Lajme nga vendi
Nga oborri i shkollës deri te interneti, bullizmi nuk zgjedh vend
Në korridoret e shkollave jo gjithmonë dëgjohet zilja – nganjëherë dëgjohet heshtja e frikës. Pas buzëqeshjeve dhe shakasë nëpër klasa, shpesh fshihet bullingu ose dhuna mes bashkëmoshatarëve, që lë plagët më të thella në shpirtin e fëmijës.
Edhe pse fjala “bullying” prej kohësh është bërë pjesë e fjalorit tonë, pesha e saj e vërtetë ende nuk kuptohet mjaftueshëm seriozisht. Dhuna mes bashkëmoshatarëve nuk është një dukuri e re, por sot, në kohën e grupeve digjitale, rrjeteve sociale dhe mungesës së empatisë, pasojat e saj janë më të rënda se kurrë më parë.Ai përfshin sjellje të dhunshme që përsëriten, shkaktojnë dëm te një person tjetër dhe zakonisht kryhen nga një bashkëmoshatar ose grup bashkëmoshatarësh që nuk kanë marrëdhënie shoqërore me viktimën,” shpjegon Jana Momirovska, edukatore dhe rehabilituese speciale, si dhe këshilltare familjare sistemike.
Por dhuna mes bashkëmoshatarëve nuk përfundon në oborrin e shkollës. Sot, ajo zhvendoset aty ku fëmijët kalojnë shumicën e kohës – në internet.
Sipas të dhënave të Entit Shtetëror të Statistikave (2023), pothuajse të gjithë të rinjtë nga mosha 15 deri në 24 vjeç – plot 98,8% – përdorin internetin çdo ditë. Nëntë nga dhjetë të rinj e përdorin për rrjete sociale dhe mesazhe të menjëhershme – pikërisht aty ku ndodh numri më i madh i rasteve të cyberbullying-ut.
Raporti kombëtar më i fundit, i mbështetur nga UNFPA , tregon se dhuna mes bashkëmoshatarëve në Maqedoni ka arritur nivele alarmante – një në dhjetë fëmijë ka deklaruar se rregullisht përjeton bulling në shkollë, ndërsa një në gjashtë ka qenë viktimë e dhunës kibernetike.
Dhuna kibernetike dhe gjuha e urrejtjes ndjekin të rinjtë sa herë që lidhen në ndonjë platformë. Ngacmimet, poshtërimet, publikimi i fotografive pa leje, komentet fyese ose memet diskriminuese – janë vetëm disa forma të dhunës online që lënë plagë po aq të thella sa edhe ajo fizike.
Si ta njohim dhe ta parandalojmë bullingun
Bullingu shpesh dallohet nga ndryshimet në sjelljen e fëmijës – tërheqje nga shokët, rënie në mësime, nervozizëm ose shmangie e vendeve e aktiviteteve të caktuara.
Bullingu lë gjurmë të padukshme, por shumë të thella. Çdo buzëqeshje që fsheh frikë, çdo fëmijë që tërhiqet në vetvete, është një thirrje për veprim. Parandalimi fillon me dëgjim, mirëkuptim dhe mbështetje – në shtëpi, në shkollë dhe online. Është përgjegjësia jonë të mos jemi vetëm vëzhgues, por mbrojtës, të krijojmë një mjedis ku dhuna nuk ka vend dhe fëmijët mund të rriten me siguri e dinjitet.
Qeveria do të emërojë të besuarit e saj në komunat ku nuk u zgjodhën kryetarë komunash në zgjedhjet lokale. Kjo do të bëhet menjëherë pasi KSHZ zyrtarisht t’i mbyllë zgjedhjet dhe do të informojë Qeverinë. Kryeministri Hristijan Mickoski tha se ende nuk kanë mbajtur asnjë bisedim me partnerët e koalicionit për atë se kush do të përzgjidhet si ushtrues detyre.
“Fillimisht duhet zyrtarisht KSHZ ti përfundojë zgjedhjet dhe ta informojë qeverinë. Kjo pres të ndodhë javën e ardhshme. Më pas Qeveria ka afat prej 15 ditëve të veprojë dhe ta informoj KSHZ-në dhe Kuvendin që Kuvendi në afat prej 60 ditëve të mbajë zgjedhje të reja në ato komuna ku ishin të pa suksesshme… Kështu që unë pres gjatë javës së ardhshme kur ti marrim të ulemi me partnerët e koalicionit dhe ti propozojmë emrat se cilët do të jenë të besueshmit e qeverisë në ato komuna ku zgjedhjet ishin të pa suksesshme”, tha Hristijan Mickoski – Kryeministër.
Të pa suksesshme zgjedhjet lokale ishin në Gostivar, Vrapçisht, Qendër Zhupë dhe Mavrovë e Rostushë. Në zgjedhjet që do të përsëriten në këto komuna, nuk do të vlejë censusi dhe nuk do të kenë mundësi që përsëri të dështojnë. Ndërkohë nga KSHZ refuzuan të gjitha 16 ankesat për procesin e votimit të rrethit të dytë dhe presin nëse dorëzuesit e ankesave do të ankohen edhe në Gjykatën Administrative. Ankesa pati për komunat Karposh, Shuto Orizare dhe Bërvenicë. Në Shuto Orizare u dorëzuan 13 ankesa prej të cilave dhjetë nga koalicioni “Maqedonia jote” e VMRO-DPMNE-së dhe tre nga “Lidhja e Romëve”. Dy ankesa pati nga koalicioni “Përvoja për sukses” në Karposh dhe një ankesë pati kandidati i VLEN në Bërvenicë, Haqim Ramadani. /Alsat.mk
Pas ceremonisë së pranim-dorëzimit të mandatit nga ish-kryetari Hekuran Duka, Fisnik Mela mori sot zyrtarisht detyrën e Kryetarit të Komunës së Dibrës.
Në fjalën e tij, Mela e cilësoi këtë moment si një përgjegjësi të madhe dhe një emocion të veçantë, duke theksuar se mandati që i është dhënë nga qytetarët përfaqëson më shumë se një detyrë politike – një angazhim moral për të shërbyer me ndershmëri, transparencë dhe përkushtim.
“Dibra meriton institucione që dëgjojnë, që veprojnë dhe që sjellin zhvillim të vërtetë. Bashkë do ta ndërtojmë një komunë të mundësive, të bashkëpunimit dhe të mirëqenies për të gjithë”, deklaroi Mela.
Në fund, kryetari i ri i Dibrës uroi: “Zoti e bekoftë Dibrën dhe qytetarët e saj.”
Filantropi tetovar Lazim Destani dhuron shqiponjën për Kukësin (VIDEO)
Raundi i dytë zgjedhor, KSHZ-ja hedh poshtë të gjitha ankesat
Rekord i rrallë! 56 vite në këtë post, presidenti 92-vjeçar i Kamerunit betohet për mandatin e tetë radhazi
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
Shkup, panairi i patundshmërive të Dubait! Citi Casa rikthehet në hapësirat e COWORK21 më 31 maj dhe 1 qershor
-
Lajme nga rajoni1 month agoTirana mirëpret në tetor Forumin e parë të Investimeve BE-Ballkani Perëndimor
-
Lajme nga vendi1 week agoBilall Kasami : Mega projekti që po bëhet realitet investim prej 70 milionë denarëve Tetova po transformohet
-
Lajme nga rajoni2 months agoNë Nju York emërtohet rruga “Isa Boletini” në muajin e Pavarësisë