Lajme nga vendi
TETOVË: SHËNOHET 8 PRILLI – DITA NDËRKOMBËTARE E ROMËVE!
Para Komunës së Tetovës u ngrit flamuri rom, me çka Komuna e Tetovës nisi solemnitetin për 8 Prillin – Ditën Botërore të Romëve.
Nga Komuna e Tetovës u zotuan se do të vazhdojnë të përkrahin këtë komunitet për një zhvillim më të mirë dhe më të qëndrueshëm.
Kreu I Komunës së Tetovës, Bilall Kasami, pranoi se gjatë elaborimit të sotëm kishte mësuar shumë për sfidat dhe angazhimet e komunitetit rom, por edhe për historinë e tyre.
Ne si Komunë do të vazhdojmë të angazhohemi përmes njësisë së veçantë që e kemi themeluar për këtë komunitet, e cila është më riorganizim e sipër, jemi në komunikim me shumë anëtarë, pjesëtarë të komunitetit rom, të cilët fatmirësisht kanë edhe shkollim universitar, me të cilët po punojmë shumë afër, për një zhvillim më të qëndrueshëm dhe më të mirë të këtij komuniteti.
Padyshim se prioritet do t`i jepet edhe gjuhës rome nëpër shkolla.
Jemi duke punuar bashkë me njësinë për komunitetin rom që të krijojmë kushte që ky komunitet së paku në formë fakultative, por pse jo edhe me mësim të rregullt të mësojë në gjuhën e vet amtare.
Në Kosovë ekziston Institucioni i Romanologjisë. Synimi I tyre është arsimimi dhe edukimi I romëve por edhe integrimi I tyre në sistemet e shtetit ku jetojnë.
Romanologu Kryeziu thotë se 55 vjet prej Kongresit të parë të Romëve nuk kemi përparuar aq, cdo “betejë” që bëhet niset nga fillimi. Kërkon më tepër mbështetje institucionale.
“Më tepër kemi angazhim në shkollim, ne nuk jemi arsimtarë për të mësuar gjuhën rome, ne përmes institucionit dëshirojmë që arsimtarëve t`u japim diploma dhe ta nxjerrim gjuhën rome si gjuhë amtare sepse një njeri që nuk e di gjuhën e vet ai nuk ka vlerë. Nuk është vetëm gjuha, neve na duhet edhe arsimi që nxënësit të shkollohen jo vetëm në gjuhën rome por edhe në gjuhët tjera.
Por, nga OJQ-të rome thonë se punët kanë ndryshuar – për të mirë, falë mbështetjes së Komunës së Tetovës.
NEZIR HUSEINI – Drejtor i Shoqatës “Sonce
“Dua t’ju sqaroj sepse punët kanë ndryshuar, nuk janë më si kanë qenë, si më parë, kur kemi pasur shumë pengesa derisa jemi inkuadruar në shoqëri. Kemi punuar në drejtim të arsimimit të fëmijëve, kemi punuar në drejtim të punësimit. Ne si Shoqatë joqeveritare ‘’Sonce’ kemi kontribuar shumë për komunitetin tonë , gjithashtu edhe për Komunën e Tetovës.E falënderoj Kryetarin e Komunës së Tetovës për bashkëpunimin që ajo vazhdon edhe më tutrje dhe besoj se do të arrijë që t’ua bëjë jetën më të mirë të komunitetin tonë“
Komuna e Tetovës u ndau mirënjohje pjesëtarëve të komunitetit rom, të cilët me aktivitetet dhe punën e tyre kanë kontribuar për avancimin dhe zhvillimin e këtij komuniteti.
Ndryshe, më 8 Prill 1971 në Londër filloi Kongresi i Parë i Romëve. 10 vite më vonë OKB-ja shpalli 8 Prillin si Ditë Ndërkombëtare të Romëve me qëllim që të nxitet afirmimi i kulturës rome por edhe të ngritet vetëdija për problemet me të cilat përballet ky komunitet. TV KOHA
Lajme nga vendi
Pas shkumës së bardhë në lumin Vardar, analizat paraprake brenda normave, priten rezultatet përfundimtare
Shkuma e bardhë u shfaq më 24 korrik, ndërsa Inspektorati Shtetëror për Mjedisin Jetësor, në koordinim me institucionet kompetente, ndërmori inspektime të jashtëzakonshme në terren dhe analiza laboratorike për të përcaktuar shkakun e rastit.
Sipas Inspektoratit, gjatë kontrolleve të kryera te subjektet industriale në zonën që janë nën kompetencë shtetërore nuk janë konstatuar parregullsi ligjore. Autoritetet bëjnë të ditur se subjektet kanë vepruar në përputhje me kushtet e përcaktuara në lejet ekologjike për menaxhimin e ujërave të ndotura.
Institucioni thekson se cilësia e ujit në këtë pjesë të Vardarit ndikohet nga faktorë të shumtë, përfshirë ujërat komunale dhe atmosferike, si dhe aktiviteti i një numri të madh subjektesh afariste në zonën përreth, prandaj të gjitha institucionet kompetente po veprojnë në mënyrë të koordinuar.
Raporti paraprak i Ndërmarrjes Publike “Ujësjellësi dhe Kanalizimi” – Shkup, i dorëzuar më 29 korrik në Ministrinë e Mjedisit Jetësor dhe Planifikimit Hapësinor, konstaton se parametrat fiziko-kimikë të analizuar nuk i tejkalojnë vlerat kufitare të lejuara.
Njëkohësisht, me kërkesë të Inspektoratit Shtetëror për Mjedisin Jetësor, mostra janë analizuar edhe nga një laborator i akredituar. Raporti përfundimtar pritet t’i dorëzohet Inspektoratit dhe Ministrisë më 4 gusht, pas së cilës institucionet kanë paralajmëruar se do ta informojnë opinionin për rezultatet përfundimtare.
Inspektorati Shtetëror për Mjedisin Jetësor bëri të ditur se do të vazhdojë me inspektime të rregullta dhe të jashtëzakonshme për të siguruar mbrojtjen e mjedisit jetësor dhe shëndetit të qytetarëve.
Ndryshe, në lumin Lepenc, i cili e furnizon Lumin Vardar, u shfaq një vëllim i madh i shkumës së bardhë në rrjedhjen e tij në Shkup. Shkuma u raportua si ndotje e madhe e lumit, lum i cili në Karposh bashkohet me Vardarin. Rasti ishte raportuar në orën 14:10./portalb.mk/
Një fëmijë dyvjeçar nga Kumanova është helmuar pasi ka konsumuar një mjet për tretjen e ngjyrës, njofton Ministria e Punëve të Brendshme.
Sipas policisë, rasti është raportuar dje rreth orës 14:00, kur Spitali i Përgjithshëm i Kumanovës ka njoftuar SPB Kumanovë se tek ta ishte sjellë për trajtim një fëmijë dyvjeçar nga Kumanova me shenja helmimi.
Pas marrjes së ndihmës së parë mjekësore, fëmija është transferuar në Kompleksin e Klinikave “Nëna Terezë” në Shkup për trajtim të mëtejshëm.
Nga SPB Kumanovë bëjnë të ditur se po ndërmerren masa për zbardhjen e plotë të rrethanave të rastit.
Ky nuk është rasti i parë i helmimit të fëmijëve në rajonin e Kumanovës. Gjatë vitit të kaluar u regjistruan disa raste të ngjashme, ku fëmijë të moshave të ndryshme u helmuan pasi konsumuan mjete për pastrim, dezinfektues ose tableta të lëna në vende të arritshme për ta.
Autoritetet shëndetësore dhe institucionet kompetente apelojnë që produktet kimike, barnat dhe substancat e rrezikshme të ruhen gjithmonë jashtë mundësisë së fëmijëve, për të parandaluar raste të tilla.
Gjatë muajit korrik, mesatarisht janë regjistruar rreth 15 zjarre në hapësira të hapura në ditë. Falë ndërhyrjeve të shpejta të zjarrfikësve dhe mbështetjes nga mjetet ajrore të Drejtorisë për Mbrojtje dhe Shpëtim (DMSH), të gjitha zjarret janë vënë me sukses nën kontroll dhe janë shuar. Reshjet e shiut gjatë periudhës së kaluar ndikuan në uljen e numrit të zjarreve dhe ngadalësuan përhapjen e tyre, njoftojnë nga DMSH-ja. Megjithatë, periudha me reshje ka përfunduar. Mjafton vetëm një shkëndijë! – thonë autoritetet.
Zjarri në Leshnicë të Tetovës është lokalizuar –thuhet në njoftimin në Facebook të Komandantit të Zjarrfikësve të Tetovës, Avni Ameti, I cili thotë se në koordinim të plotë me të gjitha institucionet përgjegjëse, në terren intervenuan dy avionë të Drejtorisë për Mbrojtje dhe Shpëtim, si dhe ekipet e zjarrfikësve të Tetovës, të cilat punuan pa ndërprerje dhe me përkushtim maksimal.
“U bëj apel të gjithë qytetarëve që gjatë ditëve në vijim të tregojnë kujdes maksimal, të mos ndezin zjarr në ambiente të hapura dhe të raportojnë menjëherë çdo tym apo vatër zjarri në numrin emergjent 112” – thotë Avni Ameti.
Por, jo vetëm kaq!
Sipas tij, pas çdo zjarri që shuhet, fshihet një histori sakrifice, guximi dhe përkushtimi.
Zjarrfikësit përballen çdo ditë me rrezikun për të mbrojtur jetën, familjet dhe pronën e qytetarëve. Nuk është thjesht një profesion – është një mision që kërkon zemër, disiplinë dhe vendosmëri.
Shumica e zjarreve shkaktohen pa qëllim. Qytetarët zakonisht nuk synojnë të shkaktojnë zjarr, por një pakujdesi e vetme mund të ketë pasoja të rënda.
Prandaj bëhet thirrje që të mos hidhen bishta cigaresh në hapësira të hapura, veçanërisht nga automjetet në lëvizje.
-Mos ndizni zjarr apo skara në pyje dhe në vende me bimësi të thatë.
-Pastroni barin e tharë dhe shkurret rreth shtëpive dhe uikend-shtëpizave -dhe krijoni një brez mbrojtës.
-Mos digjni kashtën dhe kullotat. –
-Tregoni kujdes gjatë përdorimit të veglave që krijojnë shkëndija, si gurët prerës dhe aparatet e saldimit.
-Fermerët të jenë të kujdesshëm gjatë përdorimit të pajisjeve për largimin e shpendëve, të cilat mund të shkaktojnë zjarr.
U bëhet thirrje qytetarëve që çdo sjellje të dyshimtë ta raportojnë menjëherë në stacionin më të afërt policor ose në numrin 112.
Raportoni persona që mbajnë lëndë të dyshimta të lëngshme, pishtarë, fishekzjarre të mëdha ose mjete e aktivitete të tjera që mund të shkaktojnë zjarr.
Në kushtet e temperaturave jashtëzakonisht të larta kërkohet kujdes maksimal.
Një shkëndijë mund të shkaktojë një tragjedi të madhe!” – apelojnë nga Drejtoria për Mbrojtje dhe Shpëtim./Tv Koha/
Pas shkumës së bardhë në lumin Vardar, analizat paraprake brenda normave, priten rezultatet përfundimtare
Dyvjeçar nga Kumanova helmohet me tretës ngjyre, dërgohet në Klinikën “Nëna Terezë”
KUJDES MAKSIMAL NGA ZJARRET: NJË SHKËNDIJË MUND TË SHKAKTOJË TRAGJEDI!
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Azizi zbulon dyfytyrësinë e Ali Ahmetit: Ja vazali që e mbronte Gruevskin
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
