Sport
SHKËNDIJA –STRUGA TRIM LUM HAPIN SIPARIN E SEZONIT PRANVEROR
Pjesa pranverore e kampionatit në Ligën e Parë të futbollit vendor fillon me 10 shkurt, ndërsa ndeshjet hapëse janë Shkëndija – Struga Trim Lum dhe Shkupi – Tikveshi
Komisari për gara në kuadër të federatës së futbollit të Maqedonisë, Vasko Dojçinovski ka publikuar ndeshjet e javës së 17 që përkon me fillimin e pjesës së dytë të kampionatit në Ligën e Parë të futbollit vendor që starton me 10, 11 dhe 12 shkurt. Siparin e xhiros së 17 që luhet më 10 shkurt e martë me fillim në orën 14:00, hapet me super derbin Shkëndija – Struga Trim Lum dhe Shkupi – Tikveshi. Të mërkurën më 11 shkurt gjithashtu zhvillohen dy ndeshje Vardari – Arsimi dhe Sileksi – Bashkimi, ndërsa java e 17 kompletohet me dy ndeshjet që zhvillohen më 12 shkurt mes ekipeve AP Brera – Makedonija GJ.P dhe Pelisteri – Rabotniçki. Kujtojmë se renditjen tabelore e kryeson Vardari me 42 pikë, para Struga Trim Lum me 41 dhe Shkëndija në vendin e tretë me 36 dhe Sileksi në vendin e katërt me 31 pikë.
Menjëherë pas kësaj, më 14 shkurt nis xhiroja e 18-të me përballjen Tikveshi – Shkëndija, ndërsa ndeshjet e tjera do të luhen në ditët në vijim deri të martën. Nga Federata e Futbollit e Maqedonisë së Veriut është bërë e ditur se, pavarësisht konsultimeve për zhvillimin e ndeshjeve në dy ditë, për arsye teknike sezoni pranveror do të vazhdojë me të njëjtin sistem si në pjesën vjeshtore, duke garantuar implementimin e VAR-it në çdo ndeshje të Ligës së Parë.
Shaban Sinani – TV KOHA
Kampionati amerikan i basketbollit NBA ka vazhduar edhe sot me katër ndeshje ku fitore të rëndësishme ka regjistruar Philadelphia dhe Memphis
Dy fitore të ekipeve vendase dhe dy të atyre mysafire është epilogu i katër ndeshjeve të zhvilluara sot në kampionatin amerikan të basketbollit NBA
Skuadra e Charlotte ka shënuar fitore të rëndësishme në përballjen me ekipin Nju Orleans me rezultatin 102-95. Lojtari më efikas te skuadra vendase ishe La Melo Bal me 24 pikë. Fitore spektakolare në cilësinë e vendasit ka regjistruar Memfisë kundër Minnesotas me rezultatin 137-128 . Më efikas në këtë ndeshje ishte Jaren Jakson me 30 pikë të shënuara.
Indiana ka pësuar disfatë para tifozëve të vetë në përballjen me Hjustonin me rezultatin 114-118. Lojtari më efikas i ndeshjes ishte Alperen Sengun me 30 pikë e 16 kërcime. Në terrenin vendas ka pësuar edhe ekipi i Clipers në përballjen me Filadelfian me rezultatin 113-128. Tre basketbollist mysafir si Maxey, Embid dhe Barlov regjistruan 79 pikë së bashku .
Konferenca e Perëndimit e kryeson Oklahoma me 39 fitore e 11 disfata para ekipit San Antonia që ka 33 fitore e 16 disfata, ndërsa në pozitën e tretë është Denver me 33 fitore e 17 humbje
SHABAN SINANI – TV KOHA
1205 karateist nga 47 shtete evropiane do të marrin pjesë në edicionin e 53-të Kampionati Evropian i Karatesë për kadet junior dhe U-21 që nga data 6 deri më 8 shkurt mbahet në Limasol të Qipros. Reprezentacioni Maqedonisë do të përfaqësohet me 35 karateist
Nga data 6 deri më 8 shkurt në Limasol të Qipros mbahet edicioni i 53 me radhë Kampionati Europian i Karatesë për kadet junior dhe U-21. Në këtë kampionat Europian marrin pjesë 1205 karateist nga 47 vende evropiane në mesin e vendeve pjesëmarrëse në këtë event të madh sportiv të karatesë reprezentacioni i Maqedonisë së Veriut do të përfaqësohet me 35 garues në KATA dhe KUMITË për djem dhe vajza. Reprezentacioni ynë enkas për këtë kampionat evropian ka zhvilluar përgatitje me intensitet të lartë që përfaqësimi të jetë më dinjitozë. Këtë e pohoi edhe drejtori sportiv i reprezentacionit Arlind Huseini i cili u shprehë se të gjithë garuesit janë maksimalisht të përgatitur për përfaqësim dinjitoz
“Gjatë kësaj periudhe që kaloi reprezentacioni I Maqedonisë࡙ mbajti stërvitje përgatitore me anëtarët e reprezentacionit kadet junior, dhe u-21 në kata dhe kumitë. Të gjitha përgatitjet dy javore që u mbajtën kaluan shumë mire pa asnjë lëndim. Sipas mendimit tim shumë të përgatitur, pasi se këtë e konfirmojnë edhe seleksionuesit e kadetëve juniorëve dhe U-21. Kështu që mendoj se këta janë shumë të përgatitur për garën e radhës apo kampionatin shumë të rëndësishëm për kadet, junior dhe u-21 që do të mbahet tani në këtë periudhë kohore apo nga data 6 deri 8 shkurt në Qipro” deklaroi Arlind Huseini drejtor sportiv i reprezentacionit.
Drejtori sportive I reprezentacionit të Maqedonisë Arlind Huseini ka besim të plotë tek të përzgjedhurit duke pasur para sysh se njehë mire talentin dhe cilësinë e tyre
“ Siç e dini edhe ju nga garat e kaluara nga kampionate evropiane kemi pasur rezultate shumë të mëdha , duke filluar nga Berat Jakupi është shpallur kampion evropian në këto evenimente të rëndësishme , Doan Osmani në 2019, në Olborg. Kështu që edhe kësaj radhe reprezentacioni I Maqedonisë, ka talent të mirë, punëtor të mirë . Talent◄ që me të vërtet do të japin maksimumin dhe do të arrin në kulm apo në piedestal, për shkak se me të vërtet janë një gjeneratë e mire, shumë e përgatitur . Jam I bindur se do të kthehemi me rezultate të mira nga kampionati Europian që mbahet në Qipro” deklaroi Arlind Huseini
Përfaqësues e Maqedonisë në Kampionatin Evropianit të karatesë për kadet, junior dhe U-21 do të prezantohet me 35 garues në kategoron٥ e djemve dhe vajzave në KATA dhe KUMITE, në mesin e të cilëve janë edhe dy karateistë nga Klubi i karatesë FATI të Tetovës, Erdona Ziberi që do të garon në U-21 në kategorinë -68 kg dhe Isa Elmazi në kategorinë kadet në -70 kg
“Unë nga ky kampionat Europian pres që të kthehem me rezultat, normalisht me vend të pare sepse kam pasur gara vazhdimisht në këto muajt e fundit si në garat ballkanike, në kampionatin botërorë në Veneci në Ligën Botërore. Në kampionatin Ballkanik u ktheva me medaljen e bronztë, dhe në Veneci në ligën botërore me vend të pare. Normalisht ajo medalje më dha frymëzim dhe nga stërvitjet që I bëjmë ne vazhdimisht unë mendoj se edhe nga ky kampionat evropian bashkë me trajnerin dhe me garuesit tjerë që marinë pjesë në Europian jemi të përgatitur dhe presim që të kthehemi me medalje të artë nga ky kampionat Europian” deklaroi karateisti Isa Elmazi
Ekspedita e Maqedonisë së Veriut sonte udhëton për në Limasoll të Qipros , ndërsa garat do të mbahen të premten , të shtunën dhe të dielën, ndërsa kthimi është caktuar menjëherë pas përfundimit të garave.
Shaban SINANI – TV KOHA
Ndeshja bamirëse “Match for Hope 2026”, e zhvilluar më 30 janar në Doha, Katar, ofroi emocion, gola dhe praninë e yjeve të futbollit botëror. Në stadiumin “Ahmad bin Ali”, Team Chunkz triumfoi ndaj Team AboFlah me rezultatin e ngushtë 8–7.
Në fushë u panë emra të mëdhenj si Eden Hazard, Marcelo, Thierry Henry, Gerard Piqué, Franck Ribéry dhe Diego Costa. Team Chunkz u drejtua nga Arsène Ëenger, ndërsa Team AboFlah nga Roberto Di Matteo.
Përtej spektaklit sportiv, ndeshja kishte një mision bamirës: u mblodhën 12.4 milionë dollarë, të cilat do t’i dhurohen fondacionit “Education Above All (EAA)” për të mbështetur arsimin e fëmijëve të margjinalizuar në Palestinë, Sudan, Pakistan dhe Nigeri.
Zëvendëskryeministri i Parë Bekim Sali zhvillon takim në Bruksel me Komisioneren për Zgjerim, Marta Kos
Durmishi: Punëtorët e kohëpaskohshëm dhe sezonal fitojnë mbrojtje ligjore
Hotelierët në RMV kërkojnë shtyrjen e Ligjit kundër duhanpirjes: Së pari fushatë, pastaj zbatim
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
