Të nderuar qytetarë, të nderuara media, sot ndajmë me qytetarët një nga lajmet më të jashtëzakonshme të këtij mandati, jo thjesht një statistikë buxhetore apo projekt ndërtimor, por një fitore njerëzore, një hap civilizues dhe një akt i thellë moral ndaj një rajoni që për shumë vite ishte lënë në harresë: Kërçova do të ketë një spital të ri, tërësisht modern, të denjë për shekullin XXI dhe për qytetarët që jetojnë me krenari, dinjitet dhe besim në këtë vend, deklaroi Bekim Sali nga Vleni, të cilën e transmeton në mënyrë integrale.

Falë përkushtimit të palëkundur të Ministrisë së Shëndetësisë dhe vizionit të ministrit Azir Aliu, si dhe bashkëpunimit të ngushtë me institucionet qeveritare dhe komunale, projekti i ri për ndërtimin nga themeli të Spitalit të Kërçovës është tanimë realitet i pashmangshëm. Jo më premtime në letër. Jo më beton i harruar nga koha. Por një vepër që flet me gjuhën e jetës, shërimit dhe dinjitetit njerëzor.

Investimi prej 47.5 milionë euro në Kërçovë do të mundësojë ndërtimin e një qendre rajonale të standardeve europiane, me infrastrukturë të re moderne, me pajisje mjekësore të fjalës së fundit dhe me kushte që frymëzojnë siguri e besim për pacientët dhe për personelin profesional. Do të jetë një spital ku mjekësia takohet me etikën, ku profesionalizmi takohet me respektin, dhe ku shërbimi nuk është privilegj, por e drejtë njerëzore.

Të nderuar,

Në këtë qendër shëndetësore do të gravitojnë qytetarë nga Kërçova, Makedonski Brod, Pllasnica, Zajazi, Vraneshtica, Demir Hisari e më gjerë, dhe për herë të parë pas shumë dekadash do të ndihen të barabartë, të përfaqësuar dhe të përkujdesur. Spitali i Kërçovës nuk do të jetë më objekt i turpit dhe neglizhencës, por simbol i një epoke të re që po ndërtojmë së bashku. Ministri Azir Aliu e ka kthyer shëndetësinë në prioritet strategjik të qeverisë, jo vetëm me fjalë, por me projekte konkrete që transformojnë realitetin në Tetovë, Shkup, Kërçovë dhe në gjithë vendin. Vetëm në Tetovë, investimi për përmirësimin e infrastrukturës spitalore kap shifrën 77.5 milionë euro, që përfshijnë ndërtimin e dy objekteve të reja, rinovimin e bllokut të kirurgjisë dhe internistikës, si dhe Fakultetin e ri të Mjekësisë, i cili do t’i japë Tetovës statusin e një qendre të plotë klinike dhe akademike.

Advertisement

Me këtë vizion, ministri Aliu po lë pas një trashëgimi për brezat që vijnë, një sistem shëndetësor që shëron me nder, respekton me vlerë dhe frymëzon me përkushtim.

E ritheksojmë me bindje: VLEN nuk e sheh shëndetësinë si shpenzim, por si investim kombëtar. VLEN nuk i shikon qytetarët si numra në lista, por si jetë me dinjitet që duhet mbrojtur.

Faleminderit për besimin që nuk u shua, edhe kur vonesa zgjati më shumë seç duhej. Sot ai besim po shpërblehet jo me fjalë boshe, por me dinjitet të prekshëm dhe punë konkrete. Koha e pritjes ka kaluar, tani është koha e realizimit.

Link për te video:
https://www.filemail.com/d/atlsoqdriyzohlp

Advertisement

Kandidati i koalicionit VLEN, për kryetar të Çairit, Izet Mexhiti, sot ka njoftuar se ka qëndruar në Fushë Topanë ku ka inspektuar punimet për ndërtimin e njërit prej lokacioneve për parkingje të planifikuara në këtë zonë nga Komuna e Çairit.
“Sot e nisa ditën në terren, në Lagjen Fushë Topanë, ku inspektuam nga afër punimet për ndërtimin e njërit prej lokacioneve për parkingje të planifikuara në këtë zonë nga Komuna e Çairit.
Me këtë projekt synojmë ta përmirësojmë infrastrukturën urbane, dhe të zgjidhim problemin e kahershëm me mungesën e hapësirave për parkim, një sfidë që prej kohësh e ka vështirësuar përditshmërinë e banorëve.
Ky është një hap konkret që do të sjell lehtësim të drejtpërdrejtë për qytetarët dhe tregon se kur punohet me seriozitet, rezultatet janë të prekshme.
Do të vazhdojmë me të njëjtin përkushtim në çdo lagje, duke e mbajtur qytetarin gjithmonë në qendër të vendimmarrjes”, ka shkruar Mexhiti.

Ne punuam me shumë kujdes në ligjin për shkollat fetare, domethënë ligjin për kalimin e nxënësve nga shkollat fetare, tha Ministrja e Arsimit dhe Shkencës Vesna Janevska në lidhje me ligjin, të miratuar në Kuvend më 29 korrik, i cili u lejon nxënësve nga këto shkolla të japin provimin e maturës shtetërore dhe të regjistrohen në universitete, njësoj si nxënësit nga llojet e tjera të arsimit nga shkolla e mesme, profesionale dhe artistike.

Duke iu përgjigjur në pyetjen e gazetarëve sot në një konferencë për shtyp kushtuar rezultateve të maturës shtetërore, Janevska tregoi se ata konsultuan shumë literaturë dhe ligje nga vendet fqinjë, Bullgaria, Serbia, Shqipëria, Kroacia, Sllovenia, si dhe nga Gjermania dhe Anglia dhe vendet e BE-së.

“Kemi parë që këto vende e zgjidhin arsimin fetar në një mënyrë shumë të ngjashme midis tyre. Ne jemi përpjekur ta bëjmë kushtetues dhe, nëse e lexoni me kujdes ligjin, nuk ka ndërhyrje të shtetit në arsimin fetar, domethënë, ky ligj nuk shkel laicitetin e shtetit. Megjithatë, për atë arsim, për të siguruar kalimin e nxënësve më tej në institucionet e arsimit të lartë, shteti po jep një propozim se si mund të bëhet. Nëse shkollat fetare duan, ato do ta respektojnë ligjin dhe nxënësit do të mund të marrin maturën shtetërore, gjë që do t’u lejonte atyre të vazhdonin në fakultete të tjera përveç atyre teologjike”, tha Janevska.

Ajo shtoi se nëse shkollat nuk zgjedhin të veprojnë sipas këtij ligji, “ato janë plotësisht të ndara, ato do të kenë vetëm arsim fetar”.