Lajme nga vendi
Banorët e malësisë së Sharrit nuk mund të marrin drutë në tokën e tyre
Një pjesë e madhe e banorëve të fshatrave të malësisë së Sharrit, po heqin të zitë e ullirit për të siguruar drutë e dimrit. Me themelimin e Parkut Kombëtar u ndalua prerja e druve në vendin që llogaritet si tokë shtetërore, por është ndërprerë në disa fshatra edhe nëpër prona private. Banorët duhet të bëjnë kërkesë në parkun Kombëtar dhe të sigurojnë një numër të madh dokumentesh, për të cilat ankohen se kostoja është tepër e lartë.
“Në pronë të shteti as që diskutohet, as që e mendojmë, por ata në pronat tona nuk na lejojnë. Si do ia bëjmë? Si çdo vit me shumë probleme. Rrallë kush i ka pronësinë e rregulluar. Duhet të ketë lehtësime, që të mos kërkohen aq shumë dokumente”, tha një banor.
“Mali jot, toka jote, po s’ka s’lejojnë. Një herë për një herë në malësi gjithë jemi duke heq ditë të zeza. Po të zunë në të zezë një mijë euro dënimi, por çka të bëj unë, skam as rrogë as pension. Kërkojnë shumë dokumente që kushtojnë shumë para. Kërkojnë skicën pastaj të bësh elaboratin, mbesin atje dhjetë metra dru”, theksoi një tjetër banor.
“Nuk e dimë, presim të ketë ndryshime se s’ka logjik kjo. Në arë tënde s’mund të presësh dru, kërkojnë një krah dokumente”, shtoi një banor tjetër.
Nga Parku Kombëtar “Mali Sharr”, paralajmërojnë se së shpejti do të lehtësohen procedurat.
“Për të zgjidhur këtë problem për prerje të druve furnizimi me masë drurore nga prona shtetërore, ky ishte problemi sepse për pronat private u zgjidh tashmë. Për pronat shtetërore, kemi hapur proces për rregullimin e prerjes së masës drurore, ka kaluar faza e parë dhe tash jemi në përgatitje të planeve për të zgjidh problemin në gjitha fshatrat për furnizim me masë drurore nga pronat shtetërore”, tha Ibrahim Dehari. Drejtor i Parkut kombëtar “Mali Sharr”.
Pas reagimeve të shumta të VLEN-it ndaj qëndrimeve të tij kundër mbajtjes së provimit të jurisprudencës edhe në gjuhën shqipe, kryetari i Komunës së Kumanovës dhe lideri i ZNAM-it, Maksim Dimitrievski, sot ka vendosur flamurin shqiptar në objektin e komunës.
Dimitrievski ditëve të fundit shkaktoi reagime të ashpra në opinion, pasi paralajmëroi se ZNAM-i do të largohet nga Qeveria nëse lejohet që provimi i jurisprudencës të mbahet edhe në një gjuhë tjetër përveç maqedonishtes.
Qëndrimet e tij u kundërshtuan nga përfaqësuesit e VLEN-it. Bashkëkryetari Izet Mexhiti, në një reagim publik, i kujtoi Dimitrievskit se edhe vetë Komuna e Kumanovës funksionon në dy gjuhë, duke i bërë thirrje që, nëse e pengon përdorimi i shqipes, të lirojë postin e kryetarit të komunës.
Vendosja e flamurit shqiptar në Komunën e Kumanovës vjen në kohën e debatit të ashpër politik për të drejtat gjuhësore dhe pas reagimeve të VLEN-it ndaj deklaratave të liderit të ZNAM-it.
Numri i personave që kanë humbur jetën në aksidente trafiku është ulur për rreth 29 për qind, krahasuar me dy vitet paraprake, njoftoi sot ministri i Punëve të Brendshme, Pançe Toshkovski.
Një numër i madh funksionarësh, ministrash, drejtorësh dhe personash nga institucionet fetare kanë qenë në listën e të ndëshkuarve për kundërvajtje në trafik, pasi janë regjistruar nga sistemi “Qytet i Sigurt”.
Ministri i Punëve të Brendshme, Pançe Toshkovski, tha se kishte pasur ndërhyrje për anulimin e gjobave, por ato kanë pushuar pas reagimit të tij të ashpër.
Kundërvajtjet në trafik, sipas tij, janë bërë si me automjete zyrtare, ashtu edhe me ato private, por të gjitha gjobat janë paguar.
Sipas tij, “Safe City” ka ulur ndjeshëm aksidentet me epilog fatal në trafik.
PANÇE TOSHKOVSKI – Ministër i Brendshëm
“Në 15 vitet e fundit në rrugët e Maqedonisë kanë humbur jetën 2.131 persona mesatarisht 142 persona në vit. Gjatë periudhës janar-tetor të këtij viti, në aksidente trafiku kanë humbur jetën 85 persona, kundrejt 117 viktimave në të njëjtën periudhë të vitit të kaluar dhe 119 në vitin 2024.Bëhet fjalë për një ulje prej rreth 29 për qind”
Ministria e Punëve të Brendshme, me projektin “Qytet i Sigurt”, ka fituar vendin e parë në kategorinë “Përsosmëri në Sigurinë e Trafikut” në Samitin Botëror të Policisë, të mbajtur në Dubai, në Emiratet e Bashkuara Arabe, tha Ministri Toshkovski.
Projekti i Maqedonisë së Veriut u përzgjodh si më i miri në konkurrencë me Policinë e Singaporit, Policinë e Abu Dhabit, Drejtorinë e Rrugëve dhe Transportit të Dubait dhe shërbimin policor të shtetit indian Maharashtra.
Lajme nga vendi
Skandal në një shkollë të rrethinës së Tetovës: 51-vjeçari futet në klasat e shkollës dhe rreh dy nxënës të mitur!
.Dje në ora 18:10, punonjësit e policisë nga Stacioni Policor Grupçin kanë privuar nga liria një 51-vjeçar nga f. Trebosh. Sipas denoncimit, rreth orës 09:00, gjatë pushimit të madh, ai ka hyrë në ambientet e shkollës fillore në fshatin Trebosh, ka sulmuar fizikisht dy nxënës të mitur dhe u ka drejtuar kërcënime verbale. Ai është ndaluar në stacionin policor dhe pas dokumentimit të rastit do të pasojë kallëzimi përkatës.
LIGA E KOMBEVE: RMV-ja NISI PËRGATITJET PËR DY SFIDAT E NËNTORIT
A po zbutet Maksi, pas reagimeve të VLEN vendos flamurin shqiptar në komunë ?!
“QYTET I SIGURT”: 29% MË PAK VIKTIMA NË AKSIDENTE TRAFIKU!
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Azizi zbulon dyfytyrësinë e Ali Ahmetit: Ja vazali që e mbronte Gruevskin
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
-
Lajme nga rajoni2 months agoFilloi në Hagë seanca për deklaratat përfundimtare ndaj Thaçit dhe të tjerëve
-
Lajme nga rajoni2 months agoKa ndërruar jetë Flora Brovina, një nga figurat e njohura të jetës politike dhe shoqërore në Kosovë
-
Lajme nga rajoni2 months agoThaçi e Krasniqi dënohen me nga 25 vjet burgim, Veseli 18 e Selimi 13