Sport
KARATE: 1230 GARUES MARIN PJESË NË KAMPIONATIN BALLKANIK
Nga data 7 deri më 9 nëntor qyteti kroat i Rijekës është nikoqir i edicionit të 25-të Kampionati Ballkanik i karatesë për kadet, junior dhe u21, ku do të marrin pjesë 1230 garues nga 13 vende të Ballkanit. Maqedonia përfaqësohet me 74 garues.
Reprezentacioni i Maqedonisë së Veriut në karate me 74 garues do të përfaqësohet ne edicionin e 25-të i Kampionatit Ballkanik për kadet, junior dhe U-21 për djem dhe vajza që gjatë kësaj fundjave do të mbahet në qytetin bregdetar të Rjekës në Kroaci. Në këtë edicion jubilar të Kampionat Ballkanik të karatesë për kadet, junior dhe U-21 pjesëmarrjen e tyre e kanë konfirmuar 123o karateistë nga 13 shtete të Ballkanit. Drejtori sportiv i reprezentacionit të Maqedonisë, Arlind Huseini për kampionatin në fjalë dhe pritshmëria e garuesve tanë, për televizionin Koha deklaroi.
““Ekspedita apo reprezentacioni i Maqedonisë i përbërë nga kadet, junior dhe U-21 dhe delegacioni, do të udhëtoj për në Kampionatin e 25-ë me radhë Ballkanik për kadet, junior dhe U21 e mbajtur në Rijekë të Kroacisë. Garat do të zhvillohen nga data 7 deri në datën 9, ku do të garojnë në dy disiplina, KATA dhe KUMITE, individuale dhe ekipor. Maqedonia apo karateistët që e përbëjnë Maqedoninë e Veriut janë shumë të përgatitur maksimalisht, vitin e kaluar kishim mjaftë rezultate në Sarajevë, ku jo të shpresoj, por jam i sigurt ku edhe këtë radhë do të korrin suksese të larta, pasi që kemi edhe gjenerata të reja ku premtojnë shumë rezultate edhe më kulminante tutje që do të zhvillohen garat jashtë shtetit “ deklaroi Arlind Huseini
Në ekspeditën e 74 garuesve në përbërjen e repreznacionit të vendit tonë janë edhe 29 karateistë shqiptar, në mesin e të cilëve edhe katër garues të klubit të karatesë Fati , nga të cilët pritet që me dinjitet të përfaqësojnë vendin
“Ekspeditën e Maqedonisë do ta përbëjnë edhe 25 shqiptar, ku edhe 4 nga Klubi i Karatesë Fati, po ashtu edhe Tetova do përbëhet nga garues tjerë që janë shumë kualitativ, por Klubi i Karatesë Fati konkretisht do të merr pjesë me 4 talent, me katër garues të mirë, ndër ta është edhe Isa Elmazi, që ishte para dy viteve edhe kampion ballkanik, me shpresë që do të rikonfirmoj nga gjenerata të reja tash në gjenerata më serioze tek kadetët, shpresoj që edhe Isa, edhe Aldini, edhe Andi, edhe Astriti, do të korrin suksese të larta, po ashtu edhe në fund dua të theksoj edhe njëherë që Maqedonia ka talent të jashtëzakonshëm që premtojnë këtë vit edhe rezultate më të larta “ tha Huseini
Garat do të zhvillohen të premten, të shtunën dhe të dielën në Qendrën Sportive ZAMET në qytetin e Rijekës në Kroaci
Në pritje të dy ndeshjeve të nëntorit miqësorja kundër Letonisë dhe ndeshja e fundit kualifikuese kundër Uellsit, seleksionuesi Blagoja Milevski sot publikoi listën me 28 futbollist të ftuar
Trajneri i reprezentacionit të futbollit të Maqedonisë, Blagoja Milevski, sot para mediumeve publikoi listën me 28 futbollist për dy ndeshjet e nëntorit dhe atë miqësoren kundër Letonisë në Shkup dhe ndeshjen e fundit kualifikuese për Kupën e Botës 2026 në Shtetet e Bashkuara, Kanada dhe Meksikë, kundër Uellsit në Kardif . Risi në listë e seleksionuesit është se kësaj radhe mungon Esgjan Alijoski shkaku i lëndimit, ndërsa rikthehen Dimoski, Trapanoski dhe Qamili, të cilët munguan në tetor për shkak të lëndimit. Sa i përket ndeshjes vendimtare me Uellsin seleksionuesi Milevski tha se të gjithë jemi të vetëdijshëm për seriozitetin e sfidës që na pret.
” Na pret një ndeshje miqësore me Letoninë dhe ndeshja e fundit kualifikuese kundër Uellsit, një mundësi e mirë për mini-përgatitje para sfidës së rëndësishme. Nuk pata asnjë ankesë pas ndeshjes me Kazakistanin, të gjithë luajtën në një nivel të lartë. Ndryshimet gjatë ndeshjes ishin taktike, në interes të ekipit. Do ta përdorim ndeshjen me Letoninë për t’u dhënë një shans lojtarëve me më pak kohë loje dhe për të provuar ide të caktuara, sigurisht, është e rëndësishme edhe për renditjen e FIFA-s dhe shortin e ardhshëm. Pavarësisht faktit që një numër i vogël lojtarësh kanë kohë të vazhdueshme loje në klubet e tyre, ata gjithmonë japin maksimumin me fanellën e Maqedonisë. Për mua, ata janë fenomene. Të luash në këtë nivel pa ritëm është çështje respekti. Të gjithë e kanë merituar vendin e tyre në ekipin kombëtar” deklaroi Milevski
Kujtojmë se Maqedonia e Veriut n Grupin J , në ndeshje të zhvilluara ka tre fitore dhe 4 barazime duke grumbulluar 13 pikë. Në pozitën e parë është Belgjika me 4 fitore e dy barazime dhe 14 pikë të grumbulluara, ndërsa aktualisht Uellsi me 3 fitore, 1 barazim dhe 2 humbje mbanë pozitën e tretë me 10 pikë. Në ndeshjen e shtatë të grupit J, më 15 nëntor takohen Kazakistani – Belgjika dhe Lihtenshtajni – Uellsi. Epilogu nga këto dy ndeshje mund të jetë edhe vendimtare për renditjen përfundimtar në Grupin J.
LIsta e 28 futbollistëve të ftuar për dy ndeshjet e nëntorit:
Portierë: Stole Dimitrievski, Dejan Iliev, Damjan Shishkovski , Igor Aleksovski
Mbrojtja: Visar Musliu, Nikola Serafimov , Gjoko Zajkov , Bojan Dimoski , Andrej Stojçevski, Stefan Despotovski, Darko Velkovski , Bojan Ilievski, Stefan Ashkovski.
Mesfushorë: Enis Bardi, Jani Atanasov , Elif Elmas, Isnik Alimi , Luka Stankovski , Tihomir Kostadinov, Reshat Ramadani dhe David Babubski.
Në organizim të forumit rinor të fshatit Dobrosht, komuna e Tearcës të martën dhe të mërkurën u mbajt turneu i futbollit në sall “Turneu Jusuf Azemi” ku morën pjesë 10 ekipe. Fitues doli ekipi shkollës së Shemshovës
Në organizim të forumit rinor të fshatit Dobroshtë, për dy ditë me radhë u mbajt turneu i futbollit në sallë me moton “Turneu Jusuf Azemi” ku morën pjesë ekipe me nxënës nga 10 shkolla fillore . Në ditë e pare të turneut garuan nxënsit e klasave të 6-ta dhe të 7-ta, ndërsa në ditën e dytë nxënsit e klasave të 8-ta dhe 9-ta . Kryetari forumit rinor të fshatit Dobroshtë Altin Ajruli për idenë dhe qëllimin e këtij turneu për TV Koha deklaroi
“Ideja është e natyrshme pasi që rinia e sotme e do futbollin, e do sidomos sportin. Është e pashmangshme mos të ketë organizime të tilla sportive “ deklaroi Altin Ajruli
Sa i përket shpërblimeve për ekipet fituese organizatori ka ndarë shpërblime simbolike
‘’Çdo ekip deri në vendin e tretë kanë çmime simbolike . Ka kupa, medalje, shpërblehet lojtari më i mirë dhe portieri më i mirë ’’ tha organizatori Altin Ajruli
Fitues i këtij turneu doli ekipi me nxënësit e shkollës së Shemshovës, vendi i dytë i takoi ekipit me nxënësit e shkollës fillor “Faik Konica” të Dobroshtit , ndërsa vendi I tretë ekipit me nxënësit e shkollës fillore të Sllatinës. Lojtari më mire turneut u shpall Drin Ademi, ndërsa portier Esma Hajrulli, e cila ishte vajza e vetme pjesëmarrëse në këtë turnir . Ekipet fituese u shpërblyen me Kupa dhe medalje.
Struga Trim Lum dhe Tikveshi regjistruan fitore identike 0-2 në cilësinë e mysafirit kundër Makedonija Gj.P dhe Rabotniçkit
Struga Trim Lum sot ka regjistruar fitoren e 9-të sezonale, pasi në stadiumin e Gjiorçe Petrovit në cilësinë e mysafirit sot mundi skuadrën vendase Makedonija Gj.P. me rezultatin e sigurt 0-2. Ndeshja e zhvilluara në kuadër të javës së 12-të dëshmoi se skuadra vendase është në krizë të thellë të rezultateve, ndërsa Struga Trim Lum përjeton një formë solide që dëshmojnë edhe rezultate siç ishte edhe fitorja e sotme.
Autor të golave për ekipin Struga Trim Lum ishin Florian Roçi në minutën e 32-të, gol i cili për futbollistin Roçi ishte i pari në ligën e parë. Autor i golit të dytë ishte Compaore nga penaltia në minutën e 62-të/ Ishte ky goli i 12-të në 13 ndeshjet e zhvilluara në sezonin vjeshtor. Struga Trim Lum me 9 fitore, 2 barazime dhe 1 disfatë me 29 pikë ngjitet ne pozitën e pare, ndërsa Makedonija Gj.P mbetet në pozitën e 8-të me 14 pikë
Në ndeshjen tjetër që u zhvillua sot në kuadër të xhiros së 12-të, Tikveshi në Shkup mundi Rabotniçkin 2-0
SHABAN SINANI – TV KOHA
Izet Mexhiti dhe Bilall Kasami falënderon Albin Kurtin për urimin ndaj VLEN-it: “Miqësia dhe bashkëpunimi mes dy qeverive do të vazhdojnë”
MILEVSKI PUBLIKOI LISTËN ME 28 FUTBOLLIST TË FTUAR
Zv Drejtori i Doganave Dauti: Raporti i progresit të KE për vendin, Doganat me rezultate historike – “Progres serioz dhe integrim i përshpejtuar në BE”
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
Shkup, panairi i patundshmërive të Dubait! Citi Casa rikthehet në hapësirat e COWORK21 më 31 maj dhe 1 qershor
-
Lajme nga vendi1 week agoBilall Kasami : Mega projekti që po bëhet realitet investim prej 70 milionë denarëve Tetova po transformohet
-
Lajme nga rajoni1 month agoTirana mirëpret në tetor Forumin e parë të Investimeve BE-Ballkani Perëndimor
-
Lajme nga rajoni2 months agoNë Nju York emërtohet rruga “Isa Boletini” në muajin e Pavarësisë