Lajme nga vendi
“Censusi”/ Gashi para se të shpall zgjedhjet do të kërkoj mendim për dy çështje, ja për çka bëhet fjalë
Kreu i Kuvendit Afrim Gashi do të kërkojë mendim për dy çështje para se të shpallë zgjedhjet e reja lokale për katër komunat ku nuk u arrit censusi i daljes në rrethin e parë të 19 tetorit. Gashi ka dyshime për atë se cilat në të vërtetë llogariten si rezultate përfundimtare, ato të rrethit të parë apo të rrethit të dytë, pasi çështja e censusit vlen vetëm për rrethin e parë.
“Kemi dy paqartësi. Duhet të drejtohemi deri te KSHZ të marrim mendim se çfarë do të thonë rezultate përfundimtare, a janë raportet pas zgjedhjeve të rrethit të parë ku thanë se nuk ka census për këto katër komuna, apo nga rrethi i dytë. Nga ana tjetër kemi situatë të re. Mandati i përbërjes aktuale të anëtarëve të KSHZ-së përfundon më 15 janar. I thirra të vijnë në Kuvend dhe të diskutojmë se si ta zgjidhim këtë që të mos kemi probleme në realizimin e zgjedhjeve. Nuk ka kuptim të shpallë konkurs për anëtarë të rinj të komisionit në mes të zgjedhjeve”, deklaroi Afrim Gashi – Kryetar i Kuvendit.
Gashi është i mendimit se nevojiten ndryshime në Kodin Zgjedhor veçanërisht në pjesën e censusit. Sipas tij, nuk ka kuptim që në komuna ku garojnë vetëm dy kandidatë, të vlejë edhe censusi edhe përqindja e votave. Thotë se në raste të tilla, kryetar që në rrethin e parë duhet të zgjidhet ai që fiton më tepër vota edhe pse nuk ka fituar së paku 50% të votave. Shembull të tillë pati në Bogovinë, ku në rrethin e parë Feti Abazi mori 48,83% të votave kundrejt Besnik Emshiut me 48,02% të votave. Kandidatë të tjerë nuk pati.
“Me koordinatorët e grupeve parlamentare biseduam për ndryshimet e kodit zgjedhor. Duhet të ulemi dhe të arrijmë marrëveshje sepse të gjithë kemi probleme. Pati mirëkuptim të diskutojmë dhe t’i sjellim ndryshimet. Problemi kryesor ishte financimi i partive politike sepse financimi i dy partive në pushtet dhe dy në opozitë nuk është praktike. BDI nuk është kundër. Nëse Qeveria propozon kod të ri zgjedhor atëherë deputetët do të punojnë në atë ligj, pra deputetët do të punojnë në të dy opsionet”, tha Afrim Gashi – Kryetar i Kuvendit.
Megjithatë, ndryshimet e kodit zgjedhor miratohet me shumicë të dyfishtë, respektivisht me shumicë prej 80 votash dhe me shumicë të votave të deputetëve jo maqedonas. Shumica parlamentare në bashkëpunim me LSDM-në tentuan të kalojnë ndryshimet e kodit zgjedhor në një seancë të jashtëzakonshme gjatë muajit gusht por e njëjta dështoi pasi Fronti Evropian atëkohë nuk i votoi. /Alsat.mk
Më 06.08.2026 në ora 13:40 në SPB Tetovë, një 59-vjeçar nga një fshat i Tetovës ka raportuar se është mashtruar nga personi S.B. nga rajoni i Shkupit. Sipas denoncimit, në prill të vitit 2026 ai me S.B. është marrë vesh që t’i shesë një automjet motorik transportues me targa të Shkupit, pronë e një personi juridik nga Shkupi, për një shumë prej 11.000 eurove me marrëveshje për pagesë me këste. Mirëpo, deri në ditën e denoncimit, shuma e rënë dakord nuk është paguar dhe as automjeti nuk është kthyer. Po merren masa për zbardhjen e rastit.
Gjykata Kushtetuese për herë të parë ka kallëzuar një gjyqtar të Gjykatës Themelore Civile Shkup në Prokurorinë Publike dhe në Këshillin Gjyqësor për shkak të moszbatimit të një vendimi të saj, transmeton TV21.
Bëhet fjalë për rastin e gazetares Natasha Stojanovska, lidhur me ngjarjet e 27 prillit 2017.
Gjykata Kushtetuese më herët kishte konstatuar shkelje të së drejtës së saj për lirinë e shprehjes publike dhe kishte urdhëruar rishqyrtimin e rastit.
Megjithatë, Gjykata Themelore Civile e kishte hedhur poshtë kërkesën për përsëritjen e procedurës, duke vlerësuar se vendimi i Gjykatës Kushtetuese nuk përbënte bazë për një gjë të tillë.
Nga Gjykata Kushtetuese thonë se me një veprim të tillë nuk janë respektuar vendimi final.
Për këtë arsye, për herë të parë është aktivizuar mekanizmi i ri për zbatimin e vendimeve, i paraparë me Aktin e Gjykatës, i cili është në fuqi që nga shtatori i vitit 2024.
Lajme nga vendi
DAP: “TURIZËM I DREJTË” – QYTETARËT QË JAPIN ME QIRA AKOMODIME DUHET TË DEKLAROJNË TË ARDHURAT
Me vizita në destinacionet turistike vendase, Drejtoria e të Ardhurave Publike (DAP) po vazhdon fushatën për një sezon turistik të drejtë, me qëllim që të nxisë pagesën e barabartë të tatimeve nga të gjithë qytetarët që realizojnë të ardhura nga dhënia me qira e kapaciteteve të akomodimit të çdo lloji. Në kulmin e sezonit turistik, nga DAP thonë se shumë pronarë privatë presin mijëra turistë dhe realizojnë të ardhura nga dhënia me qira e pronave të tyre, pa i deklaruar ato për qëllime tatimore, duke mos përmbushur detyrimet ligjore.
Përfaqësuesit e DAP informuan se janë vazhdimisht në terren për t’u ofruar qytetarëve udhëzime praktike për deklarimin e të ardhurave që personat fizikë realizojnë nga dhënia me qira e apartamenteve, banesave, shtëpive, uikend-shtwpive, dhomave dhe kapaciteteve të tjera të akomodimit, si dhe nga veprimtari të tjera sezonale të lidhura me turizmin.
Deklarimi i të ardhurave nga qiraja ose nënqiraja bëhet në mënyrë elektronike përmes sistemit e-Shërbime Tatimore. Qytetarët që janë të punësuar ose që tashmë kanë përdorur sistemin për skanimin e kuponëve fiskalë kanë profil të krijuar, ndërsa ata që nuk kanë profil duhet ta hapin një të tillë për të deklaruar të ardhurat në kohë.
FIKRET ZENUNI – Në rastet kur qiraja zgjat më pak se 31 ditë gjatë një muaji, deklarimi duhet të bëhet deri më 10 të muajit pasues. Kur pagesa realizohet përmes platformave të huaja, afati është gjithashtu deri më 10 të muajit pasues pas pagesës. Tatimi i miratuar duhet të paguhet jo më vonë se data 15 e muajit për muajin paraprak.
Tatimi mbi të ardhurat personale llogaritet mbi të ardhurat bruto, pra mbi shumën totale të paguar nga mysafiri.
Nga kjo shumë zbriten 10% shpenzime të njohura, nëse objekti jepet i pamobiluar ose 15%, nëse objekti është i mobiluar.
DAP vë theks të veçantë edhe te dhënia me qira përmes platformave digjitale si Airbnb, Booking, Facebook, Kajak dhe platforma të tjera.
Nëse qytetarët nuk i përmbushin detyrimet tatimore, Ligji për Tatimin mbi të Ardhurat Personale parashikon gjobë prej 50 deri në 250 euro, në kundërvlerë në denarë, për personat fizikë që nuk paraqesin deklarimin për të ardhurat nga qiraja ose nënqiraja./Tv Koha/
Mashtrohet tetovari, mbetet pa veturë e pa para
Gjykata Kushtetuese për herë të parë denoncon një gjyqtar
SALAH MBËRRIN NË TRABZON – TURQIA “DIGJET” NGA EMOCIONET!
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Azizi zbulon dyfytyrësinë e Ali Ahmetit: Ja vazali që e mbronte Gruevskin
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
