Connect with us

Lajme nga vendi

Pesë fëmijë të shtruar në spital, 50 raste të reja me kollën e keqe nga 1 deri më 7 mars

Published

on

Në Maqedoninë e Veriut, situata e infeksioneve të kollës së keqe vazhdon të jetë në vëmendjen e opinionit publik. Sipas raporteve të fundit nga Institutit për Shëndet Publik, numri i rasteve të reja vazhdon të rritet, me një shqetësim të veçantë për shtimin e tyre te fëmijët.

Në raportin e datës 7 mars, u raportuan 50 raste të reja me kollë të keqe. Shumica e këtyre rasteve u lokalizuan në Shkup, me 43 raste, ndërsa të tjerat u raportuan në qytete të ndryshme si Tetova, Koçani, Kavadar, Kumanova dhe Manastiri.

Ndër të sëmurët, pesë persona janë shtruar në spital, duke përfshirë katër fëmijë nën një vjeç dhe një person në grupmoshën 1-4 vjeç. Mosha e përgjithshme e të sëmurëve shkon deri në 40 vjeç, por numri më i madh i rasteve është tek fëmijët në grupmoshën 10-14 vjeç.

Në përgjithësi, deri në datën 7 mars, numri i rasteve të regjistruara të kollës së keqe në Maqedoninë e Veriut është 173, me një incidencë prej 9.4 për 100,000 banorë. Përveç Shkupit, raste janë raportuar në komuna të ndryshme si Tetova, Kumanova, Gostivari, etj.

Ndër faktet më shqetësuese është se një pjesë e madhe e të sëmurëve nuk janë vaksinuar ose nuk janë vaksinuar plotësisht sipas moshës, duke theksuar nevojën për një përqendrim të madh në fushatën e vaksinimit.

Advertisement

Autoritetet shëndetësore kanë ngritur alarmin dhe kanë nisur fushata intensive për të mbuluar personat e papërgjistruar, të pavaksinuar dhe ata që kanë nevojë për rivaksinim. Kjo përfshin edhe shqyrtimin e pikeve të vaksinimit në të gjithë vendin dhe thirrjen e qytetarëve për të marrë vaksinën sipas kalendarit kombëtar të imunizimit.

Ndër masat e fundit të ndërmarra janë edhe inspektimet në qendrat e shëndetit publik për të identifikuar fëmijët që kanë munguar vaksinimin, me synimin e vaksinimit të tyre për të siguruar mbrojtje më të mirë kundër kollës së keqe.

Lajme nga vendi

Kryetari i Kuvendit Afrim Gashi Dekreton Ligjin për Shkollat Fetare – Përmbyllet Procedura Parlamentare

Published

on

Ka përfunduar me sukses edhe faza e fundit e miratimit të Ligjit për institucionet e arsimit të mesëm të bashkësive fetare, me nënshkrimin e dekretit nga Kryetari i Kuvendit, Afrim Gashi.

Nga Kuvendi bëjnë të ditur se me këtë akt përmbyllet procedura parlamentare për ligjin në fjalë, duke i dhënë dritën jeshile hyrjes së tij në fuqi. Dekreti i nënshkruar sot nga Kryetari Gashi formalizon ligjin, i cili synon garantimin e të drejtave të barabarta për institucionet e arsimit fetar.

Ky ligj shënon një zhvillim të rëndësishëm në zgjidhjen e çështjes shumëvjeçare të statusit të Medresesë “Isa Beu” në Shkup, një prej temave më të debatueshme në fushën e arsimit në dekadat e fundit. Me miratimin e këtij ligji, shkolla teologjike fiton status të barabartë me institucionet e tjera të arsimit të mesëm në vend.

Nga Kuvendi theksohet se ky vendim është një dëshmi konkrete e angazhimit institucional për barazi reale në arsim dhe për garantimin e të drejtave të të gjithë qytetarëve, pa dallim përkatësie etnike apo fetare.

Continue Reading

Lajme nga vendi

Ibrahimi: Tetova në festë me gjallërinë e mërgatës dhe mikpritjen e Komunës

Published

on

Kryetari i Alternativës dhe një nga liderët e koalicionit VLEN, Zeqirija Ibrahimi, ka përshkruar atmosferën festive që mbizotëron në Tetovë gjatë verës, falë kthimit të mërgimtarëve dhe angazhimit të Komunës për të gjallëruar qytetin.

“Tetova n’festë! Vera është ndryshe, në mesin e tetovarëve, vëllezërve dhe motrave tanë të ardhur nga mërgimi, që i dhuruan gjallëri qytetit,” shkruan Ibrahimi në statusin e tij.

Ai vlerësoi kryetarin e Komunës së Tetovës, Bilall Kasami, për përkushtimin në organizimin e aktiviteteve kulturore e muzikore çdo natë, duke u ofruar argëtim qytetarëve të të gjitha grupmoshave.

 

“Po, me të vërtetë është në festë!” përfundon mesazhin e tij Ibrahimi, duke e përshkruar atmosferën si një reflektim të gjallë të dashurisë për vendlindjen dhe respektit për ata që jetojnë jashtë.

Advertisement
Continue Reading

Lajme nga vendi

Kuvendi me 80 vota “për” zgjodhi statusin e shumë pritur të medresantëve

Published

on

Kuvendi i Maqedonisë së Veriut me 80 vota “për” dje pasdite miratoi Ligjin për Institucionet e Arsimit të Mesëm të Bashkësive Fetare, me të cilin nxënësve të shkollave fetare u lejohet të japin testin e maturës dhe të regjistrohen nëpër universitetet shtetërore.Votimi u mbështet edhe nga deputetët e Frontit Evropian të cilët votuan edhe në raundin me badenter.Kjo zgjidhje ligjore vjen pasi më 30 prill të këtij viti Gjykata Kushtetuese shfuqizoi vendimin e Qeverisë së kryeministri teknik Talat Xhaferi, me të cilin Medreseja Isa Beu mori statusin e shkollës së mesme private – gjimnaz.Sipas kushtetueses, vendimi i Xhaferit kishte qenë antikushtetues dhe antiligjor dhe me të njëjtin është shkelur parimi i sekularitetit të shtetit.Ligji që kaloi në kuvend tejkalon problemin shumëvjeçar të medresantëve të cilët nuk mundeshin të vazhdonin shkollimin e lartë në universitetet shtetërore.Korniza, sipas shumicës parlamentare është bërë në përputhje me Kushtetutën, ligjin për Arsim të Mesëm si dhe Ligjin për Statusin Juridik të Kishës, Bashkësisë Fetare Islame dhe Grupit Fetar në vend.Byroja për Zhvillimin e Arsimit do të jetë ombrella e përputhshmërisë së planprogrameve të këtyre shkollave fetare, konkretisht shkollës Teologjike Ortodokse Maqedonase “Shën Klimenti i Ohrit” Shkup dhe Shkollës së Mesme Islame “Medreseja Isa Beu” – Shkup.Planprogramet e këtyre shkollave do të përputhen me Konceptin për maturën shtetërore, Maturën shkollore dhe Provimin përfundimtar të miratuar nga Ministria e Arsimit.Duke falënderuar Qeverinë, Bashkësia Fetare Islame theksoi se me votimin e ligjin, nxënësit e Medresesë tash e tutje do të jenë të barabartë me nxënësit e të gjitha shkollave tjera në vend.

 

Continue Reading

Më të lexuarat