Ndërtimi i dy objekteve shkollore, ndërtimi i objektit të komunës së Tetovës si dhe vazhdimi i bulevardeve deri në përfundimin e tyre. Këto janë projektimet e planit zhvillimor komunal për katër vitet e ardhshme që u votuan sot nga këshilli komunal i Tetovës.

“Bëhet fjalë gjithashtu edhe për kofinancim të projekteve të cilat do të realizohen me të ashtu quajturën kredi holandeze, por për komunat do jenë si grant, me çrast komuna e Tetovës, ka paraparë që, nëse, ofertat e operatorëve ekonomik janë më të larta nga financimi i Qeverisë, pjesën e mbetur ta mbuljoë komuna e Tetovës. Pra fjala është për një vlerë investimesh kapitale në infrastrukturën e komunës në një vlerë që tejkalon mbi 18 milion euro, me çka 11 janë financim nga Qeveria ndërsa pjesa tjetër mbulohet nga komuna e Tetovës”, deklaroi Bilall Kasami. Kryetar i komunës së Tetovës.

Sipas Kasamit, fokusi kryesor i investimit në katër vitet e ardhshme në kuadër të programit zhvillimor, do të jetë ndërtimi i dy shkollave të mesme.

“Në kuadër të këtyre projekteve, është ndërtimi i dy shkollave për “& Marsin” dhe shkollës Tekstile. Ndërtimi i objektit të komunës së Tetovës këtu ku ishin barakat e inspektoratit, dhe vazhdimi i bulevardit Bato nga Kazerma deri në Poroj. Është edhe rreth rruga qarkore në kodër të Diellit dhe dy kanalizime që janë fokusi kryesor i komunës së Tetovës”, tha Bilall Kasami. Kryetar i komunës së Tetovës.

Ndryshe, në Seancën e sotme u dha dritë jeshile edhe për përfundimin e Bulevardit tek kazerma e qytetit, i cili për më shumë se dhjetë vite ka mbetur pa asfaltuar shkaku i mos arritjes së pajtimit me disa banorë për rrënimin e objekteve të tyre.

Advertisement

Ministria për Punë të Brendshme njofton publikun se për shkak të ri-ndezjes së zjarrit pranë Bllacës, trafiku në rrugën kufitare Shkup-Bllacë është ndërprerë plotësisht në të dyja drejtimet, dhe është mbyllur edhe pika kufitare e Bllacës.

Ministria e Brendshme, në koordinim me institucionet e tjera kompetente, po merr masa për shuarjen e zjarrit.
U bëjmë thirrje qytetarëve që të mos udhëtojnë drejt pikës kufitare të Bllacës derisa të shuhet zjarri dhe të normalizohet trafiku, për të cilën do ta informojmë publikun përkatësisht.

Visar Ademi sot ka njoftuar se do të jetë kandidatë i pavarur në Komunën e Gostivarit.

Ademi thotë se në zgjedhjet lokale që priten të mbahen në muajin tetor pret të marrë mbështetje nga qytetarët e Gostivarit.

“Të dashur miq, dua të ndaj një lajm të madh me Ju.

Nga sot shpall kandidaturën time të pavarur për kryetar të Komunës së Gostivarit.

Pres përkrahjen tuaj për ta bërë Gostivarin, qytet më të mirë për të gjithë.

Advertisement

Shihemi në qytet!”, shkruan Ademi në profilin e tij në Facebook.