Sport
BOTËRORI 2026Ë: SONTE PËRBALLEN BELGJIKA – MAQEDONIA
Sonte me fillim në ora 20:45 në Gent të Belgjikës zhvillohet ndeshja kualifikuese për Kupën e Botës, mes Belgjikës dhe Maqedonisë së Veriut
Përfaqësuesja e Maqedonisë sonte me fillim n; ora 20 e 45 në Gent do të luajë ndeshjen e raundit të gjashtë të grupit ‘J’ për kualifikim në Botërorin 2026. Ekipi nën drejtimin e seleksionuesit Bllagoja Milevski mbrëmë ka zhvilluar seancën e fundit stërvitore para ndeshjes së sotme, ndërsa pra fillimit të seancës stërvitore në pres konferencën zyrtare para gazetarëve folën seleksionuesi Bllagoja Milevski dhe futbollisti Visar Musliu. Trajneri Milevski tha se përfaqësuesja jonë ka ardhur në Belgjikë si ekipi i vendit të parë në grup, prandaj beson se të ekipi i tij do të japi më të mirën e mundshme.
“Mund të them se jam krenar për lojtarët e mi, jo vetëm në këto kualifikuese, por edhe në vitet e kaluara. Me paraqitjen në Ligën e Kombeve, me këtë cikël, me një play off pothuajse të garantuar. Ky është burimi i energjisë që na duhet për të ecur përpara. Belgjika ka një listë të jashtëzakonshme, ata janë ende favoritë në grup, por ne vazhdojmë të ëndërrojmë dhe nuk presim ndeshje vendimtare. Do të bëjmë gjithçka për të arritur qëllimin tonë. Kemi djem të mrekullueshëm, të cilët gjithmonë japin maksimumin dhe janë këtu për Maqedoninë“, tha trajneri Milevski në konferencën për shtyp.
Nga ana tjetër mbrojtësi Visar Musliu si gjithmonë i gatshëm për të dhënë më të mirën komento mungesën e Llukakut në ekipin belg.
“Normalisht që do të vërehet, por nuk është ndonjë mungesë e madhe sepse reprezentacioni i Belgjikës gjithashtu ka lojtar kualitativ si Openda si Batshuai , Banaken, De Brujne, mos nisi tani ti numëroj . Po kjo nuk është se ne nuk mund t’ia arrijmë qëllimit tonë nëse e përsërisim ndeshjen në Shkup me të njejtiën dëshirë me të njëjtin entuziazëm , besojmë se mund ta arrijmë deri në rezultatin pozitiv“, tha mbrojtësi Visar Musliu.
Dueli ndërmjet Belgjikës dhe Maqedonisë së Veriut do të zhvillohet të premten në mbrëmje, duke nisur nga ora 20:45, ndërsa drejtësinë do të ndaj arbitri nga Turqia Halil Umut Meler.
SHABAN SINANI – TV KOHA
Java e 11-të e Ligës së Parë hapet të premten me ndeshjen që do të zhvillohet në Kratovë mes Sileksit dhe Shkëndijës së Haraçinës.
Skuadra vendase në 10-të xhirot e zhvilluara ka grumbulluar 13 pikë, ndërsa Shkëndija Haraçinës 14 pikë.
Kjo do të thotë se dy ekipet do të luajnë pa kalkulime për të fituar tre pikët shumë të vlefshme për t`i ikur zonës së rrezikut.
Trajner i haraçinasve Berat Imeri për Tv Koha tha se në Kratovë udhëtojnë për një paraqitje pozitive.
‘’Në tre ndeshjet e fundit arkëtuam një pikë edhe pse patëm rival relativisht më të fortë se ne , edhe pse ne me pikët jemi ok nga mesi i tabelës . Përveç 20 minutave të para kundër Strugës , unë mendoj se në të gjitha ndeshjet tjera kemi qenë aty, aty me kundërshtarët tonë. Edhe pse kundërshtarët ishin pak më lartë se ne me kualitet . Por mendoj se do mundohemi pikërisht këtë aspektin psikologjik të cilën e kemi në fillim të ndeshjes ta përmirësojmë dhe që nesër në Kratovë t shkojmë të bëjmë paraqitje pozitive, të japim maksimumin dhe pse jo të kthehemi me rezultat pozitivi‘’ deklaroi trajneri Berat Imeri
Trajneri Berat Imeri nuk fsheh ambicjet nga ndeshja në Kratovë. Do të ishte i kënaqur edhe më nje barazim, por sipas tij, skuadra çdoherë synon fitoren.
‘’Ne çdo ndeshje e përgatisim për fitore. Ne dimë forcën e kundërshtarit. Sileksi është një ekip shumë serioze një ekip me përvojë e cila disa vite me radhë ka të njëjtin ekip, të njëjtin trajner. Ne do shkojmë atje për ta fituar ndeshjen, por besoj që edhe me barazim do jemi të kënaqur ‘’ tha trajneri Imeri
Të dielën mbyllet java e 11-të me ndeshjet Arsimi – Bregallnica që fillon në ora 12:00 dhe Tikveshi – Bashkimi që fillon në ora 14:00.
Shtatë fitore të skuadrave vendase dhe katër të atyre mysafire është epilogu i ndeshjeve hapëse në kampionatin amerikan të basketbollit NBA.
Sezoni i ri i Ligës Profesionale Amerikane të Basketbollit (NBA, e 81-ta me radhë, nisi të martën.
Legjenda e basketbollit, LeBron Xhejms, është transferuar te Filadelfia, qendra greke Janis Adetokumbo ka kaluar te Majami, ndërsa Kavai Leonard është rikthyer në Toronto. Gjatë verës, skuadrat kanë ndryshuar edhe rreth dhjetë basketbollistë të tjerë që janë përzgjedhur për ndeshjen All-Star, shumica prej të cilëve kanë qenë pjesë edhe e pesësheve më të mira të NBA-së.
Synimi i të gjithëve është i njëjtë – ta zbresin Njujork Niksin nga froni i kampionit.
Në ndeshjet e zhvilluara mbrëmë, fitore në cilësinë e vendasit kanë realizuar Uashingtoni në përballjen me Millvokin , Toronto ndaj Çikagos , Memfisi ndaj UTAH, Hjustoni ndaj Dallasit, Lakers ndaj Golden State , Portland kundër Feniksit dhe Klipers ndaj Sakramentos.
Ndërkasq si mysafirë fitore kanë realizuar Atlanta ndaj Orlandos , Sharlote ndaj Bruklyn , Minnesota ndaj Miamit dhe Indiana në përballjen me Nju Orleans.
Raundi i dytë i kampionatit amerikan NBA vazhdon nesër dhe pasnesër me ndeshjet e raundit të dytë ku pritetn ndeshje spektakolare.
REZULTATET E NBA-së
Orlando – Atlanta 125-132
Uashington – Milwaukee 128-116
Brooklyn – Sharlotte 103-110
Miami – Minnesota 106-131
Toronto – Chicago 135-92
Memphis – Utah 123-103
Nju Orleans – Indiana 120-123
Houston – Dallas 128-110
Lakers – Golden State 127-105
Portland – Phoenix 124-83
Clippers – Sacramento 121-96
Mbrëmja e së mërkurës në UEFA Liga e Kampionëve ka dhuruar një spektakël të jashtëzakonshëm futbolli, ku u regjistruan 34 gola , përmbysje e por edhe zhgënjime . Pas kompletimit të tre xhirove të fazës së ligës pesë ekipe kryesojnë me nga 9 pikë
Vëmendja kryesore e të gjithë adhuruesve të futbollit ishte e përqendruar në “Allianz Arena” të Munihut, në sfidën super-derbi mes Bayern Munih dhe Arsenalit,. Dy gjigantët e futbollit evropian dhuruan një përballje fantastike që përfundoi në barazim 2-2. Anglezët kaluan të parët në avantazh me anë të Eberechi Eze në minutën e 25-të, por bavarezët u përgjigjën shpejt duke barazuar me Alphonso Davies në minutën e 35-të. Në pjesën e dytë, Harry Kane përmbysi shifrat nga pika e bardhë e penalltisë për Bayernin në minutën e 61-të, por Arsenal nuk u dorëzua dhe gjeti golin e barazimit 2-2 falë një goditjeje të saktë nga Declan Rice tetë minuta para fundit të kohës së rregullt.
Në ndeshjet e tjera të mbrëmjes, Real Madridi tregoi edhe një herë forcën e tij absolute në “Santiago Bernabéu”, duke mposhtur bindshëm RB Leipzigun me rezultatin e thellë 4-1. Për madrilenët shënuan Bernardo Silva, Arda Güler, Kylian Mbappé dhe Yan Diomandé, ndërsa golin e vetëm për gjermanët e realizoi Gomis.
Fitore mjaft të rëndësishme arriti edhe Interi që mposhti me rezultat minimal 1-0 Shakhtar Donetskun në një përballje mjaft me taktika. Me të njëjtin rezultat 1-0, Real Betisi triumfoi në shtëpi përballë holandezëve të Feyenoord.
Aston Villa vazhdoi ecurinë e saj pozitive duke mposhtur 3-1 norvegjezët e Viking në shtëpi, ndërsa belgët e Club Brizh dominuan plotësisht ndaj francezëve të Lens duke fituar me shifrat e pastra 3-0. Befasia më e madhe e kësaj mbrëmjeje u regjistrua në Lisbonë, ku austriakët e LASK arritën të përmbysnin Sportingun e Lisbonës dhe të merrnin një fitore të madhe me rezultatin 3-2 në transferta, duke mbyllur kështu një mbrëmje të magjishme të Ligës së Kampionëve. Como befasoi Mançester Junajtedin duke deklasuar me rezultatin 4-1, ndërsa Lille në cilësinë e vendasit pësoi 2-4 nga Gallatasaray.
Pas kompletimit të raundit të tretë pesë ekipe kryesojnë me nga 9 pikë maksimale si PSZH, Aston Villa, Liverpulli, Real Madridi dhe Betisi
Raundi i katërt i fazës së ligës në UEFA Liga e Kampionëve vazhdon më 3 dhe 4 nëntor.
Kronika e zezë – Tetovë dhe Gostivar, 22 Tetor
“Stolat” e betonit u rrokullisën në bulevard, Rama ironizon pedagogët dhe refuzimin e tyre për dialog: Erdhën përsëri…
Në shtator, tetë burra në Maqedoni u diagnostikuan me HIV, vetëm këtë vit janë regjistruar 49 raste të reja
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Azizi zbulon dyfytyrësinë e Ali Ahmetit: Ja vazali që e mbronte Gruevskin
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
