Lajme nga vendi
Artistë të rinj nga Franca, Gjermania dhe Maqedonia e Veriut do të pikturojnë një mural me porosi për paqe
Njëzetë e një artistë të rinj nga Franca, Gjermania dhe Maqedonia e Veriut janë pjesë e projektit të Institutit Francez në Shkup, Institutit Gete dhe shoqatës “Loja” nga Tetova të titulluar “Na lëni të qetë”, i cili ka për qëllim përforcimin e dialogut multikulturor ndërmjet të rinjve nga tre vendet, nxitjen e kreativitetit dhe shprehjes së lirë te të rinjtë, thirrje për paqe dhe pajtim përmes artit.
Projekti realizohet nga 1 deri më 7 maj me mbështetjen e Zyrës Franko-Gjermane për Rini dhe Fondit Kulturor Franko-Gjerman, në kuadër të programit “Evropa jonë, e ardhmja jonë” dhe për nder të 60-vjetorit të nënshkrimit të Traktatit të Elizesë.
Të rinjtë, nga shtatë prej secilit nga tre vendet, nën mentorimin e tri artisteve të njohura: francezes Ema Popi, gjermanes Damjan Iv Rode dhe ukrainases dhe Maria Sorokina Somari, dy ditët e kaluara kaluan një trajnim për pikturim të muralit. Trajnimi u mbajt më 2 dhe 3 maj në gjimnazin “Georgi Dimitrov” në Shkup, në praninë e nxënësve të shkollave të mesme nga gjimnazi.
Krijuesit e rinj sot dhe nesër do të punojnë në muralin në Parkun e Qytetit në Shkup (menjëherë afër klubit të natës „Pure”, përballë hyrjes kryesore të ish Luna Parkut).
“Së bashku do ta dizenjojnë muralin me porosi për paqen në Ukrainë dhe në botë, ndërsa porosia e paqes duhet të ketë jehonë të gjerë për të gjithë qytetarët, artdashësit dhe të rinjtë”, thonë organizatorët.
Njëkohësisht, sot, në orën 16:00, në Europe House, do të organizohet një debat idesh “Evropa është e ardhmja jonë”, në të cilin do të marrin pjesë artistë të rinj dhe ekspertë vendas, të cilët do të diskutojnë mbi sfidat aktuale me të cilat përballet Bashkimi Evropian, si dhe për të ardhmen e Ballkanit. Debati po mbahet për të shënuar 60-vjetorin e Traktatit të Elizesë.
Edhe një mural më i vogël do të bëhet në komunën e Tetovës me qëllim, siç bëhet e ditur, përkujtimit se integrimi evropian është e vetmja e ardhme për të rinjtë.
Murali duhet të përfundojë nesër, ndërsa do të shënohet me deklarata të bartësve të projektit, drejtorët e Institutit Francez në Shkup dhe Institutit Gete.
Pas përfundimit të projektit, do të ketë një video incizim i cili do të shpërndahet në rrjetet sociale. Do të realizohet edhe ekspozitë e fotografive në format të madh, e cila do të shfaqet në shumë qytete të Maqedonisë së Veriut, ndërsa do ta mbajë titullin “Të rinjtë për paqe”.
Lajme nga vendi
Nivelet e pothuajse të gjitha lumenjve në vend shënojnë ulje të lehtë në krahasim me ditën e djeshme
Nivelet e pothuajse të gjitha lumenjve në vend shënojnë ulje të lehtë në krahasim me ditën e djeshme, tregojnë matjet e fundit të bëra nga Drejtoria për Punë Hidrometeorologjike (DPHM).
Përjashtim janë lumenjtë Strumica në vendin matës Sushevë ku ka rritje të nivelit të lumenjve prej katër centimetra në krahasim me ditën e djeshme dhe Drini i Zi në Lozhan ku niveli është më i lartë për 31 centimetra në krahasim me ditën e djeshme, si dhe Babuna në vendin matër Bogomilë ku niveli i ujit është i njejtë me ditën e djeshme.
Rritje prej një centimetër në krahasim me ditën e djeshme ka edhe niveli i Liqenit të Ohrit, ndërsa te dy lumenjtë tjerë natyror në vend niveli i ujit është i njejtë me ditën e djeshme. Me këtë, niveli i Liqenit të Ohrit është për 10 centimetra më i lartë nga mesatarja historike për janarin, liqeni i Prespës është për 2,33 metra më i ulët nga mesatarja, ndërsa te liqeni i Dojranit është për 85 centimetra më i lartë nga mesatarja për janarin, por megjithatë është 96 centimetra nën minimumin e dakorduar.
Lajme nga vendi
U miratua Plani vjetor për Tranzicion të drejtë 2026: fokusi i punëtorëve, hapje e mundësive të reja për punësim
Qeveria e miratoi Planin vjetor për implementim të Tranzicionit të drejtë për vitin 2026, me çka vazhdohet me zbatim sistematik të procesit të drejtë energjetik dhe transformim ekonomik në vend, kumtoi Ministria e Energjetikës, Minierave dhe Burimeve Minerale.
Në kumtesë ceket se me miratimin e Planit, Qeveria dhe Ministria “e konfirmojnë përkushtimin e vet drejt sigurimit të tranzicionit të drejtë i cili do t’i marrë parasysh pasojat socioekonomike ndaj bashkësive dhe punëtorëve në rajonet e prekura nga tranzicioni, me fokus të veçantë në hapjen e mundësive të reja për punësim, rikualifikim të fuqisë punëtore dhe nxitje të zhvillimit të qëndrueshëm lokal ekonomik”.
Me mekanizmat e paraparë sigurohet qasje e koordinuar mes institucioneve kompetente dhe ndërmarrjeve publike.
“Plani vjetor për vitin 2026 është përpunuar në pajtim me dokumentet strategjike nacionale dhe Agjendën reformuese, si dhe me obligimet e ndërmarra në kuadër të procesit të tranzicionit të përshpejtuar nga karboni ndaj burimeve të qëndrueshme të energjisë. Plani paraqet dokument operativ i cili i definon aktivitetet konkrete, kornizën kohore, institucionet kompetente dhe resurset e nevojshme për realizimin e tij. Ministria e Energjetikës, Minierave dhe Burimeve Minerale është e obliguar ta publikojë Planin vjetor në ueb-faqen e saj dhe ta koordinojë implementimin e tij, përderisa minsitritë e resorit dhe institucionet relevante do t’u japin prioritet aktiviteteve në kuadër të programeve të veta vjetore, me njoftim të rregullt për përparimin gjatë implementimit”, kumtoi Ministria.
Në kumtesë ceket se Plani vjetor për implementim të tranzicionit të drejtë për vitin 2026 “paraqet hap të rëndësishëm në drejtim të zbatimit më efikas dhe të koordinuar të reformave të planifikuara, përforcimit të kornizës institucionale dhe avancimit të bashkëpunimit me partnerët ndërkombëtarë dhe institucionet financiare”.
Qeveria aktuale e Kryeministrit Mickoski, në vend të integrimit, po e çon vendin drejt izolimit, akuzojnë sot nga LSDM.
“Një bashkëpunëtor i ngushtë i Mickoskit dhe zv. kryeministrit në qeverinë e tij është Ivan Stoilkoviq, qëndrimet e hapura pro-ruse dhe lidhjet e drejtpërdrejta të të cilit me Moskën përbëjnë një kërcënim serioz për orientimin euroatlantik të vendit.
Vetëm pak ditë më parë, zëvendëskryeministri Ivan Stoilkovic mori pjesë në festimin e Ditës së Republikës Serbe së bashku me grupin “Ujqërit e Natës”, të njohur për mbështetjen e Putinit dhe përhapjen e narrativave anti-perëndimore.
Edhe më keq se kjo është se vetë kryeministri Mickoski, pavarësisht deklaratave publike për bashkëpunim strategjik me SHBA-në dhe integrimin në BE, me veprimet e tij dhe lidhjet e ngushta me Vuçiqin dhe SNS-në, po bën gjithçka të kundërtën, duke e çuar Maqedoninë drejt izolimit.
Reformat e BE-së shmangen qëllimisht, konfliktet me fqinjët krijohen qëllimisht, arsyet shpiken për të bllokuar negociatat. E gjitha është një skenar i sajuar, pjesë e një fushate anti-BE që qeveria të vazhdojë të plaçkitë vendin.
Sipas hulumtimit të fundit nga viti 2025, deri në 70% e qytetarëve të Maqedonisë së Veriut mbështesin anëtarësimin në BE, dhe 77% e shohin anëtarësimin në NATO si pozitiv”, thonë nga LSDM.
Nivelet e pothuajse të gjitha lumenjve në vend shënojnë ulje të lehtë në krahasim me ditën e djeshme
SHBA-ja u bën thirrje qytetarëve amerikanë: Largohuni menjëherë nga Irani
Parlamenti izraelit miraton në lexim të parë projektligjin për dënimin me vdekje për palestinezët
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
