Lajme nga vendi
Konferencë për promovimin e të drejtave të fëmijëve: Përmes angazhimit Institucional për mbrojtje më të madhe
Të drejtat e fëmijëve janë shumë të rëndësishme dhe mbrojtja dhe avancimi i tyre duhet të jetë prioritet për çdo shtet evropian, porositi ambasadori evropian Dejvid Gir në konferencën e sotme për promovimin e të drejtave të fëmijëve.
Në ngjarje me rastin e 25 vjetorit të zyrës së Avokatit të Popullit në Republikën e Maqedonisë së Veriut, ambasadori evropian foli për mbështetjen e BE-së për krijimin e hapësirës për të drejtat e fëmijëve.
“Të drejtat e fëmijëve dhe nevoja e tyre për mbrojtje janë prioritet i Bashkimit Evropian, sepse fëmijët dhe të rinjtë janë shtylla e së ardhmes. Shumë shpesh fëmijët nuk janë pjesë e sjelljes së politikave, politika që i sjellim pa i konsultuar, prandaj hapat tanë synojnë për mundësimin e kushteve për përfshirjen e tyre maksimale”, porositi Giri.
Shëndeti mendor i fëmijëve, siç thekson, është nën ndikim të teknologjisë digjitale dhe për këtë shkak krijohen programe të cilat kanë për qëllim fëmijëve t’u mundësojnë edukim për shfrytëzimin e mundësive që i ofron teknologjia.
Sipas Girit, ngjarjet e tilla janë me një rëndësi të madhe sepse janë përkujtuespër të gjitha arritjeve të deritanishme dhe të gjitha qëllimeve të cilat në të ardhmen duhet të realizohen.
Avokati i Popullit, Naser Zyberi, ndërkaq, në fjalimin e tij u përqendrua në punën e zyrës së Avokatit të Popullit në mbrojtjen e të drejtave të njeriut në vitet e kaluara.
“Avokati i Popullit me profesionalizëm angazhohet për të drejtat e fëmijëve. Këto të drejta janë shumë të rëndësishme, prandaj institucioni i trajton me shumë kujdes. Duhet të theksoj se veçanërisht jemi krenarë për hulumtimet të cilat i bëjmë dhe më tej shfrytëzohen për ndryshime ligjore, të cilat kanë për qëllim përmirësimin e të drejtave të fëmijëve”, tha Avokati i Popullit Zyberi.
Shtoi se kontribut të veçantë për fëmijët, Avokati i Popullit ka dhënë gjatë pandemisë përmes mbështetjes së shkollave.
Në panel debat morën pjesë edhe përfaqësues të të gjitha organizatave të përfshira të cilat u përqendruan në aspekte të ndryshme të gjendjes me të drejtat e fëmijëve në vend.
Suzana Kiranxhiska, drejtoreshë e Fondacionit “Hapi pas Hapi” u përqëndrua në shkollat dhe rolin e tyre në parandalimin e dhunës, si dhe në promovimin e të drejtave të fëmijëve. Sipas saj, shkollat mund të bëjnë shumë për ta parandaluar dhunën.
“Ne në Shoqatën tonë konsiderojmë se një program arsimor i mirë cilësor është ai që përfshin inkluzion, respekt të demokracisë dhe diversitet që të mundet çdo fëmijë ta realizojë potencialin e tij. E gjithë kjo që ndodh në shoqërinë tonë dhe ngjarjet e fundit në fqinjësi ka bërë t’i hapim sytë dhe të mendojmë se si t’i mbrojmë fëmijët nga dhuna. Detyra jonë dhe detyra e shkollave nuk është me fjalë, por me vepra t’i tregojnë vlerat e vërteta që duhet t’i ndjekin”, vlerësoi ajo.
Kryetari i Ambasadës së parë të fëmijëve në botë “Megjashi”, Dragi Zmijanac, tha se vetëqeverisjet lokale duhet të marrin pjesë shumë më tepër në procesin e avancimit dhe dhe krijimit të politikave.
“Ai që është fokusi im është komunat ku do të mundësohet për fëmijët një vend i përshtatshëm për rritje dhe zhvillim dhe komunat të cilat do të përkushtohen maksimalisht. Në të vërtetë, politikanët bëjnë premtime shumë të ndershme, por vështirë realizojnë. Ajo që mua realisht më shqetëson është se në zgjedhjet lokale premtohen shumë gjëra, por askush nuk mendon në çfarë gjendje ndodhen fëmijët. Duhet shumë të punohet nga ana e komunave, mungon një plan strategjik që kemi bërë, por ende nuk ka arritur në strukturë këshilli”.
I porositi politikanët që të lënë më shumë hapësirë për zërin e fëmijëve, në vend që ta uzurpojnë me fjalimet e tyre politike.
Përveç kryetarëve të komunave dhe përfaqësuesve të pushtetit lokal të pranishëm të Dibrës, Gostivarit, Kisella Vodës, Velesit dhe Vinicës, si dhe drejtorëve dhe përfaqësuesve tjerë të shkollave partnere, në debat morën pjesë edhe nxënës nga disa shkolla të mesme nga Shkupi.
Ngjarja është në organizim të Delegacionit të BE-së në bashkëpunim me organizatat partnere Fondacioni për Iniciativa Arsimore dhe Kulturore “Hap pas Hapi”, Ambasada e parë e fëmijëve në botë “Megjashi” dhe Qendra për Familje dhe Përkujdesje për Fëmijë KMOP Shkup, si dhe Zyra e Avokatit të Popullit.
Lajme nga vendi
‘Fitonin’ 34 mijë euro me mallverzimeve gjatë shit-blerjes së veturave të konfiskuara
Drejtoria e Policisë Financiare ngriti kallëzim penal në Prokurorinë Themelore Publike në Shkup kundër personave N.I., B.G. në cilësinë e tyre si drejtues të personave juridikë, kundër dy personave juridikë, si dhe kundër pesë personave të punësuar në Agjencinë për Menaxhimin e Pasurisë së Sekuestruar F.A., G.A., P.K., F.J. dhe A.B., për shkak të ekzistencës së bazave të dyshimit për kryerjen e veprës penale “Keqpërdorim i procedurës për thirrjes publike, dhënie të kontratës së prokurimit publik ose partneritetit publik-privat” sipas nenit 275-c të Kodit Penal të Republikës së Maqedonisë së Veriut.
Të denoncuarit N.I. dhe B.G., si drejtues të dy personave juridikë, gjatë vitit 2021 me vetëdije dhe me qëllim të paracaktuar kanë shkelur rregulloret e procedurës për thirrje publike dhe dhënie të kontratës së prokurimit publik, me marrëveshje paraprake dhe veprime të koordinuara kanë shkelur konkurrencën në procedurën për shitjen e automjeteve të shkatërruara – skrap metali, të organizuar nga Agjencia për Menaxhimin e Pasurisë së Sekuestruar. Një person juridik u paraqit si konkurrent formal, dhe gjatë ankandit publik u paraqit një ofertë me një gabim teknik të qëllimshëm në një shumë monetare joreale, e cila i pengoi pjesëmarrësit e tjerë të vazhdonin më tej me ofertat.
Të pandehurit G.A., P.K. dhe F.J., si anëtarë të komisionit për zbatimin e procedurës, në kundërshtim me dispozitat ligjore të parashikuara në Ligjin për Menaxhimin e Pronës së Konfiskuar, Përfitimit Pasuror dhe Objekteve të Sekuestruara në Procedurën Penale dhe Kundërvajtje, dhe bazuar në një akt nënligjor dhe mendim ligjor të përgatitur nga A.B., me vetëdije ndihmuan në zbatimin e kësaj skeme të dakorduar dhe mundësuan lidhjen e një marrëveshjeje për shitjen e automjeteve të sekuestruara të shkatërruara si skrap metali midis Agjencisë për Menaxhimin e Pronës së Sekuestruar, të përfaqësuar nga F.A., dhe personit juridik të menaxhuar nga N.I., gjë që i mundësoi personit juridik të fitonte përfitim pasuror të paligjshëm në shumën prej 2.128.352 denarë.
Lajme nga vendi
Siljanovska: Balancuesi krijoi pushtet të korruptuar, ligjet duhet të miratohen me procedurë të rregullt
Presidentja Gordana Siljanovska Davkova sot deklaroi se heqja e balancuesit ishte e domosdoshme për shkak të rreziqeve korruptuese që i ka krijuar, duke theksuar njëkohësisht se çështjet e shtetësisi jorezidente, marrëdhëniet me Bullgarinë dhe politikat energjetike janë komplekse dhe duhet të zgjidhen përmes parimeve kushtetuese, debatit publik dhe respektimit të standarE madhee njerëzore dhe ekologjike.
Në një deklaratë për mediat pas hapjes së “Fundjavës për pastrim të përgjithshëm”, presidentja Gordana Siljanovska Davkova deklaroi se i a.q. balancuesi, në formatin që ka ekzistuar, në thelb çoi në korrupsion dhe kriminalizim.
Në lidhje me çështjen për shtetësinë jorezidente, ajo u përgjigj se zgjidhja duhet të miratohet përmes argumenteve.
“Çështja është komplekse. Ka vende ku ekziston shtetësia e dyfishtë, ka vende ku nuk ekziston. Sot të gjithë po përballemi me një eksod dhe mungesë të fuqisë punëtore, dhe po flasim për qenie njerëzore që kanë edhe të drejtën e jetës”, tha presidentja, duke shtuar se zgjidhjet duhet të merren pas një debati të gjerë publik dhe duke peshuar argumentet “pro” dhe “kundër”.
Lidhur me pritjet e saj për marrëdhëniet me qeverinë e re të Bullgarisë, Siljanovska Davkova deklaroi se pritjet duhet të drejtohen nga qeveria e re bullgare dhe kryeministri Rumen Radev, duke theksuar se populli bullgar pret stabilitet, reforma dhe luftë kundër korrupsionit dhe krimit.
Lidhur me kërkesat e organizatave joqeveritare për të vënë veton ndaj Ligjit për Burimet Minerale, presidentja theksoi se ato kanë një rol të rëndësishëm në shoqëri dhe meritojnë, siç e tha ajo, një “vend të gjelbër” në parlament.
Sipas saj, garancitë për mbrojtjen e mjedisit nuk përmbahen në këto ligje.
“Ato ligje, nëse keni parasysh Ligjin për burimet minerale, merren kryesisht me çështjet e energjisë. Ne kemi Kushtetutë, kemi edhe Ligj për mbrojtjen e mjedisit – ky është çelësi i qëndrimit ndaj këtyre ligjeve”, shtoi Siljanovska Davkova.
Ajo theksoi se shteti duhet të përgatitet njëkohësisht për sfidat e ardhshme energjetike dhe të kujdeset për natyrën.
Për ditë me radhë koalicioni VLEN ka ngritur intensitetit e aktivitetit publik duke paralajmëruër Kongresin e Bashkimit.
Sipas tyre e shtuna, do të kurorëzojë përpjekjet për unifikimin e faktorit politik shqiptar.
Koalicioni VLEN, nesër më 9 Maj – në Ditën e Evropës, do të mbajë Kongresin e bashkimit, ku 5 subjekte politike formalisht duhet të miratojnë vendimin për të vepruar si subjekt i vetëm politik në kuadër të bllokut politik shqiptar në vend. Në prag të Kongresit, VLEN doli me mesazhin se procesi i bashkimit ka qenë i gjatë dhe përplot me sfida politike, dyshime dhe tentativa për të parandaluar këtë process. Sipas VLEN-it, ky bashkim ka peshë historike dhe se ky është premtimi që VLEN ua dha shqiptarëve. Por, si e shohin qytetarët, këtë Kongres dhe këtë bashkim të VLEN-it?
“Çdo bashkim është i mirë. Madje unë kisha thënë se që të bashkohen të gjitha partitë”
“Edhe atë gajle do ia mbajë VLEN-it, unë jam plak”
“Më mirë me u bashkuar”
“Më mirë është. Deri tani Bilall Kasami ka punuar mirë. Jam i gëzuar”
“Mendoj se është mirë. Bilall Kasami duhet të jetë Kryetar”
“Është më mirë për shqiptarët. Cili të jetë Kryetar vet le ta vlerësojnë”
“Normalisht se është mirë. Sa më të bashkuar aq më mirë. Vet si do të vendosin organmet partiake, mendoj se Izeti do të ishte më mirë”
Pas Kongresit, VLEN, si pjesë e Qeverisë, do të duhet të përballet me shumë sfida që prekin drejtpërdrejtë qytetarët.
Situata ekonomike, migrimi i të rinjve, pozita e shqiptarëve, gjuha shqipe, eurointegrimet evropiane e shumë çështje tjera duhet që nga premtimet të shndërrohen në rezultate të prekshme./Tv Koha/
‘Fitonin’ 34 mijë euro me mallverzimeve gjatë shit-blerjes së veturave të konfiskuara
Siljanovska: Balancuesi krijoi pushtet të korruptuar, ligjet duhet të miratohen me procedurë të rregullt
KONGRESI I VLEN – QYTETARËT MIRËPRESIN BASHKIMIN!
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Azizi zbulon dyfytyrësinë e Ali Ahmetit: Ja vazali që e mbronte Gruevskin
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
