Sport
“OSKARËT” E SPORTIT: ALVAREZ DHE SABALENKA FITUES TË ÇMIMIT LAUREUS!
Në ceremoninë prestigjioze “Laureus” që u mbajt në Madrid, tenisi konfirmoi dominimin botëror. Tenistët më të mirë në botë, Karlos Alkaraz dhe Arina Sabalenka u shpallën sportistë më të mirë në botë për vitin 2025. Ceremonia “Oskarët” e sportit në Madrid mblodhi emrat më të mëdhenj të sportit dhe u shndërruar në qendër sportive botërore.
Në një ceremoni madhështore të zhvilluar në Madrid, për të tretin vit radhazi, u ndanë Çmimet Botërore të Sportit Laureus 2025, që nderon arritjet më të mëdha sportive në nivel global të njohura ndryshe si “Oscarët” e sportit.
Në qendër të vëmendjes ishte tenisti spanjoll Carlos Alcaraz, i cili u shpall “Atleti i Vitit”, ndërsa bjellorusja Aryna Sabalenka fitoi çmimin “Sportistja e Vitit” pas një sezoni dominues, ku ruajti vendin e parë në renditjen botërore dhe triumfoi në turne madhor si US Open.
Mbrëmja u moderua për herë të parë nga dy sportistë të njohur ndërkombëtarisht, Novak Gjokoviq dhe Ajlin Gu, të dy ish-fitues të çmimeve Laureus.
Në kategoritë e tjera, spikati klubi francez Paris Sent Zhermen, që u shpall “Ekipi i Vitit”.
Piloti britanik i Formula 1 Lando Norris fitoi çmimin për progresin më të madh, ndërsa golfisti Rory Mekilroj u nderua për rikthimin e vitit.
Talenti i ri i futbollit Lamine Yamal u shpall “Atleti i Ri i Vitit”, ndërsa çmime të tjera të rëndësishme iu akorduan figurave si Toni Kroos për frymëzim sportiv dhe legjendës Nadia Komaneçi për arritje gjatë jetës.
Lista e plotë e fituesve konfirmon edhe një herë rolin e Laureus si një nga vlerësimet më prestigjioze në botën e sportit, duke bashkuar emrat më të mëdhenj dhe historitë më frymëzuese të arenës ndërkombëtare.
Në edicionin e 130 me radhë Maratona e Bostonit fitues doli atleti kenian John Korir i cili ka regjistruar rekord botëror në këtë garë me traditë 130 vjeçare.
Keniani John Korir ka fituar Maratonën e Bostonit, garën më të vjetër në botë prej 42 kilometra e 197 metra, në vitin e saj të 130-të, duke vendosur një kohë rekord prej 2 orë 1 minutë e 52 sekonda.
Në vendin e dytë u rendit atleti nga Tanzania, Feliks Alfons Simbu, kampion bote në Tokio 2025, me kohën 2 orë 2 minuta e 47 sekonda , kurse vendin e tretë e zuri keniani tjetër Benson Kipruto, gjithashtu fitues në edicionin e vitit 2021, me kohën 2 orë 2 minuta e 50 sekonda.
Maratona e Bostonit u zhvillua sipas traditës së Patriot’s Day, të hënën e tretë të prillit, e cila përkujton fillimin e Luftës Revolucionare Amerikane, duke filluar në Hopkinton dhe duke përfunduar në Sheshin Copley.
Nesër në Ohër dhe Tetovë zhvillohen ndeshjete para të gjysmëfinales së Kupës të Maqedonisë së Veriut. Në ora 12:00 në Ohër takohen Ohri – Sileksi, ndërsa në ora 14:00 në Tetovë përballen Shkëndija – Shkëndija e Haraçinës.
Stadiumi i qytetit në Tetovë nesër me fillim në ora 14:00, është nikoqire e ndeshjes së parë gjysmëfinale të Kupës së Maqedonisë së Veriut mes dy Shkëndijave, ajo e Tetovës dhe e Haraçinës.
Ekipi i Shkëndijës në pritje të ndeshjes së nesërme sot zhvilloi seancën e fundit stërvitore në kushtet jo të mira atmosferike, por u pa se atmosfera është në nivelin e duhur.
Për takimin e nesërm para mediave u prononcua mbrojtësi Aleksandër Trumçi i cili tha se ndeshja do të jetë interesante si për futbollistët poashtu edhe për publikun.
‘’Mendoj që sigurisht se është ndeshje vëllazërore, ku përballen dy Shkëndijat bashkë në një gjysmëfinale të Kupës. Dhe mendoj që do jetë një ndeshje shumë e luftuar, shumë interesante si për na ashtu edhe për publikun . Por Shkëndijën duhet ta respektojmë shumë sepse është një kundërshtarë shumë i fortë dhe ka të bëje shumë mirë në kategorinë e dytë, ka bërë paraqitje mjaftë të mira. Dhe ne duhet ta respektojmë maksimalisht pasi ka lojtarë cilësorë dhe në fushë do të japim maksimumin për ta fitua këtë ndeshje ‘’ deklaroi futbollisti Aleksandër Trumçi
Për ekipin e Shkëndijës së Haraçinës kualifikimi në gjysmëfinale të Kupës së Maqedonisë paraqet sukses historik por pavarësisht se kuqezinjtë tetovar konsiderohen favorit absolut, trajneri Berat Imeri për TV koha tha se ndeshjet e Kupës gjithmonë janë interesante për arsye se ndodhin edhe befasi.
“Unë mendoj se jemi maksimalisht të përgatitur për këtë gjysmëfinale të kupës. Ndeshjet e Kupës gjithmonë janë interesante për arsye se ndodhin edhe befasi. Ne do japim maksimumin dhe do jemi shumë të koncentruar e dimë se kundër kujt luajmë dhe mendoj se me një qasje serioze në fund t ë takim do të dalim me rezultat pozitiv” deklaroi trajneri Berat Imeri
Ndeshja tjetër gjysmëfinale zhvillohet gjithashtu zhvillohet nesër por me fillim nga ora 12:00 me ekipit të Ohrit dhe Sileksit të Kratovës.
Kujtojmë se nga katër skuadrat gjysmëfinaliste pas pavarësisë së Maqedonisë, Sileksi tre herë ka të fituar Kupën, ndërsa Shkëndija dy herë dhe atë në sezonin 2015/16 dhe 2017/18.
SHABAN SINANI – TV KOHA
Struga Trim Lum me rezultat t; thellë 4-0 mposhti Bashkimin në Kumanovë, ndërsa Rabotniçki shënoi fitore 2-0 kundër Arsimit. Me këto dy ndeshje u kompletua java e 28-të kampionatit në Ligën e Parë futbollit vendor
Me dy ndeshjet e zhvilluara dje u kompletua java e 28-të e kampionatit në ligën e parë, ku skuadrat vendase regjistruan fitore në tre takime po aq sa fituan edhe ekipet mysafire. Efikasiteti ishte në nivel meqë u shënuan afro 4 gola mesatarisht në çdo ndeshje.
Në stadiumin e Kumanovës ekipi i Bashkimit pësoi debakël duke humbur nga Struga Trim Lum 0-4. Për skuadrën e Bashkimit ishte kjo disfata e tretë në këtë kampionat nga ekipi i Strugës me golaverazh 0-15 nga tre ndeshjet.
Me tre pikët e fituara Struga Trim Lum përforcon pozitën e tretë me 59 pikë. Ndërsa Bashkimi mbetet në pozitë e gjashtë me 37.
Por ndeshja në Kumanovë pati edhe “pjesën e tretë”!
Drejtuesit e skuadrës Struga Trim Lum thanë se pas përfundimit të ndeshjes është krijuar një tollovi ku të përfshirë kanë qenë edhe drejtuesit e skuadrës vendase për çka futbollistët mysafir për rreth gjysmë kanë qenë të ngujuar brenda dhomave të zhveshjes. Më pas ata janë detyruar të dalin me përcjelljen e policisë, ndërsa është dëmtuar edhe autobusi i ekipit. Këtë incident e konfirmoi edhe drejtori sportiv i Struga Trim Lum, Besar Isaku.
Rabotniçki shënoi fitore shpresëdhënëse kundër Arsimit 2-0. Për “romantikët” janë këto tre pikë shpresë që së paku në pesë xhirot e fundit të sigurojë balotazhin për mbijetesë, ndërsa Arsimi mbetet në pozitën e shtatë.
Pas kompletimit të javës së 28-të tabelën e kryeson Vardari me 68 pikë , para Shkëndijës që ka 67. Java e 29 vazhdon të enjten me ndeshjen Arsimi – Shkupi.
SHABAN SINANI – TV KOHA
Regjistrime të paligjshme në studime postdiplomike në Fakultetin e Filozofisë! Inspektorati kërkon anulim, Ministria pret raportin
Deri në vitin 2030, rreth 20% e rrugëve shqiptare do jenë me pagesë, qeveria nuk heq dorë nga PPP
Pas bllokimit të sistemit, Dogana rikthen katalogët! “Schwacke” nuk do funksionojë deri në fund të javës
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
Shkup, panairi i patundshmërive të Dubait! Citi Casa rikthehet në hapësirat e COWORK21 më 31 maj dhe 1 qershor
-
Lajme nga bota4 weeks ago“Do jem makthi i Iranit”, Trump ‘kërcënon’ sërish: Nëse nuk ulen në negociata, bombardimet do të shtohen
-
Lajme nga rajoni4 weeks agoZbardhet dëshmia e autorit të vrasjes së Liridonës, Plava: Kisha marrëveshje me Murselin, më tha se Behgjet Pacolli ka qenë në dijeni
-
Sport4 weeks agoBARDHI: NËNVLERËSIMI VETËM SE NA MOTIVON KUNDËR DANIMARKËS!