Lajme nga vendi
Grupet parlamentare të partive në pushtet kanë dorëzuar interpelancë për punën e anëtarëve të Këshillit Gjyqësor të zgjedhur nga Kuvendi
Grupet parlamentare të partive në pushtet nga VMRO-DPMNE, VLEN dhe ZNAM sot kanë dorëzuar në dhomën ligjdhënëse interpelancë për punën e anëtarëve të Këshillit Gjyqësor të cilët i zgjedh Kuvendi.
“Përveç kësaj, ju kujtoj se grupi parlamentar i VMRO-DPMNE-së dhe Koalicionit votuan kundër Raportit vjetor për punën e Këshillit Gjyqësor për vitin 2023 dhe ai nuk u miratua nga Kuvendi. Kjo flet shumë dhe është vetëm një nga arsyet e shumta pse ne po paraqesim sot këtë interpelancë. Bashkimi Evropian dhe opinioni në Republikën e Maqedonisë vazhdimisht kanë theksuar mangësi serioze në punën e Këshillit Gjyqësor, veçanërisht në aspektin e pavarësisë, transparencës dhe llogaridhënies. Këto vërejtje janë të një rëndësie thelbësore për procesin e reformave në sektorin gjyqësor dhe përparimin e vendit drejt anëtarësimit në BE, tha në konferencën e sotme për shtypa, Nikolla Micevski, koordinator i grupit parlamentar të VMRO-DPMNE-së.
Ai thekson se deri më tani kanë pritur që Këshilli Gjyqësor vetë të inicojë iniciativa për shqyrtimin Raportit.
“Konkretisht, neni 100, paragrafi 8 i Ligjit për Këshillin Gjyqësor parasheh që nëse Kuvendi i Republikës së Maqedonisë nuk e miraton Raportin për punën e Këshillit Gjyqësor dhe ai i njëjti nuk është miratuar, kjo do të jetë bazë për inicimin e debatit para organeve që i kanë zgjedhur anëtarët e Këshillit Gjyqësor për punën e tyre në Këshill. Domethënë, sipas atij neni, ata vetë duhej të fillonin punën për shqyrtimin e raportit negativ që erdhi nga Kuvendi, i cili zgjedh pesë nga 13 anëtarët e vetë Këshillit. Duhet të gjejmë një shkas që të fillojmë me një iniciativë të caktuar, neve na e jep ligji për disa nga anëtarët që kemi zgjedhur në Kuvend, sepse ashtu si janë zgjedhur, të njëjtët përfaqësues që i zgjedhin kanë të drejtë të diskutojnë dhe të flasin për punën e tyre, pas votimit të interpelancave do të shohim hapat e radhës nga Këshilli Gjyqësor”, tha ai.
Sipas Micevskit, zgjidhja e këtyre sfidave është e nevojshme për të rikthyer besimin në sistemin gjyqësor dhe për të forcuar sundimin e ligjit.
“Këshilli Gjyqësor është institucion kyç për funksionimin e shtetin e së drejtës dhe ruajtjen e sundimit të ligjit në Maqedoni. Prandaj, çdo hije dyshimi në punën e anëtarëve të tij duhet të analizohet thellësisht dhe publiku duhet të sigurohet se Këshilli punon me ndershmëri, profesionalizëm dhe në interes të qytetarëve. Qëllimi ynë është që të kontribuojmë dhe të bëjmë gjithçka në kuadër të kompetencave dhe mundësive tona kushtetuese dhe procedurale për të mundësuar një sistem gjyqësor më të mirë, më efikas dhe të pavarur që do të thotë dhe do të sjellë drejtësi të madhe për çdo qytetar të Maqedonisë njësoj”, tha Micevski.
Ai dërgoi mesazh se është koha për të vënë rregull në sistemin e rrënuar të drejtësisë së Maqedonisë përmes reformave serioze dhe ndryshimeve rrënjësore që, siç tha ai, “do të nënkuptojnë fillimin e fundit të keqpërdorimeve, padrejtësive, zhgënjimeve dhe praktikave negative të deritanishme në gjyqësorin në Maqedoni”.
Ai kërkoi mbështetjen e të gjitha partive parlamentare opozitare dhe të gjithë deputetëve të tjerë për këto ndryshime.
Moti sot në Maqedoninë e Veriut do të jetë me diell dhe vranësira lokale.
Në vend do të fryjë një erë e lehtë nga drejtimi veriperëndimor.
Temperaturat minimale do të lëvizin nga 1 deri 8, ndërsa temperaturat maksimale do të lëvizin nga 20 deri 26 gradë celsius.
Në fund të javës moti do të jetë me vranësira dhe reshje lokale të shiut.
“Ministria e Drejtësisë e respekton të drejtën për protestë si një nga të drejtat themelore demokratike të çdo qytetari. Shprehja e lirë e qëndrimeve dhe iniciativave përmes tubimeve publike përbën një segment të rëndësishëm të shoqërisë demokratike dhe kontribuon në avancimin e dialogut publik – thuhet në reagimin e Ministrisë së Drejtësisë, pas protestës së sotme të studentëve.
Ministria e Drejtësisë përmes një komunikate thotë se me keqardhje konstaton se protesta e sotme edhe një herë tregoi përpjekje për manipulim të qytetarëve nga struktura politike që për më shumë se dy dekada kanë marrë pjesë drejtpërdrejt në krijimin e gjendjeve të këqija në sistemin e drejtësisë.
Sipas Ministrisë së Drejtësisë, këto veprime hapin dyshime për përpjekje për manipulim publik dhe instrumentalizim përmes nxitjes së çështjeve të ndjeshme, si dhe përdorimit të dukshëm të retorikës etnike për arritjen e qëllimeve afatshkurtra politike.
Në këtë kontekst, sipas Ministrisë së Drejtësisë, është evidente edhe mungesa e përdorimit të simboleve shtetërore në protestën e sotme, gjë që, sic thonë, vë në pikëpyetje kapacitetin demokratik të organizatorëve dhe qëndrimin e tyre ndaj shtetit dhe rendit kushtetues.
Sa i përket kërkesave lidhur me dhënien e provimit të jurisprudencës, Ministria e Drejtësisë edhe një herë thekson dhe konfirmon se ai zhvillohet në përputhje me kornizën ligjore në fuqi. Bëhet fjalë për një provim profesional që nuk përbën procedurë administrative, por një mekanizëm për sigurimin e cilësisë dhe profesionalizmit në sistemin e drejtësisë.
Ministria e Drejtësisë mbetet e hapur për dialog konstruktiv me të gjitha palët e interesuara dhe i shqyrton me kujdes të gjitha iniciativat dhe propozimet, ekskluzivisht në kuadër të kompetencave ligjore.
Nuk do të lejojmë asnjë keqpërdorim të Kushtetutës dhe ligjeve. – thuhet në reagimin e Ministrisë së Drejtësisë.
I përgëzoj studentët për protestën dinjitoze dhe vetëdijen e lartë qytetare që e dëshmuan sot.
Kërkesa e tyre është e drejtë dhe, siç ju kam premtuar edhe në takimin tonë të parë, këtë çështje do ta zgjidhim. Për herë të parë pas pavarësisë së shtetit Provimi i Jurisprudencës do të mbahet edhe në gjuhën shqipe! – kështu ka shkruar në Facebook, kreu i Komunës së Tetovës, Bilall Kasami, duke pohuar se elita milionere e ish-pushtetit, e cila, sic thotë, tentoi të kontrabandohet në krye të kauzës së pastër studentore, sot dështoi keq. Ky popull i njeh mirë. Tinëzitë e tyre nuk kalojnë.
Por, pas takimit me zyrtaren e Ambasadës Amerikane në Shkup, një nga krerët e koalicionit VLEN u prononcua edhe para gazetarqëve.
Protestën e studentëve e kanë ndjekur edhe deputetë e zyrtarë të Bashkimit Demokratik për Integrim.
Bujar Osmani përmes një postimi në Facebook thotë se në protestën e studentëve ka qenë si ligjerues, si prind po edhe si politikan.
“Ishte një vorbull emocionesh. Nga njëra anë u ndjeva krenar. Krenar për një gjeneratë që nuk bën kompromis për dinjitetin e vet.
Po në të njëjtën kohë u ndjeva edhe keq. Keq për ku e kanë sjellë disa politikanë shqiptarë këtë popull në pak vite” shkruan Osmani duke potencuar, sic thotë, prapa këtij degradimi ka emra dhe mbiemra konkret, të cilët, sipas tij, kanë me mbet në faqet e errëta të historisë.
Ka reaguar edhe Arbër Ademi i BDI-së, pas publikimit të pamjeve nëpër rrjetet sociale ku një qytetarë i kërkon të largohet nga protesta.
Personin në fjalë, Arbër Ademi e ka identifikuar si aktivist të Izet Mexhitit, duke pohuar se ky provokim ishte për kamera duke dashur të kompromitohet një kauzë studentore dhe jopartiake për ta mbrojtur Fillkovin dhe hajnitë e tyre.
“VLEN-i erdhi për ta prishur protestën, por nuk ia doli.
Studentët do t’ia dalin mbanë, deshën apo nuk deshën ata që sot frika u ka hyrë në palcë” – thuhet në postimin e Arbër Ademit.
Moti sot në Maqedoninë e Veriut
MINISTRIA E DREJTËSISË: JEMI PËR DIALOG – POR VETËM NË BAZË TË KUSHTETUTËS!
PROTESTA E STUDENTËVE: AKUZA E KUNDËRAKUZA VLEN – BDI!
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
Shkup, panairi i patundshmërive të Dubait! Citi Casa rikthehet në hapësirat e COWORK21 më 31 maj dhe 1 qershor
-
Lajme nga rajoni2 weeks agoZbardhet dëshmia e autorit të vrasjes së Liridonës, Plava: Kisha marrëveshje me Murselin, më tha se Behgjet Pacolli ka qenë në dijeni
-
Lajme nga bota2 weeks ago“Do jem makthi i Iranit”, Trump ‘kërcënon’ sërish: Nëse nuk ulen në negociata, bombardimet do të shtohen
-
Lajme nga vendi2 months ago20-vjecari nga fshati Novo Sellë е Tetovës drejtonte mjetin pa leje i sekuestohet përkohësisht “BMV”