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
