Lajme nga vendi
Ndihmë amerikane në luftën kundër dezinformatave
Ne jemi shumë krenarë që Maqedoninë e Veriut e kemi anëtaren e 30-të të NATO-s. Këtë e theksoi sekretari Blinken në takimin me kryeministrin Dimitar Kovaçevski. Një aspekt i mbrojtjes është se siguria kibernetike ka të bëjë me mbrojtjen kundër dezinformimit. Jetojmë në një epokë teknologjie që e bën shumë të vështirë arritjen gjithmonë te e vërteta, te faktet, u shpreh ish ambasadori amerikan
Memorandumi i mirëkuptimit i nënshkruar së fundmi në Uashington nga kryeministri i Maqedonisë Dimitar Kovaçevski dhe përfaqësuesi special dhe koordinatori i Qendrës për Angazhim Global të Departamentit të Shtetit Xhejms Rubin, i cili përcakton bashkëpunimin mes dy vendeve në luftën kundër manipulimit dhe dezinformimit është një dokument strategjik shumë i rëndësishëm. Fokusi është në mbrojtjen e Maqedonisë së Veriut dhe Shteteve të Bashkuara të Amerikës, si aleatë në NATO, thotë ish-ambasadori amerikan në Shkup dhe ndihmës sekretar i shtetit Filip Riker në një intervistë për Zërin e Amerikës. “Ne jemi shumë krenarë që Maqedoninë e Veriut e kemi anëtaren e 30-të të NATO-s. Këtë e theksoi sekretari Blinken në takimin me kryeministrin Dimitar Kovaçevski. Një aspekt i mbrojtjes është se siguria kibernetike ka të bëjë me mbrojtjen kundër dezinformimit. Jetojmë në një epokë teknologjie që e bën shumë të vështirë arritjen gjithmonë te e vërteta, te faktet. Kjo është diçka që NATO e merr shumë seriozisht. Të gjitha vendet në rajon përballen me disa nga të njëjtat sfida. Ne jemi shumë të vetëdijshëm për dezinformatat e nxjerra nga Putini dhe Rusia. Këtë e kemi parë për shumë vite. Ne e dimë këtë këtu në SHBA. Ne dimë për manipulimin e mediave sociale, të mediave të tjera, për dezinformimin. Mendoj se është mirë që i dërguari special Xhejms Rubin ishte në gjendje të udhëtonte në rajon, përfshirë Maqedoninë e Veriut në prill. Ka pasur takime ndërsa me vizitën e kryeministrit këtu në Uashington, ishte një mundësi e shkëlqyer të isha i pari që nënshkruan një nga këto marrëveshje, e cila vetëm do t’i lejojë dy qeveritë tona të punojnë së bashku për të trajtuar sfidën e dezinformimit në këtë epokë të mediave moderne”, thotë Riker.
I pyetur nëse është i brengosur për shkak të përpjekjeve të Rusisë të përhapë dezinformata për ta minuar demokracinë dhe sigurinë kombëtare, veçanërisht në Maqedoni, Riker theksoi se është i dukshëm ndikimi në pjesën e qasjes së Moskës të përpiqet të krijojë jo vetëm dezinformata, por edhe trazira. “Kjo është pjesë e projekteve ruse për destabilizim. Një pjesë e të qenit një aleat i NATO-s është që ne të gjithë të punojmë së bashku dhe të përpiqemi t’i luftojmë ato aspekte. NATO është një aleancë mbrojtëse dhe është e përqëndruar në mbrojtjen e vendeve anëtare nga këto lloj elementësh shkatërrues”, thotë Riker.
Sa i përket mënyrës se si SHBA-ja mund t’i ndihmojë Maqedonisë që të përballet me ndikimin rus dhe përhapjen e dezinformatave, ai thekson se kjo është punë e të dërguarit special Rubin, i cili udhëheq me Qendrën për angazhim global në Departamentin e shtetit, i cili funksionin nën sekretarin shtetëror Blinken. “Së bashku mund t’i shqyrtojmë përpjekjet të dilat mund të ndihmojnë në luftën kundër llojit të dezinformatave të cilat u ndihmojnë mediumeve të binden se janë të fokusuar në të vërtetën. T’i kenë faktet dhe të mos jenë të bindur në të kundërtën përmes rrjeteve sociale ose përpjekjeve tjera nga Rusia e Vlladimir Putinit ose të tjerë që duan të bëjnë trazira edhe në rajon”, thotë Riker. Ai beson se Maqedonia e Veriut duhet ta vazhdojë rrugën drejt BE-së dhe të ndërmarrë hapat e nevojshëm siç ishte edhe në rastin me anëtarësimin në NATO, për të cilën ka mbështetje nga SHBA.
Lajme nga vendi
Një burrë 62-vjeçar nga Tetova ka ndërruar jetë pas komplikimeve nga gripi, njofton ISHP
Në periudhën nga 26 janari deri më 1 shkurt është raportuar një rast vdekjeje i lidhur me gripin, njofton Instituti i Shëndetit Publik në raportin javor. Bëhet fjalë për një burrë 62-vjeçar nga Tetova, i cili ishte i shtruar në repartin infektiv të Spitalit Klinik të Tetovës. Tek personi i ndjerë janë konstatuar komorbiditete dhe ai nuk ishte i vaksinuar kundër gripit sezonal, ndërsa laboratorikisht është konfirmuar Influenza A. Gjatë sezonit të gripit, deri më tani janë regjistruar gjithsej katër persona të vdekur të lidhur me gripin.
Në të njëjtën periudhë, në Maqedoninë e Veriut janë raportuar 1.498 raste të gripit dhe sëmundjeve të ngjashme me gripin, që është 12,3 për qind më pak krahasuar me javën paraprake, kur ishin raportuar 1.708 raste. Krahasuar me javën e pestë të sezonit të kaluar, kur ishin regjistruar 3.036 raste, numri aktual është më i ulët për 50,7 për qind, ndërsa krahasuar me mesataren e javës së pestë sipas kurbës tipike epidemike të bazuar në 15 sezonet e fundit, ku numri ishte 2.656, është më i ulët për 43,6 për qind. Gjatë javës së pestë të vitit 2026, incidenca e regjistruar mbetet në kuadër të aktivitetit të ulët.
Sa i përket shpërndarjes sipas moshës, 866 persona janë të moshës 15 deri në 64 vjeç, 247 janë fëmijë të moshës 5 deri në 14 vjeç, 224 janë persona mbi 65 vjeç, ndërsa 161 janë fëmijë të moshës 0 deri në 4 vjeç. Incidenca më e lartë, 166,8 raste për 100.000 banorë, është regjistruar tek fëmijët e moshës 0–4 vjeç.
Numri më i madh i të prekurve është regjistruar në Shkup me 473 raste, pasuar nga Prilepi me 146, Strumica me 139, Ohri me 99, Manastiri me 77, Shtipi me 70, Tetova me 63, Gjevgjelia me 61, Kumanova me 59, Dibra me 43 dhe Velesi me 36 raste. Në Radovish, Kërçovë, Kavadar, Strugë, Gostivar, Resnjë, Negotinë, Sveti Nikollë, Kratovë, Krushevë, Vinicë, Demir Hisar, Probishtip, Koçan, Makedonski Brod, Pehçevë dhe Vallandovë, numri i të sëmurëve është më pak se 30, ndërsa në Berovë, Dellçevë dhe Kriva Pallankë nuk janë raportuar raste të gripit apo sëmundjeve të ngjashme me gripin.
Gjatë sezonit 2025/2026, numri i përgjithshëm i rasteve të gripit dhe sëmundjeve të ngjashme me gripin ka arritur në 11.415. Krahasuar me të njëjtën periudhë të sezonit të kaluar, kur ishin raportuar 8.734 raste, ky numër është rritur për 30,7 për qind, ndërsa krahasuar me mesataren e 15 sezoneve të fundit prej 12.278 rastesh, është regjistruar ulje prej 7 për qind. Gjatë javës së pestë të vitit 2026 vazhdon trendi i rënies së numrit të të sëmurëve dhe incidencës javore, e cila mbetet në kuadër të aktivitetit të ulët. Të dhënat nga mbikëqyrja virologjike tregojnë se ka aktivitet gjeografik rajonal të virusit të gripit, ndërsa përqindja e pozitivitetit është mbi 10 për qind për tetë javë radhazi, çka tregon se gripi në Maqedoninë e Veriut ka intensitet të mesëm. Deri në javën e pestë, në vend janë vaksinuar gjithsej 79.105 persona me vaksinë falas ose komerciale kundër gripit.
Lajme nga vendi
Arrestohet mashtruesi që i “dogji” qytetarët 60 mijë euro, me aksidente të rreme trafiku
Më 04.02.2026, nga ana e zyrtarëve policorë të Departamentit të Policisë Kriminalistike pranë SPB Shtip, në koordinim me Departamentin e Policisë Kriminalistike, janë ndërmarrë masa operative-taktike për zbardhjen e veprave penale të mëparshme Mashtrim, që lidhen me aksidente të rreme trafiku.
Gjatë veprimeve, është privuar nga liria P.S. (38) nga Ohri. Pas zhvillimit të bisedës zyrtare, P.S. ka sqaruar mënyrën, vendin dhe kohën e kryerjes së nëntë veprave penale, prej të cilave gjashtë në Shtip dhe tre në Vinicë, me ç’rast personat denoncues janë dëmtuar për rreth 3.600.000 denarë.
Në Prokurorinë Themelore Publike Shtip është dorëzuar kallëzim penal me procedurë urgjente, ndërsa me propozim të PTHP Shtip, P.S. është dërguar para gjyqtarit të procedurës paraprake, i cili i ka caktuar masën e paraburgimit.
Lajme nga vendi
Mullirit në Shkup i shkon fatura 260 mijë euro, në vend të miellit “bluante” Bitcoina
EVN Elektrodistribuimi njoftoi se përmes gjetjes së një eksperti dhe kontrollit të ushtruar në një objekt biznesi, është vërtetuar një vjedhje e rëndë e energjisë elektrike direkt nga trafo-stacioni. Nga atje informojnë se ekipi për zbulimin e përdorimit të paautorizuar të energjisë elektrike ka kërkuar asistencën e MPB-së dhe përfshirjen e një eksperti, për shkak të dyshimeve për vjedhje të energjisë në një objekt biznesi në rrugën “Butelska” në Shkup.
Bëhet fjalë për një objekt biznesi, ish-mulli, i cili përdorej për furnizimin e paautorizuar të sistemeve me karta grafike për “gërmimin” e bitkoineve.
”Është përpiluar procesverbali për përdorim të paautorizuar, është përgatitur gjetja dhe opinioni nga eksperti i autorizuar dhe është dorëzuar kallëzim në MPB për marrjen e paautorizuar të energjisë elektrike sipas nenit 235-a të Kodit Penal. Gjithashtu, është përgatitur fatura për dëmshpërblim në vlerë prej 16 milionë denarësh”, thuhet në njoftimin e Elektrodistribuimit.
Një burrë 62-vjeçar nga Tetova ka ndërruar jetë pas komplikimeve nga gripi, njofton ISHP
Arrestohet mashtruesi që i “dogji” qytetarët 60 mijë euro, me aksidente të rreme trafiku
Mullirit në Shkup i shkon fatura 260 mijë euro, në vend të miellit “bluante” Bitcoina
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
