Lajme nga vendi
Mbi 760 objekte të ndërtuara në Malin Sharr | VIDEO
Në territorin e Parkut Kombëtar Mali Sharr tashmë ka përfunduar regjistrimi I objekteve të ndërtuara jashtë vendbanimeve. Sipas të dhënave që ka publikuar Parku Kombëtar bëhet fjalë për 769 objekte të ndërtuara jashtë vendbanimeve, prej të cilave 5 në komunën e Mavrovë-Rostushës, në komunën e Gostivarit ka 24 objekte, në komunën e Vrapçishtit 61, në komunën e Bogovinës 74, në komunën e Tetovës 462, në komunën e Tearcës 115 dhe në komunën e Jegunovcës 28.
Këta objekte janë ndërtuar në pronë shtetërore dhe private dhe disa prej tyre janë të legalizuara dhe disa nuk janë të legalizuara.Nga Parku Kombëtar njoftojnë se për të përcaktuar statusin e ndërtesave në fazën tjetër, janë planifikuar inspektime në terren, është planifikuar të bisedohet me secilën komunë dhe përveç kësaj do të njoftojë të gjitha institucionet përkatëse për numrin aktual të këtyre objekteve.
Sipas planit të menaxhimit, ndërtimi i vendbanimeve të reja turistike dhe shtëpive të pushimit nuk lejohen në zonën e mbrojtjes së rreptë dhe menaxhimit aktiv, ndërsa ngritja e strehimoreve të reja nga materialet natyrore për kullotjen tradicionale të bagëtive lejohet në të gjitha zonat përveç zonës së mbrojtjes së rreptë.Për ndërtimet pa leje dhe uzurpimin e pronës shtetërore, në muajt e kaluar tashmë janë dorëzuar disa kallëzime dhe njoftime për kundërvajtje në institucionet kompetente dhe kushdo që vepron në kundërshtim me dispozitat ligjore të Ligjit për mbrojtjen e natyrës dhe Kodit Penal do të mbaj përgjegjësi, informuan nga Parku Kombëtar Mali Sharr.
Krahas kësaj, njoftohet se para tre viteve si pasoj e zjarrit janë dëmtuar 80 hektar pyje edhe atë mbi fshatin Sellcë dhe Lisec dhe këtë informacion parku kombëtar nuk e ka patur. Për të pastruar këtë zonë, pritet që të lëshohen leje për prerjen e drunjëve për banorët e këtyre zonave. /Televizioni KOHA/
Lajme nga vendi
SHOK TEMPERATURASH NË MAQEDONI: Pas të ftohtit të pazakontë dhe borës, këtë javë deri në 38°C
Pas valës së pazakontë të të ftohtit që solli reshje bore në Malin Sharr dhe në Pelister të premten, më 24 korrik, si dhe pas mëngjesit të sotëm jashtëzakonisht të freskët për muajin korrik, Maqedoninë e pret një tjetër ndryshim i fortë i motit.
Meteorologu Sllavço Poposki njofton se nga fillimi i javës vendi do të përfshihet nga një masë shumë më e ngrohtë ajrore që vjen nga jugu, përkatësisht nga Afrika.
“Që nga e hëna dhe gjatë ditëve në vijim, temperaturat do të shënojnë rritje të shpejtë. Në pjesën më të madhe të Maqedonisë ato do të kalojnë 30 deri në 35 gradë Celsius, ndërsa në rajonin e Povardarisë dhe në pjesën juglindore të vendit do të arrijnë deri në 38 gradë Celsius”, thekson Poposki.
Sipas tij, vetëm gjatë ditës së hënë, më 27 korrik, priten dukuri lokale të paqëndrueshme të motit, të shoqëruara me reshje të rrëmbyeshme shiu, bubullima dhe erë të përforcuar.
Nga e marta, më 28 korrik, moti do të stabilizohet plotësisht dhe do të mbizotërojë mot me diell, i qëndrueshëm dhe me vranësira të pakta lokale.
Poposki paralajmëron se këto ndryshime të menjëhershme dhe të mëdha të temperaturave mund të kenë ndikim negativ, veçanërisht te personat e ndjeshëm ndaj ndryshimeve të motit.
Çmimet e shitjes me pakicë të benzinave EUROSUPER BS-95 dhe EUROSUPER BS-98 rriten për 3,00 denarë për litër.
Çmimi i shitjes me pakicë i EURODIZELIT (D-Е V) rritet për 4,50 denarë për litër.
Çmimi i shitjes me pakicë i Vajit Ekstra të Lehtë për Amvisëri (ЕL-1) rritet për 5,00 denarë për litër.
Çmimi i shitjes me pakicë i Мazutit М-1 SU rritet për 2,726 denarë për kilogram.
Nga data 28.7.2026, nga ora 00:01, çmimet maksimale të derivateve të naftës do të jenë:
Benzinë motori EUROSUPER BS – 95 93,00 (denarë/litër)
Benzinë motori EUROSUPER BS – 98 95,00 (denarë/litër)
Naftë motori EURODIZEL BS (D-E V) 98,50 (denarë/litër)
Vaj për Djegie Ekstra i Lehtë 1 (EL-1) 98,00 (denarë/litër)
Mazut М-1 SU 48,099 (denarë/kilogram)
Nën qiellin e hapur të Banjës së Tetovës, qytetarët patën mundësinë të ndjekin shfaqjen e filmit “Krejt e Thirrin Rexhën”, në kuadër të manifestimit Vera Tetovare, Tetova n’Festë.
Një mbrëmje e bukur kinematografike, e mbushur me emocione, humor dhe atmosferë të veçantë, që bëri bashkë qytetarë të të gjitha moshave.
Tv Koha takoi edhe Artistin e ri nga Tetova, Ledion Mulaku, i cili hapat e parë në aktrim i ka bërë që në moshë të hershme, duke qenë pjesë e disa projekteve filmike dhe serialeve të rëndësishme në rajon, duke përfshirë filmat “Dashuria s’mjafton” dhe “Shkëmbimi”, serialin ndërkombëtar Sunrise, si dhe projektin e fundit “Krejt e thirrin Rexhen”, ku ai interpreton një nga rolet protagoniste dhe është vlerësuar me çmimin Best Young Actor.
Suksesi i tij është një shembull frymëzues për të rinjtë e Tetovës dhe një dëshmi e potencialit të madh që ka rinia jonë.
Vera tetovare riktheu në Tetovë filmin “Krejt e Thirrin Rexhën” me një mbrëmje të veçantë kushtuar artit dhe kinematografisë shqiptare.
Ambienti I hapur në Banjë të Tetovës u bë arenë e gërshetimit të brezave dhe interesimit të jashtëzakonshëm të publikut tetovar.
U shijua së bashku një film I jashtëzakonshëm në një atmosferë të bukur verore, ku sipas organizatorëve, “Tetova N`Festë” vazhdon të sjellë kulturë, art dhe argëtim në çdo cep të qytetit.
/Tv Koha/
Franca në alarm, zjarret i afrohen Bordeaux, Macron mbledh qeverinë në takim krize
SHOK TEMPERATURASH NË MAQEDONI: Pas të ftohtit të pazakontë dhe borës, këtë javë deri në 38°C
Sërish shtrenjtohen karburantet nga mesnata
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Azizi zbulon dyfytyrësinë e Ali Ahmetit: Ja vazali që e mbronte Gruevskin
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
