Lajme nga vendi
Shaqiri: Të bashkohemi të gjithë dhe së bashku të ndërtojmë mjedis shkollor në harmoni
Mbështetja nga të gjithë aktorët në shoqëri është e domosdoshme për të vazhduar të ndërtojmë mjedis shkollor të qetë dhe në harmoni, në të cilën bullizmi nuk do të jetë temë. Ministria është bartëse e politikave, por pa pjesëmarrjen në krijimin dhe implementimin e tyre të institucioneve të tjera të involvuara, vetë institucioneve arsimore, ekspertëve dhe të gjithë qytetarëve, përballja me sfidat do të jetë shumë e vështirë. Këtë mesazh e dha i pari i Ministrisë së Arsimit dhe Shkencës, Jeton Shaqiri nga Gostivari, ku mori pjesë në garën e nxënësve “Randevu arsimore” në organizim të Asociacionit për të rinj të shkollave të mesme profesionale në Maqedoninë e Veriut.
“Të rinjtë jetojnë në kohën e re me shumë sfida të reja dhe duhet të gjejmë mënyra se si t’i eliminojmë faktorët dhe ta zbusim frymën rinore dhe shpërthyese. Prandaj sot iniciojmë dialog me ekspertët dhe me kastin akademik, si edhe të gjitha institucionet e tjera kompetente, që të veprojmë në mënyrë konkrete sa më parë”, tha Shaqiri.
Ministri potencoi se MASH hap adresë të re për paraqitjen e dhunës në shkolla, prijavinasilstvo@mon.gov.mk, gjegjësisht paraqitdhune@mon.gov.mk si vend qendror ku mund të raportohet dhuna në shkollë, që të munden institucionet menjëherë të reagojnë dhe të parandalojnë situata serioze.
Duke mbajtur fjalim në ngjarjen në amfiteatrin veror, Shaqiri potencoi se i vjen jashtëzakonisht mirë kur e shikon se si të rinjtë shoqërohen brenda dhe jashtë shkollës, mësojnë bashkërisht, garojnë me njohuri dhe pikërisht ky do të jetë fokusi i tyre, në vend se të menduarit se si të provokohen bashkëmoshatarët nga aspekti negativ.
Kryetari i Komunës së Tetovës dhe njëri nga liderët e VLEN-it, Bilall Kasami, ka uruar medresantët për zgjidhjen e problemit shumëvjeçar me njohjen e diplomave të Medresesë, duke e cilësuar këtë si një hap historik drejt barazisë dhe drejtësisë në arsim.
“Sot, Qeveria e VLEN-it miratoi Propozim Ligjin për Shkollat e Mesme të Komuniteteve Fetare, i cili garanton që diplomat e Medresesë të trajtohen njësoj si diplomat e çdo shkolle tjetër të mesme në Maqedoninë e Veriut.Kjo është një fitore për të gjithë medresantët, për komunitetin besimtar dhe për të gjithë ata që besuan në ndryshim”, shkruan Kasami në Facebook.
Ai shton se Qeveria VLEN vazhdon të dëshmojë përkushtimin ndaj qytetarëve në çdo sferë e çdo nivel të pushtetit. Premtimet nuk mbesin fjalë, por shndërrohen në vepra konkrete.
Deputeti i VLEN Adnan Azizi në postimin e tij në Facebook ka përgëzuar miratimin e ligjit për shkollat e mesme fetare.
Azizi ka theksuar se VLEN premtoi dhe realizoi – tashmë diplomat e Medresesë “Isa Beu” në Shkup do të pranohen si të barabarta me diplomat e shkollave të tjera të mesme në Maqedoninë e Veriut.
Në reagimin e tij, ai e ka quajtur këtë një fitore të madhe për shqiptarët, për besimtarët dhe për të gjithë ata që janë të përkushtuar ndaj dijes fetare dhe lirisë së besimit. Azizi nënvizoi se miratimi i Propozim Ligjit për Shkollat e Mesme të Komuniteteve Fetare nga ana e Qeverisë është një hap historik dhe drejtësi e vonuar për breza të tërë që u diskriminuan padrejtësisht për më shumë se dy dekada.
“Ky vendim është edhe një goditje ndaj atyre që 22 vite mashtruan dhe manipuluan me ndjenjat fetare, atyre që nga njëra anë kërkonin votën e besimtarëve, dhe nga ana tjetër i etiketonin si terroristë”, – ka shkruar ai.
Mbi 400 pjesëmarrës nga treva të ndryshme të vendit, Kosovës dhe alpinistë dhe mërgimtarë morën pjesë në Marshin e Parë Promovues, të organizuar nga Klubi Malor “Skardus” në fshatin Dobrosht. Ky aktivitet shënoi një moment të veçantë për këtë fshat sepse nëpërmjet natyrës, traditës dhe mikëpritjes bëri bashkë alpinistët dhe jo vetëm. Kryetari i Unionit të Shoqatave Bjeshkatare, Fari Rexhepi, theksoi se ky union luan një rol të veçantë në promovimin e bukurive natyrore të vendit dhe është përkrahës i shoqatave bjeshkatare të cilat poashtu lidhin adhuruesit e natyrës me natyrën tha Fari Rexhepi.
Të pranishëm ishin anëtarë të shumtë të shoqatave të ndryshme bjeshkatare nga vendi, të cilat promovojnë bukuritë natyrore të vendit tonë. Këto shoqata, të cilat funksionojnë nw bazw të plan programeve, ndikojnë në rritjen e numrit të bjeshkatarëve dhe adhuruesve të natyrës.
Fatmir Sulejmani – “Sytë e Sharrit”
Qerim Abazi – Kryetar i Shoqatës Malore “Sharri” Gostivar
Evzal Elmazi, drejtor i Parkut Nacional Mali Sharr, theksoi se kjo iniciativë është për tu përshëndetur dhe shpreson që do të ngelë traditë që do të organizohet edhe vitet e ardhshme. Elmazi deklaroi se do i përkrahin maksimalisht iniciativat e tilla.
Evzal Elmazi Rojtari i Zonave të Mbrojtura,
Fariz Farizi, apeloi që qytetarët të kenë kujdes në këtë periudhë të nxehtë, të shmangin zjarret dhe të respektojnë masat e qeverisë.
Fariz Farizi – Rojtar i Zonave të Mbrojtura
Ndryshe, Pjesëmarrësit përshkruan një distancë prej 8.5 km vajtje-ardhje, me një disnivel prej 530 metrash, duke ofruar një rrugëtim të këndshëm dhe energjik në natyrën e mrekullueshme të Dobroshtit.
Kasami: Pas dekadash padrejtësie dhe diskriminimi, drejtësia u vu në vend
Azizi: Urime, diplomat e Medresesë të barabarta me të gjitha shkollat e mesme
Klubi Malor “Skardus” organizoi Marshin e Parë Promovues (video)
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
Shkup, panairi i patundshmërive të Dubait! Citi Casa rikthehet në hapësirat e COWORK21 më 31 maj dhe 1 qershor
-
Lajme nga vendi3 years ago
Zyra e Avokatit të Popullit në Tetovë sot do të jetë e hapur
-
Lajme nga vendi3 years ago
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
-
Lajme nga vendi2 years ago
Kovaçevski paralajmëroi drejtor të ri të Drejtorisë për Zbatimin e Sanksioneve